Ինչպիսի՞ն էր անցնող ժամանակահատվածը Հայաստանի արտաքին քաղաքականության համար։ Երկրի արտաքին գործերը «ՀՀ»-ն ամփոփել է քաղաքագետների հետ զրույցում։
Այսպես, քաղաքագետ Նարեկ Մինասյանն ընդգծում է նկատելի նախաձեռնողականությունը. «Մասնավորապես, տեսանք դիվանագիտական ներկայացուցչությունների բացում նոր ուղղություններով, վիզային ռեժիմների չեղարկում եւ այլն։ Բացի այդ, տարվա ընթացքում եղան այցեր այնպիսի երկրներ, որոնց ուղղությունները նախկինում այդքան էլ չէին կարեւորվում։ Նաեւ կայացան այնպիսի երկրների առաջնորդների հետ հանդիպումներ, որոնց հետ հանդիպումներ նորանկախ Հայաստանի պատմության մեջ տեղի չէին ունեցել»։
Նա կարեւորեց նաեւ տարբեր ուղղություններով հարաբերությունների արդյունավետության բարձրացմանն ուղղված քայլերը։ Ասում է՝ հայ—ռուսական հարաբերություններում դինամիկ համագործակցություն է ընթանում, Հայաստան—ԵՄ հարաբերությունների տեսանկյունից նույնպես դրական տեղաշարժ կա. «Կարեւոր է այն հանգամանքը, որ բավական կայուն տեմպերով ընթանում է Հայաստան—Եվրամիություն նոր համաձայնագրի վավերացման գործընթացը եվրոպական երկրներում»։ 
Մինասյանը հույս է հայտնում, որ Հայաստանում իրականացվող բարեփոխումները լավ հիմքեր են եւ հնարավորություն կտան վիզային ռեժիմի ազատականացմանն ուղղված երկխոսության մեկնարկը տալու համար։ «Չենք բացառում, որ դա առաջիկայում, հնարավոր է, լինի»,–նշում է ու ավելացնում, որ միաժամանակ տեսանելի է ԵՄ կողմից Հայաստանին ցուցաբերվող աջակցությունը։ 
Միջազգայնագետ Սուրեն Սարգսյանը ԵՄ—ի հետ ձեռք բերված համաձայնագրի մասով նկատում է. «Տարվա սկզբին շատերը պնդում էին, որ Հայաստանի եւ ԵՄ—ի միջեւ համաձայնագիրը կվավերացվի մինչեւ տարվա վերջ՝ բոլոր անդամ պետությու ... Կարդալ շարունակությունը »

Տարածաշրջանում որոշակիանում է ռուս-ամերիկյան դիմակայությունը

ԱՄՆ հանրապետական սենատոր Լինդսի Գրահամը, ով առաջին անգամ Սենատում վետո դրեց Հայոց ցեղասպանությունը ճանաչող բանաձեւի վրա, հայտարարել է, որ Սպիտակ տան մի բարձրաստիճան պաշտոնյա էր իրեն խնդրել նման քայլի դիմել։ «Ես ասացի՝ իհարկե։ Միակ պատճառը, որ արեցի դա, այն է, որ նախագահ Էրդողանը դեռ քաղաքում էր։ Վատ իրավիճակ կլիներ։ Ես փորձում եմ փրկել հարաբերությունները, եթե հնարավոր է լինում»։ Հարցին, թե իրեն անհարմար զգո՞ւմ է Հայոց ցեղասպանության բանաձեւը արգելափակելու համար, հնչել է պատասխան. «Այո՛, որովհետեւ ես հավանում եմ Մենենդեսին։ Նա տարիներ շարունակ աշխատում է այդ ուղղությամբ։ Ես հաջորդ անգամ չեմ պատրաստվում առարկել»։ Պնդումներ կան, թե սենատորի վրա լուրջ հանրային ճնշում է եղել Հայոց ցեղասպանության բանաձեւի ընթացքը Սենատում կասեցնելու համար, եւ նա, իր վարկը պահպանելու նպատակով, դիմում է որոշակի բացահայտումների՝ արդարացման ակնկալությամբ։ Երկրորդ անգամ Հայոց ցեղասպանությունը ճանաչող բանաձեւի վրա վետոյի իրավունքը կիրառեց ԱՄՆ Ջորջիա նահանգի հանրապետական սենատոր Դեւիդ Փերդյուն՝ իբր, այժմ օրենսդրություն ընդունելու ճիշտ ժամանակը չէ։
Մենք չենք բացառում, որ սա Անկարային ինչ—ինչ պահանջներ ներկայացնելու հերթական ճնշումներից մեկն է, որով ԱՄՆ—ի նախագահ Թրամփը Թուրքիայի նախագահ Էրդողանին հասկացնում է, որ Մոսկվա մեկնելով եւ ՌԴ նախագահ Վլադիմիր Պուտինի հետ բանակցություններ վարելով՝ պետք է շատ զգույշ լինի իր որոշումներում։ Նշենք, որ Թուրքիայում կան պաշտոնյաներ, որոնք այսօր էլ կողմ են, որ թուրքական զինուժը ձեռք բերի նաեւ ռուսական զինտեխնիկա, իհարկե, նախ եւ առաջ խոսքը C—400 ՀՕՊ համակարգերի մասին է, ինչին էլ դեմ են ե՛ւ Սպիտակ տունը, ե ... Կարդալ շարունակությունը »

Պետք է առավելագույնի հասցնենք մեր դիվանագիտական ու ռազմաքաղաքական կարողությունները

Իսրայելի կողմից Սիրիայի տարածքի հրթիռակոծումները, թերեւս, կապված են ներքաղաքական խնդիրների հետ, քանի որ Իսրայելում կայացած կրկնակի ընտրությունների արդյունքներով վարչապետ Բենյամին Նեթանյահուն չկարողացավ մեծամասնություն ապահովել, ուստի ընդդիմադիր Բեննի Գանցին կոչ արեց լայն կառավարություն կազմել, բայց վերջինս մերժեց վարչապետի՝ կառավարություն կազմելու առաջարկը։ Եվ ոմանք Իսրայելում առկա այս ճգնաժամը դասական օրինակ են համարում, թե ինչպես են անձերի նկրտումները անգործության մատնում գործող համակարգը։
Ահա այս իրավիճակում է, որ իսրայելական կառավարությունը դիմում է արտաքին կտրուկ քայլերի, որն էլ ենթադրել է տալիս, թե փորձ է արվում ներքին խնդիրներից ուշադրությունը թեկուզ ժամանակավորապես շեղել արտաքին հարցերի ուղղությամբ, ինչպես դա անում են շատ երկրներում։ Եվ Իսրայելի վարչապետը իսրայելցիների ուշադրությունը սեւեռեց նախ Պաղեստինի, Գազայի հատվածի վրա, ապա Սիրիայի՝ պատճառաբանելով, թե իրանական ուժեր կան այնտեղ, որոնք զինտեխնիկայի տեղաշարժեր են անում Իսրայելի ուղղությամբ։ Մեզ ծանոթ գործելաոճ է, հարեւան Ադրբեջանում հաճախ են դիմում նման քայլերի, անմիջապես սադրում են արցախա—ադրբեջանական սահմանների մոտ, երբ ներքին խնդիրները սկսում են հսկողությունից դուրս գալ։
Իսկ Իսրայելում ավելի է խորանում ներքաղաքական ճգնաժամը. կարծես անխուսափելի է դառնում մեկ տարվա ընթացքում արդեն 3—րդ խորհրդարանական ընտրությունների անցկացումը, կամ էլ գուցե կիրառվի երկրի նախագահի կողմից իր լիազորությունների սահմաններում կառավարություն կազմելու հնարավորությունը։ Ինչեւէ, չենք խորանում իսրայելական ընտրակարգի մանրամասներում, քանի որ դա չէ մեր խնդիրն այս դեպքում, պարզա ... Կարդալ շարունակությունը »

Վարչապետ Նիկոլ Փաշինյանը Միլանում նախատեսված հանդիպումներից եւ միջոցառումներից հետո երեկ ժամանել է Հռոմ. Իտալիայի մայրաքաղաքում Հայաստանի վարչապետի առաջին հանդիպումն Իտալիայի Սենատի նախագահ Մարիա Էլիզաբետա Կազելատիի հետ էր։
Իտալիայի Սենատի նախագահը ողջունել է Հայաստանի վարչապետի այցը Իտալիա, որը նոր լիցք կհաղորդի երկկողմ հարաբերություններին։ Նա նշել է, որ Իտալիան հետաքրքրությամբ հետեւում է Հայաստանի բարեփոխումների գործընթացին, որոնք կարեւոր նշանակություն ունեն ժողովրդավարության զարգացման համար եւ պատրաստ է աջակցել մեր երկրին այդ բարեփոխումները հաջողելու գործընթացին, փոխանակվել փորձով։ Նա նշել է, որ Իտալիայի Սենատը վավերացրել է ՀՀ—ԵՄ համապարփակ եւ ընդլայնված գործընկերության համաձայնագիրը, եւ փաստաթուղթն այժմ ներկայացված է պատգամավորների պալատի ուշադրությանը։ Իտալիայի Սենատի նախագահը նշել է, որ Իտալիան հետաքրքրված է Հայաստանի հետ առեւտրի, ենթակառուցվածքների, մշակույթի ոլորտներում համագործակցության զարգացմամբ։
Վարչապետը շնորհակալություն է հայտնել այցի համար եւ արձանագրել Հայաստան—Իտալիա քաղաքական երկխոսության բարձր մակարդակը, ինչն էլ իր հետեւից բերում է տնտեսական հարաբերությունների զարգացում։ Նիկոլ Փաշինյանը նշել է, որ այս տարի երկկողմ առեւտրի ոլորտում բավական բարձր աճ է արձանագրվել, Հայաստանի տնտեսությունում ավելացել են իտալական կապիտալով ներդրումները եւ հույս հայտնել, որ իր այցի արդյունքում այդ գործընթացն ավելի կակտիվանա։ 
Հայաստանի վարչապետն անդրադարձել է Լեռնային Ղարաբաղի հակամարտության կարգավորման հարցին եւ նշել, որ Հայաստանը հարցի լուծումը տեսնում է բացառապես խաղաղ ճանապարհով։
Իտալիայի Սենատի նախագահը նշել է, որ Իտալիան ողջունում է երկխոսության ճանապարհով հակամարտության կարգավորումը եւ խաղաղությանը միտված ջանքերը։ hhpr ... Կարդալ շարունակությունը »

Երբ հիմքը պատմական է ու հարուստ, ընթացքը կարող է մեծ արագությամբ զարգանալ

Իտալիան այն երկիրն է, որի հետ մեր միջպետական կապերը միշտ զարգացել են պատմական ամուր հիմքերի եւ երկու ժողովուրդների հարուստ մշակութային ժառանգության հիմամբ։ Մեր փոխհարաբերությունները միշտ կրել են գործընկերային բնույթ եւ փոխվստահության բարձր մակարդակ են արձանագրել։ 
Ճիշտ է, Հայաստանի Հանրապետության եւ Իտալիայի Հանրապետության միջեւ դիվանագիտական հարաբերությունները դեռ 1992թ. մարտի 17-ին են հաստատվել, բայց Հայաստանի առաջին Հանրապետության որոշ դրվագներ աչքի անցկացնելիս չենք կարող չնշել, որ հայ-իտալական հարաբերությունները զարգանալու երկուստեք պատրաստակամություն միշտ են ունեցել։ Այդ ժամանակ, երբ երկիրը ծանր վիճակում էր, Հայաստանն աշխարհի հետ կապվում էր Բաթումով, եւ առեւտուրն արվում էր ապրանքափոխանակման միջոցով։ Ապրանքափոխանակությունն էլ կարգավորում էր ֆինանսների նախարարության կազմում գործող ապրանքափոխանակության կոմիտեն, որի սահմանած կանոնները թեեւ ելնում էին երկրի իրավիճակից, սակայն առեւտրի զարգացման համար նպաստավոր չէին։ Որպես օրինակ մեջբերվում է արտահանվող ապրանքի արժեքի 50 տոկոսի չափով գրավի պահանջը։ Մաքսային եւ այլ տուրքերի գանձումն էլ կարգավորված չէր։ Չնայած այս ամենին՝ մենք Իտալիայի հետ առեւտրատնտեսական կապեր հաստատեցինք (նաեւ Շվեդիայի, Շվեյցարիայի, Ֆինլանդիայի, բայց Իտալիան առաջինն էր)։ Անշուշտ, այս ամենի մեջ պատմական ու քաղաքական գործոնը կար։
Հիմա էլ մեր երկրները հաջողությամբ գործակցում են՝ հետանկախական տարիներից ցայսօր։ Մեր երկրի ու Իտալիայի միջեւ 2018թ. ապրիլի 23—ի դրությամբ ստորագրված կա 3 արձանագրություն, տարբեր ոլորտներում համագործակցության 12 համաձայնագիր, փոխըմբռնման 9 հուշագիր։ Նաեւ՝ տնտեսական համագործակցությա ... Կարդալ շարունակությունը »

2018 թ. նոյեմբերի 6-ին Մոսկվայում ստորագրվեց «Ֆինանսական շուկայի ոլորտում Եվրասիական տնտեսական միության անդամ պետությունների օրենսդրության ներդաշնակեցման մասին» համաձայնագիրը։ Դրանով սահմանվում են ԵԱՏՄ անդամ պետությունների բանկային, ապահովագրական եւ արժեթղթերի ոլորտների օրենսդրությունների ներդաշնակեցման ուղղությունները եւ կարգը՝ հիմնված ֆինանսական շուկայի կարգավորման միջազգային սկզբունքների եւ ստանդարտների վրա։ Ներդաշնակեցումն իրականացվելու է մինչեւ 2025 թ.՝ «Ֆինանսական ծառայությունների մասին» արձանագրության մեջ ամրագրված ուղղություններով։ Համաձայնագիրը նպատակաուղղված է ԵԱՏՄ անդամ պետությունների ընդհանուր ֆինանսական շուկայի ստեղծմանը՝ այդ նպատակով ապահովելով լիցենզիաների փոխադարձ ճանաչումը ֆինանսական գործունեության եւ ծառայությունների մատուցման ոլորտներում, ինչպես նաեւ փոխադարձ հասանելիությունը ԵԱՏՄ անդամ պետությունների ֆինանսական շուկաներին։
Համաձայնագրի վավերացման հարցը խորհրդարանի օրակարգում է։ Նոյեմբերի 25—ին այն կքննարկվի ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նիստում։ Բնականաբար, «Ֆինանսական շուկայի ոլորտում ԵԱՏՄ անդամ պետությունների օրենսդրության ներդաշնակեցման մասին» համաձայնագրի վավերացման դեպքում կառաջանա նոր օրենքի ընդունման կամ գործող օրենքներում փոփոխություններ կատարելու անհրաժեշտություն։ Հանձնաժողովի նախագահ Միքայել Մելքումյանը «ՀՀ»—ի հետ զրույցում նշեց, որ ընդհանուր ֆինանսական շուկայի ձեւավորման առաջնահերթությունն այն բանում է, որ եթե մարդիկ զբաղվում են բիզնեսով, ծառայություններ են մատուցում եւ այլն, ապա անպայմանորեն պետք է սպասարկվեն բանկային կամ ֆինանսական շուկայի նույն գործիքներով, անկախ այն բանից՝ Հայաստանում են, Ռուսաստանում, թե ԵԱՏ ... Կարդալ շարունակությունը »

Վարչապետը հանդիպել է Մխիթարյան վանահայրերի եւ Վենետիկի հայ համայնքի ներկայացուցիչների հետ

Վարչապետ Նիկոլ Փաշինյանը պաշտոնական այցով երեկ ժամանել է Իտալիայի Հանրապետություն, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետի այցը մեկնարկել է Իտալիայի Վենետիկ քաղաքից. Նիկոլ Փաշինյանն այցելել է Վենետիկի Սուրբ Ղազար կղզի, որտեղ տեղակայված է Մխիթարյան միաբանությունը՝ շուրջ երեքդարյա պատմություն ունեցող հայկական կրոնական ու մշակութային կազմակերպությունը։
Վարչապետը շրջայց է կատարել Մխիթարյան միաբանության տարածքում, որի ընթացքում Մխիթարյան միաբանության քահանայապետական պատվիրակ, Թուրքիայի հայ կաթողիկե եկեղեցու թեմի առաջնորդ գերապայծառ տեր Լեւոն արքեպիսկոպոս Զեքիյանը ներկայացրել է վերջին օրերին Վենետիկում տեղի ունեցած ջրհեղեղի հետեւանքները։ Նրա խոսքով՝ ջրով լցված են եղել շինության գետնահարկերը, եկեղեցու հիմքը, քանդվել է հարավային պարսպապատը, որոշ ձեռագրեր եւ զարդաքանդակներ են վնասվել, ափին խարսխված «Արմենիա» առագաստանավը բախվել է կառամատույցին, բայց լուրջ մշակութային վնաս Մխիթարյան միաբանությունը չի կրել։ Ներկայումս հաշվարկվում է վնասի չափը։ Վարչապետ Փաշինյանը զորակցություն է հայտնել Մխիթարյան միաբանությանը եւ ուրախություն հայտնել այն կապակցությամբ, որ անդառնալի որեւէ վնաս չի պատճառվել։ Միաբանության Մայրավանքում Տերունական աղոթքից հետո վարչապետ Փաշինյանը մոմավառություն է կատարել Մայրավանքում, ապա այցելել միաբանության գրադարան, ծանոթացել այնտեղ ներկայացված ձեռագրերին եւ գրառում կատարել «Ոսկե» գրքում։
Իր գրառման մեջ Նիկոլ Փաշինյանը նշել է. «Եկանք մեր զորակցությունը հայտնելու ջրհեղեղից տուժած Մխիթարյան միաբանությանը։ Ուրախ եմ, որ ա ... Կարդալ շարունակությունը »

Հայկական հարցը՝ միջազգային վերադասավորումների համապատկերում

Մեր ենթադրությունների շարքում նաեւ ԱՄՆ-ի Սենատի կողմից Կոնգրեսի Ներկայացուցիչների պալատի Հայոց ցեղասպանության ճանաչման եւ Թուրքիայի դեմ պատժամիջոցներ կիրառելու բանաձեւի ընդունած որոշումը քննարկման չդնելու մտայնությունը կար, ինչը եւ եղավ։ Սակայն նշել էինք նաեւ, որ դա հնարավոր է, քանի որ յուրաքանչյուր գերտերություն (նաեւ ցանկացած պետություն) նախ եւ առաջ իր շահերն է առաջ մղում։ Երբ երկու կամ մի քանի երկրներ են համատեղ գործում, միեւնույնն է ամեն մեկն իրենն է առաջնային դիտարկում, եւ փոխշահավետությունը հենց այդ դիտարկումների համաձայնեցմամբ, համադրմամբ է կայանում։
Ուստի այն հերթական հուսախաբությունը, որն այսօր որոշակի հանրային հատվածի գրեթե մի նոր հուսահատության է հասցրել, ժամանակավրեպ է, քանի որ միջազգային քաղաքականության օրակարգը նաեւ ժամակարգերով է ձեւավորվում, ինչը նշանակում է՝ չի կարելի ժամ առ ժամ բացառել ԱՄՆ—ի Սենատում վերոնշյալ հայանպաստ բանաձեւի քննարկումը։ Այնպես չէ, որ Թուրքիայի նախագահը Վաշինգտոնում ստացել է իր բոլոր հարցերի դրական պատասխանները։ Անկարան իր ծավալապաշտական քաղաքականության հետեւանքով ընկել է երկու քարի արանքը, ինչն էլ պատճառ դարձավ, որ եւ Դոնալդ Թրամփը, եւ Ռեջեփ Թայիփ Էրդողանը քննարկված ոչ մի հարցի շուրջ հաստատուն կարծիք կամ տեսակետ չհայտնեցին։
Գուցե ինչ—որ բան հստակեցվի Թուրքիայի նախագահի՝ Մոսկվայում Վլադիմիր Պուտինի հետ սպասվելիք հանդիպումից հետո։ Չնայած այստեղից էլ սպասելիքները շատ չեն։
Փաստորեն, բացի Հայոց ցեղասպանության ճանաչման բանաձեւի քննարկման կասեցումից, իրենց պատասխանները չստացան նաեւ թուրք—սիրիական եւ քրդական, ռուսական ՀՕՊ համակարգերի եւ ամերիկյան ռմբակոծիչ ինքնաթիռների, ՆԱՏՕ—ի Ինջիրլ ... Կարդալ շարունակությունը »

Հայաստանն ու Ռուսաստանը միակարծիք են՝ տարածաշրջանում խաղաղությունն այլընտրանք չունի

ՀՀ արտաքին գործերի նախարար Զոհրաբ Մնացականյանն ու ՌԴ արտաքին գործերի նախարար Սերգեյ Լավրովը ԼՂ հակամարտության կարգավորման հարցում միակարծիք են, որ խաղաղությունը տարածաշրջանում այլընտրանք չունի։ «Արմենպրեսի» տեղեկացմամբ՝ այս մասին Երեւանում երեկ համատեղ մամուլի ասուլիսի ընթացքում ասաց Զոհրաբ Մնացականյանը. «Բարձր գնահատեցի ԵԱՀԿ Մինսկի խմբի համանախագահ Ռուսաստանի Դաշնության՝ ի թիվս այլ համանախագահող երկրների, ջանքերը ԼՂ հակամարտության խաղաղ կարգավորման շրջանակներում։ Արցախյան հիմնախնդիրը վերաբերում է իրենց պատմական հայրենիքում ապրող մեր հայրենակիցների իրավունքների իրականացմանը։ Որպես Արցախի անվտանգության երաշխավոր՝ մենք հանձնառու ենք ապահովելու խաղաղ կարգավորման այնպիսի միջավայր, որը կհարգի Արցախի ժողովրդի իրավունքների իրականացումը առանց սահմանափակման եւ հարկադրանքի։ Գործընկերոջս հետ համակարծիք ենք, որ խաղաղությունը մեր տարածաշրջանում այլընտրանք չունի»։
Սերգեյ Լավրովը նշեց, որ Ռուսաստանի Դաշնությունը պատրաստակամ է՝ շարունակելու ջանքեր գործադրել ԵԱՀԿ ՄԽ շրջանակներում ԼՂ հակամարտության կարգավորման ուղղությամբ։ Կարգավորման սկզբունքների մասին խոսելիս նա մեջբերեց ՀՀ վարչապետ Նիկոլ Փաշինյանի այն հայտարարությունը, թե հակամարտության կարգավորման ցանկացած լուծում պետք է ընդունելի լինի Հայաստանի ժողովրդի, Արցախի ժողովրդի եւ Ադրբեջանի ժողովրդի համար. «Ինչ վերաբերում է ԼՂ հակամարտության կարգավորման սկզբունքներին, ես կարող եմ եւս մեկ անգամ մեջբերել ՀՀ վարչապետ Նիկոլ Փաշինյանի հայտարարությունը, թե անհրաժեշտ է հաշվի առնել եւÕՀայաստանի, ե՛ւ Ղարաբաղի, ե՛ւ Ադրբեջանի ժողովուրդների ցանկությունը։ Սկզբունքորեն՝ տարածքային ... Կարդալ շարունակությունը »

Տեղի է ունեցել Նիկոլ Փաշինյանի եւ Պրոկոպիոս Պավլոպուլոսի հանդիպումը

Վարչապետ Նիկոլ Փաշինյանը կառավարությունում հանդիպում է ունեցել պաշտոնական այցով Հայաստան ժամանած Հունաստանի Հանրապետության նախագահ Պրոկոպիոս Պավլոպուլոսի հետ, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետը, ողջունելով Հունաստանի նախագահին ՀՀ կառավարությունում, վստահություն է հայտնել, որ նրա այցը մեր երկիր կնպաստի հայ—հունական եղբայրական կապերի զարգացմանն ու ընդլայնմանը։ «Պարոն նախագահ, ես հաճույքով եմ հիշում մեր հանդիպումը Չինաստանում՝ Պեկինում, Ասիական քաղաքակրթությունների ֆորումում, որտեղ մենք հագեցած զրույց ունեցանք մեր երկրների հարաբերությունների եւ ընդհանրապես մեր երկկողմ օրակարգի հարցերի մասին։ Մեր երկրների միջպետական եւ միջժողովրդական հարաբերությունները շատ բարձր մակարդակի վրա են գտնվում, եւ հույս ունեմ, որ մենք կկարողանանք այս նպաստավոր ֆոնի վրա առավել արդյունավետ տնտեսական համագործակցություն հաստատել, նաեւ այլ ոլորտներում մեր համագործակցության մակարդակը բարձրացնել եւ արդյունքներն ավելացնել։
Ես հաճույքով եմ հիշում նաեւ սեպտեմբերին տեղի ունեցած իմ հանդիպումը Հունաստանի նորընտիր վարչապետ Կիրիակոս Միցոտակիսի հետ։ Նրա հետ նույնպես առիթ ունեցանք քննարկելու մեր հարաբերությունները եւ պայմանավորվելու մեր առաջիկա անելիքների մասին։ Եվ հունվարին մենք սպասում ենք եռակողմ՝ Հայաստան—Հունաստան—Կիպրոս ձեւաչափով մեր առաջին գագաթնաժողովին, որը տեղի կունենա Երեւանում։ Դա շատ կարեւոր իրադարձություն է, որն էլ ավելի նպաստավոր կդարձնի մեր հարաբերությունները։ 
Հատուկ ուզում եմ ընդգծել, որ Հայաստանում Հունաստանի նկատմամբ կա առանձնահատուկ վերաբերմունք, եւ մեր ժողովո ... Կարդալ շարունակությունը »

Հունաստանի Հանրապետության նախագահ Պրոկոպիոս Պավլոպուլոսը տիկնոջ՝ Վլասիա Պավլոպուլուի հետ այսօր պաշտոնական այցով ժամանում է Հայաստան։ Այցին ընդառաջ Պրոկոպիոս Պավլոպուլոսը բացառիկ հայտարարություն է տրամադրել «Արմենպրեսին»։
«Հույն—հայկական հարաբերությունները, որոնք հասել են բացառիկ մակարդակի, արմատներով գնում են դեպի հեռավոր անցյալ եւ հիմնված են ամուր բարեկամության, փոխըմբռնման, ինչպես նաեւ ստեղծարար ու արդյունավետ համագործակցության վրա։ Մեր հարաբերություններն իրավամբ հասել են այն աստիճանի ներդաշնակության, որ դրանք ձգվում են երկկողմ հարաբերություններից անդին՝ դեպի միջազգային համագործակցության ավելի լայն դաշտ, քանի որ մի շարք կարեւոր միջազգային հարցերի վերաբերյալ մեր համապատասխան տեսակետներն էականորեն համընկնում են, հատկապես այն հարցերում, որոնք առնչվում են խաղաղության, մարդու հիմնարար իրավունքների ու սոցիալական արդարության պաշտպանությանը եւ ամրացմանը։ Այս ուղղությամբ մեր ջանքերի հիմնական քաղաքական ու ինստիտուցիոնալ հենարանը միջազգային իրավունքի համապարփակ կիրառումն է։
Հունաստանի, Կիպրոսի եւ Հայաստանի միջեւ եռակողմ համագործակցությունն ամրապնդում է մեր համատեղ աշխատանքի՝ վերը թվարկած չափանիշները։ Չնայած յուրաքանչյուր երկրի սփյուռքի հարցերն այդ համագործակցության ելակետն են, այն միաժամանակ ստացավ ավելի լայն խթան եւ հանգեցրեց երեք երկրների միջեւ բազմակողմ համագործակցության։ Այդուհանդերձ, Հունաստանի եւ Հայաստանի միջեւ բացարձակ անկեղծ եւ սերտ համագործակցության հիմքերում ընկած են միմյանց նման նահատակության իրողությունները։
Թեպետ մենք չենք սնում վրեժխնդրության որեւէ զգացմունք հանցագործների հանդեպ, սակայն չենք կարող մեզ թույլ տալ անգամ մի պահ մոռանալ այն, ինչ տեղի է ունեցել։ Այդ փորձառության հիշողությունն ու հուշերն են, ... Կարդալ շարունակությունը »

Այսօր պաշտոնական այցով Հայաստան է ժամանում Հունաստանի նախագահ Պրոկոպիս Պավլոպուլոսը

Երկօրյա պաշտոնական այցով այսօր Հայաստան է ժամանում Հունաստանի Հանրապետության նախագահ Պրոկոպիս Պավլոպուլոսը։ Պաշտոնական այցը կմեկնարկի Հայոց ցեղասպանության հուշահամալիր այցելությամբ, որտեղ Հայոց ցեղասպանությունն աշխարհում առաջիններից մեկը ճանաչած Հայաստանի դարավոր բարեկամ երկրի նախագահը հարգանքի տուրք կմատուցի ցեղասպանության զոհերի հիշատակին։ Ըստ արարողակարգի՝ տեղի կունենան ծաղկեպսակի զետեղում, շրջայց հուշահամալիրի թանգարան եւ ծառատունկ։
Նախատեսվում են Պրոկոպիս Պավլոպուլոսի հանդիպումները ՀՀ նախագահ Արմեն Սարգսյանի, վարչապետ Նիկոլ Փաշինյանի, Ազգային ժողովի նախագահ Արարատ Միրզոյանի հետ։ Հանդիպումից հետո նախագահները լրատվամիջոցների ներկայացուցիչների համար հանդես կգան հայտարարությամբ։ Հունաստանի նախագահին կընդունի նաեւ Ամենայն հայոց կաթողիկոս Ն.Ս.Օ.Տ.Տ Գարեգին Բ—ն։ Նախատեսվում են նաեւ այցելություն Մատենադարան, հանդիպում Հայաստանի հույն համայնքի ներկայացուցիչների հետ, մշակութային այլ միջոցառումներ։
Հունաստանի նախագահի պաշտոնական այցի օրակարգի, հայ—հունական հարաբերությունների շուրջ «ՀՀ»—ի հարցերին պատասխանել է ՀՀ ԱԳՆ Եվրոպայի վարչության պետ Տիգրան Սամվելյանը։
–Հոգեւոր, պատմական, մշակութային կապերը երկու ժողովուրդների միջեւ բավականին խոր արմատներ ունեն։ Արդյոք համարժեք ձեւո՞վ են զարգանում նաեւ քաղաքական եւ տնտեսական հարաբերությունները։ Ի՞նչ քայլեր են իրականացվում՝ այս ուղղություններով հարաբերություններն ամրապնդելու եւ խորացնելու համար։
–Հայաստանի եւ Հունաստանի միջեւ հաստատվել է գերազանց քաղաքական երկխոսություն։ Հայ եւ հույն ժողովուրդների միջեւ պատմականորեն ձեւավորվել են ջերմ ... Կարդալ շարունակությունը »