Հարգելի համաքաղաքացիներ.
Մենք Ձեզ հետ միասին դիմավորում ենք գալիք 2015 թվականը, նոր տարին և Սուրբ Ծնունդը, որը յուրաքանչյուրիս համար նվիրական իղձերի և ցանկությունների իրագործման նոր շրջան է:
Անցնող տարին Մեծամորի հասարակական կյանքում նշանավորվեց նոր ձեռքբերումներով:
Ունեցանք առաջընթաց համայնքի բարեկարգման, քաղաքաշինական ուղղվածության, մշակութային, մարզական և սոցիալական ոլորտներում:
Ունենալով Ձեր աջակցությունը, մենք ամենայն պատասխանատվությամբ միասին կշարունակենք մեր համայնքի հետագա առաջընթացը համայնքային ծրագրերի իրագործում ճանապարհին:
Գալիք նոր տարին ծրագրային ու աշխատանքային առումով համայնքի համար կլինի դրական տեղաշարժերի ու փոփոխությունների տարի: Մեր ուշադրության կենտրոնում կլինի համայնքի բնակչության կենսապայմանների բարելավման և քաղաքաշինական արդի պահանջներին հարիր ծրագրերը: Ես լիահույս եմ, որ գալիք տարին կնշանավորվի մշակութային, մարզական, կրթական ու սոցիալական ոլորտների զարգացմամբ: Աշխատանքներ կձեռնարկվեն քաղաքի հետագա բարեկարգման ու շենացման ուղղությամբ: Շինարարական և վերանորոգման աշխատանքներ կկատարվեն համայնքային ենթակայության հիմնարկություններում: Կբարեկարգվեն և նոր տեսք կստանան քաղաքի մի շարք փողոցներ, կշահագործվեն այլ կառույցներ:
Ամանորի և Սուրբ Ծննդյան տոների առթիվ ցանկանում եմ բոլորիդ առողջություն, ամենայն բարիք և երջանկություն: Շնորհավորում եմ համայնքի բոլոր բնակիչներին, կրթության, առողջապահության, մշակույթի, էներգետիկայի, շինարարության և սպասարկման ոլորտի աշխատակիցներին ու իմ գործընկերներին, նոր` 2015 թվականի կապակցությամբ և մաղթում հաջողություններ ընտանիքում և Ձեր լավագույն նպատակների իրագործման ճանապարհին:
Շնորհավոր Ամանոր և Սուրբ Ծնունդ:
Ռոբերտ Գրիգորյան
Մեծամորի քաղաքապետ
|