2011թ. աշխարհի վատագույն տնտեսությունը, ըստ Forbes–ի, Մադագասկարն է։ Երկրորդ տեղում Հայաստանն է, երրորդում՝ Գվինեան։ Աշխարհի վատագույն տնտեսությունների հնգյակը եզրափակում են Ուկրաինան և Ճամայկան։ Պարբերականի փորձագետներն այս եզրահանգումն արել են՝ ուսումնասիրելով վերջին տարիներին մակրոտնտեսական ցուցանիշները և զարգացման կանխատեսումները։
Ըստ պարբերականի, Հայաստանը ոչ մի կերպ չի կարողանում վերականգնվել ճգնաժամից. 2009թ. Հայաստանի ՀՆԱ–ն 15% անկում է արձանագրել։ Երկրում պահպանվում է գնաճի բարձր մակարդակը (մոտ յոթ տոկոս), իսկ մեկ շնչին բաժին ընկնող ՀՆԱ–ն 3000 դոլարից էլ պակաս է։ «....Դեպի ծով ելք չունեցող հետխորհրդային այդ երկիրը հնարավորինս ամեն ինչ անում է՝ աշխարհի մյուս երկրներից հետ չմնալու համար»,– ընգծում է պարբերականը։
Forbes–ըվարկանշային աղյուսակը կազմել է՝ հաշվի առնելով վերջին երեք տարիների ՀՆԱ–ի և գնաճի վիճակագրությունը (ներառյալ 2012թ. ԱՄՀ կանխատեսումները), բնակչության մեկ շնչին բաժին ընկնող ՀՆԱ–ն և այդ երկրների առևտրային հաշվեկշիռը։
Հիշեցնենք, որ նախորդ տարվա նույն վարկանշային աղյուսակում առաջատարներն էին Զիմբաբվեն և Կոնգոն։ Հայաստանն ու Ուկրաինան ընդհանրապես չկային ցուցակում