Հանրակրթական դպրոցների մի շրջանավարտ էլ մոտեցավ կյանքի նոր փուլի մուտքին։ Շուտով՝ մայիսի 25—ին խորհրդանշական վերջին զանգը կազդարարի նրանց համար հանրակրթական շրջանի ավարտը եւ նոր, որակապես այլ շրջանի սկիզբը։ Դա իսկական տոն է հազարավոր պատանիների ու աղջիկների, ինչպես նաեւ նրանց ընտանիքների համար։ Ինչպե՞ս է Երեւանի քաղաքապետարանը կազմակերպելու այդ բացառիկ օրը։ Երեկ հրավիրված մամուլի ասուլիսում, որին մասնակցում էին ՀՀ ԿԳ նախարարության հանրակրթության վարչության պետ Նարինե Հովհաննիսյանը եւ Երեւանի քաղաքապետարանի հանրակրթության վարչության պետ Գայանե Սողոմոնյանը, տեղեկացվեց, որ մայրաքաղաքի տարբեր դպրոցներում վերջին զանգի արարողությունը (վերջին դասը) կանցկացվի ժամը 10—14—ը։ «Սակայն ամբողջ օրը լինելու է տոնական, եւ տարբեր դպրոցներ տարբեր ծրագրեր են նախատեսել։ Մենք պիտի օգնենք, որ երեխաների տոնը իսկապես որպես տոն անցնի... Մայիսի 25—ին, ժամը 18—ից մինչեւ ժամը 23—ը Ազատության հրապարակում կկազմակերպվի տոնական համերգ, տոնը կավարտվի հրավառությամբ»,–տեղեկացրեց Գայանե Սողոմոնյանը։ 
Վարչության պետը տեղեկացրեց նաեւ, որ Ազատության հրապարակն այդ օրը կունենա տոնական ձեւավորում։ Զանգվածային միջոցառման ամբողջ ընթացքում հրապարակն ապահովված է լինելու հասարակական կարգի պահպանությամբ, շտապ բուժօգնության ծառայությամբ եւ հրշեջ անվտանգությամբ։ «Այն, ինչ կախված է Երեւանի քաղաքապետարանից, ամենայն պատասխանատվությամբ եւ հետեւողականությամբ մենք կատարելու ենք, որ օրն սկսվի որպես տոն եւ որպես տոն ավարտվի։ Դպրոցների բոլոր տ ... Կարդալ շարունակությունը »

Հայաստանում գյուղատնտեսությունը զարգացման լուրջ ներուժ ունի։ Վերջին տարում կառավարության ձեռնարկած միջոցառումների եւ ոլորտի նկատմամբ ուշադրությունը մեծացնելու շնորհիվ գրանցվեցին արտադրական ծավալների աճի բավականին լավ արդյունքներ։ Այժմ արդեն ժամանակն է հստակ ծրագրեր իրականացնելու գյուղմթերքների իրացման եւ արտահանման ուղղությամբ։ Գաղտնիք չէ, որ մեր արտադրողի համար եվրոպական շուկան դեռեւս դժվար հասանելի է։ Անհրաժեշտ են օրենսդրական եւ կառուցվածքային բարեփոխումներ՝ գործող օրենսդրությունն ու ստանդարտները ԱՀԿ—ի եւ ԵՄ—ի ընդունված չափանիշներին լիարժեքորեն համապատասխանեցնելու համար։ Այդ դեպքում կստեղծվեն լավ պայմաններ գյուղատնտեսական արտադրանքը թե ներքին, թե արտաքին շուկաներում մրցունակ դարձնելու համար։ Բնավ պետք չէ թերագնահատել նաեւ այն հանգամանքը, որ Հայաստանը էկոլոգիապես մաքուր արտադրանք տալու զգալի հնարավորություններ եւ ռեսուրսներ ունի։

Հայաստանում ԱՄՆ—ի դեսպան Ջոն Հեֆերնը կարծում է, որ մայիսի 6—ին կայացած խորհրդարանական ընտրություններում մեծ առաջընթաց է արձանագրվել։
«Մենք ուշադրությամբ եւ մոտիկից հետեւել ենք ընտրություններին։ Կարծում ենք, որ մեծ առաջընթաց է արձանագրվել. մեծ առաջընթաց մի քանի առանցքային ուղղություններում՝ լրատվամիջոցներից օգտվելու առումով վիճակը շատ ավելի լավ էր, քան նախկինում, եւ սա լավ բան է, ընտրատեղամասերում ամեն ինչ ըստ կարգի էր եւ թափանցիկ, հանձնաժողովների անդամները պատրաստված էին, ընտրատեղամասերում տեսախցիկներ էին տեղադրված։
Այսինքն՝ շատ դրական զարգացումներ կային այս ընտրություններում»,–ուրբաթ օրը «Ազատություն» ռադիոկայանի հետ զրույցում ասաց Ջոն Հեֆերնը։
Հեֆերնը նաեւ տեղեկացրեց, թե իրենք աշխատում են Հայաստանի իշխանությունների հետ՝ ընտրություններում տեղ գտած խնդիրները վերացնելու համար։
«Մենք փորձում ենք հնարավորինս օգտակար լինել կառավարության, իշխող ու ընդդիմադիր կուսակցությունների, քաղաքացիական հասարակության ներկայացուցիչների եւ լրատվամիջոցների հետ աշխատանքում։
Մենք անում ենք ամեն ինչ, ինչ կարող ենք՝ օգտակար լինելու համար»,–վստահեցրեց ԱՄՆ—ի դեսպանը։ hhpress.am

Կձեւավորվի՞, արդյոք, նոր կոալիցիա, թե՞ ոչ։ Կոալիցիայի լինել—չլինելը շարունակում է մնալ Հայաստանում հետընտրական շրջանի ամենաքննարկվող հարցը։

Այս հարցին եւ այն ամենին, թե ինչ է լինելու առաջիկայում, երեկ անդրադարձավ ԱԺ ՀՀԿ խմբակցության ղեկավար Գալուստ Սահակյանը։ Թեպետ Հանրապետական կուսակցությունը ունի մեծամասնություն, բայց Գ. Սահակյանի կարծիքով, ճիշտ կլինի, որպեսզի քաղաքական կոալիցիան շարունակի իր գործունեությունը։ Այստեղ հարցը մեծամասնություն ունենալը եւ օրենսդրական նախաձեռնությունները օրենքի վերածելը չէ, այլ այն, որ կոալիցիան նպաստում է երկրի կայուն զարգացմանն ու փոխըմբռնմանը. «Մեծ պատասխանատվության բեռը մեր ուսերին ենք կրում, բայց պատրաստ ենք գործիքներ տրամադրել նաեւ նրանց, ովքեր երկրի համար կարող են օգտակար բան անել՝ միաժամանակ հնարավորություն տալով կատարել իրենց իսկ խոստումները»։
Այս ամենով հանդերձ կոալիցիայի ձեւավորումը կարծես մի փոքր ուշանում է։ Բայց դա, ըստ Գ. Սահակյանի, պայմանավորված չէ նրանով, որ կոալիցիա կազմելու հավանական թեկնածու ԲՀԿ—ն կասկածում է եւ ինչ–որ բան է ուզում ստանալ կոալիցիոն գործընկեր դառնալու համար։ Համենայն դեպս, նրանք այդպիսի բան չեն ասել։ «Չեմ կարծում, թե Գագիկ Ծառուկյանը հապաղում է, կարծում եմ՝ ներկուսակցական խնդիրներ կան, այդ պատճառով էլ դեռեւս քննարկումներ են անցկացվում»,— նշեց պատգամավորը։ Նա միեւնույն ժամանակ ընդգծեց, որ անիմաստ է կոալիցիա կազմել այն կուսակցության հետ, որը նախագահական ընտրությունների ժամանակ կունենա իր թեկնածուն։  «Չի լինի, որ երեք—չորս ուժեր համախմբվեն, մեկն ասի՝ ես իմ նախագահի թեկնածուն ունեմ, մյուսն էլ ասի՝ ես էլ՝ իմ։ Դա անհնար բան է, որովհետեւ կոալիցիա կազմելը որոշակի ծրագիր է ենթադրում, այսինքն՝ նախագահի ընտրությունը պետք է ... Կարդալ շարունակությունը »