ՄԵԾԱՄՈՐ METSAMOR CITY երկուշաբթի, 20.11.2017, 15:33
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [454]
Կրթություն և գիտություն [33]
Մարզային [14]
Պաշտոնական [362]
Մշակույթ [14]
Հասարակություն [639]
Սպորտ [1]
Տեսակետ [37]
Տարածաշրջան [69]
Զանազան [136]
Քաղաքականություն [513]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2015 » Դեկտեմբեր » 22 » Արդյունավետ աշխատանք՝ հագեցած օրակարգերով / Մոսկվայում կայացել է ՀԱՊԿ հավաքական անվտանգության խորհրդի նստաշրջանը/
09:57
Արդյունավետ աշխատանք՝ հագեցած օրակարգերով / Մոսկվայում կայացել է ՀԱՊԿ հավաքական անվտանգության խորհրդի նստաշրջանը/

Ռուսաստանի Դաշնության մայրաքաղաք Մոսկվայում երեկ կայացել է Հավաքական անվտանգության պայմանագրի կազմակերպության (ՀԱՊԿ) հավաքական անվտանգության խորհրդի նստաշրջանը, որը վարել է կազմակերպությունում նախագահությունը ստանձնած Հայաստանի Հանրապետության նախագահ Սերժ Սարգսյանը։ Բանակցություններն ընթացել են նախ նեղ, ապա ընդլայնված կազմով՝ Ռուսաստանի, Բելառուսի, Ղազախստանի, Հայաստանի, Ղրղըզստանի, Տաջիկստանի նախագահների, կազմակերպության գլխավոր քարտուղարի եւ ՀԱՊԿ անդամ պետությունների պատվիրակությունների անդամների մասնակցությամբ։
ՀԱՊԿ հավաքական անվտանգության խորհրդի լիագումար նիստի ընթացքում ստորագրվել են մի շարք փաստաթղթեր, այդ թվում՝ Հավաքական անվտանգության պայմանագրի կազմակերպության անդամ պետությունների ղեկավարների հայտարարությունը՝ միջազգային ահաբեկչությանը հակազդելու մասին, ՀԱՊԿ հավաքական անվտանգության խորհրդի «Հավաքական անվտանգության պայմանագրի կազմակերպության գլխավոր քարտուղարի մասին», «Հավաքական անվտանգության պայմանագրի կազմակերպության մշտապես գործող աշխատանքային մարմինների պաշտոնատար անձանց ռոտացիայի մասին» որոշումները։
Հավաքական անվտանգության պայմանագրի կազմակերպության անդամ պետությունների ղեկավարները մտքեր են փոխանակել աշխարհում ներկայիս իրավիճակի եւ կազմակերպության հետագա գործողությունների շուրջ։
Խորհրդի նստաշրջանում ՀՀ նախագահ Սերժ Սարգսյանը ելույթ է ունեցել։
ՀԱՊԿ հավաքական անվտանգության խորհրդի նստաշրջանի ավարտից հետո նախագահողը՝ ՀՀ նախագահ Սերժ Սարգսյանը եւ ՀԱՊԿ գլխավոր քարտուղար Նիկոլայ Բորդյուժան հանդիպում են ունեցել ԶԼՄ ներկայացուցիչների հետ, ամփոփել նստաշրջանի արդյունքները։
Նախագահ Սերժ Սարգսյանն իր խոսքում ասել է. «Բարեւ ձեզ, զանգվածային լրատվամիջոցների հարգարժան ներկայացուցիչներ,
Այսօր հագեցած օր է։ Քիչ առաջ ավարտվեց ՀԱՊԿ հավաքական անվտանգության խորհրդի նստաշրջանը։ Նախատեսվում է անցկացնել նաեւ Եվրասիական տնտեսական բարձրագույն խորհրդի նիստը։
Մեր հանդիպումն ընթանում է չափազանց բարդ իրադրության պայմաններում՝ պայմանավորված ողջ միջազգային հանրությանը, երկրների եւ տարածաշրջանների անվտանգությանը մարտահրավեր նետած միջազգային ահաբեկչության բազմակի մեծացած սպառնալիքով։
Այսօրվա նիստում ընդունված «Աշխարհում ընթացիկ իրավիճակի մասին հայտարարության» մեջ շարադրված են մերօրյա ամենակարեւոր հարցի՝ միջազգային ահաբեկչությանը հակազդելու վերաբերյալ գնահատականներն ու մոտեցումները։
ՀԱՊԿ երկրները հանդես են գալիս ՄԱԿ կանոնադրության դրույթների, միջազգային իրավունքի նորմերի եւ սկզբունքների հիման վրա համընդգրկուն կոալիցիա ձեւավորելու օգտին։
Վստահ ենք, որ ահաբեկչության դեմ արդյունավետ պայքարը չի կարող տարվել առանց դրա ֆինանսավորման աղբյուրների հուսալի կանխման, ֆինանսական սնուցման ուղիների արգելափակման։
Մենք քննարկեցինք Սիրիայում հակաահաբեկչական գործողություններին մասնակցած եւ թուրքական զինված ուժերի կողմից կործանված ռուսական ՍՈՒ—24 ռազմական ինքնաթիռի միջադեպը։ Համարում եմ, որ Թուրքիայի տվյալ քայլը որեւէ կերպ չի նպաստում միջազգային ջանքերի համախմբմանը՝ ուղղված ահաբեկչության դեմ պայքարին, Սիրիայում իրավիճակի կարգավորմանը եւ տարածաշրջանում խաղաղության վերականգնմանը։ Մենք՝ որպես Ռուսաստանի հետ դաշնակիցներ, մեր համերաշխությունն ու աջակցությունն ենք հայտնում այս միջադեպի կապակցությամբ Մոսկվայի դիրքորոշմանը։
Մենք շատ արդյունավետ, անմիջական զրույց ունեցանք նեղ կազմով, հաստատեցինք մեր պատրաստակամությունը հետեւողականորեն ամրապնդել ՀԱՊԿ ուժային ներուժը, մեծացնել հակաահաբեկչական բաղադրիչը, բարձրացնել արագ արձագանքման հավաքական ուժերի մարտունակությունը՝ նոր մարտահրավերներին ու սպառնալիքներին արդյունավետորեն հակազդելու նպատակով։
Խոսեցինք Դուշանբեում նախորդ հանդիպման ժամանակ ձեռք բերված պայմանավորվածությունների իրականացման ընթացքի մասին, անդրադարձանք սեպտեմբերյան նստաշրջանի որոշումների կատարման ուղղությամբ միջոցառումների ծրագրին եւ կազմակերպությունում Հայաստանի Հանրապետության նախագահության շրջանում առաջարկված առաջնահերթություններին։
Վստահ եմ, որ մեր համատեղ եւ համակարգված ջանքերը թույլ կտան ապահովել նշված ծրագրերի արդյունավետ կյանքի կոչումը, որոնց իրականացման ընթացքը կքննարկվի 2016 թվականին Երեւանում կայանալիք հավաքական անվտանգության խորհրդի առաջիկա նստաշրջանի շրջանակներում։
Բացի այդ, ընդունվեց կադրային երկու որոշում՝ «Գլխավոր քարտուղարի մասին» եւ «ՀԱՊԿ մշտապես գործող աշխատանքային մարմիններում պաշտոնատար անձանց ռոտացիայի մասին»։
Միասնական որոշում ենք կայացրել գործող գլխավոր քարտուղար Բորդյուժայի պաշտոնավարման ժամկետի երկարաձգման վերաբերյալ՝ մինչեւ 2017թ. հունվարի 1—ը։
Նաեւ որոշում ենք կայացրել հանձնարարելու ԱԳ նախարարների խորհրդին եւ պաշտպանության նախարարների խորհրդին՝ գլխավոր քարտուղարի հետ համատեղ նախապատրաստելու եւ հավաքական անվտանգության խորհրդի հաստատմանը ներկայացնելու առաջարկներ քարտուղարությունում քվոտային պաշտոնների բաշխման, ինչպես նաեւ ՀԱՊԿ միացյալ շտաբում քվոտային պաշտոնների կառուցվածքի եւ բաշխման շուրջ։ Այս ամենը համապատասխանում է ռոտացիայի սկզբունքի ակտիվ կիրառման անհրաժեշտության վերաբերյալ Դուշանբեում ձեռք բերված պայմանավորվածությունների կատարման համակարգին։ Նիկոլայ Բորդյուժան հաջողությամբ ղեկավարում է քարտուղարությունը, քաջատեղյակ է կազմակերպության իրավական հիմքին, ինչը կարեւոր պայման է տվյալ հանձնարարության արդյունավետ կատարման համար»։
Կատեգորիա: Քաղաքականություն | Դիտումներ: 80 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
avatar
Մուտքի ձև

Որոնել

Զամբյուղ
Ձեր զամբյուղը դատարկ է

Օրացույց
«  Դեկտեմբեր 2015  »
ԵրկԵրկՉրկՀնգՈւրՇբԿր
 123456
78910111213
14151617181920
21222324252627
28293031

Սոց ցանցեր

Ժամանակահատված

Copyright Metsamorcity.do.am © 2017