Գլխավոր էջ » 2014 » Փետրվար » 21 » Վիճելի հարցերը հարթելու միակ ելքը երկխոսությունն է /Աշխարհը հույսով սպասում է, որ Ուկրաինայում կողմերը կնստեն բանակցության սեղանի շուրջ/
10:21
Վիճելի հարցերը հարթելու միակ ելքը երկխոսությունն է /Աշխարհը հույսով սպասում է, որ Ուկրաինայում կողմերը կնստեն բանակցության սեղանի շուրջ/
Միջազգային հանրության ուշադրության սլաքը Սոչիից կտրուկ թեքվել է Կիեւի վրա։ Նախօրեին Կիեւի կենտրոնում տեղի ունեցած արյունալի բախումները, Ուկրաինայի տարբեր մարզերում տարածվող բռնությունները սառը ցնցուղ դարձան ինչպես քաղաքական ճգնաժամից ելք փնտրող երկրի քաղաքացիների, այնպես էլ ամբողջ աշխարհի համար։ Քսանվեց զոհերն ու հարյուրավոր վիրավորներն են այն գինը, որով վճարեց այդ երկիրը խաղաղ բանակցություններով կոնֆլիկտը հարթելու ուղիներ չգտնելու համար։ Ցանկացած իրավիճակից ելք կարելի է գտնել, պարզապես անհրաժեշտ են կողմերի քաղաքական կամքն ու երկրի շահն անձնական հավակնություններից գերադասելու հաստատակամությունը։ Այս մասին են միջազգային տարբեր կառույցների ու պետությունների ղեկավարների հորդորներն ու կոչերը։ Հայաստանում ուշի ուշով հետեւում են իրադարձությունների զարգացմանը, քանզի Ուկրաինան բարեկամ երկիր է եւ մեծ է ցանկությունը, որ կողմերը անհապաղ սկսեն բանակցել՝ վիճելի հարցերին խաղաղ հանգուցալուծում տալու համար։