Հայաստանի հանրապետական կուսակցության կենտրոնական գրասենյակում երեկ տեղի են ունեցել կուսակցության գործադիր մարմնի եւ խորհրդի նիստերը։ Նիստերը նախագահում էր ՀՀ նախագահ, ՀՀԿ առաջնորդ Սերժ Սարգսյանը, ով նաեւ ելույթ է ունեցել խորհրդի նիստում։
Նիստերի ավարտից հետո ԱԺ փոխնախագահ, ՀՀԿ խոսնակ Էդուարդ Շարմազանովը լրագրողներին տեղեկացրել է, որ խորհրդի նիստի ընթացքում ձեւավորվել է կուսակցության նոր խորհուրդը, որին անդամակցել են 35 նոր անդամներ։ Կուսակցության նախագահի առաջին տեղակալ է ընտրվել վարչապետ Կարեն Կարապետյանը, նախագահի տեղակալներ են ընտրվել Գալուստ Սահակյանը, Մուշեղ Լալայանը եւ Արմեն Աշոտյանը։
Կուսակցության վերջին համագումարից հետո որոշում էր կայացվել ձեւավորել ավագների խորհուրդ։ Խորհրդի նիստի ընթացքում ավագների խորհրդի նախագահ է ընտրվել ՀՀ Ազգային ժողովի նախագահ Գալուստ Սահակյանը։ Կուսակցության գաղափարական հանձնաժողովի նախագահ է ընտրվել Մուշեղ Լալայանը, կազմակերպչական հանձնաժողովի նախագահ՝ Ռուբեն Թադեւոսյանը, կանանց խորհրդի նախագահ՝ Հերմինե Նաղդալյանը, երիտասարդական կազմակերպության նախագահ՝ Կարեն Ավագյանը։
|