«ՀՀԿ 13—րդ համագումարում նախագահ Սերժ Սարգսյանի հնչեցրած ծրագրային ելույթում եւս մեկ անգամ արժեւորվեց ազգային պահպանողական աշխարհընկալումը, դրա արդիականությունը։ Եվս մեկ անգամ ներքաղաքական դաշտին ու ամբողջ աշխարհին հասկանալի դարձավ, որ ՀՀԿ—ի եւ մեր երկրի բռնած քաղաքական կուրսը՝ եվրաինտեգրումը, ինչպես նաեւ մեր գաղափարախոսությունը՝ ազգային պահպանողականությունը, համադրելի են»,–անդրադառնալով ՀՀԿ 13—րդ համագումարում ՀՀԿ նախագահ Սերժ Սարգսյանի հնչեցրած ելույթին, «Panorama.am»—ի հետ զրույցում ասել է ՀՀԿ խորհրդի անդամ Էդգար Հովհաննիսյանը։
Նա հավելել է, որ դրանով շատ ու շատ գործիչների եւ վերլուծաբանների հույսերը, ովքեր փորձում են այս աշխարհընկալումների մեջ հակադրություններ գտնել, հօդս ցնդեցին, ինչը հատկապես պայմանավորված է այն հանգամանքով, որ վերջերս ՀՀԿ—ն անդամակցեց Եվրոպայի ամենամեծ կուսակցությանը՝ ԵԺԿ—ին (Եվրոպայի ժողովրդական կուսակցություն)։
«ԵԺԿ—ն եւս դավանում է այդ գաղափարական արժեհամակարգին, որի հիմքում, իհարկե, ընկած են ընտանիքը, ազգային արժեհամակարգը, լեզուն պահպանելու հիմնադրույթները։ Փորձել հակասություն գտնել եվրոպական արժեհամակարգի, դեմոկրատական արժեհամակարգի եւ այն արժեհամակարգի մեջ, ինչին դավանում է ՀՀԿ—ն՝ իր ստեղծման օրից մինչեւ հիմա, շինծու եւ կեղծ փորձ է, որն ուղղված է խեղաթյուրելու մեր գաղափարախոսությունը եւ խոչընդոտելու փորձ՝ ՀՀ ինտեգրման գործընթացին»,–ասել է Է. Հովհաննիսյանը։

Հայաստանի Հանրապետության նախագահ, Հայաստանի հանրապետական կուսակցության նախագահ Սերժ Սարգսյանն այսօր Կարեն Դեմիրճյանի անվան մարզահամերգային համալիրում մասնակցել է ՀՀԿ 13-րդ համագումարին: Համագումարում Սերժ Սարգսյանը հանդես է եկել հաշվետու զեկույցով:

Սիրելի՛ հանրապետականներ,
Հարգարժա՛ն հյուրեր,
Տիկնա՛յք և պարոնա՛յք,
Հայաստանի հանրապետական կուսակցության համագումարը վաղուց արդեն դարձել է մեր երկրի կարևորագույն հասարակական-քաղաքական իրադարձություններից մեկը` ներկայանալով որպես մեր կայացող պետականության և ամրացող նոր ավանդույթների յուրօրինակ մարմնացում: Եվ դա օրինաչափ է:
Հանրապետական կուսակցությունը երկրի իշխող քաղաքական ուժն է անկախ Հայաստանի գոյության գերակշիռ հատվածում և իր գործընկերների հետ կարողացել է միշտ դեպի առաջ պահել երկրի ընթացքը` անկախ բոլոր ներքին ու արտաքին ցնցումներից, անկախ առաջընթացի ուղին փակող խութերից կամ կործանարար հոսանքներից: Շատ բան է փոխվել այս ընթացքում. նախագահներ են փոխվել, հասարակական-տնտեսական ողջ միջավայրն է փոխվել, արտաքին ու ներքին մարտահրավերներն են փոխվել, խնդիրներն ու դերակատարներն են փոխվել: Իսկ Հանրապետականը շարունակում է իր լուռ, առանց շեփորահարումների դերակատարությունը` հեռու պահելով մեր ընթացքը դեպի անդունդ տանող ճանապարհներից և մոմե թևերով արևին հասնելու գայթակղությունից:
Հանրապետականն ամենուր է` հանրային կյանքի բոլոր ոլորտներում և երկրի բոլոր անկյուններում: Ու որպես այդպիսին նա իր սեփական կշռով է ունակ կասեցնելու բոլոր վտանգավոր ճոճքերը, հարթելու տատանումները և իր կշռի շնորհիվ էլ կայուն արագություն ու խոչընդոտների հաղթահարում ապահովելու երկրի ընթացքի համար: Այս տարիներին կուտակած հս ... Կարդալ շարունակությունը »