ՄԵԾԱՄՈՐ METSAMOR CITY Երեքշաբթի, 16.10.2018, 21:39
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [546]
Կրթություն և գիտություն [36]
Մարզային [14]
Պաշտոնական [430]
Մշակույթ [14]
Հասարակություն [729]
Սպորտ [1]
Տեսակետ [45]
Տարածաշրջան [71]
Զանազան [155]
Քաղաքականություն [584]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » Պաշտոնական
« 1 2 3 4 5 ... 35 36 »

Նախագահ Արմեն Սարգսյանը «Եվրոպայի օրվա» կապակցությամբ երեկ այցելել է Հայաստանի Հանրապետությունում Եվրոպական միության պատվիրակություն։
Հանրապետության նախագահը շնորհավորել է Հայաստանում Եվրամիության պատվիրակության ղեկավար, դեսպան Պյոտր Սվիտալսկիին ու պատվիրակության ողջ անձնակազմին եւ ի դեմս նրանց՝ ԵՄ մեծ ընտանիքին «Եվրոպայի օրվա» կապակցությամբ՝ մաղթելով խաղաղություն եւ բարեկեցություն։
Դեսպան Սվիտալսկին շնորհակալություն է հայտնել նախագահ Արմեն Սարգսյանին այցելության եւ շնորհավորական ջերմ խոսքերի համար՝ ընդգծելով, որ այսօրվանից Հայաստանի տարբեր վայրերում կմեկնարկեն «Եվրոպայի օրվա» տոնակատարությունները։
Զրուցակիցները մտքեր են փոխանակել ՀՀ—ԵՄ հարաբերությունների օրակարգային հարցերի եւ ԵՄ աջակցությամբ Հայաստանում իրականացվող ծրագրերի վերաբերյալ։

ՀՀ նախագահի մամլո գրասենյակ

Կատեգորիա Категория: Պաշտոնական | Դիտումներ Просмотров: 17 | Ավելացրեց Добавил: Martos | Օր: Дата: 12.05.2018 | Մեկնաբանություններ Комментарии (0)

Ընդառաջելով իրեն ուղղված առաջարկին՝ երեկ ողջ օրվա ընթացքում հանրապետության նախագահ Արմեն Սարգսյանը խորհրդակցությունների շարք է անցկացրել խորհրդարանական եւ արտախորհրդարանական ուժերի ներկայացուցիչների, ինչպես նաեւ հասարակական—քաղաքական գործիչների հետ՝ քննարկելու երկրում ստեղծված իրավիճակը եւ դրանից դուրս գալու ուղիները։
Քննարկումների ընթացքում բոլոր մասնակիցները համակարծիք են եղել, որ բարձրացված հարցերը պետք է լուծվեն Սահմանադրության շրջանակներում, ներառելով բոլոր սահմանադրական գործընթացները, ընդհուպ մինչեւ արտահերթ խորհրդարանական ընտրություններ, անհրաժեշտության դեպքում մինչ այդ փոփոխություններ կատարելով ընտրական օրենսգրքում եւ Սահմանադրության հետ կապված օրենքներում։

ՀՀ նախագահի մամլո գրասենյակ

Կատեգորիա Категория: Պաշտոնական | Դիտումներ Просмотров: 11 | Ավելացրեց Добавил: Martos | Օր: Дата: 26.04.2018 | Մեկնաբանություններ Комментарии (0)

Նախագահ Արմեն Սարգսյանը երեկ հյուրընկալել է Ն.Ս.Օ.Տ.Տ. Գարեգին Բ Ծայրագույն պատրիարք եւ Ամենայն հայոց կաթողիկոսին եւ Ն.Ս.Օ.Տ.Տ. Արամ Ա Մեծի Տանն Կիլիկիո կաթողիկոսին։
Արամ Ա Մեծի Տանն Կիլիկիո կաթողիկոսը շնորհավորել է Արմեն Սարգսյանին՝ հանրապետության նախագահի պաշտոնն ստանձնելու առիթով եւ նվիրել Բարձր Բերդի Ավետարանի կրկնօրինակը։ Մեծի Տանն Կիլիկիո հայրապետը նաեւ ասել է, թե՝ «քաջածանոթ լինելով Ձեր անձին եւ երկար տարիների գործունեությանը՝ լիահույս ենք, որ լավագույնս պիտի արդարացնեք Ձեր հանդեպ մեր ժողովրդի ունեցած վստահությունը»։
Հանրապետության նախագահը, Ամենայն հայոց հայրապետը եւ Մեծի Տանն Կիլիկիո հայրապետը անդրադարձել են վերջին օրերին հանրապետությունում ստեղծված իրավիճակին։ Նրանք նշել են, որ կան կուտակված բազմաթիվ խնդիրներ, որոնք շուտափույթ լուծման կարիք ունեն, եւ երկիրը պետք է ընթանա իրական բարեփոխումների ճանապարհով հասարակության բոլոր խավերի եւ առաջին հերթին՝ երիտասարդների ընդգրկմամբ։
Հայոց հայրապետները ողջունել են հանրապետության նախագահի երկխոսության հրավերը՝ ընդգծելով, որ սա է ստեղծված վիճակից լավագույն ելք գտնելու, առկա խնդիրները լուծման առաջնորդելու ճիշտ ու ապահով ճանապարհը։

Կատեգորիա Категория: Պաշտոնական | Դիտումներ Просмотров: 13 | Ավելացրեց Добавил: Martos | Օր: Дата: 23.04.2018 | Մեկնաբանություններ Комментарии (0)

Նախագահ Արմեն Սարգսյանը երեկ ընդունել է Հայաստանի Հանրապետությունում Եվրոպական միության պատվիրակության ղեկավար, դեսպան Պյոտր Սվիտալսկիին։
Նախագահ Սարգսյանը մեծապես կարեւորել է ԵՄ հետ հարաբերությունների հետագա զարգացումը եւ նշել. «Պատրաստ ենք առաջ մղելու ԵՄ հետ քաղաքական երկխոսությունը, փոխգործակցությունը տնտեսության, շարժունակության, արդյունավետ կառավարման եւ երկուստեք հետաքրքրություն ներկայացնող բազմաթիվ այլ բնագավառներում»։
Պյոտր Սվիտալսկին շնորհավորել է նախագահ Սարգսյանին պաշտոնը ստանձնելու կապակցությամբ եւ ողջունել է հանրապետության նախագահի կողմից 2017թ. նոյեմբերի 24—ին ստորագրված՝ «Հայաստանի Հանրապետության՝ մի կողմից, եւ Եվրոպական միության եւ ատոմային էներգիայի եվրոպական համայնքի ու դրանց անդամ պետությունների՝ մյուս կողմից, միջեւ Համապարփակ եւ ընդլայնված գործընկերության» համաձայնագրի վավերացման մասին օրենքի ստորագրումը։
Այնուհետեւ զրուցակիցները մտքեր են փոխանակել ԵՄ աջակցությամբ Հայաստանում իրագործվող ծրագրերի, դրանց արդյունավետության բարձրացման, առաջնահերթությունների եւ նոր ծրագրերի նախանշման վերաբերյալ։

ՀՀ նախագահի մամլո գրասենյակ

Կատեգորիա Категория: Պաշտոնական | Դիտումներ Просмотров: 12 | Ավելացրեց Добавил: Martos | Օր: Дата: 20.04.2018 | Մեկնաբանություններ Комментарии (0)

Նախագահ Արմեն Սարգսյանը երեկ հրամանագրեր է ստորագրել Կարեն Վիլհելմի Կարապետյանին առաջին փոխվարչապետ, Արմեն Անդրանիկի Գեւորգյանին եւ Վաչե Վազգենի Գաբրիելյանին՝ փոխվարչապետ նշանակելու մասին։ Հանրապետության նախագահի նստավայրում կայացել է նախագահ Սարգսյանի եւ նորանշանակ փոխվարչապետների առաջին հանդիպումը։
Արմեն Սարգսյանը շնորհավորել է նորանշանակ պաշտոնյաներին, մաղթել հաջողություններ եւ արդյունավետ աշխատանք։

***
Նախագահ Արմեն Սարգսյանը երեկ հրամանագիր է ստորագրել Վիգեն Ալեքսանդրի Սարգսյանին պաշտպանության նախարար նշանակելու մասին։
Հանրապետության նախագահի մեկ այլ հրամանագրով Էդվարդ Աղվանի Նալբանդյանը նշանակվել է արտաքին գործերի նախարար։
Նախագահ Արմեն Սարգսյանը երեկ հրամանագիր է ստորագրել Վարդան Մակարյանին հանրապետության նախագահի աշխատակազմի ղեկավարի ժամանակավոր պաշտոնակատար նշանակելու մասին։
Նախագահի մեկ այլ հրամանագրով Ալեքսան Հարությունյանը ազատվել է հանրապետության նախագահի աշխատակազմի ղեկավարի առաջին տեղակալի պաշտոնից։

***
ՀՀ վարչապետ Սերժ Սարգսյանի որոշմամբ Ալեքսան Հարությունյանն ու Արամ Ղարիբյանը նշանակվել են ՀՀ վարչապետի գլխավոր խորհրդականներ։

Կատեգորիա Категория: Պաշտոնական | Դիտումներ Просмотров: 14 | Ավելացրեց Добавил: Martos | Օր: Дата: 19.04.2018 | Մեկնաբանություններ Комментарии (0)

Հիմք ընդունելով Ազգային ժողովի 2018թ. ապրիլի 17—ի՝ Սերժ Սարգսյանին վարչապետ ընտրելու վերաբերյալ որոշումը՝ նախագահ Արմեն Սարգսյանը երեկ հրամանագիր է ստորագրել Սերժ Սարգսյանին Հայաստանի Հանրապետության վարչապետ նշանակելու մասին։ ՀՀ նախագահի նստավայրում երեկ կայացել է երկրի նախագահի եւ նորընտիր վարչապետի առաջին հանդիպումը։
Շնորհավորելով Սերժ Սարգսյանին՝ երկրի նախագահն ասել է. «Հաշվի առնելով Ձեր անցած ուղին, կազմակերպչական մեծ փորձն ու հմտությունները, մարդկային որակները՝ վստահ եմ, որ այս պատասխանատու պաշտոնում եւս Ձեր ողջ ներուժը կծառայեցնեք մեր հայրենիքի զարգացմանն ու ժողովրդի բարեկեցության մակարդակի բարձրացմանը»։ Հանրապետության նախագահը վարչապետին մաղթել է հաջողություններ եւ արդյունավետ աշխատանք։

ՀՀ նախագահի մամլո գրասենյակ

 

Կատեգորիա Категория: Պաշտոնական | Դիտումներ Просмотров: 12 | Ավելացրեց Добавил: Martos | Օր: Дата: 18.04.2018 | Մեկնաբանություններ Комментарии (0)

Երեկ մայրաքաղաքում շարունակվել են ՀՀ ԱԺ «Ելք» խմբակցության ղեկավար Նիկոլ Փաշինյանի կազմակերպած բողոքի ցույցերը։ Նախորդ օրերին ցույցերի մասնակիցները շարունակել են արգելափակել փողոցները եւ բանուկ խաչմերուկները՝ կոչ անելով քաղաքացիներին միանալ իրենց։ 
Նախօրեին ցուցարարների մի խումբ Փաշինյանի գլխավորությամբ ներխուժել է հանրային ռադիոյի շենք՝ պահանջելով ուղիղ եթեր։ Փաշինյանի հետ զրույցում հանրային ռադիոյի տնօրենի տեղակալ Լիլիթ Թումանյանն ասել է, որ եթեր կտրամադրվի, սակայն ժամը 19։00—ին «Ստատուս քվո» հաղորդման շրջանակում, քանի որ հանրային ռադիոն ունի ցանց, նախապես ծրագրված, որը չի կարող խախտել։ Կողմերը համաձայնության չեն հասել։
Հանրային ռադիոյի գործադիր տնօրեն Մարկ Գրիգորյանը արդարացի չի համարել Նիկոլ Փաշինյանի այն մեղադրանքը, որ հանրային ռադիոն բոյկոտում է իրենց։
«Քո խոսքերը եւ քո գրավելը ցույց են տալիս, որ ոչ դու, ոչ էլ քո հետեւորդները չեք լսում հանրային ռադիոյի եթերը, որովհետեւ մենք բոյկոտի չենք ենթարկել ձեր շարժումը եւ լուսաբանել ենք ամեն ինչ»,– ասել է Մարկ Գրիգորյանը։
Ի դեպ, ուղիղ եթերի պահանջն արվում էր այլ ուղիղ եթերներով։
ՀՀ գլխավոր դատախազության կողմից հանձնարարվել է ՀՀ ոստիկանությանը՝ նյութեր նախապատրաստել ՀՀ Ազգային ժողովի պատգամավոր Նիկոլ Փաշինյանի գլխավորած հավաքի մի խումբ մասնակիցների կողմից Երեւանի պետական համալսարանի եւ հանրային ռադիոյի շենքերում իրականացված գործողությունների փաստերի առթիվ։
Կիրակի երեկոյան հանրահավաքի ժամանակ Փաշինյանը հրապարակել է իրենց գործողությունների ծրագիրը, որի հիմնական գաղափարն այն էր, որ վաղ առավոտից անհնազանդության ակցիաներ պետք է իրականացնեին ամբողջ մայրաքաղաքում, մասնավորապես կամուրջների վրա, պողոտաներում, մետրոյում արգելափ ... Կարդալ շարունակությունը »

Կատեգորիա Категория: Պաշտոնական | Դիտումներ Просмотров: 11 | Ավելացրեց Добавил: Martos | Օր: Дата: 17.04.2018 | Մեկնաբանություններ Комментарии (0)

Փորձենք հակիրճ ներկայացնել այդ նիստում թուրքական վերջնագիրը ընդունելու կամ մերժելու հայ քաղաքական կուսակցությունների խմբակցությունների իրարամերժ տեսակետները եւ նրանց պատճառաբանություններն ու հիմնավորումները։
Հայ ժողովրդական կուսակցությունը կողմ էր արտահայտվել՝ հրապարակելով հետեւյալ բանաձեւը.
I. Երեւանի եւ Գանձակի նահանգի՝ թուրքական գրավումից ազատ մնացած շրջանները ներկայումս կտրված են դրսի աշխարհից. մի կողմից շրջապատված են թուրքական զորքերով, մյուս կողմից՝ զինված ադրբեջանցիներով։
II. Հայկական զորքը, ինչպես պաշտոնապես տեղեկացնում է կորպուսի հրամանատար, գեներալ Թ. Նազարբեկյանը, մեծ մասամբ կազմալուծված է։
III. Հայկական զորամասը Երեւանի նահանգում դեռ շարունակում է կռվել թուրքերի դեմ, բայց այն եւս անկարող է երկար դիմադրել՝ ռազմամթերքի ու պարենի խիստ պակասության պատճառով։
IV. Հայ ժողովրդի մեջ նկատվում է հուսալքվածություն եւ կռվելու տրամադրության բացակայություն, եւ նույնիսկ ցանկության դեպքում անկարող է կռվել թուրքական կանոնավոր զորքերի դեմ մանավանդ ռազմամթերքի եւ պարենի սղության պայմաններում։
V. Անհեռանկար կռիվները ավերիչ հետեւանքներ են թողել հայ ժողովրդի կյանքի վրա. նա ոչ միայն քայքայվում է տնտեսապես, այլեւ ֆիզիկապես, համատարած գաղթը սպառնում է կորստաբեր հետեւանքներ ունենալ։
VI. Խաղաղություն կնքելու՝ թուրք կառավարության առաջարկած վերջնագիրը թեեւ շատ ծանր է եւ գրավական չէ, թե անպայման պատերազմը իսպառ վերջ կունենա, բայց չընդունելու դեպքում հետեւանքը պարզ է. զենքի ուժով նվաճելուց հետո մնացյալ հայկական շրջաններում հայ ժողովրդի հետ կվարվի հաղթողի իրավունքով, իսկ ընդունելու դեպքում չի կորցնում այն հույսը, որ եթե ոչ մշտապես, գոնե ժամանակավորապես կդադարեն ռազմական գործողությունները. հայ ժողովուրդը կմնա իր տեղում, գաղթը կըն ... Կարդալ շարունակությունը »

Կատեգորիա Категория: Պաշտոնական | Դիտումներ Просмотров: 18 | Ավելացրեց Добавил: Martos | Օր: Дата: 17.04.2018 | Մեկնաբանություններ Комментарии (0)

Ապրիլի 14—ին Ն.Ս.Օ.Տ.Տ. Գարեգին Բ Ծայրագույն պատրիարք եւ Ամենայն հայոց կաթողիկոսը Մայր Աթոռ Սուրբ Էջմիածնում հանդիպեց Հայաստանի Հանրապետության նախագահ Արմեն Սարգսյանի եւ առաջին տիկին Նունե Սարգսյանի հետ, հայտնում են Մայր Աթոռ Ս. Էջմիածնի տեղեկատվական համակարգից։
Վեհափառ հայրապետն իր շնորհավորանքները բերեց ՀՀ նախագահին երդմնակալության արարողության առիթով՝ վստահություն հայտնելով, որ պետական կառավարման ոլորտում նրա հարուստ փորձառությունը պիտի լավագույնս ծառայեցվի երկրի առաջընթացին՝ արդարացնելով ժողովրդի սպասումները թե՛ հայրենիքում եւ թե՛ սփյուռքում։
Նորին սրբությունը հաստատեց, որ Մայր Աթոռ Սուրբ Էջմիածինը պիտի շարունակի զորավիգ լինել հայրենի իշխանություններին ու ՀՀ նախագահին հայոց անկախ պետականության զորացման եւ առկա մարտահրավերների հաղթահարման գործում եւ կարելին անել ի սեր եւ ի բարօրություն հայրենիքի ու ժողովրդի։
Վեհափառ հայրապետը ՀՀ նախագահ Արմեն Սարգսյանին մաղթեց, որ երկրի եւ ժողովրդի ապագայի վերաբերյալ նրա տեսլականն ու իղձերն իրականություն դառնան։
Իր հերթին ՀՀ նախագահ Արմեն Սարգսյանը շնորհակալություն հայտնեց Ամենայն հայոց հայրապետին բարեմաղթանքների համար։ Արմեն Սարգսյանն ընդգծեց, որ ՀՀ նախագահի պաշտոնը ստանձնել է՝ հավատ ունենալով ժողովրդի, հայրենիքի եւ Հայոց եկեղեցու հանդեպ։ Նա նաեւ կարեւորեց եկեղեցու համախմբող դերակատարությունը։
Զրույցի ընթացքում Գարեգին Բ հայրապետը եւ Արմեն Սարգսյանը խոսեցին նաեւ զանազան ծրագրերի մասին։
Հաջողություններ եւ արդյունավետ ծառայություն մաղթելով ՀՀ նախագահին՝ Ամենայն հայոց կաթողիկոսը մասնավորապես կարեւորեց պատասխանատու բոլոր կառույցների միասնականությունը եւ համամտությունը մեր ժողովրդի ազգային շահերի շուրջ՝ այդ ոգու ամրապնդման գործում էական նկատելով ՀՀ նախագահի առաքելությունը։ ... Կարդալ շարունակությունը »

Կատեգորիա Категория: Պաշտոնական | Դիտումներ Просмотров: 8 | Ավելացրեց Добавил: Martos | Օր: Дата: 17.04.2018 | Մեկնաբանություններ Комментарии (0)

Անդրկովկասյան խաղաղարար պատվիրակության հայ անդամները թուրքական դաշնագրի նախագծի բովանդակությանը ծանոթ էին դեռ Բաթումի դիվանագիտական բանակցությունների առաջին օրերից (մայիսի 11—ից)։ Հալիլը ներկայացրել էր պահանջներ ամբողջ Անդրկովկասի համար ընդհանրապես եւ Հայաստանի ու հայության համար՝ մասնավորապես։ 
Ըստ դրա՝ Բրեստ—Լիտովսկի հաշտության դաշնագրի սահմաններից (Կարս, Բաթում, Արդահան) դուրս Թուրքիան պահանջում էր Թիֆլիսի, Քութայիսի եւ Երեւանի նահանգներից ընդարձակ տարածքներ։ Բաթումում շուրջ երկու շաբաթ տեւած դիվանագիտական բանակցությունները համաձայնության չհանգեցրին, եւ Հալիլ բեյը մայիսի 26—ին, իր առաջարկած խաղաղության եւ բարեկամության դաշնագրին կցելով այդ նոր պահանջները, այն ներկայացրեց վերջնագրի լեզվով։ Թուրքերը հայերին տարածքային նոր պահանջներ էին ներկայացնում՝ հանձնել Ալեքսանդրապոլի ամբողջ գավառը, Երեւանի եւ Էջմիածնի գավառների մեծ մասը՝ Էջմիածին քաղաքով հանդերձ։ Թուրքիան պահանջում էր նաեւ Շիրակի եւ Արարատյան դաշտավայրերը գրեթե ամբողջությամբ՝ հայությանը զրկելով ամենակենսական տարածքներից։
Եվ բնավ պատահական չէր, որ մայիսի 26—ին՝ Սարդարապատի, Բաշ—Ապարանի, Ղարաքիլիսայի ճակատամարտերի այդ ճակատագրական պահին, թուրքական պատվիրակությունը շտապեց ներկայացնել վերջնագիրը։ Իհարկե, նրանք համոզված էին, որ հայ զինվորների հերոսական դիմադրության պայմաններում չեն կարող պատերազմն արագ ավարտել։ Տվյալ պահին թուրքերին անհրաժեշտ էր օր առաջ իրենցով անել Բրեստ—Լիտովսկի հաշտության սահմաններից դուրս զավթած հայկական ընդարձակ տարածքները՝ վերջնագրի պարտադրանքով, ապա հաշտության դաշնագիր ստորագրելով՝ ապահովել իրենց թիկունքը հայկական զորքերի ռազմական հարձակումներից եւ ճանապարհ հարթել՝ շուտափույթ հասնելու Բաքու։ 
Ահա թե ինչու օսմանյ ... Կարդալ շարունակությունը »

Կատեգորիա Категория: Պաշտոնական | Դիտումներ Просмотров: 10 | Ավելացրեց Добавил: Martos | Օր: Дата: 14.04.2018 | Մեկնաբանություններ Комментарии (0)

Նախագահ Արմեն Սարգսյանը երեկ ընդունել է չինական Syntszyan company «Chen and Agrotechnology Co.LTD» ընկերության ղեկավար Լի Սիենմինին։
Այս ընկերությունը մասնագիտացված է գյուղատնտեսության ոլորտում եւ զբաղվում է նաեւ հայկական գյուղմթերքների արտահանմամբ։
Նախագահ Սարգսյանը գոհունակությամբ է խոսել հայ—չինական բարձր մակարդակի հարաբերությունների մասին եւ ընդգծել, որ չինական մի շարք ընկերություններ արդեն իսկ ակտիվ գործունեություն են ծավալում հայաստանյան շուկայում։
Ընկերության ղեկավարի հետ քննարկելով համագործակցության ընդլայնման հնարավորությունները, Արմեն Սարգսյանը քաջալերել է գործունեություն ծավալել նաեւ գյուղմթերքների վերամշակման ոլորտում։

ՀՀ նախագահի մամլո գրասենյակ

Կատեգորիա Категория: Պաշտոնական | Դիտումներ Просмотров: 12 | Ավելացրեց Добавил: Martos | Օր: Дата: 14.04.2018 | Մեկնաբանություններ Комментарии (0)

Հայաստանի Հանրապետության նախագահի նստավայրում երեկ հյուրընկալվել է Հայաստանի ազգային հերոս, աշխարհահռչակ շանսոնյե Շառլ Ազնավուրի որդին՝ Նիկոլա Ազնավուրը, տիկնոջ՝ Քրիստինա Սարկիսյանի հետ։
Նա նախագահ Արմեն Սարգսյանին է փոխանցել Շառլ Ազնավուրի շնորհավորական ուղերձը, որում ասված է. «Իմ անկեղծ շնորհավորանքը եւ ջերմ մաղթանքն եմ հղում Ձեզ՝ Հայաստանի Հանրապետության չորրորդ նախագահի պաշտոնում ընտրվելու առիթով։
Վստահ եմ, որ Ձեր մեծ փորձառությունը եւ մարդասիրական արժեքները հնարավորություն կտան մեծ ներդրում ունենալ Հայաստանի հետագա զարգացման գործում, ինչպես նաեւ լավագույնս ծառայել՝ ի շահ մեր ժողովրդի Հայաստանում եւ ամբողջ աշխարհում։
Մաղթում եմ Ձեզ ամենայն հաջողություն՝ մեր հայրենիքը խաղաղության եւ բարօրության ճանապարհով առաջնորդելու Ձեր վճռական առաքելության մեջ»։
Շնորհակալությամբ ընդունելով ուղերձը՝ նախագահ Սարգսյանն անգնահատելի է համարել Շառլ Ազնավուրի ծառայություններն իր արվեստով ու գործունեությամբ Հայաստանն աշխարհին ներկայացնելու ու ճանաչելի դարձնելու ուղղությամբ։

ՀՀ նախագահի մամլո գրասենյակ

Կատեգորիա Категория: Պաշտոնական | Դիտումներ Просмотров: 10 | Ավելացրեց Добавил: Martos | Օր: Дата: 12.04.2018 | Մեկնաբանություններ Комментарии (0)

Մուտքի ձև

Որոնել

Զամբյուղ
Ձեր զամբյուղը դատարկ է

Օրացույց
«  Հոկտեմբեր 2018  »
ԵրկԵրկՉրկՀնգՈւրՇբԿր
1234567
891011121314
15161718192021
22232425262728
293031

Սոց ցանցեր

Ժամանակահատված

Copyright Metsamorcity.do.am © 2018