Գլխավոր էջ » 2011 » Հուլիս » 6 » ԼՂ հարցում մոտեցել ենք այն կետին, որտեղ պետք է որոշումներ ընդունել
18:09
ԼՂ հարցում մոտեցել ենք այն կետին, որտեղ պետք է որոշումներ ընդունել
Ամենամոտ ժամանակներս ԼՂ հակամարտության կարգավորմանն ուղղված աշխատանքները կշարունակվեն: Այս մասին հայտարարել է Ռուսաստանի արտգործնախարար Սերգեյ Լավրովը, փոխանցում է Россия 24-ը:
"Մենք արձանագրեցինք, որ Կազանում նախագահները հայտարարեցին կարեւորագույն հարցերի շուրջ համաձայնության գալու մասին, որոնք նպաստում են ԼՂ հարցի կարգավորման վերջնական պայմանավորվածությունների ձեռքբերմանը”,-ասել է ՌԴ արտգործնախարարը:
Լավրովը նաեւ նշել է, որ ՌԴ նախագահ Դմիտրի Մեդվեդեւը ավարտել է կազանյան հանդիպումի արդյունքում ստեղծված իրավիճակի վերլուծումը եւ մոտ ժամանակներս որոշում կկայացնի հետագա քայլերի վերաբերյալ: "Մենք այժմ մոտեցել ենք այն կետին, որտեղ պետք է որոշումներ ընդունել”,-ասել է Սերգեյ Լավրովը, հավելելով, որ Մինսկի խմբի ձեւաչափի փոփոխությունը արդյունավետ չի լինի:
