«Վերջին ժամանակներում տարբեր լրատվամիջոցներ շատ են արծարծում Իրանի
նկատմամբ ԱՄՆ-ի եւ Իսրայելի կողմից գրոհի հետեւանքները: Սակայն շատ
լուսաբանումներում անտեսվում է այն, թե այս գրոհը ինչ հետեւանքեր կառաջացնի
Կովկասում, որը եւ նպատակ է հանդիսացել այս կարճ վերլուծության: Այս
առիթով` 2 կարեւորագույն խնդիրներ են առաջ գալիս. Խնդիրներից առաջինը դեպի Հայաստան եւ Ադրբեջան իրանցի փախստականների մեծ հոսքն է եւ փախստականներին աջակցություն ցուցաբերելու Հայաստանի կարողությունը: Երկու
երկրներն էլ փախստականների հարցում ունեն փորձ` ադրբեջանական ագրեսիայի և
Արցախի ազատագրման համար ծավալված պատերազմի արդյունքում: Եթե Հայաստանը
օգնում էր հայ փախստականներին` չնայած ֆինանսական ռեսուրսների
բացակայությանը, Ադրբեջանում իրավիճակը հակառակն էր: Այստեղ
իշխանությունները մինչ օրս շարունակում են ադրբեջանցի փախստականների
իրավիճակն օգտագործել որպես բանակցային լծակ ԵԱՀԿ Մինսկի խմբի
շրջանակներում հակամարտության խաղաղ բանակցային գործընթացում: Ինչ
վերաբերում է Հայաստան եւ Ադրբեջան իրանցի փախստականների հոսքի հարցին`
կարելի է ասել, որ երկու երկրներ փախստականների հոսքի հավանականությունը
բարձր է, քանի որ արդեն վաղուց իրանցիների համար շատ է հեշտացել մուտք
գործել երկու երկիր` շնորհիվ տիրող հարաբերական կայունության` համեմատած
Իրանի մյուս հարեւանների հետ: Դժվար է կանխատեսել, թե որքան փախստական
կժամանի, սակայն անգամ եթե փախստականների ցուցանիշը 10 հազարից ցածր լինի,
անհրաժեշտություն է առաջանում` սահմանելու` թե երկու երկրներն ինչպես պետք է
հաղթահարեն այդ` ելնելով տնտեսական իրավիճակից: Սա իր հերթին իր
ազդեցությունը կունենա Ադրբեջանի եւ Հայաստանի վրա, քանի որ այն կառաջացնի
ազգային անվտանգության սպառնալիք:
Այս առումով, հայ պաշտոնյաները պետք է հաշվի առնեն, թե ինչպիսի քայլեր
պետք է ձեռնարկել բացասական հետեւանքները մեղմելու, ավելին` խիստ անհրաժեշտ
մարդասիրական օժանդակությունն ապահովելու համար:
Երկրորդ հարցը, որ Իրանի դեմ Արեւմուտքի գրոհը կարող է հանգեցնել Կովկասի համար, Արցախի/Հայաստանի եւ Ադրբեջանի միջեւ հրադադարի խախտման հավանականությունն է: Տարիներ
շարունակ Ադրբեջանի դիկտատոր Իլհամ Ալիեւը խոսել է բանակցությունների
ձախողումների դեպքում Արցախը հետ վերադարձնելու իր վարչակազմի
պատրաստակամության մասին: Ադրբեջանական բնական գազի եւ
նավթարդյունաբերության շնորհիվ (ընդ որում պետական հսկողության ներքո),
Ալիեւը 2011 թ-ին բարձրացրել է ռազմական ծախսերը 4.4 մլրդ դոլարի չափով`
ավելի քան 6 անգամ շատ, քան Հայաստանը պաշտոնապես ծախսում է իր զինված
ուժերի համար:
Գուցե Բաքվում ռազմավարություն մշակողները, տեսնելով, որ ստատուս քվոն
աշխատում է հօգուտ Հայաստանի եւ Ստեփանակերտի, Իրանի դեմ իրականացվող
պատերազմը կփորձեն օգտագործել որպես շղարշ` հարձակվելու Արցախի եւ հայկական
ուժերի վրա: Ոմանք վիճարկում են, որ Բաքուն դաս է առել Վրաստանի սխալից,
որը 2008 թ-ի օգոստոսին փորձում էր վերցնել Հարավային Օսիան, մյուսները
նշում են, որ տարիներ տեւած պետական հովանավորչությունը հակահայկական
քարոզչության հարցում ազերիներին չեն հանգեցրել որեւէ կետի: Պետք է նշել,
որ 2008 թ-ին Վրաստան-Ռուսաստան պատերազմի ժամանակ, Բաքուն հնարավոր է`
նախապատրաստվում էր հարձակում իրականացնել Արցախի վրա: Հրապարակումներն այդ
ժամանակ, այդ թվում եւ Stratfor ամերիկյան մասնավոր անվտանգության
կազմակերպությունը նշում է, որ եթե Հարավային Օսիայի վրա Վրաստանի
հարձակումը հաջողությամբ պսակվեր, Բաքուն պլանավորել էր ներխուժել Արցախ:
Այդ նույն ժամանակահատվոծում Երեւանում խոսակցություններ էին գնում, որ
հայկական զինուժը հարձակվել է ադրբեջանական զորքերի վրա եւ ազատագրել է մի
քանի հազար հա տարածք: 2009 թ-ին մամուլի ասուլիսի ժամանակ սա հաստատել է
ԼՂՀ պաշտպանության բանակի հրամատար Մովսես Հակոբյանը: Եվ չնայած նա չի
նշել, թե որքան տարածք է ազատագրվել կամ որտեղ են գտնվում այդ տարածքները,
սակայն համաձայն որոշ աղբյուրների` այդ երկու տարածքները Ֆիզուլին եւ
Մարտակերտն են:
Իսկ ինչ, եթե Արեւմուտքը Ադրբեջանին որոշակի խոստումներ է տվել`
փոխարենը ստանալով Ադրբեջանի օդային տարածությունը կամ հողային տարածքներն
օգտագործելու թույլտվությունը, եւ, արդյոք, Ռուսաստանն այս դեպքում
օգնություն կցուցաբերի Հայաստանին: Առաջինը դժվար է ասել, քանի որ
ցանկացած այսպիսի խոստումները շատ գաղտնի են պահվում, իսկ երկրորդը հեշտ է
կանխատեսել` համաձայն ՀԱՊԿ գլխավոր քարտուղար Նիկոլայ Բորդյուժայի արած
վերջին հայտարարության, ով բացահայտ ակնարկել է, որ Հայաստանի վրա
հարձակման դեպքում, Ռուսաստանն օգնություն կցուցաբերի: Դեռեւս դժվար է
կանխատեսել` երբ եւ արդյոք Իրանի նկատմամբ գրոհ տեղի կունենա, սակայն մի
բան պարզ է. այստեղ ներգրավված բոլոր կողմերի համար անակնկալներ են
սպասվում` ուղղակի կամ անուղղակի, և գործողությունների լավագույն կուրսը,
որ Հայաստանի իշխանությունները կարող ենք անել` բազմակի մայրցամաքային
պլանների (multiple contingency plans ) մշակումն է»: