ԵԱՏՄ-ի եւ Սերբիայի միջեւ ստորագրվել է ազատ առեւտրի գոտու ստեղծման համաձայնագիր

Վարչապետ Նիկոլ Փաշինյանն աշխատանքային այցով ժամանել է Ռուսաստանի Դաշնություն։ Վարչապետը Մոսկվայում մասնակցել է Եվրասիական միջկառավարական խորհրդի հերթական նիստին։ Լուսանկարման պաշտոնական արարողությունից հետո տեղի է ունեցել միջկառավարական խորհրդի նեղ, ապա ընդլայնված կազմով նիստը, որին մասնակցել են Հայաստանի, Ռուսաստանի, Ղազախստանի, Բելառուսի, Ղրղզստանի վարչապետները։ Ընդլայնված կազմով նիստին մասնակցել է նաեւ Սերբիայի վարչապետ Անա Բռնաբիչը։
Իր խոսքում վարչապետ Փաշինյանը, մասնավորապես, նշել է. «Հարգելի գործընկերներ,
Նիստի հարգելի մասնակիցներ,
Ելույթս կսկսեմ Դմիտրի Անատոլիի հասցեին շնորհակալական խոսքերով՝ այսօրվա հանդիպումը կազմակերպելու, հյուրընկալության եւ ավանդական ջերմ ընդունելության համար։ Ես շատ ուրախ եմ կրկին այցելել Մոսկվա եւ մասնակցել միջկառավարական խորհրդի նիստին։
Անցնելով օրակարգային հարցերին՝ ցանկանում եմ սկսել անցած ժամանակահատվածում Եվրասիական տնտեսական հանձնաժողովի աշխատանքի արդյունքների մասին մեզ տրամադրված տեղեկատվությունից։ Կարծում եմ, որ գրեթե չորս տարվա գործունեության ընթացքում Եվրասիական տնտեսական հանձնաժողովն իսկապես հսկայական աշխատանք է կատարել ապրանքների, ծառայությունների, կապիտալի եւ աշխատուժի տեղաշարժման ազատության սկզբունքների գործնական իրականացման առումով։ Շոշափելի արդյունքներ են գրանցվել Եվրասիական տնտեսական միության ինստիտուտների ստեղծման եւ ամրապնդման տեսանկյունից։ Մենք կարող ենք հպարտորեն նշել, որ մեր կազմակերպությունը հսկայական քայլ է կատարել միջազգային տնտեսական համակարգում իր տեղի ու դերի հաստատման ուղղությամբ՝ համագործակցության բազմազան փաթեթով։
Գոհունակությամբ նշելով ձե ... Կարդալ շարունակությունը »

Հայաստանում անհրաժեշտ է կանոնակարգել տիեզերական գործունեությունը եւ դրանք զարգացնել տնտեսապես շահավետ օգտագործման մակարդակով, որը կնպաստի երկրի այլ ոլորտների զարգացմանը։
Երեկ կառավարության նիստում սա ասաց բարձր տեխնոլոգիական արդյունաբերության նախարար Հակոբ Արշակյանը եւ ներկայացրեց «Տիեզերական գործունեության մասին» օրենքի եւ հարակից օրենքների նախագծերի փաթեթը, որն արժանացավ գործադիրի հավանությանը։
Կա՞ր, արդյոք, այս իրավական ակտի անհրաժեշտությունը։ Ըստ նախարարի՝ այո։ Տիեզերքն ուսումնասիրելու ունակությունն անմիջապես կախված է մարդկության գիտական զարգացման մակարդակից, տիեզերական գործունեությունը կանոնակարգելով՝ մենք շատ բնագավառներ կզարգացնենք։ Այժմ Հայաստանում տիեզերական գործունեությունը կանոնակարգված է միայն միջազգային իրավունքի նորմերով։
Տիեզերական արդյունաբերության համաշխարհային շուկայի ծավալները կազմում են տարեկան մոտավորապես 270 մլրդ ԱՄՆ դոլար։ Տիեզերական զարգացած արդյունաբերություն ունեցող երկրներում մեծ մրցակցություն կա մասնավոր ընկերությունների միջեւ։ Այդ ընկերությունները որոնում են ազատական եւ մեղմ հարկային դաշտ ունեցող նոր երկրներ, որտեղ կարող են գործունեություն ծավալել։ Այն երկրները, որոնք խնդիր են դնում զարգացնել տիեզերական արդյունաբերությունը, սեփական տարածքում օրենսդրական փոփոխություններ են կատարել ներպետական օրենսդրության մեջ կամ ներկայումս գտնվում են այդ գործընթացում։ Օրինակ՝ Եգիպտոսը, Թուրքիան, Հարավաֆրիկյան Հանրապետությունը եւն։
Հակոբ Արշակյանը վստահ է, որ Հայաստանում տիեզերական ոլորտի ստեղծումը եւ այդ ոլորտում գործունեության խրախուսումը մեծ նշանակություն կարող են ունենալ ոչ միայն նոր աշխատատեղերի, այլեւ ենթակառուցվածքների ստեղծման տեսանկյունից։ Նշվածը հիմք կլինի, որպեսզի տե ... Կարդալ շարունակությունը »

Որոշ ժամանակ առաջ մենք տեղեկացրել էինք, որ էկոնոմիկայի նախարարությունը քննարկման է դրել գյուղատնտեսության ոլորտում ապահովագրական համակարգի ներդրման փորձնական ծրագրի իրականացման համար պետական աջակցության ձեւը։ Եվ ահա երեկ կառավարության նիստում դա հաստատվեց։
Որ գյուղոլորտում ապահովագրության պահը հասունացել է, մենք մեկ անգամ չէ որ ասել ենք։ Այսօր էլ էկոնոմիկայի նախարար Տիգրան Խաչատրյանը փաստում է դրա անհրաժեշտությունը։
Բանն այն է, որ Հայաստանի տարածքն աչքի է ընկնում բարձր ռիսկայնությամբ. աշխարհում հայտնի 350 բնական աղետներից մեր տարածքին առանձնահատուկ են 110—ը։ Հետեւաբար, գյուղատնտեսությունում տնտեսավարողները տարբեր բնական աղետների (կարկուտ, ցրտահարություն, երաշտ եւն) հետեւանքով զգալի կորուստներ են կրում։ Միայն վերջին 6 տարիներին բնական աղետների պատճառով գյուղատնտեսությանը հասցված վնասները կազմել են ավելի քան 110 մլրդ դրամ։ Օրինակ, ամեն տարի միայն կարկուտի պատճառով վնասվում է հանրապետության այգետարածքների 10–15 տոկոսը, որոշ դեպքերում կարկտահարված տարածքներում բերքի կորուստը կազմում է 80–100 տոկոս։
Ինչեւէ, միջազգային փորձի ուսումնասիրությունը ցույց է տալիս, որ աշխարհի գրեթե բոլոր երկրներում գյուղատնտեսության ապահովագրությունն իրականացվում է պետության ֆինանսական աջակցությամբ՝ հիմնականում ապահովագրավճարի սուբսիդավորման միջոցով, եւ այն առավել արդյունավետ է իրագործվում պետական ու մասնավոր ինստիտուցիոնալ կառույցների ակտիվ համագործակցությամբ (պետություն—մասնավոր գործընկերություն՝ ՊՄԳ սկզբունք)։ Գյուղատնտեսության ոլորտում ապահովագրության համակարգի ներդրման գործընթացի արդյունավետությունը պայմանավորված է գյուղատնտեսությունում տնտեսավարողների, ապահովագրական ընկերությունների եւ պետության միջեւ համագործակցության արդյունավետ ... Կարդալ շարունակությունը »

Վարչապետը մասնակցել է «Գլոբալ ինովացիոն ֆորումի» բացմանը

Վարչապետ Նիկոլ Փաշինյանը երեկ մասնակցել է «Գլոբալ ինովացիոն ֆորում 2019. փոխակերպելով բանականությունը» ամենամյա համաժողովի բացման արարողությանը, հայտնում են ՀՀ կառավարության  տեղեկատվության եւ հասարակայնության հետ կապերի վարչությունից։
Ողջունելով «Գլոբալ ինովացիոն ֆորումի» կազմակերպիչներին, մասնակիցներին եւ հյուրերին՝ վարչապետ Փաշինյանը կարեւորել է Հայաստանի Հանրապետությունում նման միջոցառումների անցկացումը մարդու եւ տեխնոլոգիաների հարաբերությունները կարգավորելու եւ զարգացնելու առումով։
Իր ելույթում կառավարության ղեկավարը, մասնավորապես, նշել է.
«Ընդհանրապես ամենասկզբից՝ առաջին ինդուստրիալ հեղափոխության հենց մեկնարկի օրերից, արձանագրվել է մարդու վախը տեխնոլոգիաների նկատմամբ։ Եվ երբ հայտնվում էին առաջին հաստոցները, որոնք փոխարինելու էին մարդու աշխատանքը՝ ինչ—որ չափով, արհեստավորները, որոնք այդ ժամանակներում բավական ազդեցիկ տնտեսական խավ էին, մտնում էին մանուֆակտուրաներ եւ ջարդուփշուր անում հաստոցները՝ ունենալով առաջին հայացքից շատ լեգիտիմ մի մտահոգություն։ Այն հետեւյալն էր. եթե այն աշխատանքը, որն անում ենք մենք՝ մարդիկ, պիտի անեն հաստոցները, ի՞նչ պիտի անենք, հետեւաբար, մենք եւ ինչո՞վ պիտի զբաղվենք, հետեւաբար, եւ ինչո՞վ պիտի ապրենք։
Բայց ժամանակը բերեց մի հետաքրքիր իրողություն։ Պարզվեց, որ երբ մարդու ձեռքերը շատ թե քիչ ազատվում են, իրականում առաջին հերթին ազատվում է մարդու միտքը, եւ այդ միտքը նոր տարածքներ գրավելու հնարավորություն է ունենում։ Եվ, հետեւաբար, տեխնոլոգիաների զարգացումն առաջին հերթին մտածողության զարգացում է, որովհետեւ նոր մտածողությունը բերել է նոր տեխնոլոգիաներ, նոր տեխն ... Կարդալ շարունակությունը »

Տարածքային կառավարման եւ ենթակառուցվածքների նախարարության պետական գույքի կառավարման կոմիտեն առաջարկում է օտարման ենթակա պետական անշարժ գույքի վաճառքը կազմակերպել գնորդների գնային առաջարկների հիման վրա։ Համապատասխան որոշման նախագիծը (վաճառքի կազմակերպման կարգի հետ միասին) քննարկման է դրված։ Հստակեցնենք՝ ըստ պատկան մարմնի, խոսքը վերաբերում է պետական սեփականություն համարվող այն անշարժ գույքին, որ օտարման տարբեր ձեւերով՝ աճուրդով, մրցույթով եւ ուղղակի ձեւով վաճառքի է ներկայացվել եւ գնահատված արժեքի 40 տոկոսով նվազեցված գնի պարագայում էլ չի վաճառվել։ Այլ կերպ՝ դժվար իրացվող անշարժ գույքին։
Օտարման ենթակա պետական սեփականության գույքը գնային առաջարկների հիմամբ վաճառելու գործընթացն իրականացնելու նպատակով կոմիտեն ուսումնասիրել է օտարերկրյա պետությունների փորձը։ Եվ որոշվել է գույքի օտարման գործընթացը կազմակերպել 2 փուլով եւ դրան համապատասխան մշակել մեթոդական ու իրավական դաշտ։
Առաջին փուլը աճուրդի մասնակիցների որակավորման փուլը կլինի, որի ընթացքում հանրային իրազեկման ճանապարհով, օտարման ենթակա յուրաքանչյուր գույքի վերաբերյալ գնային առաջարկների ստացման եւ դրանց քննարկման ճանապարհով կսահմանվի օտարման ենթակա գույքի վաճառքի մեկնարկային գինը։ Նաեւ՝ մասնակիցների շրջանակը։
Ի դեպ, վաճառքի մեկնարկային գինը կսահմանվի՝ ելնելով ներկայացված ամենաբարձր գնային առաջարկից։
Իսկ երկրորդ փուլը՝ սահմանված մեկնարկային գնով՝ դասական աճուրդի միջոցով գույքի վաճառքի կազմակերպումը կլինի։
Առաջին փուլի համար կստեղծվի վաճառքի կազմակերպման հանձնաժողով, որը կկազմի եւ կհրապարակի վաճառքի ենթակա գույքի մասին տեղեկությունները, կընդունի գույքի վաճառքի հայտերը, կվարի հայտերի ընդունման գրանցամատյանը, կքննարկի ներկայացված գնային առաջարկները, կորոշի օտարման ենթակա պետակա ... Կարդալ շարունակությունը »

Առաջնորդվում են մարդասիրական նորմերով եւ օրենքներով

Ինչ խնդիրներ ունեն հանրապետությունում բնակվող ազգային փոքրամասնությունները, եւ որոնք են դրանց լուծման ուղիները։ Գլխավորապես այս հարցն էր քննարկման առարկա դարձել հայկական երկու հանրապետությունների ազգային փոքրամասնությունների, պետական մարմինների, գերատեսչությունների եւ հասարակական կազմակերպությունների ներկայացուցիչների մասնակցությամբ Ստեփանակերտում հրավիրված հանդիպմանը, որ նախաձեռնել էր ԱՀ մշակույթի, երիտասարդության հարցերի եւ զբոսաշրջության նախարարությունը։
Ողջունելով «Կլոր սեղանի» մասնակիցներին եւ կարեւորելով նման ներկայացուցչական կազմով քննարկումների անհրաժեշտությունը, նախարար Լեռնիկ Հովհաննիսյանը նշեց, որ պետությունների միջազգային հեղինակությունը պայմանավորվում է տվյալ երկրում ապրող ազգային փոքրամասնությունների նկատմամբ ցուցաբերվող վերաբերմունքով եւ համոզմունք հայտնեց, որ «Կլոր սեղանը» առարկայական կդարձնի պետական այրերի մոտեցումները ակնկալվող հարցերի վերաբերյալ ու ենթադրվող քայլերը կլինեն առավել գործնական։ Գերատեսչության ազգային փոքրամասնությունների եւ կրոնի հարցերի բաժնի պետ Աշոտ Սարգսյանն իր խոսքում հատկանշական համարեց այն, որ չնայած Արցախի միջազգայնորեն չճանաչված լինելու հանգամանքին, երկրում միշտ էլ առաջնորդվում են մարդասիրական նորմերով եւ օրենքներով։ Եվ, որպես ասվածի վկայություն, նա շեշտեց իշխանությունների կողմից դրսեւորվող հոգատարությունը՝ ազգային փոքրամասնությունների նկատմամբ։
Եթե հունական համայնքի նախագահ Սոֆի Իվանիդիսին մտահոգում են «ազգային մշակույթի, լեզվի, ավանդույթների եւ սովորությունների պահպանման հետ կապված խնդիրները», եւ շատ կցանկանար, որ կիրակնօրյա դպրոց բացվեր, հնարավորինս արագ հիմնանորոգվեր Մեհ ... Կարդալ շարունակությունը »

Այն ներկայացնելը պետք է ծավալվի ՀՀ ԱԳՆ հետ սերտ գործակցությամբ

Մեր երկրի սահմաններն անառիկ պահելու առումով իհարկե անհերքելի է հայկական զինուժի առաջնային դերը, հայկական բանակն է մեր ազգի ու պետության ինքնապաշտպանության իրականացման գլխավոր երաշխիքը։ Սակայն անհերքելի է նաեւ մեր ուժային այլ կառույցների եւ դիվանագիտական գերատեսչության կարեւոր դերակատարումը պետության անվտանգության, արտաքին ու ներքին կայունության հաստատման հարցերում։ Եթե ազգային անվտանգության ծառայության եւ ոստիկանության հիմնական գործառույթը իրականացվում է արտաքին ու ներքին կայունությունն ապահովելու համար, ապա արտաքին գործերի գերատեսչության գործառույթը մեր երկրի պաշտպանության եւ անվտանգության խնդիրները արտաքին աշխարհի հետ ռազմաքաղաքական եւ դիվանագիտական ու իրավական ասպարեզներում ամրագրելն ու միջազգային օրակարգում հայանպաստ քաղաքականության հաջողելն է։
Այստեղ անդրադառնանք մեր երկրի արտաքին քաղաքականության վերջին ժամանակների իրադարձություններին, ինչը կդիտարկենք Հայաստանի, Արցախի ու սփյուռքի հնարավորությունների համատեղման տիրույթում։
Հայտնի է, որ աշխարհի մոտ 110 երկրներում շուրջ 12—15 միլիոն (որոշ տվյալներում ավելի մեծ թիվ է նշվում) հայեր են բնակվում (իհարկե, Թուրքիայում եւ այլ երկրներում բնակվող ծպտյալ հայերի թիվը չհաշված, չնայած, ըստ որոշակի տեղեկատվության, այդ ծպտյալ կամ ինչպես սփյուռքում են նշում՝ թաքուն հայերի մեծ մասը գիտի, որ հայ է, պարզապես այսօր անվտանգ չէ բացահայտ արմատներին վերադառնալը։ Հիշեցնենք, որ Թուրքիայում արգելված է հայերին ազգ կոչել եւ հայերը կրոնական փոքրամասնություն (եւս մեկ քրիստոնեական համայնք) են նշված։ Եվ կարեւոր էր, որ որոշ ծպտյալ հայերի կրոնափոխության եւ այսօրվա Թուրքիայի տարածքում գտնվող հայկական եկեղեցիներում քր ... Կարդալ շարունակությունը »

Կանցկացվեն ընտրական բարեփոխումների վեաբերյալ խորհրդարանական լսումներ

ԱԺ խմբակցություններից կազմված ընտրական բարեփոխումների աշխատանքային խումբը պարբերաբար հանդիպումներ է անցկացնում փորձագետների, հասարակական կազմակերպությունների, ԿԸՀ ներկայացուցիչների մասնակցությամբ։ Քննարկումների ընթացքում արդեն իսկ մի շարք հարցերի շուրջ ձեռք է բերվել համաձայնություն, իսկ մի մասն էլ դեռ քննարկումների ակտիվ փուլում է։ Վերջին հանդիպման ժամանակ քննարկվել են կուսակցությունների ստեղծմանը, գրանցմանը, կասեցմանը եւ արգելմանը վերաբերող հարցեր, ինչպես նաեւ անդրադարձ են կատարել «Կուսակցությունների մասին» ՀՀ օրենքի եւ ընտրական օրենսգրքի որոշ դրույթներին, մասնավորապես տարածքային ներկայացուցչության պահանջին, անդամակցության թվային սահմանափակմանը, կուսակցությունների վերագրանցմանը, գործունեության պայմանների առավել ազատականացմանը։
«Քննարկել ենք այսօր գոյություն ունեցող օրենսդրական կարգավորումները եւ օրենքը գնահատել ենք Հայաստանի ստանձնած միջազգային պարտավորությունների համատեքստում։ Համաձայնություն ենք ձեռք բերել այն հարցի շուրջ, որ օրենքի տրամաբանությունը պետք է կառուցվի ազատականացման ուղղությամբ։ Գործող օրենքով ունենք ամրագրված դրույթներ, որոնք այսպես թե այնպես չեն պահպանվում, մինչդեռ նախընտրում ենք ունենալ այնպիսի օրենսդրական կարգավորումներ, որոնց իրականացումը հնարավոր է»,–«ՀՀ»—ի հետ զրույցում նշեց ընտրական բարեփոխումների աշխատանքային խմբի համակարգող, «Իմ քայլը» խմբակցության անդամ Համազասպ Դանիելյանը։ Խոսքը վերաբերում է, օրինակ, կուսակցությունների տարածքային ներկայացվածություն ունենալու պայմանին, այսինքն՝ թե քանի գրասենյակ պետք է լինի մայրաքաղաքում եւ մարզերում։ Ակնհայտ է, որ կուսակ ... Կարդալ շարունակությունը »

Մեր ամենակարեւոր խնդիրն այսօր պատերազմական իրադրությանը պատրաստ լինելն է

Ղարաբաղյան շարժման սկզբից հիմնախնդիրն ստացել է միջազգային բնույթ։ Իրանից եւ Ռուսաստանից բացի՝ 1992 թվականից հակամարտության կարգավորման միջնորդի դեր է ստանձնել նաեւ ԵԱՀԿ—ն։ Արցախի հարցում գերտերություններն իրենց շահերից ելնելով են քաղաքականություն թելադրում, ինչի հետեւանքով տուժում է մեր ժողովուրդը։
Արցախյան հակամարտության կարգավորման գործընթացի շուրջ «ՀՀ»—ի հետ զրույցում այսպիսի կարծիք հայտնեց Երեւանի պետական համալսարանի պատմության ֆակուլտետի դեկան, պատմական գիտությունների դոկտոր Էդիկ Մինասյանը։ Այնուամենայնիվ, վերջինս գտնում է, որ ԵԱՀԿ Մինսկի խմբին արցախյան հարցի կարգավորման գործում վստահելը Հայաստանի կողմից ճիշտ դիրքորոշում է. «ԵԱՀԿ Մինսկի խմբի համանախագահների՝ արցախյան հարցի շուրջ բանակցային գործունեությունը, որոշակի քաղաքականություն մշակելու միտումները չափազանց կարեւոր են մեզ համար։ Մինսկի խմբին վստահելը ճիշտ է։ Իսրայելն էլ երկար ժամանակ արաբական երկրների հետ պատերազմական դրության մեջ էր եւ հարցը լուծեց իր օգտին։ Հարկավոր է երկար պահպանել ստատուս—քվոն, դա հարցի լուծման հնարավորություն կտա»։
Պատմաբանի խոսքով՝ արցախյան հարցի կարգավորման գործընթացում Թուրքիային եւ Ադրբեջանին ձեռնտու չէ ԵԱՀԿ Մինսկի խմբի խառնվելը։ Հիշեցնում է՝ երբ Թուրքիան ուզում էր մասնակցություն ունենալ բանակցային գործընթացին, Մինսկի խումբը արգելեց նրա մուտքը Ադրբեջանի նկատմամբ ունեցած կողմնակալ վերաբերմունքի համար. «Այո, Մինսկի խումբը արցախյան հարցում վճռական չի գործում, պետք է նաեւ նկատել, որ խմբի լինել կամ չլինելը չի խանգարում Ադրբեջանին ամեն րոպե պատերազմական դրություն ստեղծել։ Ադրբեջանը պատրաստ է պատերազմի, բայ ... Կարդալ շարունակությունը »

Երբ մեր երկիրը ատոմային էներգետիկայի ոլորտի հետ կապված միջազգային որեւէ հարթակից խոսք է հնչեցնում, սկսում եմ հետեւել թյուրքական լրահոսին՝ տեսնելու համար, թե նրանք որտեղ ինչ «ահազանգ» են հնչեցնում մեր ԱԷԿ-ի հետ կապված, որպեսզի հակադարձեմ։ Ընդ որում, այդ «ահազանգը» հաճախ մեր խոսքին անմիջապես չի հաջորդում, այլ՝ օրեր, նույնիսկ շաբաթներ անց։
Այլընտրանք չկա

Մեր մասնագետները ինձ առիթով բացատրեցին, թե ինչու չեն պատասխանում նրանց բարբաջանքներին. նախ՝ որ բարբաջանքին թե բամբասանքին պատասխանելը մասնագիտական տիրույթին սազական չէ եւ երկրորդ՝ որ ե՛ւ մեր, ե՛ւ ոլորտում մասնագիտացված կառույցին՝ Ատոմային էներգիայի միջազգային գործակալությանը հետաքրքրում են տեխնիկական, անվտանգության եւ այլ ցուցիչներ։ Տարիներ առաջ նույն բանն ինձ ասաց ՀՀ նախագահին կից ատոմային էներգետիկայի անվտանգության խորհրդի նախագահ Ադոլֆ Բիրկհոֆերը (Գերմանիա)՝ նկատելով, որ «Հայաստանի ատոմակայանը բացարձակ անվտանգ է եւ կարեւորը դա է»՝ պատասխանելով իմ այն հարցին, թե ինչու ոլորտի մասնագիտացված կառույցը չի հերքում ՀԱԷԿ—ի իբր վտանգի մասին թյուրքական գուժումները։
Մասնագետների բացատրությունն իհարկե հասկանալի է, բայց պետք է հաշվի առնել նաեւ, որ եթե նման հայտարարությունները պատասխան չեն ստանում (քաղաքական տիրույթում), ազդեցություն են ունենում մեծ լսարանների վրա՝ հետեւանքներով հանդերձ։ Չմոռանանք, որ քաղաքական հարթակում շատ բան է որոշվում՝ առանց հաշվի առնելու տնտեսական ու տեխնիկական ցուցիչները։ Հիշում ենք՝ ինչպես ՀԱԷԿ—ը փակվեց, երբ նույնիսկ երկրաշարժից հետո միութենական հանձնաժողովը զննել էր ՀԱԷԿ—ը եւ շինարարական կառուցատարրերում, սարքավորումներում եւ համակարգերում երկրաշարժի սեյսմիկ ազդեցության հետ կապված ... Կարդալ շարունակությունը »

Ականազերծման աշխատանքներն Արցախի տարածքում պիտի շարունակվեն

Աշխատանքային այցով Արցախում գտնվող ԱՄՆ Ներկայացուցիչների պալատի հայկական հարցերով հանձնախմբի համանախագահ, էներգետիկայի եւ առեւտրի հանձնաժողովի նախագահ Ֆրենկ Փալոնը այցի շրջանակում հանդիպել է «The Halo Trust» միջազգային ոչ կառավարական կազմակերպության Արցախի գրասենյակի պատասխանատուների հետ, որոնք զբաղվում են ականազերծման աշխատանքներով։
Կոնգրեսականին ուղեկցում էին նրա օգնական Ջեյմս Ջոնսոնը եւ ԱՄՆ—ում Արցախի Հանրապետության մշտական ներկայացուցիչ Ռոբերտ Ավետիսյանը։ «The Halo Trust»—ի գրասենյակի աշխատակիցները կոնգրեսականին են ներկայացրել Արցախում իրենց կողմից իրականացվող աշխատանքների հիմնական ուղղությունները, ինչպես նաեւ պատասխանել Ֆ. Փալոնին հետաքրքրող հարցերին։ Նրանք անդրադարձել են նաեւ Արցախի հանրակրթական դպրոցներում աշակերտների հետ տարվող կրթական ծրագրերին, որոնք մասնավորապես վերաբերում են ականազերծման գործընթացներին եւ հնարավոր վտանգների կանխմանը։
Հանդիպմանը նշվել է, որ ականների հետ կապված դեպքերի քանակով Արցախի ցուցանիշները աշխարհում ամենաբարձրներից են։ «The Halo Trust»—ի գրասենյակի տեղեկատվությամբ՝ 2000—2018 թթ. ընթացքում Արցախի տարածքում ընդհանուր առմամբ մաքրվել է 47 219 901 քմ տարածք, վնասազերծվել 9044 հակահետեւակային, 2606 հակատանկային ականներ, 183 553 փոքր չափի զինատեսակներ։
Ֆրենկ Փալոնը ի պատասխան լրագրողների այն հարցի, թե վերադառնալուց հետո ինչպիսի քայլեր է մտադիր ձեռնարկել, մասնավորապես նշել է. «Արցախ կատարած այցի ընթացքում մենք մեկ անգամ եւս համոզվեցինք, որ դեռեւս զգալի աշխատանքներ կան կատարելու, եւ վերադառնալով Ամերիկա՝ փորձելու ենք տեղեկացնել եւ բացատրել մեր գործ ... Կարդալ շարունակությունը »

ՀՀ վարչապետ Նիկոլ Փաշինյանը Եվրասիական տնտեսական միությունն ավելի լավը դարձնելուն ուղղված Հայաստանի ջանքերի գործադրման լավ ապացույց է համարում Երեւանում ԵԱՏՄ բարձրագույն խորհրդի նիստի անցկացումը։ «Արմենպրեսի» տեղեկացմամբ՝ այս մասին Փաշինյանն ասաց ՀՀ Ազգային ժողովում կառավարության հետ հարցուպատասխանի ընթացքում, պատասխանելով «Իմ քայլը» խմբակցության անդամ Միքայել Զոլյանի հարցին։
«Մենք 2019թ. հունվարի 1—ից ստանձնել ենք ԵԱՏՄ նախագահությունը, եւ ես կարծում եմ, որ տեղի ունեցած գագաթնաժողովը կազմակերպությունում մեր նախագահության կուլմինացիան դարձավ։ Մենք Սինգապուրի հետ ստորագրեցինք պայմանագիր։ Հուլիսին, երբ Սինգապուրում էի, այդ այցի շրջանակներում ձեռք բերվեց պայմանավորվածություն, որպեսզի մենք հասցնենք մինչեւ երեւանյան հանդիպումն ավարտին հասցնել այդ պայմանագրի վրա աշխատանքը։ 
Այն ժամանակ, իհարկե, դա ֆանտաստիկ էր թվում, որ մենք այս կարճ ժամանակահատվածում կհասցնենք ավարտին հասցնել պայմանագիրը, բայց դա տեղի ունեցավ, ինչի համար ես ուզում եմ շնորհակալություն հայտնել ինչպես Սինգապուրի կառավարությանը, այնպես էլ Եվրասիական տնտեսական միության անդամ մեր գործընկեր երկրների կառավարություններին, ինչպես նաեւ Եվրասիական տնտեսական հանձնաժողովին։ 
Հոկտեմբերից ուժի մեջ է մտնում Եվրասիական տնտեսական միության եւ Իրանի միջեւ ժամանակավոր ազատ առեւտրի վերաբերյալ համաձայնագիրը։
Կարող եմ արձանագրել, որ քաղաքական առումով ԵԱՏՄ շրջանակներում նման մասշտաբային միջոցառում տեղի չէր ունեցել, եւ այս միջոցառումն այս մասշտաբներով կազմակերպելը մեր կողմից, կարծում եմ, եւս մեկ անգամ եկավ ապացուցելու, որ մենք իսկապես բոլոր ջանքերը գործադրում ենք, որպեսզի ԵԱՏՄ—ն դառնա ավելի արդյունավետ կառույց, եւ մեր անդամակցությունը լինի ... Կարդալ շարունակությունը »