ՄԵԾԱՄՈՐ METSAMOR CITY Ուրբաթ, 29.03.2024, 00:15
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [614]
Կրթություն և գիտություն [38]
Մարզային [14]
Պաշտոնական [464]
Մշակույթ [15]
Հասարակություն [846]
Սպորտ [1]
Տեսակետ [49]
Տարածաշրջան [86]
Զանազան [192]
Քաղաքականություն [647]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2018 » Հոկտեմբեր » 31 » Համաներում, որին սպասում են շատերը /ԱԺ արտահերթ նիստում այսօր կքննարկվի համաներման մասին օրենքի նախագիծը/
14:37
Համաներում, որին սպասում են շատերը /ԱԺ արտահերթ նիստում այսօր կքննարկվի համաներման մասին օրենքի նախագիծը/

Կառավարության նախաձեռնությամբ ԱԺ այսօրվա արտահերթ նիստի օրակարգում ընդգրկված է «Էրեբունի—Երեւանի հիմնադրման 2800—ամյակի եւ Հայաստանի առաջին հանրապետության անկախության հռչակման 100—ամյակի կապակցությամբ քրեական գործերով համաներում հայտարարելու մասին» Հայաստանի Հանրապետության օրենքի նախագիծը։ Առհասարակ համաներումը մարդասիրական ակտ է, որը ոչ թե պետության պարտականությունների մեջ է մտնում, այլ բարի կամքի դրսեւորում է։ Այս առումով այն լիովին տեղավորվում է թավշյա հեղափոխությունից հետո ձեւավորված նոր իրողության տրամաբանության մեջ։ Արդարադատության նախարարի պաշտոնակատարի բնորոշմամբ՝ այն կլինի շատ մեծ, ընդարձակ։ Ինչ է դա ենթադրում։
Առաջարկվող համաներմամբ պատժից կազատվեն առավելագույնը 3 տարվա ազատազրկվածները, հանցագործությունը մինչեւ 18 տարին լրանալը կատարողները։ Առավելագույնը 5 կամ 10 տարով դատապարտվածները դուրս կգան կալանավայրերից, եթե կրած կլինեն պատժի համապատասխանաբար մեկ երրորդը կամ կեսը։ Անզգուշությամբ հանցագործություն կատարած եւ մինչեւ 5 տարով դատապարտվածները, անկախ պատժի կրման չափից, ազատ կարձակվեն համաներման մասին օրենքի ընդունումից հետո։
Կառավարության նախաձեռնած մարդասիրական ակտով կկարճվեն մինչեւ այս տարվա հոկտեմբերի 1—ը ներառյալ հարուցված բոլոր այն քրեական գործերը, որոնց դեպքում նախատեսված է առավելագույնը 3, անզգուշությամբ արված հանցագործությունների դեպքում՝ 5 տարվա պատիժ։
Բացի այդ, համաներմամբ կիսով չափ կկրճատվի մինչեւ 10 տարով ազատազրկված դատապարտյալների չկրած պատժաչափը։
Համաներումը չի տարածվի ցմահ ազատազրկվածների, ինչպես նաեւ վերջին տասը տարում համաներումից օգտված ու հանցագործություն կատարածների վրա։
Ցմահ ազատազրկվածների առումով վերջին օրերին բազմաթիվ բանավեճեր ծավալվեցին՝ թեր եւ դեմ կարծիքներով։ Վարչապետի պաշտոնակատարը նաեւ հայտարարեց, որ դեմ է այն մոտեցմանը, որ ուրիշին կյանքից զրկած անձը հայտնվի ազատության մեջ։ Իրավապաշտպաններից ոմանք հակառակն են պնդում։
Այսուհանդերձ, նախագիծը դրվում է խորհրդարանականների քննարկմանը եւ վերջնական դիրքորոշումը նրանք պետք է հայտնեն։

Կատեգորիա: Հասարակություն | Դիտումներ: 313 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Հոկտեմբեր 2018  »
ԵրկԵրկՉրկՀնգՈւրՇբԿր
1234567
891011121314
15161718192021
22232425262728
293031

Սոց ցանցեր

Ժամանակահատված

Copyright Metsamorcity.do.am © 2024