ՄԵԾԱՄՈՐ METSAMOR CITY Ուրբաթ, 29.03.2024, 17:02
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [614]
Կրթություն և գիտություն [38]
Մարզային [14]
Պաշտոնական [464]
Մշակույթ [15]
Հասարակություն [846]
Սպորտ [1]
Տեսակետ [49]
Տարածաշրջան [86]
Զանազան [192]
Քաղաքականություն [647]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2017 » Հունիս » 12

«Խելացի լուծումներ՝ խելացի բիզնեսի համար» խորագրով երեկ Երեւանում մեկնարկեց 10—րդ հոբելյանական «ԴիջիԹեք» գործարար համաժողովը։ «Արմենպրեսի» հաղորդմամբ՝ միջոցառումը ենթադրում է երկօրյա շփումներ B2B ֆորմատով՝ ՏՀՏ եւ տնտեսության մյուս ոլորտների ընկերությունների միջեւ։
Համաժողովի մեկնարկին ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանն ընթերցեց վարչապետ Կարեն Կարապետյանի ողջույնի խոսքը։
«Չափազանց մեծ է «ԴիջիԹեք» գործարար համաժողովի դերը, որը 2008—ից ի վեր հիանալի հարթակ է ՏՏ ընկերությունների համար՝ մասնակցելու Հայաստանի տնտեսության զարգացմանը։ Այս տարի եւս ակնկալվում է այստեղ գտնել «Խելացի լուծումներ՝ խելացի բիզնեսի համար»,–ասված էր ողջույնի խոսքում։ Վարչապետը կարեւորել է նաեւ ՏՏ համաշխարհային համաժողովի անցկացումը Հայաստանում։ «Սա մեծ հաջողություն է Հայաստանի համար՝ երկրի տեխնոլոգիական ապրանքանիշի առաջխաղացման եւ աշխարհի տեխնոլոգիական քարտեզի վրա դիրքավորվելու առումով»,–նշել է վարչապետը։ 
Նախարար Վահան Մարտիրոսյանն էլ հույս հայտնեց, որ արդյունավետ քննարկումներ կանցկացվեն օրակարգային բոլոր թեմաների շուրջ։ Համաժողովին մասնակցում էր նաեւ օրերս Հայաստան ժամանած Տեղեկատվական տեխնոլոգիաների եւ ծառայությունների համաշխարհային ալյանսի նախագահ Իվոն Չիուն։ Երեւանում ՏՏ համաշխարհային համաժողով 2019—ի (WCIT) քննարկումը միջոցառման հիմնական ուղղությունն էր։ Հայտարարվեց «wcit2019.org» կայքի գործարկումը, ցուցադրվեց «WCIT 2019»—ի հոլովակը։ Մասնակիցներին ներկայացվեց նաեւ համաժողովում Հայաստանի բրենդի հայեցակարգը, որի հիմնական ուղերձը մեկն է՝ աշխարհում չկան կենտրոններ ու ծայրամասեր, կ ... Կարդալ շարունակությունը »

Կատեգորիա Категория: Կրթություն և գիտություն | Դիտումներ Просмотров: 382 | Ավելացրեց Добавил: Martos | Օր: Дата: 12.06.2017 | Մեկնաբանություններ Комментарии (0)

Նախագահ Սերժ Սարգսյանը երեկ ընդունել է Արժույթի միջազգային հիմնադրամի եւ Համաշխարհային բանկի՝ Բելգիայի եւ Նիդերլանդների կողմից գլխավորած ենթախմբի երկրների տարեկան հանդիպման մասնակիցների պատվիրակությանը։
Ողջունելով հյուրերին՝ նախագահը նշել է, որ այսպիսի տարեկան հանդիպումները լավ հնարավորություն են ոլորտի պատասխանատուների եւ գործընկերների հետ մտքեր փոխանակելու ենթախմբի երկրների հետ փոխգործակցության ընթացքի եւ զարգացման հեռանկարի, ինչպես նաեւ համաշխարհային տնտեսության առջեւ ծառացած խնդիրների ու մարտահրավերների, դրանց հաղթահարման հնարավոր ուղիների շուրջ։ Սերժ Սարգսյանը բարձր է գնահատել Արժույթի միջազգային հիմնադրամի եւ Համաշխարհային բանկի հետ Հայաստանի համագործակցությունը եւ կարեւորել միջազգային ֆինանսական այդ կազմակերպություններին Հայաստանի անդամակցությունից ի վեր անցած 25 տարիների ընթացքում համատեղ իրականացված ծրագրերը, որոնց շնորհիվ Հայաստանը կարողացել է երկրում ապահովել մակրոտնտեսական եւ ֆինանսական կայունություն՝ վարելով համակարգված հարկաբյուջետային ու դրամավարկային քաղաքականություն, ինչպես նաեւ իրագործել բարեփոխումներ ամենատարբեր ոլորտներում եւ դրա հաշվին բարձրացնել Հայաստանի տնտեսության արդյունավետությունը։
Ընդգծելով, որ Հայաստանը նախաձեռնել է երկարաժամկետ զարգացմանը միտված լրջագույն բարեփոխումներ՝ նախագահ Սարգսյանը վստահություն է հայտնել, որ այդ բարեփոխումների շրջանակներում կշարունակվի սերտ եւ արդյունավետ համագործակցությունը ՀԲ—ի եւ ԱՄՀ—ի հետ։
Հանդիպման մասնակիցները եւս գոհունակությամբ են խոսել գործընկեր Հայաստանի հետ ավելի քան երկու տասնամյակ իրականացվող փոխգործակցության մասին՝ նշելով, որ պատրաստակամ են շարունակել համատեղ աշխատանքը՝ նոր ձեռքբերումներ արձանագրելու ակնկալիքով։

ՀՀ նախագահի մամլո գրասենյակ ... Կարդալ շարունակությունը »

Դիտումներ Просмотров: 305 | Ավելացրեց Добавил: Martos | Օր: Дата: 12.06.2017 | Մեկնաբանություններ Комментарии (0)

Մուտքի ձև

Որոնել

Օրացույց
«  Հունիս 2017  »
ԵրկԵրկՉրկՀնգՈւրՇբԿր
   1234
567891011
12131415161718
19202122232425
2627282930

Սոց ցանցեր

Ժամանակահատված

Copyright Metsamorcity.do.am © 2024