ՄԵԾԱՄՈՐ METSAMOR CITY Շաբաթ, 15.12.2018, 12:10
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [563]
Կրթություն և գիտություն [37]
Մարզային [14]
Պաշտոնական [444]
Մշակույթ [14]
Հասարակություն [752]
Սպորտ [1]
Տեսակետ [46]
Տարածաշրջան [71]
Զանազան [161]
Քաղաքականություն [595]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2018 » Մարտ » 28 » «Կեմերովո, մենք քեզ հետ ենք» / Այսօր Ռուսաստանում սգո օր է հայտարարված/
11:00
«Կեմերովո, մենք քեզ հետ ենք» / Այսօր Ռուսաստանում սգո օր է հայտարարված/

ՌԴ Կեմերովո քաղաքում նախօրեին տեղի ունեցած ողբերգությունը անտարբեր չի թողել նաեւ հայաստանցիներին։ Ի հիշատակ զոհվածների Հայաստանում ՌԴ դեսպանատան շենքի դիմաց բազմաթիվ քաղաքացիներ ծաղիկներ ու խաղալիքներ են թողել, մոմեր վառել։ «Կեմերովո, մենք քեզ հետ ենք». այս գրությունն էր երեւում ծաղիկների շարքերի միջից։
«Զիմնյայա վիշնյա» առեւտրի կենտրոնի մոտ եւս երեկ մարդկանց հոսքը չէր դադարում. շատերը թողել են ծաղիկներ ու խաղալիքներ։
ՌԴ նախագահ Վլադիմիր Պուտինը Կեմերովոյում հրդեհի հետեւանքով մարդկանց զոհվելու կապակցությամբ մարտի 28—ը ՌԴ—ում համազգային սգո օր հայտարարելու հրամանագիր է ստորագրել։ Այդ մասին հայտնել է Կրեմլի մամուլի ծառայությունը։
Երկրի ամբողջ տարածքում կխոնարհվեն ՌԴ—ի պետական դրոշները, մշակույթի հիմնարկներին եւ հեռուստառադիոընկերություններին առաջարկված է չեղարկել ժամանցային միջոցառումներն ու հաղորդումները։
Երեկ Վլադիմիր Պուտինը այցելել է Կեմերովո։ Այնտեղ նա չպլանավորված հանդիպում է անցկացրել քաղաքացիների նախաձեռնող խմբի հետ, տեղի ունեցածը «հանցավոր անփութություն» անվանել եւ խոստացել, որ հրդեհի բոլոր մեղավորները պատիժ կկրեն։
Հավաքված քաղաքացիներին, որոնց թվում էին նաեւ հրդեհից զոհվածների եւ տուժածների հարազատներ, նախագահը վստահեցրել է, որ ողբերգության հետաքննությունը կկատարվի հանգամանորեն՝ չնայելով պաշտոններին եւ կոչումներին։ «Այժմ այստեղ աշխատում է հարյուր մարդուց բաղկացած քննչական խումբը։ Դրա աշխատանքը գլխավորում է քննչական կոմիտեի ղեկավարը։ Նույնիսկ մի կասկածեք՝ բոլոր մեղավորները կպատժվեն»,–ասել է Պուտինը։ Նա հորդորել է վստահել պաշտոնական տվյալներին, նկատի ունենալով այն, որ Կեմերովոյի բնակիչները քաղաքային վարչակազմի շենքի մոտ բողոքի ցույցի ժամանակ պնդել են, որ զոհերի եւ տուժածների մասին հրապարակված պաշտոնական թիվը չի համապատասխանում իրականությանը։
Ըստ ռուսական լրատվամիջոցների՝ վերջին տվյալներով զոհերի թիվը 64—ն է։ Հոսպիտալացվել է 14 մարդ, այդ թվում եւ 3 երեխա, 53—ը բուժումը ստանում են ամբուլատոր պայմաններում։
ՌԴ նախագահը Կեմերովոյի շտապ բժշկական օգնության մարզային հիվանդանոցում այցելել է տուժածներին, շուտափույթ ապաքինում մաղթել նրանց։
ՌԴ քննչական կոմիտեի նախագահ Ալեքսանդր Բաստիրկինը հայտնել է, որ առեւտրի կենտրոնում հակահրդեհային ազդանշանը չի աշխատել դեռ մարտի 19—ից, ոչ ոք չի զբաղվել այն կարգի բերելով։ Բացի այդ, կենտրոնի անվտանգության աշխատակիցը հրդեհը սկսվելուց հետո չի միացրել ազդանշանային համակարգը, որը, ի տարբերություն հակահրդեհային ազդանշանի, սարքին է եղել։ «Մենք չենք կարող որեւէ խելամիտ բացատրություն տալ դրան, ինչ—որ անպատրաստ մարդ է եղել»,–հայտնել է նա։
Նա Պուտինին հայտնել է, որ մինչ այժմ հրդեհի բռնկման ամենահավանական տարբերակը էլեկտրականության կարճ միացումն է եղել։ Հրդեհի հետաքննության շրջանակում հարուցված քրգործով ձերբակալվել է հինգ մարդ։ hhpress.am

Հ. Ա.

Կատեգորիա: Զանազան | Դիտումներ: 23 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
avatar
Մուտքի ձև

Որոնել

Զամբյուղ
Ձեր զամբյուղը դատարկ է

Օրացույց
«  Մարտ 2018  »
ԵրկԵրկՉրկՀնգՈւրՇբԿր
   1234
567891011
12131415161718
19202122232425
262728293031

Սոց ցանցեր

Ժամանակահատված

Copyright Metsamorcity.do.am © 2018