ՄԵԾԱՄՈՐ METSAMOR CITY Ուրբաթ, 29.03.2024, 11:20
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [614]
Կրթություն և գիտություն [38]
Մարզային [14]
Պաշտոնական [464]
Մշակույթ [15]
Հասարակություն [846]
Սպորտ [1]
Տեսակետ [49]
Տարածաշրջան [86]
Զանազան [192]
Քաղաքականություն [647]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2016 » Հունվար » 20 » Փոխգործակցության նոր ուղենիշներ / Հայաստան–Եվրոպական միություն համագործակցության խորհրդի 16—րդ նիստը/
14:49
Փոխգործակցության նոր ուղենիշներ / Հայաստան–Եվրոպական միություն համագործակցության խորհրդի 16—րդ նիստը/

Նախօրեին ՀՀ պատվիրակությունը՝ ԱԳ նախարար Էդվարդ Նալբանդյանի գլխավորությամբ, մասնակցեց Բրյուսելում տեղի ունեցած Հայաստան—Եվրոպական միություն համագործակցության խորհրդի 16—րդ նիստին, հայտնում են ԱԳՆ մամուլի եւ տեղեկատվության վարչությունից։
Եվրոպական միության պատվիրակությունը գլխավորում էին ԵՄ խորհրդի նախագահությունը ներկայացնող Նիդերլանդների արտաքին գործերի նախարար Բերտ Կունդերսը եւ Եվրոպական հանձնաժողովի եվրոպական հարեւանության քաղաքականության եւ ընդլայնման հարցերով հանձնակատար Յոհանես Հանը։
Հայաստանի պատվիրակության կազմում էին ԵՄ—ում ՀՀ առաքելության ղեկավար, դեսպան Թաթուլ Մարգարյանը, էկոնոմիկայի նախարարի առաջին տեղակալ Գարեգին Մելքոնյանը, արդարադատության փոխնախարար Վիգեն Քոչարյանը։
Էդվարդ Նալբանդյանի նախագահությամբ կայացած Հայաստան–Եվրոպական միություն համագործակցության խորհրդի 16—րդ նիստին հանգամանալից քննակվեցին Հայաստան—ԵՄ համագործակցության հետագա զարգացման նպատակով ձեռնարկվելիք քայլերը՝ քաղաքական երկխոսության, հարաբերությունների ապագա իրավական հիմքի շուրջ անցյալ տարեվերջին մեկնարկած բանակցությունների, շարժունակության, մարդու իրավունքների, տնտեսական բարեփոխումների, ԵՄ կողմից Հայաստանին տրամադրվող աջակցությանն առնչվող հարցերը։
Բացելով նիստը՝ նախարար Նալբանդյանն ասաց. «2015թ.—ն առանձնահատուկ տարի էր Հայաստան—ԵՄ համագործակցության համար։ Մենք ականատես եղանք բարձր մակարդակի այցելությունների, ինտենսիվ եւ կառուցողական երկխոսության, երկկողմ հանդիպումների, տարբեր ոլորտներում Հայաստան—ԵՄ համաձայնագրերի վերաբերյալ բանակցությունների։ Հայաստան—ԵՄ հարաբերությունների նոր իրավական շրջանակի բանակցությունների նախորդ ամսվա մեկնարկը մեր հարաբերություններում նոր էջ է։ Հավատացած ենք, որ նոր համաձայնագիրը կարտացոլի մեր երկկողմ հարաբերությունների ծավալն ու խորությունը եւ փոխշահավետ համագործակցության համար կսահմանի նոր ուղենիշներ»։
Նախարար Նալբանդյանը երախտագիտություն հայտնեց ԵՄ—ին՝ Հայաստանին տարիներ շարունակ ցուցաբերած աջակցության եւ օժանդակության համար, որոնք նշանակալի դեր են խաղացել Հայաստանում բարեփոխումների իրականացման եւ ինստիտուցիոնալ կարողությունների զարգացման համար, եւ վերահաստատեց Հայաստանի հաստատակամությունը՝ խորացնելու Եվրոպական միության հետ տարբեր ոլորտներում եւ ուղղություններով համապարփակ համագործակցությունը՝ հիմնվելով վերջին տարիների ձեռքբերումների վրա՝ հաշվի առնելով ՀՀ պարտավորություններն այլ միջազգային, ինտեգրացիոն ձեւաչափերում։
Հայաստանի արտաքին քաղաքական գերատեսչության ղեկավարն ընդգծեց, որ ԵՄ հետ փոխգործակցության առաջնահերթությունների շարքում են շարժունակությունը, մարդկային շփումների խթանումը։ Այս համատեքստում նախարար Նալբանդյանը նշեց, որ 2014թ. հունվարին ուժի մեջ մտած ԵՄ–Հայաստան մուտքի արտոնագրային ռեժիմի դյուրացման եւ հետընդունման մասին համաձայնագրերը ճանապարհ են հարթում դեպի մուտքի արտոնագրային ռեժիմի ազատականացման վերաբերյալ գործընթացի մեկնարկը, ինչը հնարավորություն կտա ապագայում հասնել Հայաստանի քաղաքացիների համար մուտքի արտոնագրային ռեժիմի վերացմանը։
Էդվարդ Նալբանդյանը կարեւորեց նաեւ գործընկերության եւ համագործակցության համաձայնագրին կից՝ կողմերի միջեւ ստորագրված արձանագրության ուժի մեջ մտնելը, որով Հայաստանը կարող է մասնակցել ԵՄ ծրագրերի լայն շրջանակի եւ համագործակցելու ԵՄ տարբեր գործակալությունների հետ։
Հայաստանի էկոնոմիկայի նախարարի առաջին տեղակալ Գարեգին Մելքոնյանը եւ արդարադատության փոխնախարար Վիգեն Քոչարյանն իրենց ելույթներում տեղեկացրին կառավարության տնտեսական քաղաքականության, դատաիրավական ոլորտում իրականացվող բարեփոխումների, 2015թ. տնտեսության եւ դատաիրավական բնագավառներում ԵՄ հետ համագործակցության արդյունքների մասին։
Հայաստանի արտաքին քաղաքական գերատեսչության ղեկավարը խորհրդին ներկայացրեց Հայոց ցեղասպանության 100—րդ տարելիցի կապակցությամբ ողջ աշխարհում տեղի ունեցած միջոցառումները եւ դրանց խորհուրդը, շնորհակալություն հայտնեց Եվրոպական խորհրդարանին, ԵՄ երկրներին՝ ցեղասպանության հարցում նրանց սկզբունքային մոտեցման համար։ Նախարար Նալբանդյանը տեղեկացրեց ցեղասպանությունների եւ մարդկության դեմ ուղղված հանցագործությունների կանխարգելման ուղղությամբ միջազգային հանրության ջանքերում Հայաստանի ակտիվ ներգրավվածության վերաբերյալ եւ երախտագիտություն հայտնեց ԵՄ երկրներին՝ ՄԱԿ—ի ձեւաչափերում հայկական նախաձեռնություններին սատարելու համար։
Էդվարդ Նալբանդյանը ներկայացրեց ղարաբաղյան հիմնախնդրի հանգուցալուծման բանակցային գործընթացի վերջին զարգացումները, Ադրբեջանի ապակառուցողական եւ սադրիչ գործողությունների հետեւանքով Արցախի հետ շփման գծում եւ Հայաստան–Ադրբեջան սահմանին ստեղծված իրավիճակը։ «Անցյալ տարի արձանագրվեց Ադրբեջանի կողմից հրադադարի կոպիտ խախտումների զգալի աճ, այդ թվում՝ ծանր զինատեսակների օգտագործմամբ, որոնք բազմաթիվ մարդկային զոհերի պատճառ դարձան։ ԵԱՀԿ Մինսկի խմբի համանախագահները հասցեական կոչեր հղեցին Ադրբեջանին՝ զսպվածություն ցուցաբերել, հարգել հրադադարի համաձայնագիրը, հակամարտության խաղաղ կարգավորման իր հանձնառությունները, չխոչընդոտել բանակցային գործընթացը, համաձայնել շփման գծում եւ սահմանին հրադադարի խախտումների հետաքննության մեխանիզմի ստեղծմանը»,–ասաց Հայաստանի արտգործնախարարը եւ վստահեցրեց, որ Հայաստանը շարունակելու է համատեղ ջանքերը ԵԱՀԿ Մինսկի խմբի համանախագահների հետ՝ ուղղված ղարաբաղյան հակամարտության բացառապես խաղաղ կարգավորմանը։
Խորհրդի նիստի օրակարգում էին նաեւ տարածաշրջանային եւ միջազգային խնդիրները եւ դրանց լուծման ուղիները։
Խորհրդի նիստից հետո տեղի ունեցավ Էդվարդ Նալբանդյանի եւ Բերտ Կունդերսի համատեղ մամլո ասուլիսը։
Կատեգորիա: Քաղաքականություն | Դիտումներ: 320 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Հունվար 2016  »
ԵրկԵրկՉրկՀնգՈւրՇբԿր
    123
45678910
11121314151617
18192021222324
25262728293031

Սոց ցանցեր

Ժամանակահատված

Copyright Metsamorcity.do.am © 2024