| Կայքի մենյու |
|
 |
| Բաժնի անվանակարգերը |
|
|
| Մինի - չաթ |
|
|
|
| Վիճակագրություն |
Ընդամենը առցանց: 1 Հյուրեր: 1 Հաճախորդներ 0 |
|
|
Գլխավոր էջ » Պաշտոնական
« 1 2 ... 19 20 21 22 23 ... 38 39 »
Նախագահը շնորհավորել է ԱՄՆ Անկախության օրվա առթիվ, այցելել նաեւ ՀՀ—ում ԱՄՆ—ի դեսպանի նստավայր
Նախագահ Սերժ Սարգսյանը, Ամերիկայի Միացյալ Նահանգների Անկախության օրվա առթիվ, հուլիսի 4—ին հյուրընկալվել է Հայաստանում ԱՄՆ—ի դեսպանի նստավայրում։ Սերժ Սարգսյանը տոնի կապակցությամբ շնորհավորել է դեսպան Ռիչարդ Միլսին եւ ի դեմս նրա՝ դեսպանատան աշխատակիցներին ու Միացյալ Նահանգների ամբողջ ժողովրդին։
Հանրապետության նախագահը նաեւ շնորհավորական ուղերձ է հղել ԱՄՆ նախագահ Բարաք Օբամային, որում, մասնավորապես, ասված է. «Մեծարգո պարոն նախագահ,
Ջերմորեն շնորհավորում եւ լավագույն մաղթանքներ եմ հղում Ձեզ եւ Միացյալ Նահանգների բարեկամ ժողովրդին Ամերիկայի Միացյալ Նահանգների Անկախության օրվա կապակցությամբ։
Մենք բարձր ենք գնահատում ընդհանուր արժեքների եւ փոխադարձ հարգանքի ու վստահության վրա հիմնված հայ—ամերիկյան բարեկամությունը։ Մեծապես կարեւորում ենք Միացյալ Նահանգների դերակատարությունը Հարավային Կովկասի անվտանգության եւ կայունության ապահովման, ինչպես նաեւ Հայաստանում իրականացվող բարեփոխումների խրախուսման հարցում։ Հայ—ամերիկյան գործընկերային սերտ եւ բազմաբնույթ կապերը շարունակում են գործնական ուղի հարթել Հայաստանի տնտեսական զարգացման, ժողովրդավարական հաստատությունների ամրապնդման, քաղաքացիական հասարակության կայացման համար։
Ընթացիկ տարին մեր երկրների համար նշանավորվեց մի շարք կարեւոր իրադարձություններով, մասնավորապես՝ Հայա
...
Կարդալ շարունակությունը »
|
Նախագահ Սերժ Սարգսյանը հունիսի 27–ին խորհրդակցություն է անցկացրել հանրապետության տնտեսական քաղաքականության պատասխանատուների հետ, որի ընթացքում շարունակվել են Հայաստանի էներգետիկ անվտանգությանը, այդ համակարգի հետագա առողջացմանը եւ առկա խնդիրներին լուծումներ գտնելուն ուղղված քննարկումները։ Խորհրդակցության սկզբում հանրապետության նախագահը հանգամանորեն անդրադարձել է վերոնշյալ խնդիրներին, էլեկտրաէներգիայի սակագնի բարձրացման հիմնավորումներին, միաժամանակ իր դիրքորոշումն ու մոտեցումները ներկայացրել վերջին օրերին հասարակական ակտիվիստների բողոքի ակցիայի ժամանակ բարձրացվող խնդիրների եւ դրանց լուծման հնարավոր տարբերակների վերաբերյալ.
«Վարչապետի հետ մենք երեկ կրկին շատ երկար ենք խոսել եւ որոշել ենք այսօրվա մեր այս հերթական քննարկումը ավելի տեսանելի դարձնել մարդկանց համար, լուսաբանել այն, թեպետ աշխատանքային քննարկումները սովորաբար չեն լուսաբանվում, քանի որ հասարակության համար առաջնային են արդյունքները եւ ոչ թե այն աշխատանքը, որ կատարվում է դրանց հասնելու համար։ Այնուամենայնիվ, սա կարեւոր է այսօր, որպեսզի մարդիկ տեսնեն, թե վերջին ամիսների ընթացքում այսպես ինտենսիվորեն ընթացող մեր քննարկումներն ինչ ուղղությամբ են գնում, որտեղից ենք սկսել, որտեղ ենք հիմա եւ ուր ենք ուզում հասնել։
Անկեղծ ասած՝ այս գործընթացի մասին ես ուզում էի խոսել նաեւ մեր հասարակական ակտիվիստների հետ,
...
Կարդալ շարունակությունը »
|
Երեկ ՀՀ նախագահ, ՀՀԿ առաջնորդ Սերժ Սարգսյանի նախագահությամբ կայացել է կուսակցության գործադիր մարմնի նիստը, որտեղ քննարկվել են ինչպես ներքաղաքական, այնպես էլ Հայաստանի էներգետիկ անվտանգությանն առչնվող հարցեր։ Այս մասին նիստից հետո լրագրողների հետ զրույցում տեղեկացրել է ՀՀԿ խոսնակ, ԱԺ փոխնախագահ Էդուարդ Շարմազանովը։ Նա նշել է, որ որեւէ մեկը, այդ թվում երկրի նախագահը, թանկացման կողմնակից չէ, ավելին, ըստ Էդ. Շարմազանովի, իշխանություններն ու ցուցարարները նույն բանն են ուզում. «Էներգետիկ անվտանգության հարցերը բավական կարեւոր են ՀՀ իշխանությունների համար, եւ խնդիրը ոչ միայն 6—7 դրամն է։ Սա գործընթացի սկիզբն է, ՀՀ իշխանություններն ամեն ինչ անելու են, որպեսզի մեր երկրի էներգետիկ անվտանգությունը լինի կայուն։ Էներգետիկ համակարգը պետք է առողջացվի, որեւէ մեկը չի ցանկանում թանկացում, որեւէ մեկը դրա կողմնակիցը չէ, խնդիրն ավելի գլոբալ է, կառավարությունը ներկայացրել է իր կարծիքը, եւ խնդիրը չարաշահումների մեջ չէ։ Այդ 7 դրամի մեջ որեւէ չարաշահում ներառված չէ»։ Նրա խոսքով՝ պետք է ամեն ինչ անել, որպեսզի խնդիրը լուծվի, սակայն դա օրերի հարց չէ։
Շարմազանովը նշել է, որ հարգում են ակտիվիստների խաղաղ ելույթները, այդ միջոցով իրենց իրավունքների համար պայքարելը, եւ կարեւորել է բոլոր գործընթացները խաղաղ ճանապարհով անցկացնելու հանգամանքը. «Բարձր ենք գնահատում նաեւ ոստիկանության գործողությունները։ Այսօր տեսնում ենք, որ գործընթացներն իրականացվում են փոխադարձ հարգանքի մթնոլորտում»։
Բաղրա
...
Կարդալ շարունակությունը »
|
Նախագահ Սերժ Սարգսյանը երեկ ընդունել է Հայաստանի Հանրապետության եւ Ռուսաստանի Դաշնության միջեւ տնտեսական համագործակցության միջկառավարական հանձնաժողովի ռուսական կողմի նախագահ, ՌԴ տրանսպորտի նախարար Մաքսիմ Սոկոլովի գլխավորած պատվիրակությանը։
Հանրապետության նախագահը ողջունել է ՀՀ եւ ՌԴ միջեւ տնտեսական համագործակցության միջկառավարական հանձնաժողովի 16—րդ նիստին մասնակցելու նպատակով Հայաստան ժամանած Ռուսաստանի պատվիրակությանը եւ ընդգծել, որ հանձնաժողովը կարեւոր դեր ունի երկու երկրների տնտեսական փոխգործակցության զարգացման գործում։
Սերժ Սարգսյանի խոսքով, հանձնաժողովի՝ միայն նախորդ եւ այս նիստերի միջեւ ընկած ժամանակահատվածում (վերջին մեկուկես տարվա ընթացքում) ստորագրվել եւ ուժի մեջ են մտել շուրջ երեք տասնյակ միջազգային, միջկառավարական եւ միջգերատեսչական փաստաթղթեր, որոնք լրացնում են հայ—ռուսական իրավապայմանագրային բազան։ Եվս մոտ տասը փաստաթուղթ գտնվում է մշակման փուլում։
Նախագահը գոհունակությամբ է նշել, որ այդ ժամանակահատվածում լուծվել են Հայաստանի համար սկզբունքային նշանակություն ունեցող մի շարք հարցեր, այդ թվում՝ Հայաստանին մատակարարվող բնական գազի գնագոյացման հարցը. հունվարի 1—ից Հայաստանը 1000 խմ համար վճարում է 165 ԱՄՆ դոլար՝ նախկին 189 ԱՄՆ դոլարի փոխարեն։ Նախագահի խոսքով, դա թույլ տվեց չթանկացնել եւ կայուն պահել բնական գազի սակագինը՝ չնայած ԱՄՆ դոլարի եւ ՀՀ ազգային արժույթի՝ դրամի փոխարժեքի տատանմանը։
Սերժ Սարգսյանի խոսքով, միջկառավարական հանձնաժողովի նիստը նշանավորվե
...
Կարդալ շարունակությունը »
|
Երեկ Հայաստանի Հանրապետության արտգործնախարար Էդվարդ Նալբանդյանն ընդունեց Ավստրիայի ազգային խորհրդի՝ Ավստրիայի ժողովրդական կուսակցության խորհրդարանական խմբակցության նախագահ Ռայնհոլդ Լոպատկային, հայտնում են ԱԳՆ մամուլի եւ տեղեկատվության վարչությունից։
Ողջունելով հյուրին՝ նախարար Նալբանդյանը բարձր գնահատեց հայ—ավստրիական հարաբերությունների առկա մակարդակը՝ ընդգծելով խորհրդարանական ձեւաչափում դրանց ակտիվացման կարեւորությունը։
Շնորհակալություն հայտնելով ընդունելության համար՝ Ռայնհոլդ Լոպատկան նշեց, որ Ավստրիայի խորհրդարանականները կարեւորում են Հայաստանի խորհրդարանի հետ համագործակցության սերտացումը, երկու պետությունների միջեւ ամենատարբեր ոլորտներում փոխգործակցության զարգացումը։
Հայաստանի արտգործնախարարը հյուրին ներկայացրեց Հայոց ցեղասպանության 100—րդ տարելիցի շրջանակներում ամբողջ աշխարհում կազմակերպվող ոգեկոչման միջոցառումները եւ դրանց խորհուրդը։ Այս համատեքստում նախարար Նալբանդյանը երախտագիտությամբ նշեց Ավստրիայի ազգային խորհրդի կողմից Հայոց ցեղասպանության միաձայն ճանաչման եւ դատապարտման վերաբերյալ հայտարարության ընդունումը, որին իրենց կարեւոր նպաստն են բերել նաեւ Ռայնհոլդ Լոպատկան եւ իր ղեկավարած կուսակցությունը։
Հանդիպմանը քննարկվեց Հայաստան–Եվրոպական միություն փոխգործակցությունը։ Անդրադարձ արվեց տարածաշրջանային հարցերի։ |
Նախագահ Սերժ Սարգսյանը երեկ ընդունել է Ամերիկայի հայկական համագումարի (ԱՀՀ) հոգաբարձուների խորհրդի համանախագահ Էնթոնի Բարսամյանին։ Հանդիպմանը ներկա են եղել նաեւ ԱՀՀ տարածաշրջանային տնօրեն Արփի Վարդանյանը եւ ԱՀՀ տնօրենների խորհրդի անդամ Րաֆֆի Քասարջյանը։
Զրուցակիցներն անդրադարձել են համահայկական կարեւորություն ունեցող օրակարգային հարցերին, դրանց լուծման ուղղությամբ Հայաստանի իշխանությունների եւ արտերկրում հայկական տարբեր կազմակերպությունների, քաղաքական ուժերի, ինչպես նաեւ Հայաստանի բարեկամների կողմից գործադրվող ջանքերին, դինամիկ զարգացող հայ—ամերիկյան հարաբերություններին, դրանց ամրապնդման ու խորացման հնարավորություններին եւ մի շարք այլ հարցերի։
ՀՀ նախագահը եւ ԱՀՀ ներկայացուցիչները համակարծիք են եղել, որ ընթացիկ տարում համայն հայության համար կարեւոր՝ Հայոց ցեղասպանության 100—րդ տարելիցի ոգեկոչման միջոցառումների շարքը հնարավոր դարձավ Հայաստանում եւ աշխարհի տարբեր երկրներում անցկացնել շատ բարձր մակարդակով՝ միասնական ջանքերի եւ համախմբվածության շնորհիվ։ Սերժ Սարգսյանը եւ ԱՀՀ հոգաբարձուների խորհրդի համանախագահ Էնթոնի Բարսամյանը մեծապես կարեւորել են աշխարհի տարբեր անկյուններում անցկացված այդ միջոցառումները՝ Վաշինգտոնի ազգային տաճարում կայացած՝ Հայոց ցեղասպանությանը նվիրված միջկրոնական աղոթքից ու Վատիկանում Նորին սրբություն Հռոմի պապ Ֆրանցիսկոսի կողմից Սուրբ Պետրոսի տաճարում մատուցված պատարագից մինչեւ Երեւանում եւ արտերկրի հայաշատ բազմաթիվ քաղաքներում տեղի ունեցած միջոցառումները։
...
Կարդալ շարունակությունը »
|
Նախագահ Սերժ Սարգսյանը Մեծ Բրիտանիայի եւ Հյուսիսային Իռլանդիայի Միացյալ Թագավորության ազգային տոնի՝ Եղիսաբեթ Երկրորդ թագուհու ծննդյան պաշտոնական օրվա առթիվ շնորհավորական ուղերձ է հղել Միացյալ Թագավորության թագուհի Եղիսաբեթ Երկրորդին եւ վարչապետ Դեյվիդ Քեմերոնին։
Հանրապետության նախագահը շնորհավորել եւ բարեմաղթանքներ է հղել թագուհուն, արքայական ընտանիքին եւ բրիտանացի բարեկամ ժողովրդին՝ազգային տոնի առթիվ։ Նախագահը հետագա բարգավաճում եւ շարունակական առաջընթաց է մաղթել Միացյալ Թագավորությանը։ Սերժ Սարգսյանը վստահություն է հայտնել, որ հայ—բրիտանական հարաբերությունները կշարունակեն ընդլայնվել եւ խորանալ՝ ի նպաստ երկու ժողովուրդների բարօրության։
Վարչապետ Դեյվիդ Քեմերոնին ուղղված շնորհավորական ուղերձում Սերժ Սարգսյանը համոզվածություն է հայտնել, որ համատեղ ջանքերով հնարավոր կլինի նպաստել Հայաստանի եւ Միացյալ Թագավորության միջեւ առկա բարեկամական հարաբերությունների ամրապնդմանն ինչպես երկկողմ, այնպես էլ բազմակողմ ձեւաչափերով։
Սերժ Սարգսյանը Մեծ Բրիտանիայի ազգային տոնի կապակցությամբ երեկ այցելել է նաեւ Հայաստանի Հանրապետությունում Միացյալ Թագավորության դեսպանատուն, շնորհավորել դեսպան Քեթրին Ջեյն Լիչին եւ դեսպանատան ամբողջ անձնակազմին։
ՀՀ նախագահի մամլո գրասենյակ |
Վարչապետ Հովիկ Աբրահամյանը երեկ ընդունել է ատոմային էներգիայի միջազգային գործակալության (ՄԱԳԱՏԷ) կարգավորող մարմնի գործունեության դիտարկման առաքելության ղեկավար Հանս Վաններին, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետը բարձր է գնահատել ՄԱԳԱՏԷ–ի հետ համագործակցության ներկայիս մակարդակը եւ նշել, որ Հայաստանը հանձնառու կերպով կատարում է միջազգային համաձայնագրերով ստանձնած պարտավորությունները՝ զուգահեռաբար բարելավելով ազգային օրենսդրությունը միջուկային անվտանգության ոլորտում։
Հանս Վանները շնորհակալություն է հայտնել վարչապետին ընդունելության համար եւ կարեւորել կառավարության՝ այս բնագավառում ստանձնած պարտավորությունները հետեւողականորեն կատարելու պատրաստակամությունը։
Զրուցակիցները քննարկել են միջուկային անվտանգության ոլորտում փոխգործակցության ընդլայնմանն առնչվող հարցեր։ Պարոն Վանները ներկայացրել է իր գլխավորած առաքելության ուսումնասիրության արդյունքները եւ առաջարկությունները՝ Հայաստանում ատոմային էներգիայի օգտագործման բնագավառի անվտանգության կարգավորման եւ ՄԱԳԱՏԷ–ի անվտանգության չափանիշներին շարունակական համապատասխանեցման վերաբերյալ։
Երկուստեք կարեւորվել է Հայաստանի ատոմակայանի անվտանգության բարձրացման ուղղությամբ շարունակական միջոցառումների իրականացումը։ Վարչապետը նշել է, որ ատոմակայանի անվտանգ շահագործումը եւ ապահովության մակարդակի բարձրացումը գտնվում է կառավարության մշտական ուշադրության կենտրոնում, եւ գործա
...
Կարդալ շարունակությունը »
|
Վարչապետ Հովիկ Աբրահամյանը երեկ ընդունել է Չինաստանի Ժողովրդական Հանրապետության ժողովրդական ներկայացուցիչների համաչինական ժողովի մշտական կոմիտեի նախագահի տեղակալ Ճեն Չանջիի գլխավորած պատվիրակությանը, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետը, ողջունելով հյուրերին ՀՀ կառավարությունում՝ գոհունակություն է հայտնել հայ–չինական հարաբերությունների դինամիկ զարգացման ընթացքից։ Հովիկ Աբրահամյանը նշել է, որ Չինաստանը կարեւոր գործընկեր է Հայաստանի համար, եւ բարձրաստիճան պաշտոնական փոխայցելությունները նպաստում են միջպետական հարաբերությունների եւ երկկողմ համագործակցության զարգացմանը։
Ճեն Չանջին շնորհակալություն է հայտնել ընդունելության համար եւ ՀՀ վարչապետին փոխանցել ՉԺՀ պետական խորհրդի նախագահ (վարչապետ) Լի Քեցյանի ջերմ ողջույնները։ Նա նշել է, որ Չինաստանը կարեւորում է մեր երկրի հետ տարբեր ոլորտներում փոխգործակցության խորացումը եւ ընդլայնումը։
Գոհունակություն հայտնելով համատեղ իրականացվող ծրագրերի ընթացքից՝ զրուցակիցները մտքեր են փոխանակել Հայաստանի եւ Չինաստանի միջեւ տնտեսական, հումանիտար, տեխնիկական համագործակցության ընդլայնման, միջխորհրդարանական կապերի ամրապնդման հարցերի շուրջ։ Տնտեսական կապերի սերտացման համատեքստում կարեւորվել է հայ–չինական միջկառավարական առեւտրատնտեսական համատեղ հանձնաժողովի գործունեությունը։
ՀՀ վարչապետը շնորհակալություն է հայտնել Չինաստանի կառավարության կողմից Հայաստանի կառավարությանն ամենամ
...
Կարդալ շարունակությունը »
|
Երեկ ՀՀ Ազգային ժողովը շարունակել է քառօրյա նիստերի աշխատանքը՝ քվեարկությամբ ընդունելով նախորդ նիստում քննարկված օրենքների նախագծերը, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
Պատգամավորները քվեարկությամբ հաստատել են «ՀՀ 2014 թվականի պետական բյուջեի կատարման մասին» տարեկան հաշվետվությունը։
Ազգային ժողովի նախագահ Գալուստ Սահակյանի առաջարկով պատգամավորները ողջունել են ԱԺ «Բաց դռներ» ծրագրի շրջանակում խորհրդարան այցելած եւ ԱԺ նիստին հետեւող «Նոր զարգացումների հեռանկար կանանց ձեռնարկությունների» միջազգային համաժողովի մասնակիցներին։
ԱԺ նախագահ Գալուստ Սահակյանը նաեւ տեղեկացրել է, որ հունիսի 15—ին ՀՀ կառավարության նախաձեռնությամբ գումարվելու է ԱԺ արտահերթ նստաշրջան։
Պատգամավորներն այնուհետեւ շարունակել են քննարկել «Զինծառայողների եւ նրանց ընտանիքների անդամների սոցիալական ապահովության մասին» Հայաստանի Հանրապետության օրենքում լրացում կատարելու մասին» օրենքի նախագիծը։
Հարակից զեկույցում սոցիալական հարցերի մշտական հանձնաժողովի նախագահ Հակոբ Հակոբյանը ներկայացրել է հանձնաժողովի դրական եզրակացությունը։
Պատգամավորներ Թեւան Պողոսյանը, Գագիկ Ջհանգիրյանը, Հեղինե Բիշարյանը, Մարգարիտ Եսայանը, Արծվիկ Մինասյանը, Արփինե Հովհաննիսյանը, Կորյուն Նահապետյանն իրենց ելույթներում դրական են գնահատել օրենսդրական նախաձեռնությունը՝ նշելով, որ թեեւ օրինագծում կան մտահոգիչ դրույթներ, այդուհանդերձ, խնդ
...
Կարդալ շարունակությունը »
|
Նախագահ Սերժ Սարգսյանը երեկ ընդունել է ԵԽԽՎ համազեկուցողներ Աքսել Ֆիշերին եւ Ալան Միլին։
Ընդգծելով, որ փաստահավաք առաքելության շրջանակներում այս հանդիպումներն արդեն ավանդույթ են դարձել, հանրապետության նախագահը նշել է, որ դրանք հնարավորություն են ընձեռում քննարկել Հայաստան—Եվրոպայի խորհուրդ բազմոլորտ համագործակցությունը, ինչպես նաեւ անդրադառնալ ԵԽԽՎ օրակարգում ընդգրկված հարցերին, այդ թվում՝ Հայաստանին առնչվող։
Սերժ Սարգսյանը նշել է, թե ծանոթ է նախորդ այցի ընթացքում ԵԽԽՎ համազեկուցողների հրապարակած զեկույցի բովանդակությանը եւ ողջունելի է համարել, որ այն արձանագրել է ՀՀ հանձնառությունը՝ շարունակական բարեփոխումներ իրականացնելու մարդու իրավունքների, ժողովրդավարության եւ օրենքի գերակայության ոլորտներում։
Այս ամենով հանդերձ, ըստ նախագահի, Հայաստանը դեռ շատ անելիքներ ունի, եւ մեր երկրի իշխանությունները հետամուտ են բարեփոխումները խորացնելու՝ համոզվածությամբ, որ դա է ժամանակակից իրավական պետության կառուցման միակ ճիշտ ուղին։ Սերժ Սարգսյանը բարձր է գնահատել Հայաստանի համագործակցությունը միջազգային գործընկերների, այդ թվում՝ Եվրոպայի խորհրդի հետ, ընդգծելով ԵԽ կարեւոր ներդրումը Հայաստանի ժողովրդավարացման ճանապարհին։ Հանրապետության նախագահը նշել է, որ ժողովրդավարության, մարդու իրավունքների պաշտպանության եւ իրավական պետության սկզբունքների խորացման ուղղությամբ վերջին տարիներին Հայաստանում իրականացված բարեփոխումները եղել են հետեւողական։
ԵԽԽՎ համազեկուցողները շնորհակալություն են հայտնել Նախագահին
...
Կարդալ շարունակությունը »
|
Նախագահ Սերժ Սարգսյանը երեկ ընդունել է Հայաստանում Եվրոպայի խորհրդի գրասենյակի նորանշանակ ղեկավար Նատալյա Վուտովային։
Հանրապետության նախագահը շնորհավորել է տիկին Վուտովային՝ մեր երկրում գործունեությունն սկսելու կապակցությամբ եւ մաղթել հաջողություններ։ Ընդգծելով Եվրոպայի խորհրդի կարեւոր եւ ուրույն տեղը Եվրոպայի ընդհանուր ճարտարապետության մեջ՝ Սերժ Սարգսյանը նշել է, որ Հայաստանը, որպես ԵԽ անդամ երկիր, հետաքրքրված է ԵԽ բոլոր կառույցների հետ համագործակցությամբ։
Նախագահի խոսքով, ԵԽ չափանիշները՝ մարդու իրավունքների, ժողովրդավարության, օրենքի գերակայության ոլորտներում, Հայաստանի համար լավ ուղենիշներ են, եւ մեր երկիրը հասել է որոշ արդյունքների՝ որպես ԵԽ անդամ եւ որպես այդ անդամակցությամբ պարտավորություններ ունեցող պետություն, որը փորձում է կատարել ստանձնած պարտավորությունները։
ՀՀ նախագահը եւ Հայաստանում ԵԽ գրասենյակի ղեկավարը համակարծիք են եղել, որ Հայաստանը, որպես ԵԽ անդամ երկիր, ակտիվ մասնակցություն ունի կազմակերպության աշխատանքներին բոլոր մակարդակներում։
Հանրապետության նախագահը բարձր է գնահատել ԵԽ աջակցությունը մեր երկրում ընթացող ժողովրդավարական բարեփոխումներին եւ ներկայացրել մի շարք ուղղություններով երկրում իրականացվող բարեփոխումների ընթացքը՝ անդրադառնալով նաեւ Վենետիկի հանձնաժողովի հետ սերտ համագործակցությամբ իրականացվող ՀՀ սահմանադրական բարեփոխումների գործընթացին։ Նատալյա Վուտովան ընդգծել է, որ ԵԽ—ն սատարում է Հայաստանին՝ երկրում բարեփոխումների իրականացման եւ ժողովրդ
...
Կարդալ շարունակությունը »
|
|
|
|
| Մուտքի ձև |
|
|
| Որոնել |
|
|
| Օրացույց |
| « Մայիս 2024 » | | Երկ | Երկ | Չրկ | Հնգ | Ուր | Շբ | Կր | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
|
| Սոց ցանցեր |
|
|
| Ժամանակահատված |
|
|
|
