Երեւանում անցկացված՝ «Հայաստան—Մաքսային միություն. հնարավորություններ եւ մարտահրավերներ» խորագրով Հայաստանի հանրապետական կուսակցության երկրորդ տնտեսական համաժողովին ներկա էին տնտեսական փորձագետներ, հյուրեր Եվրասիական տնտեսական հանձնաժողովի կոլեգիալ մարմնից, քաղաքական տարբեր ուժերի ներկայացուցիչներ։
Երկրի ղեկավար Սերժ Սարգսյանի ուղերձում, որ ընթերցեց նախագահի աշխատակազմի ղեկավարի առաջին տեղակալ Վարդան Արամյանը, մասնավորապես նշված էր, որ ՄՄ—ին անդամակցության ճանապարհին պարտավորությունների ավելի քան 70%—ը կատարված է. «Ակնհայտ է, որ ինտեգրման գործընթացի ճանապարհին ի հայտ են գալիս մարտահրավերներ, որոնց հաղթահարումը մեծապես պայմանավորված է համատեղ աշխատանքի արդյունավետությամբ եւ փոխըմբռնման բարձր մակարդակով։ Համաժողովը տեղի է ունենում Հայաստանի՝ Մաքսային միությանն անդամակցելու գործընթացի կարեւոր փուլում։ Այսօր առկա է անդամակցության ճանապարհային քարտեզ, որից բխող քայլերն իրականացման ընթացքում են։ Եվրասիական տնտեսական հանձնաժողովի եւ ՌԴ, Ղազախստանի ու Բելառուսի համապատասխան կառույցների հետ ակտիվ համագործակցությունը մեզ թույլ է տալիս առաջընթաց արձանագրել այդ ճանապարհին, եւ այդ կառուցողական համագործակցության շնորհիվ ճանապարհային քարտեզով Հայաստանի ստանձնած պարտավորությունների ավելի քան 70 տոկոսն արդեն կատարված է, իսկ մնացյալներն իրականացման ընթացքում են»։ 
Ուղերձում կարեւորված էր այն, որ հաջորդ քայլը միջազգային իրավական փաստաթղթի ստորագրումն ... Կարդալ շարունակությունը »

Սիրիայի նախագահ Բաշար ալ Ասադը երեկ ընդունել է Հայաստանի խորհրդարանական պատվիրակությանը՝ Սամվել Ֆարմանյանի գլխավորությամբ։ 
Պատվիրակության անդամները Սիրիայի նախագահին են փոխանցել Հայաստանի Հանրապետության նախագահ Սերժ Սարգսյանի խոսքերը, ով իր եւ հայ ժողովրդի անունից դատապարտել էր Թուրքիայի կողմից սատարված ահաբեկչական հարձակումները Լաթաքիայի Քեսաբ գյուղաքաղաքի վրա։ Նախագահ Բաշար ալ Ասադն իր հերթին երախտագիտություն է հայտնել Սերժ Սարգսյանին իր օբյեկտիվ դիրքորոշման եւ Սիրիայի կայունությանը սատարելու համար։ Նա նաեւ նախազգուշացրել է Արեւմուտքի եւ տարածաշրջանի մի շարք երկրների կողմից սատարվող ծայրահեղական գաղափարախոսության եւ ահաբեկչության վտանգների մասին, որ սպառնում են մասնատել պատմականորեն բազմամշակութային եւ սոցիալական տարբեր շերտեր ունեցող տարածաշրջանը։ Ասադը նաեւ ընդգծել է խորհրդարանականների դերկատարությունը այս վտանգները միջազգային հարթակներում ներկայացնելու եւ նրանց դեմ պայքարելու միասնական ջանքերում։
Հանդիպման ընթացքում հայկական պատվիրակության անդամները հաստատել են, որ աջակցություն կցուցաբերեն Սիրիայում անվտանգություն եւ կայունություն վերահաստատելու եւ Քեսաբի բնակիչներին իրենց տներ վերադարձնելու համար։ Նրանք նաեւ նշել են, որ Սիրիան կմնա համակեցության եւ ազգային միաբանության օրինակ բոլորի համար։
ԱԺ ՀՀԿ խմբակցության անդամ Սամվել Ֆարմանյանը նաեւ հարցազրույց է տվել Սիրիայի պետական «Սուրիյա» հեռուստաալիքին։ «Կարծում եմ՝ ոչ միայն որպես ազգությամբ հայ, կ ... Կարդալ շարունակությունը »

Եվրամիության Եվրոպական հարեւանության քաղաքականության՝ Հայաստանի մասին հրապարակված զեկույցում ընդգծված են 2013թ. կարեւորագույն զարգացումները, բարեփոխումների իրականացմանն ուղղված գործողությունները, ինչպես նաեւ հանձնարարականներն այս տարվա համար։ Հայաստանում ԵՄ պատվիրակության ղեկավար, դեսպան Տրայան Հրիսթեան երեկ ներկայացրեց զեկույցի մանրամասները։
Նա ընդգծեց, որ 2013թ. խորացել է ՀՀ կառավարության հետ քաղաքական երկխոսությունը։ Նախորդ տարի ԵՄ—ն եւ Հայաստանն ավարտեցին Ասոցացման համաձայնագրի, ներառյալ Խորը եւ համապարփակ ազատ առեւտրի գոտու վերաբերյալ բանակցությունները, սակայն հաջորդ քայլերը հնարավոր չեղավ իրականացնել՝ ելնելով Ռուսաստանի, Բելառուսի եւ Ղազախստանի հետ Մաքսային միությանն անդամակցելու՝ Հայաստանի որոշումից։
«Այնուամենայնիվ, Հայաստանն եւ ԵՄ—ն պարտավորվել են շարունակել հետագա համագործակցությունը, եւ այդ մասին երկուստեք նշվել է Վիլնյուսի գագաթնաժողովի շրջանակներում։ Երկու կողմերը միասին կդիտարկեն իրենց պայմանագրային հարաբերությունների ապագա հիմքերը՝ հաշվի առնելով նաեւ հետագայում Հայաստանի՝ ՄՄ անդամակցությունից բխող սահմանափակումները»,–ասաց դեսպանը։
Տ. Հրիսթեան տեղեկացրեց, որ 2013թ. վավերացվել եւ 2014թ. հունվարի 1—ից ուժի մեջ են մտել վիզաների դյուրացման եւ հետընդունման համաձայնագրերը։ Թեեւ Հայաստանը շարունակում է անդրադառնալ մարդու իրավունքների եւ հիմնարար ազատությունների հետ կապված խնդիրներին՝ դեռ լրացուցիչ աշխատանք կա կատարելու հատկապես օ ... Կարդալ շարունակությունը »

Սահմանամերձ համայնքների խնդիրներին ոչ ոք գործող իշխանությունների չափ չի տիրապետում.

Ազգային ժողովի հերթական քառօրյայի նիստից հետո  կառավարության անդամները երեկ պատասխանեցին պատգամավորների հարցերին։
ՀՀԿ խմբակցության ներկայացուցիչ Կարեն Ավագյանի հարցը վերաբերում էր հայաբնակ Քեսաբում տեղի ունեցող իրադարձություններին եւ այն գործողություններին, որ իրականացնում է պաշտոնական Երեւանն իր հայրենակիցներին աջակցելու նպատակով։ Արտաքին գործերի նախարար Էդվարդ Նալբանդյանը հիշեցրեց, որ Քեսաբում վերջին իրադարձությունների վերաբերյալ ՀՀ նախագահի հայտարարությունը Հայաստանի Հանրապետության իշխանությունների խորին մտահոգության վկայությունն է։
«ՀՀ նախագահը հանձնարարականներ է տվել, եւ մենք անում ենք հնարավորինը, որպեսզի անհրաժեշտ օգնություն ցուցաբերենք քեսաբահայությանը։ Բացի այդ՝ Նյու Յորքում եւ Ժնեւում, ՄԱԿ—ի կառույցներում եւ միջազգային այլ կազմակերպություններում մեր ներկայացուցչությունները ձեռնարկում են համապատասխան քայլեր։ Մեր մտահոգությունը բարձրաձայնվել է նաեւ երկկողմ հարթակում, մոտ 30 երկրների հետ երկկողմ ուղղակի շփումներում։ Դամասկոսում մեր դեսպանատունն ունի հանձնարարականներ եւ համապատասխան աշխատանք է տանում»,–ասաց նախարարը։
Արտաքին գերատեսչության ղեկավարը հիշեցրեց, որ մինչ Քեսաբում տեղի ունեցած վերջին հարձակումները այստեղի բնակչության մոտ 70 տոկոս ... Կարդալ շարունակությունը »

Թուրք—սիրիական սահմանի շրջակայքում լարված իրավիճակը շարունակվում է։ Կառավարական ուժերը հակահարված են տալիս գրոհայիններին։ Սիրիան սահմանի մերձակայքում օդային գործողություններ չի կարողանում իրականացնել Թուրքիայի սպառնալիքի պատճառով. սահմանին մոտեցող ուղղաթիռներին ու ինքնաթիռներին Թուրքիան արձագանքում է։
Հիմնականում հայերով բնակեցված Քեսաբ բնակավայրի վրա տեղի ունեցող հարձակումները եւ Թուրքիայի կողմից ահաբեկիչներին ցուցաբերվող աջակցությունը մեծ դժգոհություն են առաջացրել Հայաստանում եւ սփյուռքում։ Ն.Ս.Օ.Տ.Տ. Արամ Ա կաթողիկոսը նշել է. «Քեսաբի հայության օժանդակությունն այսօր մեզ համար առաջնահերթություն է։ Աշխարհում ուր որ հայ ժողովրդի զավակները դժվարության դիմաց գտնվեն՝ այդ դժվարությունը հաղթահարելը ամբողջ հայության առաջնահերթ պարտավորությունը պետք է դառնա։ Ուրախ ենք, որ Հայաստանից սկսած մեր գաղութներում զանազան ձեւերով մեր ժողովրդի զավակներն իրենց մտահոգությունը եւ Քեսաբի հայությանն օժանդակելու իրենց պատրաստակամությունն են հայտնում։ Ազգային միասնականության այս շոշափելի արտահայտությունը մեր ժողովրդի հավաքական հավատքի ու վճռականության պերճախոս վկայությունն է»։ Նա եւս մեկ անգամ ընդգծել է, որ թուրքը մնում է թուրք. «Նույն ցեղասպան թուրքն է Քեսաբը քանդողը եւ քեսաբահայության տեղահանության հետեւում գտնվողը։ Հետեւաբար, մեր ժողովուրդը պետք է լուռ չմնա։ Պետք է իր ձայնը բարձրացնի՝ պետությունների եւ միջազգային հանրության ուշադրությանը հանձնելով Քեսաբի հայության ճամփով ... Կարդալ շարունակությունը »

Յոթնյակով հանդես եկող «Մեծ ությակի» երկրների առաջնորդները, ինչպես նաեւ Եվրոպական խորհրդի նախագահ Հերման Վան Ռոմպոյը եւ Եվրահանձնաժողովի նախագահ Ժոզե Մանուել Բառոզուն ԵՄ—ի գագաթնաժողովի արդյունքներով ընդունել են Հաագայի հռչակագիրը՝ համատեղ հայտարարություն, որում ճանաչել են Ուկրաինայի ինքնիշխանությունն ու տարածքային ամբողջականությունը, իսկ իրավիճակի սրման դեպքում լուրջ հետեւանքներով են սպառնացել Ռուսաստանին։ 
«Մեծ յոթնյակի» (G7՝ ԱՄՆ, Մեծ Բրիտանիա, Ֆրանսիա, Գերմանիա, Իտալիա, Կանադա, Ճապոնիա) ղեկավարները որոշել են, թե Ռուսաստանի տնտեսության որ ոլորտների դեմ են կիրառվելու պատժամիջոցները։ Դրանք վերաբերելու են էներգետիկայի, ֆինանսների ու սպառազինման բնագավառներին։
Հակառակ տրամադրություններ են Ռուսաստանում։ Մոսկվան հետաքրքրված է «Մեծ ությակի» իր գործընկերների հետ շփումների շարունակմամբ։ Այս մասին ասել է ՌԴ նախագահի խոսնակ Դմիտրի Պեսկովը. «Ռուսական կողմը շարունակում է պատրաստ մնալ նման շփումների՝ բոլոր մակարդակներում, այդ թվում՝ ամենաբարձր։ Մենք հետաքրքրված ենք այդ կապերով»։
Նա ընդգծել է, որ Ռուսաստանը միշտ հանդես է եկել թե՛ Արեւելքի, թե՛ Արեւմուտքի իր գործընկերների հետ բոլոր ոլորտներում հարաբերությունների հետեւողական զարգացմամբ։
Տոկիոյում կայացած մամուլի ասուլիսի ժամանակ նախարարների կաբինետի գլխավոր քարտուղար Յոսիհիդե Սուգան ասել է, որ Ճապոնիայի կառավարությունն Ուկրաինայի շուրջ իրավիճակի հետ կապված մտադիր է պահպանե ... Կարդալ շարունակությունը »

Ադրբեջանական կողմը անվստահություն է ցուցաբերում միջազգային կառույցների նկատմամբ.

Աշխատանքային այցով Նիդերլանդների Թագավորությունում գտնվող նախագահ Սերժ Սարգսյանը մարտի 24—25—ին Հաագայում մասնակցել է միջուկային անվտանգության գագաթնաժողովին։ Նախագահը երեկ ելույթ է ունեցել գագաթնաժողովում։
«Մեծարգո՛ պարոն վարչապետ,
Գագաթնաժողովի հարգարժա՛ն մասնակիցներ,
Տիկնա՛յք եւ պարոնա՛յք,
Ես էլ եմ միանում Նիդերլանդների հասցեին հնչեցված շնորհակալական խոսքերին՝ գագաթնաժողովը փայլուն կազմակերպելու եւ անցկացնելու համար։
Հայաստանն ակտիվորեն ներգրավված է միջուկային անվտանգության խնդիրների լուծման միջազգային գործընթացներում։ Սեուլի գագաթնաժողովից հետո Հայաստանը քայլեր է իրականացրել համաձայնեցված նպատակների ուղղությամբ։ 2013թ. մայիսին Հայաստանը վավերացրել է «Միջուկային նյութի ֆիզիկական պաշտպանության կոնվենցիայի» 2005թ. լրացումը եւ «Աշխատած վառելիքի եւ ռադիոակտիվ թափոնների կառավարման անվտանգության մասին» համատեղ կոնվենցիան։ Երկու փաստաթղթերի վավերագրերն էլ հանձնվել են ի պահ ԱԷՄԳ—ին։ Ամրապնդել ենք միջուկային նյութի հաշվառման եւ վերահսկման իրավական գործիքները՝ լրացումներ կատարելով «Խաղաղ նպատակներով միջուկային էներգիայի անվտանգ օգտագործման մասին» օրենքում։
Միջուկային ահաբեկչության վտանգի չեզոքացման ուղղությամ ... Կարդալ շարունակությունը »

Եվրոպական երկրներն ու ԱՄՆ—ը հրաժարվում են Ղրիմի ժողովրդի հանրաքվեի տեսքով կամարտահայտությունը ճանաչել։ Ղրիմի կարգավիճակի շուրջ հանրաքվեն չճանաչելու հայտարարություններով են նաեւ հանդես եկել Վրաստանը, ճապոնիան, Կանադան ու Մեծ Բրիտանիան՝ բնորոշելով այն ոչ լեգիտիմ։
ԱՄՆ—ի նախագահ Բարաք Օբաման Ռուսաստանի Դաշնության նախագահ Վլադիմիր Պուտինի հետ հեռախոսազրույցում ասել է, որ միջազգային հանրությունը երբեք չի ճանաչելու Ուկրաինայից անջատվելու եւ Ռուսաստանին միանալու հարցով հանրաքվեի արդյունքները։ Օբաման նաեւ ասել է, որ Միացյալ Նահանգները եւ նրա եվրոպացի գործընկերները պատրաստ են լրացուցիչ պատժամիջոցներ կիրառել Ռուսաստանի նկատմամբ՝ Ուկրաինայի ինքնիշխանությունը խախտելու համար։
Սպիտակ տան մամուլի խոսնակ Ջեյ Կարնին թվիթերյան իր էջում գրել է. «Մենք չենք ընդունում «հանրաքվեն», որը տեղի է ունեցել Ուկրաինայի Ղրիմի շրջանում։ Այս հանրաքվեն հակասում է ուկրաինական Սահմանադրությանը, եւ միջազգային հանրությունը չի ընդունում հանրաքվեի արդյունքնե ... Կարդալ շարունակությունը »

ՀՀ ԱԺ նախագահ, Միջխորհրդարանական միությունում ԱԺ պատվիրակության ղեկավար Հովիկ Աբրահամյանի գլխավորած պատվիրակությունը երեկ Ժնեւում մասնակցեց Միջխորհրդարանական միության 130—րդ վեհաժողովի աշխատանքներին, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։ ԱԺ նախագահի գլխավորած պատվիրակության կազմում են Կարեն Ճշմարիտյանը, Հեղինե Բիշարյանը, Կարինե Աճեմյանը։
Առավոտյան տեղի ունեցավ Միջխորհրդարանական միության ղեկավար խորհրդի նիստը, որից հետո աշխատանքները սկսեց Միջխորհրդարանական միության 130—րդ վեհաժողովը։ Վեհաժողովի աշխատանքներին մասնակցում էին շուրջ 150 երկրների խորհրդարանական պատվիրակություններ։
Առաջին նիստի թեման էր՝ «Միջխորհրդարանական միության 125—ամյակը. մեր հանձնառությունը խաղաղությանն ու ժողովրդավարությանը»։
Դիմելով ներկաներին՝ ելույթով հանդես եկավ ՀՀ ԱԺ նախագահ Հովիկ Աբրահամյանը. «Խոսքս ցանկանում եմ սկսել՝ շնորհավորելով մեզ բոլորիս հիշարժան տարեդարձի առթիվ։ Այս տարի լրանում է Միջխ ... Կարդալ շարունակությունը »

–Ինչպիսի՞ դիրքորոշում ունի Հայաստանն Ուկրաինայում ընթացող զարգացումների վերաբերյալ՝ Ղրիմի հանրաքվեից հետո։ 
–Մենք կողմ ենք, որպեսզի ուկրաինական ճգնաժամը կարգավորվի երկխոսությամբ, խաղաղ եւ բանակցային միջոցներով՝ ՄԱԿ—ի կանոնադրության, միջազգային իրավունքի հիման վրա։
–Ի՞նչ ազդեցություն կարող է ունենալ ուկրաինական ճգնաժամը ղարաբաղյան հիմնախնդրի կարգավորման գործընթացի վրա։
–Մենք հավատարիմ ենք ԵԱՀԿ Մինկսի խմբի համանախագահության ձեւաչափում Լեռնային Ղարաբաղի հիմնախնդրի խաղաղ եւ արդարացի կարգավորման առաջնահերթությանը, Արցախի ժողովրդի՝ սեփական հողի վրա ապրելու, արարելու եւ իր ճակատագիրը տնօրինելու իրավունքի ապահովման գերակայությանը։ Եռանախագահող երկրների հետ մենք շարունակելու ենք համատեղ ջանքերը՝ ուղղված ղարաբաղյան հիմնահարցի բացառապես խաղաղ կարգավորմանը։

ԱԳՆ մամուլի եւ տեղեկատվության վարչություն ... Կարդալ շարունակությունը »