| Կայքի մենյու |
|
 |
| Բաժնի անվանակարգերը |
|
|
| Մինի - չաթ |
|
|
|
| Վիճակագրություն |
Ընդամենը առցանց: 1 Հյուրեր: 1 Հաճախորդներ 0 |
|
|
Գլխավոր էջ » Նորությունների արխիվ
Նախագահ Սերժ Սարգսյանը հունիսի 1–ին ընդունել է Եվրոպայի խորհրդի Խորհրդարանական վեհաժողովի (ԵԽ ԽՎ) նախագահ Ժան—Կլոդ Մինյոնին։
Նշելով, որ ուրախ է Հայաստանում հյուրընկալելու ԵԽ ԽՎ նախագահին, Սերժ Սարգսյանը կարեւորել է Ժան—Կլոդ Մինյոնի այցը մեր երկիր, հատկապես, երբ այն կայանում է ԵԽ նախարարների կոմիտեում Հայաստանի նախագահության շրջանակներում տեղի ունեցող առաջին միջոցառումների՝ ԵԽ Խորհրդարանական վեհաժողովի բյուրոյի եւ մշտական կոմիտեի նիստերի կապակցությամբ։ ԵԽ անդամակցությունից 12 տարի հետո Հայաստանի կողմից կազմակերպության նախագահությունն ստանձնելը Հանրապետության նախագահը մեծ պատիվ եւ պատասխանատվություն է համարել մեր երկրի համար։ Նա նշել է, որ անցած 12 տարիներին Հայաստանը բավականին ճանապարհ է անցել եւ ակտիվ գործունեություն է իրականացրել կազմակերպության շրջանակներում։
Հանդիպմանն անդրադարձ է եղել ԵԽ անդամակցությամբ Հայաստանի ստանձնած պարտավորությունների կատարման ընթացքին, մի շարք ուղղություններով մինչ այժմ իրականացված եւ ընթացիկ բարեփոխումներին, ԵԽ նախարարների կոմիտեում Հայաստանի նախագահության շրջանի գերակայություններին, ինչպես նաեւ ԼՂ հարցի կարգավորման գործընթացին ու տարածաշրջանային իրավիճակին։
ՀՀ նախագահի մամլո գրասենյակ
|
1988թ. աղետալի երկրաշարժի հետեւանքով որբացած երեխաների համար նոր ընտանիքներ ստեղծելու նպատակով դեռ 1990թ. Կոտայքի մարզում ստեղծվեց «ՍՕՍ» մանկական գյուղը։ Ավելի քան երկու տասնամյակ այս փոքրիկ համայնքի բացառիկ սոցիալական կառուցվածքը հնարավորություն տվեց հարյուրավոր որբացած, ծնողական խնամքից զուրկ եւ անպաշտպան երեխաների ունենալու լիարժեք մանկություն, ապրելու, սովորելու եւ մեծանալու իրենց համար ստեղծված նոր ընտանիքներում։ Համայնքի սոցիալական կառուցվածքը, հեռանալով մանկատների ձեւաչափից, ավելի նման է իրական ընտանիքի կառուցվածքին։ Համայնքը բաժանված է ընտանիքների, որոնցից յուրաքանչյուրն ունի իր տունը։ Ընտանիքը բաղկացած է հինգ երեխայից եւ սոցիալական մորից, որը մշտապես նրանց կողքին է, զբաղվում է երեխաների դաստիարակությամբ, կրթությամբ եւ հոգում նրանց հոգսերը։ Ներկայումս «ՍՕՍ» մանկական գյուղը հաջողությամբ շարունակում է իր նվիրական առաքելությունը։ Համայնքի փոքրիկ բնակիչները, 15 տարին լրանալուց հետո, տեղափոխվում են ապրելու Երեւանում գտնվող «երիտասարդական տներ», որտեղ շարունակում են իրենց ուսումը մինչեւ 22 տարեկանը։ Այդ տարիքից հետո արդեն լիովին ձեւավորված քաղաքացին ինքն է տնօրինում իր ապագան, սակայն «ՍՕՍ մանկական գյուղեր» հայկական բարեգործական հիմնադրամը շարունակում է պաշտպանել նրանց հետ կապը՝ անհրաժեշտության դեպքում աջակցելով։ Երեխաների իրավունքների պաշտպանության միջազգային օրվա նախօրեին Մարդու իրավունքների պաշտպան Կարեն Անդրեասյանն այցելեց «ՍՕՍ» մանկական գյուղ։ Նա ծանոթացավ համայնքում երեխաների համար ստեղծ
...
Կարդալ շարունակությունը »
|
Հայաստանը, որպես Եվրոպայի խորհրդի նախարարների կոմիտեում նախագահ, պատմական հնարավորություն ունի մեծ ներդրում անել Լեռնային Ղարաբաղի հակամարտության խաղաղ կարգավորման հարցում, ԵԽ ԽՎ մշտական հանձնաժողովի նիստից հետո լրագրողների հետ ճեպազրույցում հայտարարեց ԵԽ ԽՎ նախագահ Ժան Կլոդ Մինյոնը։ Նա ասաց, որ որպես Եվրոպայի խորհրդի պատգամավորներ, իրենք ամեն ինչ կանեն ԵԱՀԿ Մինսկի խմբի շրջանակներում հիմնախնդրի խաղաղ կարգավորման համար։ Ինչ վերաբերում է ԵԽ ԽՎ–ում ԼՂ հիմնահարցով նախկինում զբաղվող ենթահանձնաժողովի աշխատանքների վերականգնմանը, Մինյոնը եւս մեկ անգամ ընդգծեց, որ ինքը դեմ է այդ ենթահանձնաժողովի գործունեությանը։ «Ես ֆրանսիացի եմ, եւ Ֆրանսիան ԵԱՀԿ Մինսկի խմբի անդամ է, եւ ես համարում եմ, որ այդ բանակցությունների շարժիչ ուժը ԵԱՀԿ Մինսկի խումբն է»,–հավելեց Մինյոնը։ Նա ասաց, որ մի քանի օր առաջ Ադրբեջանում հանդիպել է այդ երկրի արտգործնախարարի հետ եւ «հետաքրքիր ու դրական զրույց» ունեցել Մամեդյարովի հետ։ Իսկ արդեն այսօր առանձնազրո
...
Կարդալ շարունակությունը »
|
Երեկ ՀՀ ԱԺ նախագահ Հովիկ Աբրահամյանն ընդունեց ԵԽ ԽՎ փոխնախագահ, ԵԽ ԽՎ—ում Ֆրանսիայի պատվիրակության ղեկավար, Ֆրանսիայի ԱԺ Ֆրանսիա—Հայաստան բարեկամության խմբի ղեկավար Ռընե Ռուքեին, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
Զրուցակիցները բարձր գնահատեցին բոլոր ուղղություններով կայուն զարգացող հայ—ֆրանսիական բարեկամական հարաբերությունները։ Նշվեց, որ փոխգործակցության զարգացման համար կարեւոր գործոն են հանդիսանում քաղաքական բարձր մակարդակի երկխոսությունը, ինչպես նաեւ միջխորհրդարանական ամուր հարաբերությունները, երկու ժողովուրդների միջեւ պատմամշակութային դարավոր կապերը։ Կողմերի համոզմամբ՝ Ֆրանսիայի Սենատի եւ Հայաստանի Ազգային ժողովի միջեւ կապերը միշտ եղել են ակտիվ եւ միջխորհրդարանական հարաբերությունների զարգացման հարցում նրանք կարեւորեցին բարեկամության խմբերի դերը։ Երկուստեք կարեւոր համարվեց համագործակցությունը միջազգային խորհրդարանական կառույցներում։
Հանդիպման ընթացքում անդրադարձ կատարվեց երկկողմ հետաքրքրություն ներկայացնող այլ հարցերի եւս։
|
Նախագահ Սերժ Սարգսյանը երեկ ընդունել է տարածաշրջանային այցի շրջանակներում Հայաստան ժամանած Հարավային Կովկասի եւ Վրաստանի ճգնաժամի հարցերով Եվրամիության հատուկ ներկայացուցիչ Ֆիլիպ Լեֆորին։
Զրուցակիցները քննարկել են դինամիկ զարգացող Հայաստան—Եվրոպական միություն հարաբերություններին, տարածաշրջանային զարգացումներին, ինչպես նաեւ ԼՂ հիմնահարցի կարգավորման գործընթացին վերաբերող հարցեր։
ՀՀ նախագահի մամլո գրասենյակ |
ՀՀ կառավարության ընդունելությունների տանը երեկ տեղի ունեցավ «Հայաստան» համահայկական հիմնադրամի հոգաբարձուների խորհրդի տարեկան նիստը, որը վարում էր խորհրդի նախագահ, ՀՀ նախագահ Սերժ Սարգսյանը։ Հանրապետության նախագահը ողջունեց հիմնադրամի հոգաբարձուների խորհրդի 22—րդ նիստի մասնակիցներին եւ ընդգծեց, որ ինչպես նախորդ նիստերը, հերթական նիստը եւս կկրի խիստ աշխատանքային բնույթ, որոշումները կկայացվեն ոչ միայն հիմնադրամի գործունեության սահուն ընթացքն ապահովելու, այլեւ Հայաստանի, Արցախի, սփյուռքի առջեւ ծառացած խնդիրներին արդյունավետ արձագանքելու նպատակադրմամբ։ Մինչ օրակարգի հարցերին անցնելը, նախագահն իր ներածական խոսքում նշեց, որ Հայաստանում վերջին մեկ տարին հագեցած եւ ընտրական էր. խորհրդարանական, նախագահական, այնուհետեւ Երեւանի ավագանու ընտրությունները հրաշալի առիթ դարձան առկա բոլոր խնդիրները վեր հանելու, հանրայնորեն հրապարակային քննարկելու եւ լուծումների հնարավոր ողջ բազմազանությունը դիտարկելու համար։ Նախագահի խոսքով, դեռեւս չկա որեւէ ծանրակշիռ հարց՝ ազգային, հասարակական, սոցիալ—տնտեսական կամ այլ ոլորտի, որի վերաբերյալ առկա դիրքորոշումներն այդ ընթացքում հնչեցված ու քննության առնված չլինեին։ Հանրապետության նախագահը բնական համարեց, որ դրանք մեր հասարակության մեջ ձեւավորել են նաեւ մեծ սպասումներ, որոնք այդ հարցերի պատասխանատուները պարտավոր են արդարացնել։ «Կարծում եմ, որ առաջիկա տարիները ոչ միայն Հայաստանի իշխանությունների, այլեւ ողջ հայության համար պետք է լինեն տքնաջան եւ արդյունավետ աշխատանքի տարիներ
...
Կարդալ շարունակությունը »
|
Վարչապետ Տիգրան Սարգսյանն ընդունել է Հայաստան ժամանած Եվրոպական խորհրդարանի պահպանողականների եւ ռեֆորմիստների խմբի պատգամավորներին, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։ Կառավարության ղեկավարը ողջունել է նման փոխայցելությունները եւ նշել, որ դրանք լավ հնարավորություն են տալիս խորացնել երկկողմ համագործակցությունը եւ ավելի հստակ պատկերացում կազմել փոխգործակցության հեռանկարների վերաբերյալ։
Անդրադառնալով Հայաստանի եվրաինտեգրման գործընթացին՝ վարչապետը նշել է, որ ասոցացման համաձայնագրի, այդ թվում Խորը եւ համապարփակ ազատ առեւտրի գոտու ստեղծման պայմանագրի շուրջ բանակցություններն ընթանում են հաջողությամբ։ Այդ համատեքստում անդրադարձ է կատարվել ՀՀ—ում տարբեր ոլորտներում իրականացվող բարեփոխումների ընթացքին։
Կողմերը քննարկել են նաեւ տարածաշրջանային հարցեր, մտքեր փոխանակել հայ—թուրքական հարաբերությունների, Լեռնային Ղարաբաղի հակամարտության կարգավորման եւ այլ խնդիրների շուրջ։ |
ՀՀ պետական բյուջեի եկամուտները այս տարվա առաջին եռամսյակում կազմել են շուրջ 231.3 մլրդ դրամ, իսկ ծախսերը՝ 206.1 մլրդ դրամ, որոնք համապատասխանաբար 103 տոկոսով եւ 88.8 տոկոսով ապահովել են ՀՀ կառավարության առաջին եռամսյակի կատարման ծրագիրը։ Այս մասին ապրիլի 29—ին լրագրողների հետ ճեպազրույցում տեղեկացրեց ՀՀ ֆինանսների նախարարի տեղակալ, գլխավոր գանձապետ Ատոմ Ջանջուղազյանը՝ ներկայացնելով 2013թ. առաջին եռամսյակի ՀՀ պետական բյուջեի կատարողականը։ «Հարկ է նշել, որ ապահովվել է պետական բյուջեի ծախսային ծրագրերի շրջանակներում հունվար—մարտ ամիսներին պետական մարմինների կողմից սահմանված կարգով ստանձնած պարտավորությունների ամբողջական կատարումը»,–«Արմենպրեսի» հաղորդմամբ ասաց նա։ Պետական բյուջեի ծրագրային եւ փաստացի ցուցանիշներում ներառնվել են նաեւ ՀՀ պետական հիմնարկների համար բացված արտաբյուջետային հաշիվների համապատասխան շրջանառությունը, ինչպես նաեւ առանց սահմանափակման պետական բյուջեից կատարվող վճարումները։ Ջանջուղազյանը տեղեկացրեց, որ մասնավորապես՝ արտաբյուջետային եկամուտները կազմել են շուրջ 5.4 մլրդ դրամ կամ առաջին եռամսյակում նախատեսված մուտքերի 84.7 տոկոսը, իսկ ծախսերը՝ 2.9 մլրդ դրամ կամ եռամսյակային ծրագրի 39.3 տոկոսը։ Պետական բյուջեի տարեկան ծրագրային ցուցանիշները կատարվել են եկամուտների գծով 22.3 տոկոսով, ծախսերի գծով՝ 20.1 տոկոսով։ Խոսելով ՀՀ պետական բյուջեի եկամուտների մասին՝ Ջանջուղազյանը տեղեկացրեց, որ 2012թ առաջին եռամսյակի համեմատ պետական բյուջեի եկամուտներ
...
Կարդալ շարունակությունը »
|
Հայաստանում մամուլի ազատության վերաբերյալ ԱՄՆ պետքարտուղարության զեկույցում մեծ մասամբ կրկնվում են նախորդ տարիների ձեւակերպումները, սակայն կա երկու ոլորտ, որոնց ուղղությամբ արձանագրվել է որոշակի առաջընթաց՝ նախընտրական քարոզչության օբյեկտիվ լուսաբանումը հեռարձակվող լրատվամիջոցների կողմից եւ զրպարտության ու վիրավորանքի համար դատական հայցերի քանակի նվազումը։ Այս մասին անդրադառնալով Հայաստանում մամուլի ազատության վերաբերյալ ԱՄՆ պետքարտուղարության զեկույցում տրված գնահատականներին եւ համեմատելով դրանք նախորդ տարիների զեկույցների հետ, «Panorama.am»—ի հետ զրույցում նշեց Երեւանի մամուլի ակումբի նախագահ Բորիս Նավասարդյանը։ Նա միաժամանակ նկատեց, որ 2012թ. մասին զեկույցում մամուլի ազատության վերաբերյալ առանձնահատկությունները ճիշտ ակցենտավորված չեն, որպեսզի դրական եւ բացասական առումով 2012թ. տարբերությունները նախորդ տարիների համեմատ ավելի պարզ եւ ընկալելի լինեն։ «Եթե ես կազմեի զեկույցը, ավելի կհստակեցնեի այն մասը, որը վերաբերում է զրպարտության եւ վիրավորանքի համար դատական հայցերի խնդրին։ Թեեւ այդ հայցերը քիչ չէին, սակայն համեմատած 2011թ. հետդատական որոշումները ավելի մոտ էին իրավագիտական նորմերին եւ միջազգային մոտեցումներին։ Մյուս գնահատականները կարելի է ընդունել, որովհետեւ անվիճարկելի են այն բոլոր քննադատական խոսքերը, որ արված են»,–ասաց Բ. Նավասարդյանը։ Վերջինս զեկույցում առկա այդ ոչ հստակ շեշտադրումները պայմանավորեց զեկույցի կառուցվածքով եւ որեւէ
...
Կարդալ շարունակությունը »
|
ՀՀ Ազգային անվտանգության ծառայության սահմանապահ զորքերը ստեղծվել են արցախյան պատերազմի դժվարագույն տարիներին եւ անցել ձեւավորման ու զարգացման ոչ դյուրին ճանապարհ։ Բայց այսօր մենք հպարտությամբ արձանագրում ենք, որ սահմանապահ զորքերը կայացած ռազմական կառույց է, որը կրում է հայ զինվորականության լավագույն ավանդույթները եւ ի զորու է արդյունավետ կերպով լուծել իր առջեւ ծառացած խնդիրները։ Հայ սահմանապահը տարվա յուրաքանչյուր օր, օրվա ցանկացած ժամի լծված է հայրենիքի պաշտպանության կարեւորագույն գործին։ Եվ տարվա մեջ միայն մեկ օր մենք բոլորս հիշում ենք նրանց՝ հավաստիացնելով, որ հպարտ ենք իրենց կատարած աշխատանքով, կարեւորելով այդ աշխատանքը։ Սահմանապահի օրվա կապակցությամբ ՀՀ սահմանապահ զորքերի կենտրոնակայանում երեկ տեղի ունեցավ հանդիսավոր միջոցառում։ Ներկա էին սահմանապահ զորքերի վարչության բարձրաստիճան զինվորականներ, վետերաններ, սահմանապահներ եւ նրանց ընտանիքների անդամներ ՀՀ ազգային անվտանգության ծառայության տնօրեն, գեներալ—գնդապետ Գորիկ Հակոբյանը, ողջունելով սահմանապահներին ու շնորհավորելով նրանց մասնագիտական տոնի առթիվ, նշեց, որ սահմանապահի ծառայությունը կառուցվում է այն գիտակցության վրա, որ դա ավելին է, քան ուղղակի մասնագիտություն. «Ոչ մի ժողովուրդ, առավել եւս հակամարտության մեջ գտնվող, չի կարող իրեն անվտանգ զգալ, եթե նրա երկրի սահմանները պատշաճ կերպով պաշտպանված չեն։ Այս իմաստով սահմանապահ զորքերը առանձնահատուկ տեղ են գրավում մեր պետության անվտանգության համակարգում։ Սահմանապահներն իրենց
...
Կարդալ շարունակությունը »
|
|
|
| Մուտքի ձև |
|
|
| Որոնել |
|
|
| Օրացույց |
| « Ապրիլ 2024 » | | Երկ | Երկ | Չրկ | Հնգ | Ուր | Շբ | Կր | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 |
|
|
| Սոց ցանցեր |
|
|
| Ժամանակահատված |
|
|
|
