«Fitch» միջազգային վարկանշային գործակալությունը հրապարակել է Հայաստանի տնտեսության վերաբերյալ երկարաժամկետ եւ կարճաժամկետ վարկանշային իր կանխատեսումները։ Ինչպես հաղորդում է «Արմենպրեսը»՝ վկայակոչելով գործակալության պաշտոնական կայքը, Հայաստանի տնտեսության երկարաժամկետ կանխատեսումը մնացել է անփոփոխ՝ BB— կայուն մակարդակում՝ հաշվարկված արտարժույթով եւ տեղական արժույթով։ Միաժամանակ, երկրի՝ թողարկողի դեֆոլտի վարկանիշի կարճաժամկետ կանխատեսումն արտարժույթով B մակարդակում է, իսկ առաստաղը՝ BB մակարդակում։
Գործակալությունը փաստել է, որ Հայաստանի իրական համախառն ներքին արդյունքը 2011 թվականին աճել է 4.6 տոկոսով սպառման եւ արտահանման, ինչպես նաեւ գյուղատնտեսության ոլորտի աճի շնորհիվ։ «Fitch»—ի մասնագետները կանխատեսում են, որ 2012—14 թթ. ՀՆԱ—ի աճը կկազմի 4 տոկոս։ Նշվում է, որ լեռնահանքային ոլորտում արդյունահանման ցուցանիշները հնարավոր է գերազանցվեն, սակայն մետաղների գներից եւ ռուսաստանյան տնտեսությունից կախվածությունը խոցելիության աղբյուր են։ Նշվում է նաեւ, որ ներդրումային մթնոլորտի բարելավման դեպքում ոլորտը կարող է ավելի արագ աճ արձանագրել միջնաժամկետ հեռանկարում։
Գործակալությունն, անդրադառնալով Հայաստանի բյուջետային դեֆիցիտին, նշում է, որ հետագա առաջընթացը գերադասելի է հարկահավաքման բարելավման, ոչ թե ծախսերի նվազեցման միջոցով։
«2014—ին նախատեսված կենսաթոշակային բարեփոխումները թեպետ ենթադրում են բյուջետային ուղղակի ծախսեր՝ կարճաժամկետ հեռանկարում, սակայն կարող են նպաստել կապիտալի տեղական շուկաների զարգացմանն ու ... Կարդալ շարունակությունը »

Ռուբեն Կարապետյանը ներկայացրել է խորհրդային շրջանում ադրբեջանական իշխանությունների կողմից Արցախի մեծամասնությունը կազմող հայ բնակչության ֆիզիկական գոյությանը սպառնացող ազգային խտրականության հետեւողական քաղաքականության մասին։ Հեղինակն անդրադարձել է ԼՂՀ անկախության միջազգային ճանաչման համար անխոցելի իրավական հիմքերի առկայությանը։ ՀՀ դեսպանը անհեռանկարային է համարել ներկայումս ադրբեջանական իշխանությունների կողմից Արցախի ժողովրդի կամարտահայտության ու պայքարի արդյունքում ավելի քան 20 տարի առաջ ձեռք բերված անկախության մերժումը՝ միեւնույն ժամանակ ընդգծելով, որ միջազգային հանրության կողմից որդեգրած «հավասարակշռված մոտեցումը» սխալ մեկնաբանությունների հիմք է տալիս Բաքվին՝ վերջինիս հնարավորություն ընձեռելով խուսափելու խաղաղ ճանապարհով ԼՂ հիմնախնդրի համապարփակ եւ տեւական հանգուցալուծումից։
Դեսպան Կարապետյանը նշում է, որ ԼՂ անկախության ճանաչումը անխուսափելի է, քանի որ անհնար է մի կողմից հանդես գալ մարդու իրավունքների պաշտպանության դիրքերից, իսկ մյուս կողմից՝ պաշտպանել «ստալինյան ժառանգության» ամենազավեշտալի մն ... Կարդալ շարունակությունը »

Հայոց ցեղասպանության 100—րդ տարելիցին ընդառաջ Թուրքիան աշխատում է երկու ուղղությամբ

Հայոց ցեղասպանության 100—րդ տարելիցին ընդառաջ՝ Թուրքիան մշակել է հատուկ մարտավարություն՝ աշխատում է երկու ուղղությամբ՝ ոչ պաշտոնական, այսինքն՝ քաղաքացիական հասարակության միջոցով աշխատել Հայաստանի հետ, եւ պետական մակարդակով՝ սփյուռքի կառույցների հետ։ Ասուլիսում այս մասին ասել է ՀՀ ԳԱԱ արեւելագիտության ինստիտուտի ավագ գիտաշխատող Վահրամ Տեր–Մաթեւոսյանը։
Նրա խոսքով, սփյուռքի կառույցները բավական լուրջ են տրամադրված ու մշակել են մինչեւ 2015 թվականն անցկացվելիք միջոցառումների ցանկ։ «Հասկանալի է, որ Թուրքիան ձեռքերը ծալած չի կարող նստել»,–ընդգծել է նա, միաժամանակ նշելով, որ եթե Թուրքիան որեւէ նախաձեռնությամբ հանդես չգա, իր համար վատ սցենարների ականատես կլինի, քանի որ ավելի շատ երկրներ կընդգրկվեն ցեղասպանության ճանաչման գործընթացում, Թուրքիայի ներսում ավելի շատ կխոսեն ցեղասպանության մասին, իրավական խնդիրները կդրվեն սեղանին, հայկական պահանջները ավելի լայն աջակիցներ կունենան ամբողջ աշխարհում։ «Սա անհանգստացնում է Թուրքիային»,–ասել է Վ. Տեր—Մաթեւոսյանը։
Անդրադառնալով հայ—թուրքական հարաբերություններին՝ Վահրամ Տեր–Մաթեւոսյանը նշել է, որ «Արդարություն եւ զարգացում» կուսակցության ներսում ... Կարդալ շարունակությունը »

Հայաստանի եւ ղարաբաղյան հակամարտության հարցերով զբաղվող ԵԱՀԿ Մինսկի խմբի անդամ, միջազգային ասպարեզում լուրջ դերակատար հանդիսացող Ֆրանսիայի միջեւ հարաբերությունները բավականին խորն են, առկա է համագործակցություն կյանքի տարբեր ոլորտներում։
Այդ հարաբերությունների առավել սերտացմանը եւ Հայաստանին ու հայերին վերաբերող խնդիրների լուծմանը մեծապես նպաստում է նաեւ Ֆրանսիայի կեսմիլիոնանոց հայ համայնքը։ Իսկ նոր նախագահ Ֆրանսուա Օլանդի կառավարման շրջանում դրանք զարգանալու են դրական ուղղությամբ՝ էլ ավելի են սերտանալու եւ խորանալու։ «Այստեղ Ֆրանսիայի դիրքրորոշումը շատ ամուր եւ հստակ է»,–«ՀՀ»—ի հետ զրույցում նշեց Հայաստանում Ֆրանսիայի արտակարգ եւ լիազոր դեսպան Անրի Ռենոն։ Հարաբերությունների խորացման մի հզոր պայման էլ Ֆրանսիայի կողմից ցեղասպանությունների հերքումը քրեականացնելու մասին օրենքի ընդունումն է։ Դեսպանը, ներկայացնելով ֆրանսիական կողմի դիրքորոշումը, հայտնեց, որ դատապարտման գործընթացը շարունակվելու է։ Հաշվի է առնվելու Սահմանադրական դատարանի օրինագծի վերաբերյալ վճիռը եւ դրա հիման վրա սկսվելու է նոր գործընթաց։
Գործընթացի վերսկսումն իրեն սպասեցնել չտվեց. Ֆրանսուա Օլանդը արդեն ձեռնամուխ է եղել Հայոց ցեղասպանության ժխտումը քրեականացնող օրինագիծը խորհրդարանի օրակարգ բերելու գործին։ Ֆրանսիայի նախագահի նստավայրից հաստատել են նախագահ Ֆրանսուա Օլանդի եւ Ֆրանսիայի հայկական կազմակերպությունների համակարգող խորհրդի համանախագահ Ֆրանկ Փափազյանի հեռախոսազրույցի մասին լուրը։ Ըստ «Ֆրանսպրես» գործակալության՝ հեռախոսազրույցի ընթացքում Ֆրանսիայի նախագահը վերահաստատել է Հայոց ցեղասպանության ժխտման համար քրեական պատասխանատվություն սահմանող օրենքի ընդունման առնչությամբ իր հանձնառությունը։ «Նախընտրական քարոզարշավի ընթացքում նախագահը տվել է խոս ... Կարդալ շարունակությունը »

ԱՄՆ—ի պետքարտուղար Հիլարի Քլինթոնի հայաստանյան վերջին այցից երկու տարի է անցել։ 
Այդ ընթացքում եւս Քլինթոնը հայաստանցի իր պաշտոնակցի հետ արդյունավետ հանդիպումների շատ առիթներ է ունեցել։ 
Քլինթոնի հերթական աշխատանքային այցը Երեւան նշանավորվեց Հայաստանի եւ ԱՄՆ—ի միջեւ դիվանագիտական հարաբերությունների հաստատման 20—ամյակի հետ։ Այն համընկավ նաեւ տխուր միջադեպի հետ. հայ—ադրբեջանական սահմանին տեղի ունեցած մարտական գործողությունների հետեւանքով 3 հայ զինծառայող զոհվեց։
Պետքարտուղարը տխրությամբ է լսել սահմանային այս միջադեպի մասին լուրը։ Արտգործնախարար Էդվարդ Նալբանդյանի հետ համատեղ ասուլիսում նա ասաց. «Ինձ մտահոգում է հայ երիտասարդների անիմաստ մահը. ուժը պետք է բացառվի։ Մենք կոչ ենք անում բոլոր մասնակիցներին զերծ մնալ ուժի կիրառումից եւ դաժանությունից»։
Նա խոստացավ ուժի չկիրառման կոչը հնչեցնել նաեւ Բաքվում։
Քլինթոնը նշեց, որ հակամարտությունը պետք է լուծվի բանակցությունների միջոցով, սակայն կա վտանգ, որ վիճակը կարող է սրվել։ ԱՄՆ—ն եւ Մինսկի խումբը նվիրված են իրենց գործին՝ ամեն ինչ անել այդ վտանգը կանխելու համար։ 
«ԱՄՆ—ն հավատացած է, որ հակամարտությունը պետք է կարգավորվի հելսինկյան եզրափակիչ ակտի հիմքով՝ ուժի եւ դրա սպառնալիքի կիրառման բացառում, տարածքային ամբողջականություն եւ ժողովուրդների ինքնորոշում եւ հավասար իրավունքներ։ Այս սկզբունքներից որեւէ մեկը չպետք է գերակայի»,–ասաց Հ. Քլինթոնը։
Քլինթոնը միեւնույն ժամանակ անհրաժեշտ է համարում, որ ... Կարդալ շարունակությունը »

«Հարեւան Հայաստանը մարտին հայտարարել է, որ բոյկոտում է մրցույթը, այն բանից հետո, երբ Ադրբեջանի հետ սահմանին զինվոր է սպանվել»,-գրել է լրագրող Թիմ Հյումը:

Ավարտվեցին հերթական խորհրդարանական ընտրությունները, որոնք նոր քաղաքական ու բարոյական փորձությունն էին մեր պետականության և ժողովրդի համար։

ՀՅ Դաշնակցությունը հանրությանը ներկայացավ ընտրական հստակ ծրագրով, որի կենսագործման դեպքում բոլորս կապրեինք որակապես այլ երկրում։ Մենք հրապարակային աշխույժ քարոզարշավ անցկացրեցինք, մեր մոտեցումները հասցրեցինք ընտրողներին, արժանացանք համընդհանուր ընկալման։ Շնորհակալ ենք բոլոր նրանց, ովքեր քվեարկեցին ՀՅ Դաշնակցության օգտին։

Ցավոք, ընտրությունները չարձանագրեցին ժողովրդի կամքը և քաղաքական ուժերի իրական հարաբերակցությունը: Պարզ դարձավ, որ համընդհանուր ընտրախախտումները ծրագրավորված էին և տեղի ունեցան տեղամասային կենտրոններից դուրս` մայիսի 6-ին և նախորդող օրերին: Իշխող կոալիցիայի անդամների անվան դիմաց գրանցվեցին բարձր արդյունքներ. նախ և առաջ ի հաշիվ պետական և վարչական լծակների ամբողջական օգտագործման ու ընտրակաշառքի վերածված աննախադեպ մեծ ֆինանսական միջոցների։ Անառարկելի փաստ է, որ ընտրակաշառքը վճռորոշ ազդեցություն ունեցավ ընտրությունների արդյունքների վրա։

Այս իրողությունը վկայում է, որ սոցիալական դժվար վիճակի մատնված, իրավականորեն անպաշտպան, պետությունից օտարված հայ հասարակության բացարձակ մեծամասնությունը չկատարեց ազատ ու գիտակցված ընտրություն: Ժողովրդի ապաքաղաքականացումը, աղքատությունն ու թշվառությունը ընտրակաշառքի և ճնշումների միջոցով ապահովեցին իշխանությունների վերարտադրումը:

Սա նաև նշանակում է, որ քաղաքական ուժերը, այդ թվում ՀՅ Դաշնակցությունը, դեռ չեն կարողացել մեր հասարակության մեջ ազատ քաղաքացու, ... Կարդալ շարունակությունը »