Գլխավոր էջ » 2015 » Սեպտեմբեր » 4 » Մեկնարկել են «Շանթ—2015» զորավարժությունները /Նախագահը հրավիրել է ազգային անվտանգության խորհրդի պայմանական նիստ/
13:22
Մեկնարկել են «Շանթ—2015» զորավարժությունները /Նախագահը հրավիրել է ազգային անվտանգության խորհրդի պայմանական նիստ/
«Շանթ–2015» ռազմավարական հրամանատարաշտաբային զորավարժությունների շրջանակում Հայաստանի Հանրապետության նախագահ, ՀՀ ազգային անվտանգության խորհրդի նախագահ Սերժ Սարգսյանը երեկ երեկոյան հրավիրել է ՀՀ ազգային անվտանգության խորհրդի պայմանական նիստ՝ տեղեկացնելու վերջին օրերին Հայաստանի Հանրապետության շուրջ, ըստ զորավարժությունների սցենարի, ծավալվող իրավիճակի մասին։
Նիստում լսվել են ազգային անվտանգության խորհրդի անդամների՝ խաղարկային իրավիճակից բխող զեկույցները եւ առաջարկությունները։ Զորավարժությունների սցենարից բխող հանձնարարականներ են տրվել համապատասխան պետական մարմիններին։
Հանրապետության նախագահը կարեւորել է զորավարժությունների անցկացումը՝ որոշակի իրավիճակներում օպերատիվ եւ արդյունավետ գործելու, պետական մարմինների կարողություններն ու պատրաստվածության աստիճանն այդ իրավիճակներում փորձարկելու տեսանկյունից։
Հիշեցնենք, որ ՀՀ ազգային անվտանգության խորհրդի նիստը հրավիրվել է «Շանթ—2015» ռազմավարական հրամանատարաշտաբային զորավարժությունների շրջանակում։