| Կայքի մենյու |
|
 |
| Բաժնի անվանակարգերը |
|
|
| Մինի - չաթ |
|
|
|
| Վիճակագրություն |
Ընդամենը առցանց: 1 Հյուրեր: 1 Հաճախորդներ 0 |
|
|
Գլխավոր էջ » Հասարակություն
« 1 2 ... 43 44 45 46 47 ... 70 71 »
Վարչապետ Հովիկ Աբրահամյանը երեկ աշխատանքային այցով մեկնել է Տավուշի մարզ՝ Դիլիջանի միջազգային դպրոցի եւ ՀՀ ֆինանսների նախարարության ուսումնական կենտրոնի շինարարական ծրագրերին ծանոթանալու նպատակով, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։ ՀՀ վարչապետին ուղեկցում էին ՀՀ փոխվարչապետ, տարածքային կառավարման նախարար Արմեն Գեւորգյանը, ՀՀ ֆինանսների նախարար Գագիկ Խաչատրյանը, ՀՀ կառավարության աշխատակազմի ղեկավար–նախարարի առաջին տեղակալ Գուրգեն Դումանյանը, ՀՀ Տավուշի մարզպետ Հովիկ Աբովյանը, ՀՀ կրթության եւ գիտության նախարարի տեղակալ Մանուկ Մկրտչյանը, պաշտոնատար այլ անձինք։
Կառավարության ղեկավարը նախ դիտակետից հետեւել է Դիլիջանի միջազգային դպրոցի շինարարական աշխատանքների ընթացքին, ապա եղել շինհրապարակում, շրջել արդեն կառուցված մասնաշենքերում։ Դպրոցի տնօրեն Ջոն Պադըֆութը Հովիկ Աբրահամյանին մանրակրկիտ տեղեկատվություն է ներկայացրել կատարված աշխատանքների եւ հետագա անելիքների վերաբերյալ։ Լրագրողների հետ ճեպազրույցում երկրի վարչապետը կարեւորել է միջազգային այս դպրոցի գործունեությունը՝ նշելով. «Կառավարությունը հնարավորինս կաջակցի այս ծրագրի իրականացմանը, եւ մենք սատարելու ենք յուրաքանչյուր նման նախաձեռնության։ Եվս մեկ անգամ ցանկանում եմ շնորհակալություն հայտնել նախաձեռնողներին, կազմակերպիչներին եւ բոլոր մասնակիցներին»։
Դիլիջանի միջազգային դպրոցն իրենից ներկայացնում է շուրջ 190 մլն ԱՄՆ դոլար ներդրումային ծախսով բարեգործական նախագիծ, որի իրականացմ
...
Կարդալ շարունակությունը »
|
Երեկ Ալ. Սպենդիարյանի անվան օպերայի եւ բալետի ազգային ակադեմիական թատրոնի շենքում տեղի է ունեցել ՀՀ պաշտպանության նախարարին կից կոլեգիայի նիստը, հայտնում են ՀՀ ՊՆ տեղեկատվության եւ հասարակայնության հետ կապերի վարչությունից։
Նիստի ընթացքում քննարկվել են 2014 ուսումնական տարվա ձմեռային ուսումնական փուլում ՀՀ զինված ուժերի մարտական պատրաստության, կարգապահության եւ մարտական հերթապահության իրականացման վիճակը, առկա խնդիրներն ու բարելավման ուղիները։
Կոլեգիայի նիստին մասնակցել են ՀՀ նախագահի խորհրդական, գլխավոր ռազմական տեսուչ, գեներալ—գնդապետ Միքայել Հարությունյանը, ՀՀ ԶՈւ ԳՇ պետ, գեներալ—գնդապետ Յուրի Խաչատուրովը, պաշտպանության նախարարի, ԶՈւ ԳՇ պետի տեղակալները, ՊՆ, ԶՈւ, ԶՈւ ԳՇ վարչությունների եւ առանձին բաժինների պետեր, զորամիավորումների հրամանատարներ եւ այլք։ Հայկական երկու հանրապետությունների զինված ուժերի միջեւ փոխհամագործակցության շրջանակում կոլեգիայի նիստին ներկա էին նաեւ ՊԲ հրամանատար, գեներալ—լեյտենանտ Մովսես Հակոբյանը եւ ՊԲ բարձրաստիճան սպաներ։
ԶՈւ 2014 թվականի ձմեռային ուսումնական փուլի ամփոփիչ կոլեգիայի նիստի մեկնարկից առաջ ուսումնական փուլի ընթացքում աչքի ընկած մի խումբ զինծառայողներ պարգեւատրվեցին գերատեսչական մեդալներով, պատվոգրերով եւ արժեքավոր նվերներով։
Կոլեգիայի նիստի բացման խոսքով հանդես եկավ ՀՀ պաշտպանության նախարար Սեյրան Օհանյանը։ Անդրադառնալով տարածաշրջանային ներկայիս զարգացումներին՝ պաշտպանական գերատեսչության ղեկավարն ընդգծեց, որ հատկապես նման իր
...
Կարդալ շարունակությունը »
|
Հայաստանի համար ամենացավոտ հարցերից մեկն իր համայնքներն են Մերձավոր Արեւելքում։ Այս մասին երեկ լրագրողների հետ հանդիպման ընթացքում ասաց արաբագետ Արաքս Փաշայանը։ «Իհարկե բոլոր համայնքները չեն, որ վտանգի տակ են, սակայն հատկապես Սիրիայի հետ կապված վիճակը հեռու է ուրախալի լինելուց։ Դարեր շարունակ ապրելով Մերձավոր Արեւելքում՝ հայ համայնքը ունի մուսուլմանների հետ շփման մեծ փորձ։ Բնականաբար, այն հայերը, ովքեր ցանկություն ունեն շարունակելու ապրել այնտեղ, պետք է գիտակցեն բոլոր ռիսկերը եւ հասկանան, որ բացառիկ կերպով մեծացել է իսլամի գործոնի նշանակությունը այդ պետությունների հասարակական գործընթացներում»,–«Արմենպրեսի» հաղորդմամբ՝ ասաց Արաքս Փաշայանը։
Արաբագետը նաեւ նկատեց, որ հայերը կարող են ապրել անգամ շարիաթական պետության շրջանակներում, ուղղակի պետք է վճարեն համապատասխան հարկերը, որոնք ամրագրված են շարիաթի կանոններով, այդպիսով՝ նրանք կունենան ինչպես գույքի, այնպես էլ անհատի անվտանգության ապահովումը։ «Այդուհանդերձ, հայ համայնքը պետք է նկատի ունենա, որ տարածաշրջանում իրադրությունը փոխվել է, եւ այն կտրուկ տարբերվում է «Արաբական գարնան» դեպքերից առաջ եղած պատկերից»,–ընդգծեց Փաշայանը։
Արաբական երկրներում իրավիճակը գերտերությունների նեո—գաղութային քաղաքականության արդյունք է, որի նպատակն է մասնատելու միջոցով ունենալ ավելի թույլ եւ ոչ ազդեցիկ պետություններ, որոնք չեն կարող ունենալ ազդեցիկ դեր տարածաշրջանում։
Խոսելով Քուրդիստ
...
Կարդալ շարունակությունը »
|
ՀՀ նախագահին կից Սահմանադրական բարեփոխումների մասնագիտական հանձնաժողովը ապաքաղաքական է, զուտ մասնագիտական բնույթ ունի, որի խնդիրն է բացահայտել ստեղծված իրավիճակը եւ մասնագիտական լուծումներ առաջարկել առկա հարցերին՝ հաշվի առնելով միջազգային փորձը։ Այդ մասին երեկ Վանաձորում քաղաքացիների հետ հանդիպման ժամանակ հայտարարել է հանձնաժողովի նախագահ, ՍԴ նախագահ Գագիկ Հարությունյանը։
Հանձնաժողովի քարտուղարությունից տեղեկացնում են, որ որպես օրինակ նա նշել է այլ երկրների փորձը, որոնք ժամանակին ընտրել էին մոդելային Սահմանադրությունը, ինչի արդյունքում սոցիալական իրականության հետ բախվող խնդիրներ էին առաջացել։
«Նույնը տեղի ունեցավ նաեւ մեր երկրում։ Առաջին Սահմանադրության ընդունման ժամանակ շեշտը դրվեց պետական իշխանության կայացման վրա։ Բայց այստեղ հարց առաջացավ՝ ո՞ւր մնաց մարդը։ Սահմանադրականության հիմնական չափանիշը հենց մարդը պետք է լինի։ Պետք է վերաշարադրել սահմանադրական մեթոդաբանությունը՝ կարեւորելով ոչ թե օրենքի գերակայության սկզբունքը, այլ՝ իրավունքի։ Երբ մենք կիրառենք այս մեթոդաբանությունը, ապա կունենանք մարդակենտրոն Սահմանադրություն»,–հավելել է հանձնաժողովի նախագահը։
Նրա խոսքով՝ կա հրատապ խնդիր, որը հասունացել է, եւ որին անհրաժեշտ է բավարար ուշադրություն դարձնել։
Գագիկ Հարությունյանի համոզմամբ, եթե մեր գործունեությունը սկսվի անիրավական քայլերով, ապա իրավական պետություն կառուցել չենք կարողանա։ «Մեր երկրում քաղաքական գործընթացի սահմանադրական լուծումները տր
...
Կարդալ շարունակությունը »
|
ՀՀԿ գործադիր մարմնի նիստը երեկ վարել է ՀՀ նախագահ, ՀՀԿ առաջնորդ Սերժ Սարգսյանը։ Քննարկվել են ներքաղաքական եւ ներկուսակցական, ինչպես նաեւ արտաքին քաղաքական հարցեր։ Այս մասին նիստի ավարտից հետո լրագրողներին տեղեկացրել է ԱԺ փոխնախագահ, ՀՀԿ խոսնակ Էդուարդ Շարմազանովը։ Նրա խոսքով, հանրապետության նախագահը ներկայացրել է նաեւ Վրաստան կատարած այցի, ինչպես նաեւ Ռուսաստանի Դաշնության արտաքին գործերի նախարար Սերգեյ Լավրովի հետ հանդիպման արդյունքները։
Ըստ Է. Շարմազանովի՝ ՀՀ նախագահի Վրաստան կատարած այցն արդյունավետ էր հայ—վրացական հարաբերություններում տնտեսական համագործակցության եւ քաղաքական երկխոսության առումով։ «Պետք է նշեմ նաեւ, որ հանրապետության նախագահի եւ Ռուսաստանի Դաշնության արտաքին գործերի նախարարի հետ հանդիպումը եղել է կառուցողական»,—ասել է Շարմազանովը։
Լրագրողներին հետաքրքրում էր ՀՀԿ—ի գնահատականը ԵԽԽՎ—ում հայաստանյան պատվիրակության միասնական որոշմանը՝ ԵԽԽՎ նիստի ժամանակ Ադրբեջանի նախագահ Իլհամ Ալիեւին հարց չտալու առնչությամբ։
Է. Շարմազանովը նկատել է. «Եթե պատվիրակության անդամները միասնական որոշում են կայացրել, նշանակում է այդ պահին այդպես է պետք եղել, այդպես են նպատակահարմար գտել։ Մենք Երեւանից չենք կարող որոշել, ինչն է ճիշտ, ինչը սխալ, ուստի, ես մեր պատվիրակությանը քննադատողներին խորհուրդ եմ տալիս չկասկածել, որ մեր պավիրակության անդամները հայրենասեր եւ պրոֆեսիոնալ մարդիկ են»։
Հայաստանի՝ Եվրասիական տնտեսական
...
Կարդալ շարունակությունը »
|
Արցախի ժողովրդավարական կուսակցությունը (ԱԺԿ) երկրում հեղինակություն վայելող քաղաքական այն ուժերից է, որը ծնունդ է առել անկախության հռչակումից հետո՝ պետության համար բախտորոշ ու դժվարին ժամանակներում, ու այսօր էլ շարունակում է նշանակալի դերակատարություն ունենալ քաղաքական, հասարակական ու տնտեսական կյանքում։
Հունիսի 21—ին Ստեփանակերտում տեղի ունեցավ ԱԺԿ չորրորդ համագումարը, որին, պատվիրակներից բացի, մասնակցում էին Եվրոպայի ազատ դաշինք կուսակցությունների միավորման ներկայացուցիչները՝ կազմակերպության փոխնախագահ Միգել Մարտինես Թոմիի գլխավորությամբ։
Ինչպես նշվեց կուսակցության կենտրոնական խորհրդի՝ 2012—2014 թվականների գործունեության եւ կուսակցության առաջիկա անելիքների ու ռազմավարության մասին հաշվետվության մեջ, ԱԺԿ նախագահ, Ազգային ժողովի ղեկավար Աշոտ Ղուլյանի խոսքով, ԱԺԿ—ին հաջողվել է ձեւավորել ու անխաթար պահել սեփական դիմագիծը։ Հատկանշական է, որ համագումարը տեղի է ունենում ադրբեջանա—ղարաբաղյան պատերազմում զինադադարի կնքման 20—ամյակի նշանավորման տարում, ինչը նշանակում է, որ այդ տարիներին հանրապետությունում շարունակվել են պետականաշինության ժողովրդավարական գործընթացները, եւ ապահովվել է խաղաղ պայմաններում ժողովրդի կենսագործունեությունը։
«Վերջին երկու տարիներին մեր կուսակցությունը բավական արդյունավետ կապեր է նախաձեռնել արտաքին աշխարհի հետ։ Դրա հաստատումն այսօր եվրոպացի գործընկերների ներկայությունն է ԱԺԿ համագումարին,–նշեց Ա.Ղուլյանը։&nda
...
Կարդալ շարունակությունը »
|
«Հայաստանի զարգացման նախաձեռնություններ» հիմնադրամի եւ «Ակրոնիս» ընկերության հրավերով հունիսի 22—24—ը Հայաստանում է գտնվում շախմատի աշխարհի գործող չեմպիոն Մագնուս Կառլսենը։ Նրան ուղեկցում են տեղեկատվական տեխնոլոգիաների ոլորտում համաշխարհային մի շարք հայտնի ընկերությունների ղեկավարներ։
Հունիսի 22—ին նորվեգացի շախմատիստն այցելեց Տիգրան Պետրոսյանի անվան շախմատի տուն, որտեղ ծաղիկներ դրեց շախմատի աշխարհի եւ օլիմպիական բազմակի չեմպիոն Տիգրան Պետրոսյանի հուշարձանին։ Այնուհետեւ շախմատի գործող չեմպիոնը կայծակնային շախմատի միաժամանակյա խաղ անցկացրեց Հայաստանի շախմատի ակադեմիայի մինչեւ 12 տարեկան սաների հետ։ «Ակրոնիս» ընկերության հիմնադիր եւ գլխավոր տնօրեն Սերգեյ Բելոուսովը ընկերության ծրագրային փաթեթներ նվիրեց շախմատի ակադեմիային։
Երեկ շախմատի միջազգային ֆեդերացիայի վարկանիշային աղյուսակի թիվ 1 շախմատիստ, նորվեգացի գրոսմայստերը եւ շախմատի աշխարհի թիմային առաջնության չեմպիոն Լեւոն Արոնյանը, ում գլխավորությամբ Հայաստանի շախմատի հավաքականը դարձավ օլիմպիական եռակի չեմպիոն, այցելեցին Տաթեւի վանք, որտեղ ծանոթացան միջնադարյան վանական համալիրի պատմությանն ու ճարտարապետությանը, ինչպես նաեւ այն ծրագրերին, որոնք «Հայաստանի զարգացման նախաձեռնություններ» հիմնադրամն իրականացնում է Տաթեւում։ Այնուհետեւ գրոսմայստերները տեղի բնակչության եւ հոգեւորականների հետ անցկացրեցին շախմատի միաժամանակյա խաղ՝ 10 խաղատախտակի վրա։
Տաթեւում աշխարհի
...
Կարդալ շարունակությունը »
|
ՆԱՏՕ—ի Խորհրդարանական վեհաժողովում ՀՀ Ազգային ժողովի պատվիրակության ղեկավար Կորյուն Նահապետյանը, պատվիրակության անդամ Թեւան Պողոսյանը եւ «Ռազմավարական տարածաշրջանային հետազոտությունների կենտրոնի» ղեկավար Ռիչարդ Կիրակոսյանը երեկ հրավիրված մամլո ասուլիսում մանրամասներ ներկայացրին օրեր առաջ ՆԱՏՕ—ի Խորհրդարանական վեհաժողովի՝ Բաքվում կայացած «Հարավային Կովկաս. մարտահրավերներ եւ հնարավորություններ» թեմայով «Rose—Roth» 86—րդ սեմինարի աշխատանքներին մասնակցության վերաբերյալ։
Կորյուն Նահապետյանի տեղեկացմամբ, Ռիչարդ Կիրակոսյանը հրավիրվել էր որպես բանախոս «Լեռնային Ղարաբաղի հակամարտության կարգավորման գործընթացը» թեմայով։ Նշելով սեմինարին մասնակցության դրդապատճառները, նա նկատեց, որ հայկական պատվիրակության մասնակցությունը չափազանց կարեւոր էր, քանի որ եթե չկայացվեր մասնակցության վերաբերյալ որոշում, ապա ՆԱՏՕ—ի Խորհրդարանական վեհաժողովին վակուում կստեղծվեր, եւ ադրբեջանցիները, օգտվելով այդ հնարավորությունից՝ թյուր պատկերացում կստեղծեին տարածաշրջանային խնդիրների վերաբերյալ՝ չհանդիպելով ոչ մի հակազդեցության։
Սեմինարն ընթացել է խիստ լարված մթնոլորտում. ադրբեջանցի պատվիրակներն անընդհատ տարածել են հայատյացություն, հակահայկական քարոզչություն եւ ապատեղեկատվություն, որին հայկական պատվիրակությունը հակազդել է՝ ներկայացնելով իրականությունը թե՛ ԼՂ հակամարտության կարգավորման, թե՛ քննարկվող այլ հարցերի վերաբերյալ։ Սեմինարին ներկա ՆԱ
...
Կարդալ շարունակությունը »
|
Երեկ Ազգային ժողովը շարունակեց արտահերթ նստաշրջանի աշխատանքը։
ՀՀ ֆինանսների նախարարի տեղակալ Վախթանգ Միրումյանի ներկայացմամբ առաջին ընթերցմամբ քննարկվեց «Հանրային հատվածի կազմակերպությունների հաշվապահական հաշվառման մասին» օրենքի նախագիծը, որը սահմանում է հանրային հատվածի կազմակերպությունների հաշվապահական հաշվառում կազմակերպելու եւ վարելու, ընդհանուր նշանակության ֆինանսական հաշվետվություններ պատրաստելու եւ ներկայացնելու միասնական հիմունքները, կարգավորում է հանրային հատվածի կազմակերպությունների հաշվապահական հաշվառմանը վերաբերող այլ հարաբերություններ, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
ԱԺ ֆինանսավարկային եւ բյուջետային հարցերի մշտական հանձնաժողովի դրական եզրակացությունը ներկայացրեց Սուքիաս Ավետիսյանը։
Վախթանգ Միրումյանն առաջին ընթերցմամբ քննարկման ներկայացրեց նաեւ «Տրանսֆերային գնագոյացման մասին» օրենքի նախագիծը, որը սահմանում է տրանսֆերային գնագոյացում հասկացությունը եւ այն մեթոդները, որոնց վրա հիմնվում է տրանսֆերային գնագոյացումը, ինչպես նաեւ կարգավորում է տրանսֆերային գնագոյացման հետ կապված մյուս հարաբերությունները։ Ինչպես նշեց Վախթանգ Միրումյանը, օրենքը վերաբերելու է խոշոր հարկ վճարողներին, մասնավորապես՝ նրանց, ում նախորդ տարվա իրացման շրջանառությունը գերազանցել է 1 մլրդ դրամը, կամ նախորդ
...
Կարդալ շարունակությունը »
|
Փախստականներն այսօր ինչպես տեղական, այնպես էլ արտասահմանյան մի շարք ծրագրերի առանցքում են։ Իսկ այս օրերին Երեւանում նրանց վերաբերող բազմաթիվ նախաձեռնություններ են իրականացվում։ Եվ քանի որ փախստականների համաշխարհային օրվան նվիրված միջոցառումները շատ են, դրանք մի քանի օր շուտ էին մեկնարկել։ Երեկ ՄԱԿ—ի փախստականների գծով գերագույն հանձնակատարի գրասենյակում լրագրողների եւ պատկան մարմինների հանդիպումը եւս այդ միջոցառումների շարքից էր։
Հանդիպման ժամանակ ՄԱԿ ՓԳՀ հայաստանյան ներկայացուցիչ Քրիստոֆ Բիրվիրթը խոսելով աշխարհում միլիոնավոր փախստականների գոյության մասին՝ անդրադարձավ նաեւ սիրիահայերի խնդրին։
Այսպես, ըստ ՀՀ կառավարության տվյալների, Սիրիայի հակամարտության սկզբից մինչեւ 2014թ. գարուն շուրջ 16.000 տեղահանված մարդ ապաստան է հայցել Հայաստանում։
Կառավարությունն էլ մի շարք միջոցառումներ է ձեռնարկել պաշտպանություն եւ օժանդակություն ցուցաբերելու Սիրիայից տեղահանված անձանց. անվճար կամ գրեթե անվճար ուսուցում բարձրագույն ուսումնական հաստատություններում, պետպատվերի շրջանակում ցուցաբերվող առաջնային բուժօգնություն, աջակցություն զբաղվածության հարցում, ժամանակավոր կացարանների տրամադրում։ Տեղահանված սիրիացիների մեծ մասի համար, ովքեր արմատներով հայ են, Հայաստանի կառավարությունը պարզեցրել է քաղաքացիություն ստանալու գործընթացը, արագացրել է ապաստան տրամադրելու աշխատանքները, կարճաժամկետ, միջնաժամկետ եւ երկարաժամկետ բնակության թույլտվության արտոնյալ տրամադրումը։
Իշխանությունների եւ
...
Կարդալ շարունակությունը »
|
ՀՀ ֆինանսների նախարարության նախաձեռնությամբ եւ ԱՄՆ ՄԶԳ հարկային բարեփոխումների ծրագրի շրջանակում Երեւանում երեկ մեկնարկել է «Միասնական հարկային օրենսգրքի մշակում. փոփոխություններին ընդառաջ» միջազգային համաժողովը։
Հայաստանի վարչապետ Հովիկ Աբրահամյանը, ողջունելով ներկաներին, կարեւորել է միասնական հարկային օրենսգրքի մշակումն ու ներդրումը մեր երկրի երկարաժամկետ եւ կայուն զարգացման տեսանկյունից։ «Ընդամենը երեք շաբաթ առաջ Ազգային ժողովը հաստատեց կառավարության ծրագիրը, որով առանձնակի կարեւորվում է մեր երկրի գործարար եւ ներդրումային, այդ թվում՝ հարկային միջավայրի շարունակական բարելավման խնդիրը։ Այս առումով, միջազգային լավագույն փորձին համահունչ հարկային օրենսգրքի մշակումը եւ ներդրումը կարեւոր խթան կհանդիսանան մեր երկրի գործարար միջավայրի հետագա բարելավման եւ ազգային տնտեսության ներդրումային գրավչության բարձրացման գործում։ Մյուս կողմից, լիահույս ենք, որ հարկային օրենսգրքի ընդունմամբ օտարերկրյա գործընկերների շրջանում նկատելիորեն կբարձրանա Հայաստանի Հանրապետության վարկանիշը որպես կայուն ու զարգացած հարկային համակարգ ունեցող եւ վստահելի գործընկեր երկիր։
Հարկային օրենսգիրքը մշակվելու է՝ հաշվի առնելով մեր տնտեսության գերակայությունները, զարգացման հնարավորություններն ու սահմանափակումները, ինչպես նաեւ տարածաշրջանային առաջնահերթությունները։ Նոր հարկային օրենսգիրքը պետք է առավելագույնս նպաստի արտահանմանը կողմնորոշված եւ ներմուծմանը փոխարինող գիտելիքահեն եւ ոչ հումք
...
Կարդալ շարունակությունը »
|
Հասարակության եւ պետության կարիքների համար սեփականության օտարմանն առնչվող դաշտում փոփոխություններ կարվեն։ Ըստ արդարադատության նախարար Հովհաննես Մանուկյանի, հստակ կսահմանվեն այն դեպքերը, որոնց պարագայում սեփականության չօտարված մասի սեփականատերը իրավունք ունի պահանջելու իրականացնել օտարում։ Միաժամանակ կսահմանվի սեփականության չօտարված մասի օտարման պահանջի քննարկման կարգը, նաեւ կհստակեցվի դատական կարգով սեփականության օտարումը։
Ներկայումս եթե օտարվում է սեփականության մի մասը, ապա սեփականատիրոջ պահանջով պետք է օտարվի այդ սեփականության չօտարված մասը եւս՝ միայն գերակա հանրային շահ ճանաչելու մասին կառավարության որոշումն ուժի մեջ մտնելուց հետո՝ երկամսյա ժամկետում։ Մինչդեռ առաջանում են խնդիրներ, մասնավորապես՝ հստակ չեն սահմանված չափանիշները, որոնց առկայության պարագայում սեփականատերը իրավունք ունի պահանջելու չօտարված մասի օտարում։ Այժմ սահմանված չէ նաեւ այդ պահանջի մերժման դատական վիճարկման կարգը։ «Դատական կարգով սեփականության օտարման առկա իրավակարգավորումը նույնպես կարիք ունի հստակեցման ու գործի քննության ժամկետների կանոնակարգման»։ Ըստ Հ. Մանուկյանի, առկա վիճակի հետեւանքով սեփականատերերը չեն կարողանում արդյունավետ իրագործել սեփականության չօտարված մասի օտարումը պահանջելու իրենց իրավունքը, ինչպես նաեւ անհարկի ձգձգվում է օտարման ընթացակարգը, նպատակային նշանակությամբ օգտագործումը։ Այս ամենը կշտկվի, եւ բացերը կլրացվեն։
Օրինակ, այսուհետ եթե օտարվում է սեփականության մի մասը, ապա սեփ
...
Կարդալ շարունակությունը »
|
|
|
|
| Մուտքի ձև |
|
|
| Որոնել |
|
|
| Օրացույց |
| « Դեկտեմբեր 2024 » | | Երկ | Երկ | Չրկ | Հնգ | Ուր | Շբ | Կր | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 |
|
|
| Սոց ցանցեր |
|
|
| Ժամանակահատված |
|
|
|
