| Կայքի մենյու |
|
 |
| Բաժնի անվանակարգերը |
|
|
| Մինի - չաթ |
|
|
|
| Վիճակագրություն |
Ընդամենը առցանց: 1 Հյուրեր: 1 Հաճախորդներ 0 |
|
|
Գլխավոր էջ » Քաղաքականություն
« 1 2 ... 50 51 52 53 54 »
Թուրքական
«Taraf» թերթի սյունակագիր Ռոնի Մարգուլիսը, անդրադառնալով Ստամբուլի
կենտրոնական Թաքսիմ հրապարակում տեղի ունեցած ցույցին, նշում է, որ դա,
ընդհանրապես, որեւէ կերպ կապված չի եղել Խոջալուի իրադարձությունների դեմ
բողոքի հետ։
«Tara»—ի թղթակիցը գրում է. «Այդ ակցիայի իրական անունը՝ «Թուրքիայում
երբեք ցեղասպանություն չի եղել, եւ ոչ մի հայի մատով անգամ չեն կպչել» է։
Ես գիտեմ մարդկանց, ովքեր գնացել են այնտեղ այդ իրադարձությունների
հիշատակի ակցիային մասնակցելու համար, բայց, տեսնելով իրականությունը, լքել
են ակցիան։ Թուրքիայի ներքին գործերի նախարար Իդրիս Նաիմ Շահինը այնտեղ
ելույթում ասել է, թե թուրք ազգը երբեք անմարդկային արարքներ չի գործել,
հակառակը՝ ապացուցել է, որ աշխարհում արդարության կրողներից մեկն է։ Ի՞նշ
կապ ունեն Խոջալուի իրադարձությունները ՆԳՆ ղեկավարի այս խոսքերի հետ,
իհարկե՝ ոչ մի։
Հրանտ Դինքի սպանությունից հետո Թուրքիայում սկսել են ավելի հանգիստ խոսել
եւ քննարկել Հայոց ցեղասպանությունը, ինչի արդյունքում թուրքական
հասարակությունն անձայն սկսում է ճանաչել ցեղասպանությունը, իսկ
պետությունը ստիպված է գնալ հասարակության հետեւից։ Մոտենում է 2015 թ., եւ
մինչ այդ հնարավոր է՝ աշխարհում Հայոց ցեղասպանությունը չճանաչած երկիր
չմնա։ Իշխող «Արդարություն եւ զարգացում» կուսակցությունը փորձում է դրան
ինչ—որ բան հակադրել, ջանքեր գործադրել։
Այդ բոլորն անիմաստ եւ անհեթեթ ջանքեր են։ Հիմար եւ անիմաստ, քանի որ իզուր
ժամանակ են կորցնում եւ զբաղվում անօգուտ բանով։ Ի վերջո,
իշխանությունները ճանաչելու են ցեղասպանությունը եւ ներողություն են
խնդրելու հայերից»։
«Taraf»—ի թղթակիցն ընդգծում է, որ Թուրքիայի ՆԳՆ ղեկավարը ելույթ է
ունենում մի ակցիայի ժամանակ, որտեղ նրա դիմաց պաստառի վրա իր
քաղաքացիներին «վիժվածք» են անվանում։
«Եթե նախարարն իրեն թույլ է տալիս ելույթ ունենալ նման միջոցառմանը, ապա
պետք է նրան ազատել աշխատան
...
Կարդալ շարունակությունը »
|
Ի՞նչ
ասել է «առավել ներգրավված եւ ակտիվ» լինել Ղարաբաղի կարգավորման հարցում.
խոսքը ԵՄ—ի եւ կառույցի անդամ—երկրների կողմից վերջին շրջանում հնչող
հայտարարությունների մասին է։ Թեպետ ԵՄ երկիր Ֆրանսիան ներկայացված է
կարգավորման միջնորդական խմբում, այդուհանդերձ, Եվրոպական միության
պաշտոնյաները խոսում են «առավել ակտիվ» ներգրավվածության եւ ազդեցության
մասին։ Այս մասին խոսվում է նաեւ օրերս ԵՄ արտաքին գործերի խորհրդի
ընդունած որոշման մեջ։ Ավելին, փաստաթղթում Եվրամիությունը ցանկություն է
արտահայտում իր ներկայացուցիչների համար Լեռնային Ղարաբաղ եւ հարակից
շրջաններ առանց նախապայմանների մուտք գործելու հնարավորություն ստանալ։
Արտաքին գործերի խորհուրդը առաջարկում է մշակել Լեռնային Ղարաբաղում
խաղաղությունը հաստատելուց հետո հնարավոր զարգացումների տարբերակներ, որոնք
Եվրամիության հետագա ներգրավվածության հիմք են դառնալու։ Այս
կապակցությամբ «Հայաստանի եվրոպացի բարեկամներ» կազմակերպության գլխավոր
քարտուղար Մայքլ Քամբեքը կարեւորել է, որ Եվրոպական միությունը ցանկանում է
ազատ մուտք դեպի Ղարաբաղ, Հայաստանի հետ արտոնագրերի ռեժիմի պարզեցում,
ազատ առեւտուր եւ ժողովրդավարության զարգացում. «Եվրոպական խորհրդի
հայտարարությունը նկարագրում է ոչ միայն Եվրամիություն—Հայաստան
հարաբերությունների մի նոր որակը, ներառյալ՝ արտոնագրերի ռեժիմի պարզեցումը
եւ խոր ու համապարփակ ազատ առեւտրի գոտին, նաեւ հետագա աջակցության եւ
ինտեգրման պայմանները։ Բայց ամենակարեւորը՝ ԵՄ—ն ակնկալում է, որ
Եվրամիության պաշտոնյաներն ազատ այցելեն Լեռնային Ղարաբաղ՝ անտեսելով
անթույլատրելի ճնշումներն Ադրբեջանի կողմից։ Մենք ակնկալում ենք, որ ԵՄ
հատուկ ներկայացուցիչ Ֆիլիպ Լեֆորը, դեսպան Տրայան Հրիստեան եւ ԵՄ այլ
պաշտոնյաներ ոչ միայն կայցելեն Լեռնային Ղարաբաղ եւ առաջին ձեռքից
տեղեկություններ կստանան իրական իրավիճակի վերաբերյալ, այլեւ կնպաստեն
վստահությունն ամրապնդող միջոցառումն
...
Կարդալ շարունակությունը »
|
ԱՄՆ կոնգրեսական Ադամ Շիֆը Հայոց
ցեղասպանության վերաբերյալ մի քանի հարցերով դիմել է ԱՄՆ պետքարտուղար
Հիլարի Քլինթոնին` ԱՄՆ Կոնգրեսում վերջինիս ելույթի ժամանակ:
Ադամ Շիֆը Քլինթոնին հիշեցրել է
ցեղասպանության վերաբերյալ իր նախկինում արած հայտարարությունները` դրանք
համեմատելով նրա օրերս արած հայտարարությանն այն մասին, որ Հայոց
ցեղասպանությունը պատմական վեճի առարկա է, հաղորդում է Հայ դատի Ամերիկայի հանձնախումբը:
Հիլարի Քլինթոնը հերթական անգամ խուսափողական պատասխան է տվել`
օգտագործելով այնպիսի բնութագրումներ, ինչպիսիք են «սարսափելի դեպքեր»,
«20-րդ դարի ամենասարսափելի գազանություններից մեկը»:
Քլինթոնը նաեւ հիշեցրել է Օբամայի` ապրիլի 24-ի ամենամյա ուղերձը, որտեղ նա
հայտարարել է, որ «տեղի ունեցած փաստերի ամբողջական, անկեղծ եւ պարզ
ճանաչումը բոլորի շահերից է բխում», եւ որ հայ եւ թուրք ժողովուրդների ու
նրանց կառավարությունների վրա է ընկնում այդ հարցի լուծման
պատասխանատվությունը:
Ավելի վաղ Հայոց ցեղասպանությունը ճանաչելու նախագծի հեղինակներ Ադամ Շիֆն
ու Ռոբերտ Դոլդը փետրվարի 27-ին նամակ են հղել Քլինթոնին, որը ստորագրել են
եւս 59 գործընկերներ Ներկայացուցիչների պալատից, որում նրանք կոչ են արել
հրաժարվել վերջերս արված իր հրապարակային հայտարարությունից, որտեղ
Քլինթոնը Հայոց ցեղասպանությունը ներկայացրել է որպես «պատմական դեբատների»
հարց:
Կոնգրեսականներ Ջ
...
Կարդալ շարունակությունը »
|
Ֆրանսիայի
բարձրագույն պալատի՝ Սահմանադրական խորհրդի կողմից Հայոց ցեղասպանության
հերքումը քրեականացնող օրինագծի մերժումից հետո չեն դադարում
խոսակցություններն այն մասին, թե կարո՞ղ է նոր օրինագիծ առաջարկվել եւ
հնարավոր կլինի՞ այն ընդունել նախագահական ընտրություններից առաջ։ Եվրոպական
այս պետության ղեկավարի պաշտոնի համար ընտրությունները կանցկացվեն այս
տարվա ապրիլի 22—ին, երկրորդ փուլը նախատեսված է մայիսի 6—ին, իսկ սա
բավական կարճ ժամանակահատված է օրինագիծ առաջարկելու համար։ «ՀՀ»—ի հետ
զրույցում Ֆրանսիայի Ազգային ժողովի պատգամավոր, Իսի Լե Մուլինոյի
քաղաքապետ Անդրե Սանտինին նշեց, որ չի կարծում, թե հնարավոր կլինի
օրինագիծն առաջարկել ընտրություններից առաջ, սակայն սա բոլորովին չի
նշանակում, որ պայքարն ավարտված է։ «Պատգամավորների մի խմբով ստորագրել ենք
օրինագծի առաջարկ, ըստ որի՝ պահպանվել են նախկին օրենքի հիմնական
դրույթները, հատկապես Հայոց ցեղասպանության հերքումը բացառելը։ Սա մի քայլ
է, որով ցույց ենք տալիս մեր համերաշխությունը մեր բարեկամ հայերի
հետ»,–ասաց քաղաքական գործիչը։ Ա. Սանտինին մեջբերեց նաեւ Ֆրանսիայի
նախագահ Նիկոլա Սարկոզիի հայտարարությունը, համոզմունք հայտնելով, որ
նախագահն այս հարցում անկեղծ է եւ շահագրգիռ է այս թեմայով. «Երբ դեռ
օրինագիծը չէր մերժվել, բայց մտել էր Սահմանադրական խորհուրդ, նախագահը
խոսեց խորհրդարանականների ընդունելության ժամանակ եւ նշեց, որ եթե
Սահմանադրական խորհուրդը մերժի Հայոց ցեղասպանության հերքումը պատժող
օրենքը, արդեն հարցականի տակ կարող է դրվել նաեւ Հոլոքոստի ժխտումը
քրեականացնող օրենքը»։ Ա. Սանտինին, ով նաեւ Ֆրանսիայի Ազգային ժողովի
միջազգային հարցերով հանձնաժողովի անդամ է, օրենքի մերժման մեջ, իհարկե,
նկատում է Թուրքիայի մանիպուլյացիաների դերը։ «Սա մի քաղաքական խաղ է, եւ
այստե
...
Կարդալ շարունակությունը »
|
Ազատության հրապարակում երեկ տեղի ունեցավ Հայ ազգային կոնգրեսի այս տարվա անդրանիկ հանրահավաքը։ Բացման
խոսքով հանդես եկավ «Հայկական ժամանակ» օրաթերթի գլխավոր խմբագիր Նիկոլ
Փաշինյանը՝ հիշեցնելով, որ հանրահավաքը նվիրված է 2008 թ. մարտի 1–ի
ողբերգական իրադարձություններին։ ՀՀՇ վարչության նախագահ Արամ
Մանուկյանը հայտարարեց, որ միտինգներն այսուհետեւ կլինեն հաճախ։ Նա կոչ
արեց հավաքվածներին միասնաբար մասնակցելու խորհրդարանի առաջիկա
ընտրություններին՝ դրանք համարելով նախագահի ընտրության առաջին փուլ։ «Ազատություն»
կուսակցության ղեկավար Հրանտ Բագրատյանը ներկաների հետ խոսեց թվերի
լեզվով՝ դժգոհելով իրականացվող տնտեսական քաղաքականությունից։ Կոնգրեսի
համակարգող Լեւոն Զուրաբյանը հայտարարեց, որ ստեղծված են խորհրդարանական
ընտրություններում ժողովրդավարության հաղթանակի բոլոր պայմանները։ Ելույթներ ունեցան «Հանրապետություն» կուսակցության նախագահ Արամ Սարգսյանը, ՀԺԿ նախագահ Ստեփան Դեմիրճյանը։ Ապա հարթակ բարձրացավ ՀԱԿ–ի առաջնորդ Լեւոն Տեր—Պետրոսյանը։ Նա
իր ելույթում շեշտադրումներ կատարեց մի շարք հարցերի վրա՝ «Մարտի 1—ի
գործ», Ֆրանսիայի սահմանադրական խորհրդի որոշում, մարդահամարի արդյունքներ,
ԵԿՄ համագումար եւ այլն։ ՀԱԿ—ի առաջնորդը դրական երեւույթների շարքին
դասեց ՀՅԴ—ի, «Ժառանգության», ՀԱԿ—ի, «Բարգավաճ Հայաստանի» եւ այլ
քաղաքական ուժերի միջեւ արդար ընտրությունների անցկացման խնդրի շուրջ
սկսված երկխոսությունը, որակելով այն «կառուցողական», ինչպես նաեւ Ազգային
ժողովի ընդդիմադիր խմբակցությունների կողմից ամբողջովին համամասնական
ընտրակարգի անցնելու օրենսդրական նախաձեռնությունը։ «Նշված ուժերի անկեղծ
համագործակցությունն, այնուամենայնիվ, լուրջ նախադրյալ է ստեղծում
ընտրությունների վերահսկման համատեղ արդյունավետ մեխանիզմ ձեւավորելո
...
Կարդալ շարունակությունը »
|
Մարտի
1—ին Հայաստանի Հանրապետության կենտրոնական ընտրական հանձնաժողովի
հերթական նիստում քննարկվեցին մի շարք հարցեր եւ ընդունվեցին համապատասխան
որոշումներ։ Հանձնաժողովի անդամների կողմից միաձայն ընդունվեց ԿԸՀ 2011
թվականի օգոստոսի 11—ի՝ «Հանրապետության նախագահի, Ազգային ժողովի
պատգամավորի, Երեւանի ավագանու ընտրությունների քվեաթերթիկների ձեւերը եւ
շարադրանքը սահմանելու մասին» համապատասխան որոշման մեջ փոփոխություններ եւ
լրացումներ կատարելու մասին որոշումը։
Սա վերաբերում է միայն մեծամասնական ընտրակարգին եւ այսուհետ քվեաթերթիկների վրա նշվելու է ընտրատարածքի համարը։ Նիստում
միաձայն որոշում կայացվեց ԿԸՀ 2006 թվականի մարտի 16—ի թիվ 4—Ա որոշման
մեջ փոփոխություններ կատարելու մասին։ Նոր որոշմամբ հանձնաժողովի
«Համակարգչային ծառայությունների եւ տեղեկատվության վերլուծության
վարչություն» անվանումը կփոխարինվի «Տեղեկատվական տեխնոլոգիաների ու
տեղեկատվության վարչություն» անվանմամբ։ Նոր որոշումը, ԿԸՀ նախագահ
Տիգրան Մուկուչյանի խոսքով, ընդամենը նպատակ ունի հանձնաժողովի
աշխատակազմում համապատասխան կառուցվածքային փոփոխության իրականացման, ինչը
կատարվում է հանձնաժողովի աշխատանքներն առավել արդյունավետ կազմակերպելու
համար։ Մյուս որոշումը վերաբերում էր անձը հաստատող փաստաթուղթը
դրոշմակնքելու գործընթացի կանոնակարգմանը։ Գործող կարգի համաձայն՝
քվեարկության ծրարը կնքող եւ քվեատուփի համար պատասխանատու անդամը ծրարը
կնքում եւ քվեատուփի մեջ գցելու հնարավորություն է ընձեռում միայն ընտրողի
անձը հաստատող փաստաթղթում տվյալ ընտրությանը մասնակցելու վերաբերյալ
դրոշմանիշի բացակայությունը ստուգելուց եւ բացակայության դեպքում անձը
հաստատող փաստաթղթում դրոշմակնքում կատարելուց հետո։ ՀՀ ընտրական օրենսգրքի
կանոնակարգումների համաձայն՝
...
Կարդալ շարունակությունը »
|
Հայաստանի
պատմության ամենացավալի էջերից է մարտի 1–ը, որում յուրաքանչյուրը մեղքի
իր բաժինն ունի։ Ինչպես հաղորդում է «Արմենպրեսը», մարտի 1—ին լրագրողների
հետ հանդիպման ժամանակ նման տեսակետ հայտնեց ԱԺ ՀՀԿ խմբակցության
պատգամավոր Արտակ Դավթյանը։ Նա նշեց, որ ամեն անգամ, հիշելով 4 տարի առաջ
տեղի ունեցածը, հարգանքի տուրք է մատուցում զոհվածների հիշատակին։ Դավթյանի
խոսքով՝ ցավալի էջերը մեզ դասեր տալիս են, որից մենք փորձում ենք
մաքրագործվել։ Հայաստանի կենտրոնական բանկի նախկին նախագահ Բագրատ
Ասատրյանը ցավով նկատեց, որ արդեն մի քանի տարի մարտի մեկը իբրեւ գարնան
առաջին օր նշելու փոխարեն ստիպված ենք այն հիշել որպես «սեւ օր»։ Բանախոսներն
անդրադարձան մարտի 1—ին ԱԺ—ում քվեարկության դրված «Արտակարգ դրության
իրավական ռեժիմի մասին» օրինագծին, որ արդեն իսկ անցել է առաջին
ընթերցմամբ։ ՀՀԿ անդամի խոսքով՝ ընդդիմադիր գործիչների կողմից օրինագծի
շուրջ մեծ աղմուկի բարձրացումը քաղաքական մարտավարական նպատակներ ունի։ Դավթյանի
խոսքով՝ օրենքը միայն Երեւանի մասին չէ. այն ողջ հանրապետության մասին է,
եւ գործելու է ողջ երկրում։ «Բանակը պիտի ավելի զգոն լինի իր
գործառույթներն իրականացնելիս։ Եթե օրինագծում լրացուցիչ վտանգներ ենք
տեսնում, ապա կարելի է ձեւակերպել այնպես, որ այդ վտանգները վերանան»,–նշեց
նա։ ՀՀԿ անդամը համոզմունք հայտնեց, որ Հայաստանում չի գտնվի որեւէ
զինվոր, ով ուղղակի ձեռք կբարձրացնի կամ կհանդգնի ձեռք բարձրացնել սեփական
ժողովրդի վրա։ «Անցած քսանամյա պատմությունը մեզ բավականաչափ դասեր է տվել։
Մենք ունենք այնպիսի զինվորներ եւ սպայական կազմ, ովքեր քաջ գիտակցում են
իրենց առաքելությունը՝ արտաքին ոտնձգություններից հայրենիքի
պաշտպանությունը»,–նշեց նա։ Մարտի մեկի դեպքերի բացահայտումը ամենից շատ
հարկավոր է հանրապետության ներկայիս նախագահին ե
...
Կարդալ շարունակությունը »
|
 ՀՀ
պաշտպանության նախարար Սեյրան Օհանյանը ընդունել է ՆԱՏՕ-ի գլխավոր
քարտուղարի տեղակալ-պաշտպանական քաղաքականության և պլանավորման հարցերով
օգնական, դեսպան Հուսեյն Դիրիոզի գլխավորած պատվիրակությանը:
Ըստ Պաշտպանության նախարարության հաղորդագրության՝ պատվիրակության այցը
փոխկապակցված է ՆԱՏՕ-ի կառույցների համատեղ խմբի Հայաստան կատարած այցի
հետ, որը ՊՆ համապատասխան անձնակազմի հետ այժմ իրականացնում է
Հայաստան-ՆԱՏՕ «Անհատական գործընկերության գործողությունների ծրագրի» և «Պլանավորման և վերանայման գործընթացի» իրականացման առաջընթացի գնահատում: Նախարար Օհանյանը և դեսպան Հուսեյն Դիրիոզն անդրադարձել են ՆԱՏՕ-ի հետ
պաշտպանության նախարարության համագործակցության հիմնական ուղղություններին,
որոնցից են ռազմական կրթությունը, կրտսեր հրամանատարների արհեստավարժ
ինստիտուտի զարգացումը, փոխգործունակ կարողությունների կատարելագործումը,
պաշտպանական պլանավորման և բյուջետավորման ոլորտի բարեփոխումները, ինչպես
նաև ՆԱՏՕ-ի ղեկավարած գործողություններին հայ խաղաղապահների
մասնակցությունը:
Կողմերն արձանագրել են պաշտպանական բարեփոխումն
...
Կարդալ շարունակությունը »
|
Երեկ
Ֆրանսիայի Սահմանադրական խորհրդի կողմից Ցեղասպանությունների հերքումը
քրեականացնող օրինագծի` հակասահմանադրական ճանաչվելուց հետո Ֆրանսիայի
նախագահ Նիկոլա Սարկոզին կարգադրել է մշակել նոր օրինագիծ. հաղորդում է BBC News-ը:
Հիշեցնենք, որ Սահմանադրական խորհուրդն այդ որոշումն ընդունել է փակ, գաղտնի քվեարկությամբ:
yerkir.am
|
Եվրոպական
միության արտաքին գործերի նախարարների խորհուրդը եզրակացություն է
ընդունել Հարավային Կովկասում տիրող իրավիճակի առնչությամբ։ Ինչպես
«Արմենպրեսին» տեղեկացրին Եվրոպական խորհրդի մամլո ծառայությունից, ԵՄ ԱԳ
նախարարները ողջունել են Հայաստանի, Ադրբեջանի եւ Վրաստանի՝ Արեւելյան
գործընկերության շրջանակներում ծավալվող համագործակցությունը միության հետ։
«ԵՄ—ն վերահստատում է իր հիմնական շահերը տարածաշրջանում, այդ թվում
անվտանգության եւ կայունության հաստատումը, ժողովրդավարական
բարեփոխումները, էներգետիկ անվտանգությունը, տարածաշրջանային զարգացումը եւ
մարդու իրավունքների պաշտպանությունը»,–նշված է եզրակացության մեջ։
Առանձնահատուկ ուշադրություն է դարձվելու Վարշավայում 2011թ—ի սեպտեմբերի
30—ին ընդունված Արեւելյան գործընկերության համատեղ հայտարարության մեջ
ընդգրկված դրույթների իրականացմանը, մասնավորապես հստակ նախանշված Òավելին
ավելիի դիմացե մոտեցման իրականացմանը։
Հայաստանի մասով մասնավորապես շեշտվում է ասոցացման համաձայնագրի շուրջ
բանակցություններում առաջընթացը։ «Խոր եւ համապարփակ ազատ առեւտրի գոտու
շուրջ բանակցությունների մեկնարկի համար Հայաստանն ապահովել է բոլոր
նախապայմանները եւ սպասում է 2012թ. սեպտեմբերին»,–նշված է եզրակացության
մեջ։
Նշվում է նաեւ, որ Հայաստանը պետք է շարունակի բարեփոխումները առանձին
ոլորտներում, ինչի համար ԵՄ—ն պատրաստ է տրամադրել անհրաժեշտ
օժանդակությունը։ «ԵՄ—ն հատկապես ընդգծում է մայիսին կայանալիք
խորհրդարանական եւ 2013թ. նախագահական ընտրությունների կարեւորությունը,
որոնք պետք է համապատասխանեն միջազգային չափանիշներին»,–շեշտում են ԵՄ ԱԳ
նախարարները՝ ընդգծելով, որ համակ ուշադրությամբ հետեւելու են այդ
ընտրություններին։
Նախարարները նաեւ ողջունել են Հայաստանում կոռուպցիայի դեմ պայքարին ուղղված քայլերը։
Միաժամանակ Ադրբեջանի մասով որպես հիմնական մտահոգության առարկա Եվրոպական
խորհուրդը նշե
...
Կարդալ շարունակությունը »
|
Հայաստանը
նկատելի քայլերով մոտենում է Եվրամիության հետ վիզաների դյուրացման եւ
ռեադմիսիայի համաձայնագրերի կնքմանը, ինչի կապակցությամբ երեկ Երեւանում
սկսվեցին բանակցությունները։ Բանակցություններում Եվրոպական միությունը
ներկայացնում է Եվրոպական հանձնաժողովը, Հայաստանի կառավարությունը՝
արտաքին գործերի նախարարությունը։ Վիզաների դյուրացման եւ ռեադմիսիայի
համաձայնագրերը սահմանում են վիզաների համար գանձվող ավելի ցածր վճարներ
բոլոր քաղաքացիների համար, վճարների վերացում որոշ քաղաքացիների համար,
դիմումների ուսումնասիրման առավելագույն 10 օրացույցային օրվա ժամկետ,
օժանդակ փաստաթղթերի պարզեցված պահանջներ, որոշ կատեգորիաների համար
բազմակի մուտքի վիզաների ավելի շատ տրամադրում, դիվանագիտական անձնագրերի
առանց վիզաների պահանջի վերացում եւ ավելի լավ շարժունակություն անվտանգ եւ
լավ կառավարվող միջավայրում։ ՀՀ ԱԳ փոխնախարար, հայկական կողմից
բանակցող Զոհրաբ Մնացականյանը լրագրողների առջեւ հայտարարեց, որ վիզաների
եւ ռեադմիսիայի համաձայնագրերն առանձին համաձայնագրեր են. առաջինը
կարգավորում է վիզաների դյուրացման ռեժիմը՝ դյուրացված փաստաթղթեր, գնային
նոր քաղաքականության մշակում, դյուրացված համակարգից օգտվող համապատասխան
խմբերի մատնանշում եւ այլն, ռեադմիսիայի համաձայնագիրը կարգավորում է
ՀՀ—ում եւ ԵՄ երկրներում գտնվող ոչ լեգալ քաղաքացիներին լեգալ դաշտ բերելու
հարցերը։ «Այս գործընթացի նշանակությունը չափազանց կարեւոր է. այն շատ
սպասված էր Հայաստանի կողմից եւ մեծ ուշադրություն է առաջացնում
հասարակության մեջ»,—ասաց փոխնախարարը՝ շեշտելով, որ գործընթացն ունի նաեւ
քաղաքական նշանակություն, այն է՝ Հայաստանը տարբեր մակարդակներում ակտիվ
քաղաքական երկխոսության եւ հարաբերության մեջ է ԵՄ—ի հետ։ Ինչ
վերաբերում է համաձայնագրերի կնքման ժամկետներին, ապա փոխնախարարն ասաց, որ
առկա է փորձ, ցանկություն, վճռականություն. «Մենք չենք խոսում տարիների
մ
...
Կարդալ շարունակությունը »
|
Եվրոպական
միության առեւտրային քաղաքականության Հանձնաժողովը (բաղկացած ԵՄ 27 անդամ
երկրներից) միաձայն որոշում է կայացրել Հայաստանի հետ խոր եւ համապարփակ
ազատ առեւտրի գոտու (ԽՀԱԱԳ) ստեղծման շուրջ բանակցությունների մեկնարկի
վերաբերյալ: Բանակցությունների մեկնարկի վերաբերյալ Եվրոպական
հանձնաժողովի (ԵՀ) դրական որոշումն արձագանքն է վերջին մեկ տարվա ընթացքում
բանակցություններին նախապատրաստվելու ուղղությամբ Հայաստանի կողմից
իրականացված քայլերին: Բանակցությունների մեկնարկի համար ԵՀ-ի կողմից
դրվել էին օրենսդրական փոփոխությունների, օրենսդրության կիրարկման
բարելավման եւ համապատասխան կառույցների հզորացման ուղղությամբ
նախապայմաններ արտաքին առեւտրին առնչվող մի շարք բնագավառներում: 2011
թվականի ընթացքում Հայաստանը էական եւ շոշափելի առաջընթաց գրանցեց նշված
ոլորտներում պարտավորությունների եւ ամրագրված գլխավոր առաջնայնությունների
կատարման եւ ավարտին հասցնելու ուղղությամբ: Իրականացված աշխատանքը եւ
դրա հիման վրա ԵՀ-ին ներկայացված համապարփակ զեկույցը հիմք հանդիսացան ԵՄ
կառույցների համար, որպեսզի կայացվի բանակցությունների մեկնարկի որոշումը: ԽՀԱԱԳ
ստեղծմամբ Հայաստանը հնարավորություն կունենա դիվերսիֆիկացնելու եւ
ուղղորդելու իր արտահանման կարողությունները եւ առավել բարենպաստ
պայմաններով մուտք գործելու մոտ 500 միլիոն սպառող ունեցող Եվրոպական
միասնական շուկա: Ներկայումս Հայաստանն օգտվում է ԵՄ-ի կողմից շնորհված
արտոնությունների ընդհանրացված համակարգից (GSP+), որը հնարավորություն է
տալիս ապրանքների արտահանում ԵՄ մաքսատուրքի նվազեցված դրույքաչափերով: Ինչպես
«Արմենպրեսին» տեղեկացրին Եվրոպական հանձնաժողովի մամլո ծառայությունից,
բանակցությունները վերաբերելու են ժամանակակից, թափանցիկ եւ կանխատեսելի
առեւտրային եւ ներդրումային միջավայրի ստեղծմանը: Դրանց ընթացքում
անդրադարձ կկատարվի կարգավորող նորմերի մոտարկմանը, ինչն էլ ավելի կն
...
Կարդալ շարունակությունը »
|
|
|
|
| Մուտքի ձև |
|
|
| Որոնել |
|
|
| Օրացույց |
| « Ապրիլ 2024 » | | Երկ | Երկ | Չրկ | Հնգ | Ուր | Շբ | Կր | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 |
|
|
| Սոց ցանցեր |
|
|
| Ժամանակահատված |
|
|
|
