Գլխավոր էջ » 2016 » Հունվար » 13 » 2016 թվականը լիարժեքորեն մտնում է իր իրավունքների մեջ /Այսօր կեսգիշերին հայ ընտանիքներում տոնական տրամադրությամբ կդիմավորեն հին Նոր տարին/
09:33
2016 թվականը լիարժեքորեն մտնում է իր իրավունքների մեջ /Այսօր կեսգիշերին հայ ընտանիքներում տոնական տրամադրությամբ կդիմավորեն հին Նոր տարին/
Հայկական շատ ընտանիքներում չգրված օրենք է դարձել հունվարի 13—ի կեսգիշերին կրկին հավաքվելու տոնական սեղանի շուրջ եւ դիմավորելու հին տոմարով Նոր տարին, իհարկե՝ ոչ այնպիսի ճոխությամբ ու առատությամբ, ինչպես դեկտեմբերի 31—ի կեսգիշերին։ Ընտանիքների մեծ մասը միայն հին Նոր տարին դիմավորելուց հետո է հավաքում տոնածառը։
Հանրապետության տարբեր քաղաքներում եւ այլ բնակավայրերում այս ընթացքում կազմակերպվեցին տոնական հանդիսություններ՝ հատկապես մանուկների համար 2016—ի գալուստը անմոռանալի դարձնելու նպատակով։ Մայրաքաղաքում եւս հետաքրքիր ժամանցն ապահովված էր։ Ձմեռ պապերն ու Ձյունանուշները, երգիչներն ու պարային խմբերը Երեւանի վարչական շրջաններում ուրախություն էին պարգեւում հանդիսականներին։ Իսկ այսօր, ժամը 20—ին, Հանրապետության հրապարակում հայկական էստրադայի աստղերի մասնակցությամբ մեծ համերգով կնշվի հին Նոր տարվա գալուստը։
Հուսանք, որ այս դրական տրամադրությամբ էլ վաղվանից ձեռնամուխ կլինենք մեր ամենօրյա պարտականությունների կատարմանը՝ յուրաքանչյուրս իր տեղում նպաստելով մեր երկրի առջեւ ծառացած խնդիրների լուծմանը։