| Կայքի մենյու |
|
 |
| Բաժնի անվանակարգերը |
|
|
| Մինի - չաթ |
|
|
|
| Վիճակագրություն |
Ընդամենը առցանց: 1 Հյուրեր: 1 Հաճախորդներ 0 |
|
|
Գլխավոր էջ » Քաղաքականություն
« 1 2 ... 39 40 41 42 43 ... 53 54 »
Ապրիլի 26—ին արտգործնախարար Էդվարդ Նալբանդյանն ընդունեց Ֆինլանդիայի հեղինակավոր «Պաասիկիվի» արտաքին քաղաքական ընկերակցության պատվիրակությանը, որի կազմում էին Ֆինլանդիայի քաղաքական եւ հասարակական գործիչներ, դիվանագետներ եւ վերլուծաբաններ, հայտնում են ԱԳՆ մամուլի եւ տեղեկատվության վարչությունից։
Նախարար Նալբանդյանը հյուրերին ներկայացրեց Հայաստանի արտաքին քաղաքականության առաջնահերթությունները, տարբեր երկրների եւ տարածաշրջանների հետ գործընկերային հարաբերությունների զարգացմանն ուղղված քայլերը, տարածաշրջանային խնդիրների եւ դրանց կարգավորման վերաբերյալ Հայաստանի մոտեցումները, ղարաբաղյան հիմնախնդրի հանգուցալուծման ուղղությամբ Հայաստանի եւ միջազգային հանրության կողմից ձեռնարկվող ջանքերը։
Նախարարը պատասխանեց նաեւ ներկաների բազմաթիվ հարցերի։
Էդ. Նալբանդյանն անդրադարձավ Թուրքիայի արտաքին գործերի նախարարի պնդմանը, թե Ցյուրիխում արձանագրությունների ստորագրման արարողությանն իր չհնչեցված ելույթի եւ ապրիլի 23—ի Թուրքիայի վարչապետի հայտարարության բովանդակությունը նույնն են։ Հայաստանի արտաքին քաղաքական գերատեսչության ղեկավարը նշեց, որ միգուցե Դավութօղլուն մոռանում է, որ 2009թ. հոկտեմբերի 10—ին Ցյուրիխում կային այլ մասնակիցներ, ովքեր կարող են հիշեցնել՝ ինչ է տեղի ունեցել իրականում։
«Հիշեցնեմ, որ ձեռք բերված պայմանավորվածության համաձայն՝ Ցյուրիխում արձանագրությունների ստորագրման արարողության բոլոր ելույթ ունեցողները պետք է նախապես տրամադրեին իրենց ել
...
Կարդալ շարունակությունը »
|
Հայաստանում Ֆրանսիայի արտակարգ եւ լիազոր դեսպան Անրի Ռենոն «Արմենպրեսի» հետ բացառիկ հարցազրույցում անդրադարձել է Ֆրանսիայի նախագահի առաջիկա այցին Հայաստան՝ հույս հայտնելով, որ այցը կօգնի ավելի բարելավելու երկու երկրների տնտեսական հարաբերությունները։ «2014թ. այն կամրապնդվի թոշակային ֆոնդերի կառավարիչ Ամունդի ընկերության Հայաստանում հաստատվելով եւ «Կարֆուրի» բացվելու հեռանկարով։ Խնդիրը ֆրանս—հայկական առեւտրային հարաբերությունները ներդրումների տեսանկյունից առկա մակարդակին բարձրացնելն է։ Իրականում Ֆրանսիան ձգտում է ավելի ընդգծված ներկայության հայկական շուկայում, ցանկանալով այդուհանդերձ հայկական ավելի շատ արտադրանք ընդունել Ֆրանսիա»,–ասել է դեսպանը։ Նա վերահաստատել է նախագահ Օլանդի պատրաստակամությունը՝ խորհրդարան ներկայացնելու Հայոց ցեղասպանության ժխտումը քրեականացնող օրինագիծը. «2012 թվականին Ֆրանսիայի խորհրդարանն ընդունեց Հայոց ցեղասպանության ժխտումը քրեականացնող օրենք, որն անվավեր ճանաչվեց Սահմանադրական խորհրդի կողմից։ Հանրապետության նախագահը հայտնել է իր վճռականության մասին խորհրդարան ներկայացնելու նոր օրինագիծ, որում հաշվի առնված կլինի Սահմանադրական խորհրդի որոշումը»։
Ֆրանսիան հայ—թուրքական հարաբերությունների նորմալացման ջատագովներից է։ Ի՞նչ կարծիքի է դեսպանը հայ—թուրքական արձանագրությունների ստորագրման համար թուրքական կողմից նախապայմաններ առաջ քաշելու մասին։ «Ցյուրիխյան արձանագրությունների ստորա
...
Կարդալ շարունակությունը »
|
Ֆրանսիայի նախագահ Ֆրանսուա Օլանդը 2015թ. ապրիլի 24—ին ներկա կլինի Երեւանում ցեղասպանության 100—րդ տարելիցի առթիվ անցկացվող միջոցառումներին։ Այս մասին նա հայտարարել է 2014թ. ապրիլի 24—ին՝ Փարիզում Հայոց ցեղասպանության զոհերի հիշատակին կազմակերպված միջոցառմանը։
«Այդ ողբերգությունն ունի անվանում, միակ անվանումը ցեղասպանությունն է։ Այլ անվանում չկա»,–Փարիզի Երեւանի այգում հավաքված հազարավոր մարդկանց ծափողջյունների ներքո հայտարարել է նախագահը։
Ֆրանսուա Օլանդը 2015թ. ապրիլի 24—ին իր ներկա գտնվելու ցանկությունը բացատրել է «հիշատակի պարտքը կատարելով եւ ամբողջ աշխարհում Հայոց ցեղասպանության ճանաչման ուղղությամբ աշխատելու նպատակով»։
Իսկ Էրդողանի հայտարարության վերաբերյալ Ֆրանսուա Օլանդը Թուրքիայի դիրքորոշման հարցում առաջընթաց է նկատել, որը, սակայն, անբավարար է համարել։ «Դա այն էր, ինչ պետք էր լսել, բայց դեռ բավարար չէ»,–ասել է նա։ Ֆրանսիական «Le Nouvel Observateur» ամսագիրը գրում է, որ Ֆրանսիայի նախագահը պատրաստակամություն է հայտնել աշխատել Հայոց ցեղասպանության համընդհանուր ճանաչման ուղղությամբ։
Թուրքիայի վարչապետ Էրդողանի հայտարարությունը, որը ցավակցություն էր հայտնել Հայոց ցեղասպանության զոհերի սերունդներին, առաջին քայլն է։ Այս մասին հայտարարել է Փարիզի նորընտիր քաղաքապետ Անն Իդալգոն՝ Փարիզի քաղաքապետարանում ապրիլի 24—ին, Հայոց ցեղասպանության զոհերի հիշատակին նվիրված միջոցա
...
Կարդալ շարունակությունը »
|
Ապրիլի 16—ին «Օրինաց երկիր» կուսակցության քաղխորհուրդը որոշում էր կայացրել իշխող կոալիցիայից դուրս գալու առնչությամբ։ Երեկ Ազգային անվտանգության խորհրդի քարտուղարի պաշտոնից հրաժարվելու մասին հայտարարեց ԱԱԽ քարտուղար, «Օրինաց երկիր» կուսակցության նախագահ Արթուր Բաղդասարյանը. «Անցած վեց տարիները եղել են համատեղ աշխատանքի տարիներ, եւ ես ուզում եմ շնորհակալություն հայտնել խորհրդի անդամներին այդ աշխատանքի համար։ Այս վեց տարիները ԱԱԽ—ում առանձնացան նաեւ նրանով, որ կարճաժամկետ ծրագրերից երկարաժամկետ ծրագրերի անցանք»։
Բնականաբար լրագրողներին հետաքրքրում էին այս որոշման պատճառները։
Արթուր Բաղդասարյանը նման որոշումը բացատրեց հինգ հիմնական հանգամանքով՝ ՀՀ նախագահի հայտարարություն, սահմանադրական բարեփոխումներ, վիճահարույց «կուտակայինը», կառավարության հրաժարական եւ նոր կառավարության ձեւավորում։ Նաեւ նշեց, որ, չնայած կոալիցիոն համագործակցությանը, ՕԵԿ—ին չհաջողվեց լինել այդ ձեւաչափում որոշիչի կարգավիճակում, իսկ այն ամենի համար, որը կարողացել են անել անցած տարիներին, շնորհակալություն հայտնեց նախկին կոալիցիոն գործընկերոջը։
«Որպես 17 տարվա կուսակցության ղեկավար ինձ վերապահում եմ այդ իրավունքը հայտարարելու, որ այս հինգ գործոնները նոր իրավիճակ բերեցին քաղաքական դաշտ, եւ այդ կապակցությամբ որոշում կայացրեցինք այլեւս մաս չկազմել քաղաքական կոալիցիային։ Մեր երկրի առջեւ ծառացած են բազմաթիվ խնդիրներ, որոնք էլ ինչպես բարձր
...
Կարդալ շարունակությունը »
|
Ամբողջ աշխարհով սփռված հայերը Հայաստանի կողքին են Հայոց ցեղասպանության զոհերի հիշատակի օրը։ Նրանք իրենց գրառումներով կամ ներկայացնում են ցեղասպանության մասին իրենց ընտանիքների հիշողությունները, կամ պահանջում են ընդունել ցեղասպանությունը՝ ընդգծելով, որ այդ ճանապարհին դեռեւս շատ բան չի արվել։
Ֆրանսահայ լեգենդար երգիչ Շառլ Ազնավուրն իր ֆեյսբուքյան պաշտոնական էջում տարածել է «Նրանք ընկան» տեսահոլովակը։ «Այսօր՝ ապրիլի 24—ին, մենք ոգեկոչում ենք Հայոց ցեղասպանության 99—րդ տարելիցը։ Այս ստեղծագործությունը գրվել է 1975 թվականին Ազնավուրի եւ Գեորգ Գարվարենցի կողմից՝ 60—րդ տարելիցի կապակցությամբ։ Մինչեւ օրս ոչ մի արդարություն, ոչ մի ճանաչում եւ ոչ մի քավություն»,–նշված է Ազնավուրի էջում։
Երգչուհի Շերն իր թվիթերյան միկրոբլոգում նշել է. «Ցեղասպանությունը ճշմարտություն է, թեեւ թուրքերն այն ժխտում են։ Բայց դա պատահել է։ Ինչպես մենք սպանեցինք բնիկ ամերիկացիներին, այնպես էլ թուրքերը սպանեցին հայերին»։
Կինոռեժիսոր Տիգրան Քեոսայանը թվիթերի իր էջում երկու գրառում է կատարել։
Նախ անդրադարձել է Էրդողանի հայտարարությանը. «Կարծես թե առաջին անգամ է, երբ թուրք քաղաքական գործիչը՝ վարչապետի պաշտոնում, ցավակցում է 1915 թվականի ցեղասպանության զոհերին։ Ուղղակի քա՞յլ»։ Այնուհետեւ Քեոսայանը նշել է. «Այսօր 1915 թվականի Հայոց ցեղասպանության զոհերի հիշատակի օրն է։ Իմ նախնիները փախչում էին Կարսի կոտորածն
...
Կարդալ շարունակությունը »
|
Թուրքիայի վարչապետ Էրդողանի՝ Հայոց ցեղասպանության տարելիցի առնչությամբ նախօրեին արած հայտարարությունը լայն արձագանք է գտել թե պաշտոնական, թե քաղաքագիտական շրջանակներում։
ՀՀ նախագահի աշխատակազմի ղեկավար Վիգեն Սարգսյանը Ծիծեռնակաբերդում պատասխանել է «Արմենպրեսի» թղթակցի հարցին։
—Պարո՛ն Սարգսյան, ապրիլի 24—ի նախօրեին Թուրքիայի վարչապետ Ռեջեփ Թայիփ Էրդողանն անսպասելի հայտարարություն արեց։ Ինչպե՞ս կմեկնաբանեք դրանում շարադրված մոտեցումները։
—Մենք ուշադրությամբ ծանոթացանք Թուրքիայի վարչապետի այդ հայտարարությանը, փորձելով դրանում տեսնել պատմությանն առերեսվելու առաջին փորձ, սակայն, ցավոք, պետք է փաստենք, որ այն Հայոց ցեղասպանության հանցագործության ժխտման եւ քողարկման հերթական՝ թերեւս ավելի կատարելագործված դրսեւորում է։
Դրանում պարունակվում են թուրքական քարոզչամեքենայի արդեն բոլորին հայտնի նույն թեզերը՝ զոհին եւ դահճին նույն հարթության մեջ դիտարկելը, պատճառահետեւանքային կապի խեղաթյուրումը, բոլորին հայտնի պատմական իրականության վերանայման գործիքների ձեւավորման կոչը։
Իրականում Թուրքիայից այլ բան է պահանջվում. ճանաչել պատմությունը եւ աներկբայորեն դատապարտել դրանում առկա հանցանքները։ Քրիստոնեության մեջ դա կոչվում է ապաշխարանք։
Վստահ եմ՝ դրա համարժեքը կա նաեւ այլ կրոններում։ Ինչպես նշել է նախագահ Սարգսյանն իր ուղերձում. «Միայն ճանաչումն ու դատապարտումը կարող են կանխել նման հանցագործությունների կրկնությունը»։ Ընդ որում, դ
...
Կարդալ շարունակությունը »
|
Աշխարհահռչակ շանսոնյե Շառլ Ազնավուրը գտնում է, որ Թուրքիայի վարչապետ Ռեջեփ Թայիփ Էրդողանի ցավակցությունները ցեղասպանության ենթարկվածների թռներին համարժեք չեն ոչ ճանաչմանը եւ ոչ էլ ներողություն խնդրելուն։
«Ֆրանս պրես» գործակալությամբ հրապարակած բաց նամակում Ազնավուրը ենթադրում է, որ Էրդողանի այդ հայտարարությունն առաջին քայլն է երկխոսությանն ընդառաջ, որը հայ ժողովրդին մերժում էին 100 տարի շարունակ։ «Մարդկանց միջեւ հարաբերությունները պետք է կառավարի մարդասիրությունը։ Բանականությունը հուշում է, որ ցավակցության այդ արտահայտությունն ունի այլ շարժառիթ՝ բացի երկխոսությունից, որն այնքան կարեւոր է պատմական ճշմարտությունը վերականգնելու առումով»,–ասված է նամակում։
Միաժամանակ, աշխարհահռչակ շանսոնյեն նշել է, որ Էրդողանը շարունակում է հրաժարվել 1915 թվականին Օսմանյան կայսրությունում իրականացված Հայոց ցեղասպանության ճանաչումից, իսկ նրա օգտագործած «ցավակցություն» բառը պետք է դիտել որպես քաղաքական գործչի անձնական ցանկություն՝ ներկայացնել ցուցադրական բաց դիրքորոշում։ |
«British Petrolium» բրիտանական կորպորացիայի նախկին փոխնախագահ Լեսլի Աբրահամսը հետաքննիչ—լրագրող Գրեգ Պալաստին պատմել էր, թե ինչպես «BP»—ն ԿՀՎ—ի եւ ՄԻ—6 Բրիտանիայի գաղտնի հետախուզական ծառայության հետ համատեղ տապալել է Ադրբեջանի «իրենց ոչ հարմար» իշխանությունը։ Այս լրագրողական հետաքննությունը հասանելի է բրիտանական «TruthDig» կայքում։
«1992թ., երբ նորաստեղծ Ադրբեջանի Հանրապետությունը ընտրել էր իր առաջին նախագահին՝ Աբուլֆազ Էլչիբեյին, «British Petrolium»—ի նախագահ լորդ Բրաունը մեկնել է Բաքու։ Նրա հետ Բաքու է գնացել նաեւ Բրիտանիայի վարչապետ Մարգարետ Թետչերը։ Ճաշի ժամանակ Բրաունը Լեսլի Աբրահամսին մի թղթապանակ է ցույց տվել, որում 30 միլիոն դոլարին համարժեք կտրոն կար։ Այնուհետեւ Բրաունը այդ կտրոնը հանձնել է Ադրբեջանի նախագահին»,–ասվում է նյութում։
Այնուամենայնիվ նոր նախագահը դուր չէր գալիս «BP»—ին, եւ ընկերությունը հատուկ ծառայությունների հետ համատեղ գործի է անցել, նշում է հեղինակը։ Հատուկ ծառայությունները զինել են Հեյդար Ալիեւին, ով էլ 1993թ. տապալել է Ադրբեջանի այն ժամանակվա իշխանությունը։ Դառնալով բռնապետ՝ նա իրեն ցմահ նախագահ է հռչակել եւ չորս ամսվա ընթացքում պայմանագիր ստորագրել՝ «BP»—ին հանձնելով նավթի պաշարները, նշում է հեղինակը։
«BP»—ի ներկայացուցիչները չեն ժխտում, որ կաշառք են տվել, իսկ ՄԻ—6&md
...
Կարդալ շարունակությունը »
|
Ռուսաստանի նախագահ Վլադիմիր Պուտինը հրամանագիր է ստորագրել Ղրիմի թաթարների եւ այլ ժողովուրդների իրավունքների վերականգնման մասին, որոնք տուժել են ռեպրեսիաներից։ Այդ մասին, ինչպես տեղեկացնում է «Արմենպրեսը», նա հայտնել է երեկ՝ բացելով Պետխորհրդի նիստը։
«Օգտվելով առիթից՝ կցանկանայի գործընկերներին տեղեկացնել այն մասին, որ ես հրամանագիր եմ ստորագրել Ղրիմի թաթար բնակչության, հայ բնակչության, հույների, գերմանացիների, բոլոր նրանց իրավունքների վերականգնման մասին, ովքեր տուժել են ստալինյան ռեպրեսիաների ժամանակ»,–ասել է Պուտինը։
Նրա խոսքով՝ այդ հրամանագրում շարադրված են «առանձին տարածքների սոցիալ—տնտեսական բարեկարգմանն ուղղված» միջոցառումները, որոնք վերջին տարիներին ու նույնիսկ տասնամյակներին փաստորեն լքված էին եւ «իրավաբանորեն ոչ մի ձեւակերպում չունեին», հաղորդել է ԻՏԱՌ—ՏԱՍՍ—ը |
ԱՄՆ Սենատի արտաքին հարաբերությունների հանձնաժողովի կողմից Հայոց ցեղասպանության մասին բանաձեւի ընդունումից եւ Ամերիկայի Կոնգրեսի ներկայացուցիչների պալատում զուգահեռաբար շրջանառության մեջ դրված Հայոց ցեղասպանությունը ճանաչող մեկ այլ օրինագծից հետո Թուրքիայում իսկական հիստերիա է սկսվել։
Կառավարող օղակներն «իրար են խառնվել»։ Թուրքիայի արտաքին գերատեսչությունը փորձում է կանգնեցնել գործընթացը։ Արտգործնախարար Ահմեդ Դավութօղլուն համոզմունք է հայտնել, որ բանաձեւը հանձնաժողովից այն կողմ չի անցնելու՝ Սենատի օրակարգ չի մտնելու։ Այդ վստահությունը, իր խոսքերով, նրան ներշնչել է ԱՄՆ—ի պետքարտուղար Ջոն Քերրին։
«Սենատի կամ ներկայացուցիչների պալատի կողմից օրակարգ մտնելու կամ որեւէ հայտարարության դեպքում մենք նախկինում ցույց տված մեր արձագանքը ցույց կտանք։ Թուրքիան լուռ չի մնա։ Սակայն նման հավանականություն չենք կանխատեսում։ Մեր դիրքորոշումն ու արձագանքը հստակ է։ Թուրքիան նման քաղաքական շահարկումներ թույլ չի տա։ Մենք հետեւում ենք իրադարձություններին»,–ասել է նա։
Թուրքիայի արտգործնախարարը նշել է, որ այս փուլում այդ բանաձեւն Անկարա—Վաշինգտոն հարաբերությունների վրա չի ազդի։
Եթե Միացյալ Նահանգները այդ հարցում հաշվի չառնի Թուրքիայի շահերը, ապա երկու երկրների միջեւ հարաբերությունները կարող են վատթարանալ, ավելի վաղ հայտարարել է Թուրքիայի իշխող «Արդարություն եւ զարգացում» կուսակցության խորհրդի անդամ Մազխար Բաղլին։
Թուրքական լրատվ
...
Կարդալ շարունակությունը »
|
Ուկրաինայի արեւելքում վերջին օրերին լայնամասշտաբ բողոքի ակցիաներ են անցկացվում՝ Ուկրաինայի դաշնայնացման պահանջով։
Մի քանի քաղաքներում զինված մարդիկ գրավել են վարչական շենքեր։ Կիրակի հանրահավաքներ են անցկացվել Զապորոժյեում, Լուգանսկում, Օդեսայում եւ Խարկովում։ Բախումների ժամանակ վիրավորվել է առնվազն 50 մարդ։ Դոնեցկում սկսել են կազմավորել ինքնապաշտպանության ջոկատներ՝ Մարիուպոլում, Կրամատորսկում եւ Սլավյանսկում ոստիկանության տեղական բաժինները գրաված մարդկանց օգնության համար։ Սլավյանսկում հատուկ գործողության ընթացքում կիրակի օրն առավոտյան զոհվել է Ուկրաինայի անվտանգության ծառայության «Ալֆա» հատուկ ստորաբաժանման կապիտան, եւս չորս հատուկ ջոկատային վնասվածքներ են ստացել։
Սակայն Կիեւը արեւելյան շրջաններում արտակարգ դրություն չի սահմանում։ «Արտակարգ դրություն մտցնել՝ նշանակում է այդ տարածքում նախընտրական արշավի դադարեցում, եւ դա կստեղծի լեգիտիմության համար կասկածների հիմքեր»,–գրել է Ուկրաինայի ազգային անվտանգության խորհրդի քարտուղարի տեղակալ Վիկտորյա Սյումարը։
Բողոքողներին մինչեւ ապրիլի 14—ը ժամանակ էր տրված՝ հանձնելու զենքն ու ազատելու գրաված կառավարական շենքերը։ Ժամկետի ավարտին երեկ երկրի նախագահի պաշտոնակատար Ալեքսանդր Տուրչինովը հայտարարել է Ուկրաինայի զինված ուժերի ներգրավմամբ լայնամասշտաբ հատուկ գործողություն սկսելու մասին։ Կիեւը մտադիր է ամբողջությամբ կարգավորել իրավիճակը սեղմ ժամկետներում։ Տուրչինովը ՄԱԿ—ի գլխավոր քարտուղար
...
Կարդալ շարունակությունը »
|
Երեկ ՀՀ ԱԺ նախագահ Հովիկ Աբրահամյանի գլխավորած պատվիրակությունը Վիլնյուսում՝ Լիտվայի խորհրդարանի շենքում, մասնակցեց Եվրոպական միության անդամ պետությունների խորհրդարանների նախագահների խորհրդաժողովին, որին հրավիրված էին նաեւ Արեւելյան գործընկերության անդամ երկրների խորհրդարանների նախագահները, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։ Խորհրդաժողովում ԱԺ նախագահը հանդես եկավ ելույթով՝ «Միջխորհրդարանական համագործակցությունը Արեւելյան գործընկերության երկրների հետ» թեմայով։
Դիմելով ներկաներին՝ Հովիկ Աբրահամյանը, մասնավորապես, ասաց. «Վերջին տասնամյակների ընթացքում էապես աճել է ազգային խորհրդարանների դերը ամբողջ աշխարհում՝ ներդաշնակորեն փոխլրացնելով ավանդական դիվանագիտությունը։ Մենք գնահատում ենք խորհրդարանական ձեւաչափով հանդիպումների յուրաքանչյուր հնարավորություն։ Ուրախ եմ, որ մեզ՝ որպես Արեւելյան գործընկերության անդամ երկրների ներկայացուցիչների, հնարավորություն ընձեռվեց համատեղ քննարկելու միջխորհրդարանական համագործակցության հեռանկարներին, ինչպես նաեւ մեր առջեւ ծագած մարտահրավերների հաղթահարմանն առնչվող հարցեր։
Եվրոպական միության եւ Արեւելյան գործընկեր երկրների միջեւ ընդլայնվող կապերի շնորհիվ լայն հնարավորություններ են ստեղծվել նաեւ երկկողմ միջխորհրդարանական համագործակցության զարգացման եւ եվրոպական պառլամենտարիզմի լավագույն փորձի փոխանակման համար։ Արեւելյան գործընկերության խորհրդարանական ձեւաչափը՝ Եվրանեսթը, մեծապես նպաստել
...
Կարդալ շարունակությունը »
|
|
|
|
| Մուտքի ձև |
|
|
| Որոնել |
|
|
| Օրացույց |
| « Ապրիլ 2024 » | | Երկ | Երկ | Չրկ | Հնգ | Ուր | Շբ | Կր | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 |
|
|
| Սոց ցանցեր |
|
|
| Ժամանակահատված |
|
|
|
