ՀՀ նախագահ Սերժ Սարգսյանի՝ ԵԽԽՎ—ում ունեցած ելույթի վերաբերյալ շարունակվում են արձագանքները։
Մարդկային զարգացման միջազգային կենտրոնի ղեկավար Թեւան Պողոսյանը կարեւորել է հետեւյալ հանգամանքը. «Ընդհանուր առմամբ ելույթի գլխավոր շեշտադրումն այն էր, որ ապրիլից Հայաստանը ներգրավելու է բարեփոխումների մի ցիկլ, որը պայմանավորված է սահմանադրական բարեփոխումներով եւ հիմնված է լինելու եվրոպական համաձայնագրի վրա, եւ Հայաստանը փորձելու է ավելի մոտ գնալ ԵՄ—ին»։ Նա ուշադրություն է հրավիրել այն բանին, որ ներքին բարեփոխումները լինելու են ապագա կառավարության ծրագրի հիմքում։
«Գլխավոր հարցն այն է, որ բաց տեքստով եվրոպացիներին ասվեց, որ մենք եվրոպացի ենք, այդ բարեփոխումները կարեւոր են, կփորձենք երկու ինտեգրացիոն գործընթացները համատեղել. իմ պատկերացմամբ «ե՛ւ, ե՛ւ»—ը մեր պատկերացումներում է»,–ասել է նա՝ նշելով, որ, ամեն դեպքում, որքան էլ գեղեցիկ է խոսքը, այնուամենայնիվ, վերջում գնահատվում է որակական փոփոխությունների արդյունքը։
Եվրախորհրդի խորհրդարանական վեհաժողովում Սլովակիայի պատվիրակության ղեկավար Լյուբոշ Բլահան Հայաստանն օրինակելի պետություն է համարում, իսկ ՀՀ նախագահ Սերժ Սարգսյանի ելույթը ԵԽԽՎ ամբիոնից՝ խաղաղ եւ ողջամիտ։
Սլովակիայի Հանրապետության Ազգային խորհրդի սոցիալ—դեմոկրատ պատգամավորը գրել է. «Եվրոպայի խորհրդի խորհրդարանական վեհաժողովում ելույթ էր ունենում Հայաստանի նախագահ Սերժ Սարգսյանը։ Խոսքի իրավունք էի խնդրել, որպեսզի անձամբ Սլովակիայի խորհրդարանի անունից արտահայտեի մեր հարգանքը, բարեկամությունը եւ աջակցությունը Հայաստանին։ 2004 թ. Սլովակիայի Ազգային խորհուրդն իր բանաձեւով դատապարտեց թուրքերի կողմից իրականացված Հայոց ցեղասպանությունը։ Հայերին աջակցել եմ նաեւ Ադրբեջանի հետ վեճում, երկու տարի առաջ, Եվրոպայի խորհրդում, երբ այդ հարցով գնացել էի Ստրասբուրգ։
... Կարդալ շարունակությունը »

Երեկ ԵՄ—Հայաստան խորհրդարանական համագործակցության հանձնաժողովը շարունակել է 17—րդ նիստի աշխատանքը, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
ՀՀ ԱԺ պատգամավոր Աղվան Վարդանյանը եվրոպացի գործընկերներին ներկայացրել է ԼՂ հակամարտության կարգավորմանը, Հայաստան—Թուրքիա հարաբերությունների ներկա վիճակին եւ տարածաշրջանային վերջին զարգացումներին վերաբերող հարցերը։
ԵՄ—Հայաստան խորհրդարանական համագործակցության հանձնաժողովի համանախագահ Սաջադ Քարիմն այս համատեքստում նշել է, որ հակամարտության հետեւանքով մարդիկ են զոհվում, եւ խոչընդոտվում է տարածաշրջանի սոցիալ—տնտեսական զարգացումը։ Բանախոսի խոսքով՝ Եվրոպական խորհրդարանը սատարում է ԵԱՀԿ Մինսկի խմբի ջանքերը եւ ողջունում այս տարի Ժնեւի գագաթնաժողովում Հայաստանի եւ Ադրբեջանի ղեկավարների կողմից արված հայտարարությունները։
Անդրադառնալով Հայաստան—Թուրքիա հարաբերություններին՝ Սաջադ Քարիմը նշել է, որ Եվրոպական խորհրդարանը կարծում է, որ փակ սահմանները պետք է բացվեն, եւ երկու երկրների քաղաքացիական հասարակությունների երկխոսությունը պետք է զարգանա՝ նվազեցնելով լարվածությունը տարածաշրջանում։
ՀՀ ԱԺ արտաքին հարաբերությունների հանձնաժողովի նախագահ Արմեն Աշոտյանը նշել է, որ Արցախում ապրում են հազարավոր մարդիկ, ովքեր նույնպես պետք է օգտվեն ՄԱԿ—ի տրամադրած հիմնարար իրավունքներից։ Խոսքը քաղաքական իրավունքի մասին չէ, այլ կրթական, բնապահպանական եւ այլ ծրագրերի, որոնցից զրկված են արցախցիները։
Արմեն Աշոտյանն անդրադարձել է նաեւ Ադրբեջանի կողմից ԼՂ հակամարտությունը կրոնական ներկայացնելու փորձերին, ինչը վտանգավոր է ողջ տարածաշրջանի համար։ Արմեն Աշոտյանի կարծիքով՝ պետք է կանխել այդ թյուրըմբռնումը։
ԵՄ—Հայաստան խորհրդարանա ... Կարդալ շարունակությունը »