ՄԵԾԱՄՈՐ METSAMOR CITY Ուրբաթ, 17.08.2018, 08:18
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [535]
Կրթություն և գիտություն [33]
Մարզային [14]
Պաշտոնական [417]
Մշակույթ [14]
Հասարակություն [725]
Սպորտ [1]
Տեսակետ [44]
Տարածաշրջան [69]
Զանազան [154]
Քաղաքականություն [573]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2018 » Հուլիս » 27 » Մեր պայքարը չի կարող լինել ընդդեմ բիզնեսի /Վարչապետը Սանկտ Պետերբուրգում հանդիպել է հայազգի գործարարների հետ/
11:24
Մեր պայքարը չի կարող լինել ընդդեմ բիզնեսի /Վարչապետը Սանկտ Պետերբուրգում հանդիպել է հայազգի գործարարների հետ/

Վարչապետ Նիկոլ Փաշինյանն աշխատանքային այցով ժամանել է Ռուսաստանի Դաշնություն՝ Սանկտ Պետերբուրգ։ Կառավարության ղեկավարը հանդիպել է ՌԴ հյուսիս—արեւմտյան տարածաշրջանի հայազգի մի քանի տասնյակ գործարարների հետ։ 
«Ուզում եմ բոլոր գործարարներին հրավիրել Հայաստան՝ ծավալելու տնտեսական գործունեություն, ինչի համար նախկինում եղած բոլոր խոչընդոտները վերացված են եւ գոյություն չունեն։ Կարեւոր է մեկ այլ արձանագրում. այդ խոչընդոտների մեջ ամենակարեւորը թերեւս եղել է եւ տեղ—տեղ շարունակում է մնալ կոռուպցիան, չնայած ընդհանուր առմամբ, ասում են, որ ՀՀ—ում այլեւս կոռուպցիա չկա, դրանք մնացորդային երեւույթներ են։ Վստահեցնում եմ՝ այսօր ակտիվ պայքար է գնում կոռուպցիայի դեմ, որը շարունակվելու է»,–ասել է Նիկոլ Փաշինյանը՝ հավելելով, որ կոռուպցիայի դեմ պայքարն առնչություն է ունենում որոշ ընկերությունների հետ, եւ կառավարության համար կարեւոր է, որ այդ պայքարը չընկալվի եւ չմեկնաբանվի որպես արշավ ընդդեմ բիզնեսի։ 
«Մեզ համար կարեւոր է, որ հստակ գծենք այդ գիծը, որ մեր պայքարը չի կարող լինել ընդդեմ բիզնեսի։ Մենք երաշխավորում ենք ներդրումների անվտանգությունը, դա ասելով՝ հասկանում ենք ոչ միայն այն, որ պետական որեւէ մարմին չի կարող ներդրումը փոշիացնել, այլեւ նկատի ունենք, որ որեւէ մեկը չի կարող փայ մտնել, այդպիսի երեւույթները բացառում ենք»,–ասել է վարչապետը։ Նիկոլ Փաշինյանն ընդգծել է, որ ներդրումների հարցում կառավարությունն ընդամենն ունի մեկ պայման. ակնկալվում է, որ բիզնես գործունեությունը լինի օրինական։ Վարչապետի խոսքով՝ պետությունը շահագրգիռ է նոր աշխատատեղերի ստեղծմամբ եւ պետական եկամուտների աճով։
 «Վարչապետ ընտրվելուց հետո մեկ շաբաթ անց գործարարների հետ հանդիպումներում պաշտոնապես հայտարարել եմ, որ տվյալ պահից ցանկացած բիզնես ազատվում է կոռուպցիոն որեւէ պարտավորությունից։ Նաեւ այս առումով բացառում եմ, որ որեւէ ընկերության նկատմամբ տեղային մակարդակով որեւէ ձեւով կփորձեն միջամտություն ցույց տալ»,–ընդգծել է Նիկոլ Փաշինյանը։ 
Անդրադառնալով նոր սփյուռքի դերին՝ ՀՀ կառավարության ղեկավարը նկատել է, որ վերջինս 80—ականների վերջերից սկսած մեծ գումարներ է ուղարկում Հայաստան՝ օգնության, բարեգործության տրամաբանության մեջ, ինչը գնահատելի է եւ կենսական նշանակություն է ունեցել ՀՀ—ի համար։ Վարչապետը Հայաստանի ժողովրդի եւ պետության անունից շնորհակալություն է հայտնել դրա համար եւ հավելել՝ պետք է այնպես անել, որ այդ գումարները ներդրվեն տնտեսական գործունեության մեջ։ «Մենք ցանկանում ենք ստեղծել հնարավորություն, որպեսզի գաք եւ Հայաստանում ունենաք բիզնես, շահույթ ստանաք եւ շահույթ բերեք ժողովրդին ու պետությանը։ Մենք ուզում ենք, որ դուք Հայաստանում փող աշխատեք, մեր նպատակն այն է, որ Հայաստանում փող աշխատելու հնարավորությունը լինի հնարավորինս լայն հասանելիության տիրույթում, ոչ թե նեղ շրջանակի համար։ Գործարար դաշտը պետք է հասանելի լինի շատերին, եւ մենք այսօր կարողանում ենք դա ապահովել։ Լսում ենք կարծիքներ, թե բիզնեսն ընդմիջում է վերցրել եւ սպասում է առաջիկա ընտրություններին։ Ցանկանում եմ ընդգծել, որ Հայաստանում տեղի ունեցած փոփոխություններն անշրջելի են, Հայաստանում այլեւս գործունեություն կարող է ծավալել այն իշխանությունը, որը հենվում է հեղափոխության արժեքների տրամաբանության վրա, Հայաստանում հակահեղափոխություն չի լինելու, եւ ես ինձ համարում եմ դրա երաշխավորը։ Ժամանակը թանկ է, եւ կոչ եմ անում այդ ժամանակը չկորցնել»,–ասել է Նիկոլ Փաշինյանը՝ չբացառելով, որ օրենքներում կան խնդիրներ։ 
Նա տեղեկացրել է, որ կառավարությունն այսօր աշխատում է հարկային օրենսգրքի բարեփոխման ուղղությամբ, աշխատում են դաշտն ազնիվ, արդար դարձնել, կարգավորել նաեւ օրենսդրությունը։
Անդրադառնալով տնտեսության ոլորտում կառավարության առաջնահերթություններին՝ վարչապետն ընդգծել է, որ դրանցից մեկը բարձր տեխնոլոգիաների ոլորտի զարգացումն է։ «Մեր ընդհանուր առաջնահերթությունը Հայաստանը բարձր տեխնոլոգիաների երկիր դարձնելն է, մեր նպատակն է խթանել բարձր տեխնոլոգիաների վրա հիմնված արտադրությունների հիմնումը։ Այսօր մեծ հետաքրքրություն կա, օրինակ՝ արեւային էներգիայի պանելների արտադրության ոլորտում։ Մենք ամեն ինչ կանենք, որ այդ գործարանները կառուցվեն։ Երկրորդ առաջնահերթությունը, որն ուսումնասիրման փուլում է, ադամանդագործությունն է, ադամանդի մշակումը, որը մի ժամանակ լրջորեն զարգացած էր Հայաստանում։ Հիմա ուսումնասիրում ենք, թե ինչպիսի հնարավորություններ կան։ Հաջորդ առաջնահերթությունը գյուղատնտեսությունն է։ Մեզ հարկավոր է այս ոլորտի նոր ընկալում. ջերմոցային տնտեսությունների, ինտենսիվ այգիների հիմնումը, հակակարկտային ցանցերի արտադրությունն ունեն մեծ կարեւորություն։ Արտահանմանը միտված ոլորտների զարգացումը մեծ նշանակություն ունի։ Հաջորդ ուղղությունը զբոսաշրջությունն է ու դրան հարակից ճյուղերի զարգացումը։ Այս պարագայում, առանձնահատուկ ուշադրության կենտրոնում պետք է պահենք Հայաստանի բնապահպանության ոլորտը. էկոլոգիապես մաքուր միջավայրի եւ սննդի ապահովումը շատ կարեւոր է տուրիստական կենտրոն դառնալու համատեքստում»,–ասել է վարչապետը։
Դիմելով գործարարներին՝ Նիկոլ Փաշինյանը հավելել է, որ ՀՀ կառավարությունը որեւէ մեկին չի առաջարկում իր կապիտալը տեղափոխել Հայաստան։ «Փորձեք ձեզ համար անվտանգ համարվող որեւէ շեմից։ Եկեք փորձենք գումարները ներդնել այնպես, որ դրանք ոչ թե սպառողական տրամաբանությամբ ծախսվեն, այլ այնպես, որ ստեղծեն ավելացված արժեք։ Մենք բարեգործության տրամաբանությունը պետք է փոխենք։ Բարեգործության փառաբանումը պետք է փոխարինել աշխատանքի փառաբանմամբ»,–ասել է վարչապետը։
Նիկոլ Փաշինյանը համոզմունք է հայտնել, որ Հայաստանի կառավարությունը ձախողվելու ոչ մի պատճառ չունի. «Չի լինելու ձախողում, լինելու է հաջողություն հաջողության հետեւից։ Հայաստանն այսօր արտաքին քաղաքականության մեջ ունի ամուր դիրքեր, ներքին քաղաքականության մեջ իշխանությունն ունի ժողովրդի կատարյալ վստահությունը, ինչն անպայման իրացնելու ենք։ Ես երաշխավորում եմ, որ Հայաստանի վարչապետը կոռուպցիոն որեւէ գործարքի մեջ չկա եւ չի լինելու, մենք ապահովելու ենք խաղի հավասար պայմաններ բոլորի համար, ձեր ընտրությունն է օգտվել դրանից»։
Վարչապետն անդրադարձել է նաեւ էներգետիկ ոլորտում առկա խնդիրներին, որոնք վերաբերել են վարկային ծրագրերի արդյունավետությանը, առկա սակագներին, ինչպես նաեւ գազալցակայանների գործունեությանը։
Հանդիպման ընթացքում վարչապետը պատասխանել է գործարարների մի շարք հարցերի, որոնք վերաբերել են էներգետիկայի, գյուղատնտեսության, ենթակառուցվածքների եւ այլ ոլորտների զարգացմանը, ստեղծվող պայմաններին, ներդրումային հիմնադրամի ստեղծման հնարավորությանը եւ այլն։ Մի խումբ գործարարներ ընդգծել են, որ պատրաստվում են Հայաստանում իրականցնել ներդրումային տարբեր ծրագրեր եւ հավելել, որ հայրենիքում տեղի ունեցած փոփոխությունները մեծ հույսեր են առաջացրել սփյուռքի շրջանում։ Նրանք Նիկոլ Փաշինյանի գլխավորած կառավարությանը մաղթել են նորանոր հաջողություններ՝ ի նպաստ ժողովրդի բարեկեցության ապահովման։

Կատեգորիա: Հանրապետություն | Դիտումներ: 2 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
avatar
Մուտքի ձև

Որոնել

Զամբյուղ
Ձեր զամբյուղը դատարկ է

Օրացույց
«  Հուլիս 2018  »
ԵրկԵրկՉրկՀնգՈւրՇբԿր
      1
2345678
9101112131415
16171819202122
23242526272829
3031

Սոց ցանցեր

Ժամանակահատված

Copyright Metsamorcity.do.am © 2018