ՄԵԾԱՄՈՐ METSAMOR CITY Ուրբաթ, 24.11.2017, 18:55
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [454]
Կրթություն և գիտություն [33]
Մարզային [14]
Պաշտոնական [363]
Մշակույթ [14]
Հասարակություն [639]
Սպորտ [1]
Տեսակետ [37]
Տարածաշրջան [69]
Զանազան [136]
Քաղաքականություն [515]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2016 » Դեկտեմբեր » 23 » Պետք է ամրապնդել պետականի եւ մասնավորի գործակցությունը /Տոնական ընդունելություն Հայաստանի գործարար համայնքի ներկայացուցիչների համար/
15:07
Պետք է ամրապնդել պետականի եւ մասնավորի գործակցությունը /Տոնական ընդունելություն Հայաստանի գործարար համայնքի ներկայացուցիչների համար/

Ամանորի եւ Սուրբ Ծննդյան տոների առթիվ հանրապետության նախագահի անունից երեկ նախագահի նստավայրում ընդունելություն է կազմակերպվել Հայաստանի գործարար համայնքի ներկայացուցիչների համար։ Նախագահ Սերժ Սարգսյանը շնորհավորել է գործարարներին գալիք տոների առթիվ եւ 2017 թվականին մաղթել հաջողություններ։
«Սիրելի՛ բարեկամներ,
Սրտանց ողջունում եմ ձեզ եւ բարի գալուստ մաղթում Հայաստանի Հանրապետության նախագահի նստավայր։ Տարիներ շարունակ ձեւավորված ավանդույթի համաձայն մենք հանդիպում ենք տարեվերջին, որպեսզի հրաժեշտ տանք անցնող տարուն, ամփոփենք եղածն ու արածը եւ նախանշենք ապագայի անելիքները։
Ձեռներեցները յուրաքանչյուր հասարակության ամենաաշխույժ խավերից մեկն են։ Մենք ձեռնարկատիրության հաջող աշխատանքով ենք ստեղծում նոր աշխատատեղեր, նոր ապրանքներ եւ նոր ծառայություններ։
Գործարարության ամենաանհրաժեշտ նախապայմանն է անհատական նախաձեռնությունը։ Դուք արդեն իսկ առանձնացել եք Հայաստանում ձեր ծավալած գործունեությամբ, ուստի եւ ձեզանից յուրաքանչյուրի աշխատանքը պետք է լինի իշխանությունների ուշադրության կենտրոնում։
Հենց այս տրամաբանությամբ է սկսել իր աշխատանքներն արդեն հարյուր օրը բոլորած մեր նոր կառավարությունը։ Գալիք տարվա եւ ապագայի համար մաղթում եմ, որ կառավարության եւ ձեռներեցների համագործակցությունը ամրապնդվի ավելի բարձր մակարդակի վստահությամբ։
Անշուշտ, վստահությունը չափելի միավորներ չունի։ Այնուամենայնիվ, բոլորս մեր առօրյայից անգամ գիտենք, որ առանց վստահության որեւէ նոր գործ իրականություն դառնալ չի կարող։ Այն իրագործելու համար անհրաժեշտ է բազմաթիվ անհատների եւ կազմակերպությունների համատեղ ջանք։
Մեր կառավարությունը հնարավորություն է ընձեռում բոլորիս արդյունավետ համագործակցության նոր հիմքեր դնել՝ հանուն մեր ապագա զարգացման։ Այս առումով ես ակնկալում եմ, որ կառավարությունը մատուցելու է որակյալ ծառայություն՝ լինելով ձեր վստահելի գործընկերը։
Վերջին տարիներին իրականացված հետեւողական աշխատանքի շնորհիվ էապես փոխվել է Հայաստանի արտաքին տնտեսական միջավայրը։ Այդ աշխատանքի արդյունքում փոխվել են տնտեսական աճ ապահովող գործոնները։ Սակայն պետք է նշեմ, որ որոշ արտաքին մարտահրավերներ ի հայտ են եկել եւ զարգացել են շատ ավելի արագ, քան մենք հասցրել ենք դրանց հարմարվել։
Մի բան ակնհայտ է՝ մեզ անհրաժեշտ է զարգացման արագընթաց աճ։ Իսկ դա, իր հերթին, անհրաժեշտ է դարձնում տնտեսական զարգացման նոր շեշտադրումների որդեգրումը։
Ռեսուրսների արտաքին ներհոսքի նվազման պայմաններում գերակա է դարձել արտահանման միջոցով տնտեսական աճի խթանումը։ Առաջին քայլերն այդ ուղղությամբ արվել են արտահանմանն ուղղված քաղաքականության նախաձեռնմամբ։
2015—2016թթ. արդեն եղած տվյալներից կարելի է եզրակացնել, որ տնտեսությունն ունի որոշակի ներուժ՝ այդ ուղղությամբ զարգանալու համար։ Արտահանման եւ ներմուծման հարաբերակցության 2016թ. հունվար—նոյեմբեր ամիսների ցուցանիշները թույլ են տալիս պնդելու, որ արտահանումը պետք է լինի այն շարժիչ ուժը, որը կապահովի հետագա արագընթաց տնտեսական աճը։
Այս ուղղությամբ, սակայն, հարկ է աշխատել եւ չապավինել միայն պետության ռեսուրսներին։ Կարեւորագույն խնդիր է մասնավոր հատվածի ներուժի ամբողջական բացահայտումը՝ կառավարության կողմից որդեգրված պետականի եւ մասնավորի գործակցության բոլոր հնարավոր ձեւաչափերի օգտագործմամբ։
Հարգելի՛ տիկնայք եւ պարոնայք,
Հայաստանի Հանրապետության մուտքը Եվրասիական տնտեսական միություն դյուրացրեց ապրանքների եւ ծառայությունների շարժն ավելի քան 180 մլն բնակիչ ունեցող շուկայում։ Սակայն, չնայած ակնհայտ առաջընթացին, մենք դեռեւս շատ անելիք ունենք Հայաստանի արտահանման ներուժն ամբողջովին օգտագործելու համար։
Մեր գործարարներն ու պետական մարմինները միասին՝ ձեռք ձեռքի տված, կարող են լուծումներ գտնել մեր առջեւ ծառացած խնդիրների համար։ Այստեղ ոչ միայն մեր պաշտոնյաների նախանձախնդիր եւ հետեւողական վարքն է անհրաժեշտ, այլ նաեւ գործարարի ստեղծագործական միտքը։ Մենք միասին պետք է առաջ քաշենք նոր գաղափարներ, իրականացնենք նոր շուկաների ուսումնասիրություն, ագրեսիվորեն թիրախավորենք այդ նոր շուկաները։ Այստեղ, երեւի, ամենաընդունելին է «ագրեսիվ» բառի օգտագործումը՝ ուրիշ տեղ ագրեսիվությունն օգուտ չի տալիս։
Օրինակ՝ Եվրասիական տնտեսական միության շրջանակներում արդեն ձեւավորված դեղամիջոցների միասնական շուկան լայն հնարավորություն է ստեղծում այդ ոլորտի հայկական ձեռնարկությունների՝ հատկապես պատշաճ արտադրական պրակտիկա ունեցողների համար։ Այժմ հարկավոր է, որ մեր արտադրողները խիստ առարկայական, հստակ խնդիրներ բարձրացնեն մեր կառավարության համապատասխան օղակների առջեւ, որպեսզի վերջիններս էլ աջակցեն հայկական արտադրանքի առաջխաղացմանն այդ ընդհանուր շուկայում։
Ասածս կարեւոր է ոչ միայն այս ապրանքատեսակի եւ այս շուկայի համար։ Նմանատիպ հեռանկարները եւ հնարավորությունները բազմաթիվ են, ընդ որում, ոչ միայն ԵԱՏՄ—ում, այլեւ այլ տարածաշրջաններում։
Մեր առաջնահերթ խնդիրն է ամրապնդել կառավարության եւ գործարար համայնքի փոխվստահությունը՝ նպաստելով մեր հայրենիքի զարգացմանը։ Ես շատ լավ գիտեմ, որ ձեզանից ոչ մեկը բաց ու շիտակ խոսակցությունից խուսափողը չէ։ Վստահ եղեք, որ ի դեմս կառավարության դուք կգտնեք արժանի զրուցակից։
Հարկ է միասնական ջանքերի համադրմամբ նոր հեռանկարներ բացել մեր երկրի համար։ Վստահ եմ, որ գալիք մի քանի տարիները մեզ համար բեկումնային են լինելու։ Ես ինքս լավատես եմ եւ ակնկալում եմ, որ դուք էլ լավատեսությամբ տոգորված աշխատելու եք հանուն մեր ընդհանուր ապագայի։
Հարգելի՛ գործընկերներ,
Խոսքս ամփոփելով՝ սրտանց շնորհավորում եմ բոլորիդ Ամանորի կապակցությամբ։ Առաջին հերթին բոլորիդ մաղթում եմ քաջառողջություն եւ երջանկություն։ Ձեր ընտանիքներին մաղթում եմ արեւշատություն եւ խաղաղություն։ Ձեր ձեռնարկներին մաղթում եմ հաջողություն, ձեր կազմակերպություններին՝ համերաշխություն եւ, որ շատ կարեւոր է, կայուն շահութաբերություն։
Վստահ եմ, որ ձեզանից յուրաքանչյուրի հաջողությունը մեր ընդհանուր հաջողությունն է։
Շնորհակալ եմ եւ սրտանց շնորհավորում եմ ձեզ Նոր տարվա կապակցությամբ»,–ասել է Սերժ Սարգսյանը։
ՀՀ նախագահի մամլո գրասենյակ
 

 

Կատեգորիա: Պաշտոնական | Դիտումներ: 21 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
avatar
Մուտքի ձև

Որոնել

Զամբյուղ
Ձեր զամբյուղը դատարկ է

Օրացույց
«  Դեկտեմբեր 2016  »
ԵրկԵրկՉրկՀնգՈւրՇբԿր
   1234
567891011
12131415161718
19202122232425
262728293031

Սոց ցանցեր

Ժամանակահատված

Copyright Metsamorcity.do.am © 2017