Գլխավոր էջ » 2012 » Մայիս » 2 » Դաշնակցությունն ունի վերահսկման իր մեխանիզմները /Եվ դժվար թե կոալիցիա կազմի ՀԱԿ—ի եւ ԲՀԿ—ի հետ/
13:49
Դաշնակցությունն ունի վերահսկման իր մեխանիզմները /Եվ դժվար թե կոալիցիա կազմի ՀԱԿ—ի եւ ԲՀԿ—ի հետ/
Դաշնակցությունը դժվար թե խորհրդարանում կոալիցիա կազմի ՀԱԿ—ի եւ այսօր իշխող կոալիցիայի մաս կազմող ԲՀԿ—ի հետ։ Այս մասին երեկ ասուլիսում հայտարարել է ԱԺ խատգամավոր ՀՅԴ համամասնական ցուցակը գլխավորող Վահան Հովհաննիսյանը։ Նրա խոսքով, ընտրությունների թափանցիկություն ապահովելու շուրջ համագործակցությունը կրում է տեխնիկական բնույթ, ուստի խորհրդարանում կոալիցիա կազմելը ծայրահեղ անհավանական է։
Հարցին, թե որքանով են հավանական ընտրությունների արդյունքների դեմ բողոքի ակցիաները, դաշնակցական գործիչը պատասխանել է, որ ակցիաները կախված կլինեն կոնկրետ իրավիճակից, եւ չի կարելի նախօրոք դրանք կանխատեսել։ Դիտարկմանը, որ ԲՀԿ—ն հանդես է գալիս ընտրատեղամասերում տեսախցիկներ տեղադրելու օգտին, Վ. Հովհաննիսյանը նշել է, որ ընտրությունների վերահսկման իր մեխանիզմներն ունի նաեւ ՀՅԴ—ն, նախընտրելով չխոսել դրանց մասին։ Վահան Հովհաննիսյանի կարծիքով հայ դիվանագետները արտասահմանում պետք է ոչ թե պտտվեն էլիտար շրջանակներում, այլ ատամներով պայքարեն արտահանվող հայկական ապրանքների շուկաների համար։ «Մենք խոսում ենք նվազագույն աշխատավարձի, բյուջետային ծախսերի ավելացման մասին։ Եթե դուք հարցնեք, թե ինչպիսի միջոցառումներով կարելի է դա ապահովել, ես կարող եմ ասել, որ առաջին հերթին դա բիզնեսի համար պայմանների բարելավումն է եւ տնտեսությունն ստվերից դուրս բերելը։ Ուստի մասնավոր զրույցներում մեր ծրագրին հավանություն են տալիս անգամ կոալիցիոն կուսակցությունների ներկայացուցիչները»,–նշել է դաշնակցական գործիչը։ Նրա խոսքով, տեղական արտադրության աճը պետք է ուղեկցվի նաեւ արտաքին շուկաների համար պայքարով եւ հայ դիվանագետների առավել ակտիվ լոբբինգով։ «Այդ դեպքում երկրի ներսում պետությունը պետք է նույն կերպ պայքարի տեղական արտադրության որակի համար»,–հայտարարել է Հովհաննիսյանը։
Դաշնակցությունը դժվար թե խորհրդարանում կոալիցիա կազմի ՀԱԿ—ի եւ այսօր իշխող կոալիցիայի մաս կազմող ԲՀԿ—ի հետ։ Այս մասին երեկ ասուլիսում հայտարարել է ԱԺ խատգամավոր ՀՅԴ համամասնական ցուցակը գլխավորող Վահան Հովհաննիսյանը։ Նրա խոսքով, ընտրությունների թափանցիկություն ապահովելու շուրջ համագործակցությունը կրում է տեխնիկական բնույթ, ուստի խորհրդարանում կոալիցիա կազմելը ծայրահեղ անհավանական է։ Հարցին, թե որքանով են հավանական ընտրությունների արդյունքների դեմ բողոքի ակցիաները, դաշնակցական գործիչը պատասխանել է, որ ակցիաները կախված կլինեն կոնկրետ իրավիճակից, եւ չի կարելի նախօրոք դրանք կանխատեսել։ Դիտարկմանը, որ ԲՀԿ—ն հանդես է գալիս ընտրատեղամասերում տեսախցիկներ տեղադրելու օգտին, Վ. Հովհաննիսյանը նշել է, որ ընտրությունների վերահսկման իր մեխանիզմներն ունի նաեւ ՀՅԴ—ն, նախընտրելով չխոսել դրանց մասին։ Վահան Հովհաննիսյանի կարծիքով հայ դիվանագետները արտասահմանում պետք է ոչ թե պտտվեն էլիտար շրջանակներում, այլ ատամներով պայքարեն արտահանվող հայկական ապրանքների շուկաների համար։ «Մենք խոսում ենք նվազագույն աշխատավարձի, բյուջետային ծախսերի ավելացման մասին։ Եթե դուք հարցնեք, թե ինչպիսի միջոցառումներով կարելի է դա ապահովել, ես կարող եմ ասել, որ առաջին հերթին դա բիզնեսի համար պայմանների բարելավումն է եւ տնտեսությունն ստվերից դուրս բերելը։ Ուստի մասնավոր զրույցներում մեր ծրագրին հավանություն են տալիս անգամ կոալիցիոն կուսակցությունների ներկայացուցիչները»,–նշել է դաշնակցական գործիչը։ Նրա խոսքով, տեղական արտադրության աճը պետք է ուղեկցվի նաեւ արտաքին շուկաների համար պայքարով եւ հայ դիվանագետների առավել ակտիվ լոբբինգով։ «Այդ դեպքում երկրի ներսում պետությունը պետք է նույն կերպ պայքարի տեղական արտադրության որակի համար»,–հայտարարել է Հովհաննիսյանը։
