Նախագահ Սերժ Սարգսյանը երեկ ընդունել է հայկական երկաթուղու հավատարմագրային կառավարումն ստանձնած «Ռուսական երկաթուղիներ» ԲԲԸ նախագահ, «Հարավկովկասյան երկաթուղի» ՓԲԸ տնօրենների խորհրդի նախագահ Վլադիմիր Յակունինին։
Զրուցակիցները գոհունակությամբ ընդգծելով հայ—ռուսական հարաբերությունների բարձր մակարդակը՝ նշել են, որ երկկողմ ռազմավարական դաշնակցային գործընկերության կարեւոր բաղադրիչներից է տրանսպորտի բնագավառում համագործակցությունը։
Հանդիպմանը հանրապետության նախագահը եւ Վլադիմիր Յակունինը քննարկել են հայկական երկաթուղու ներկայիս վիճակին, զարգացման հեռանկարներին, կոնցեսիոն պայմանագրով «Ռուսական երկաթուղիների» ստանձնած պարտավորությունների կատարման ընթացքին վերաբերող հարցեր։
Հայկական երկաթուղու հավատարմագրային կառավարումն ստանձնած ընկերության նախագահը Սերժ Սարգսյանին ներկայացրել է հայկական երկաթուղու արդիականացման, տեխնիկական վերազինման ուղղությամբ իրականացված ներդրումները, ընթացիկ աշխատանքները, անդրադարձել նաեւ, ընդհանուր առմամբ, «Հարավկովկասյան երկաթուղի» ՓԲԸ գործունեությանը, խնդիրներին եւ զարգացման ծրագրերին։ Նախագահ Սերժ Սարգսյանը Հայաստանի տրանսպորտային ենթակառուցվածքի զարգացման եւ կոնցեսիոն պայմանագրով նախատեսված աշխատանքների հետեւողական կատարման գործում մեծապես կարեւորել է անձամբ Վլադիմիր Յակունինի դերը եւ ընդգծել, որ Հայաստանում պատրաստ են շարունակել այդ ենթակառուցվածքի բարելավման ուղղությամբ աշխատանքներն ու կ ... Կարդալ շարունակությունը »

ՀՀ նախագահ Սերժ Սարգսյանը շաբաթ օրը այցելեց մայրաքաղաքում «Ջերմուկ ինթերնեյշնլ Պեպսի–Կոլա բոթլեր» ընկերության «Պեպսի» շշալցման գործարան, որտեղ ներկա գտնվեց «Սանդորա» բնական հյութի արտադրության նոր հոսքագծի գործարկման արարողությանը, ծանոթացավ գործարանում իրականացված ներդրումներին, ընկերության զարգացման ծրագրերին։ Հանրապետության նախագահը շրջեց հոսքագծի գործարկման առիթով բացված տաղավարներում, գործարանի արտադրամասերում։
Պատասխանատուների հավաստմամբ, «Սանդորա» բնական հյութերը վաճառքի են հանվելու ինչպես Հայաստանում, այնպես էլ արտերկրում։ Նոր հոսքագծի գործարկմամբ կստեղծվեն նոր աշխատատեղեր։ Շրջայցից հետո hանրապետության նախագահը ներկա գտնվեց «Ջերմուկ գրուպ» ընկերության Ջերմուկ հանքային ջրի նոր գործարանի համար շշալցնող հոսքագծերի մատակարարման հուշագրի ստորագրման արարողությանը՝ ընկերության եւ KHS գերմանական ընկերության ներկայացուցիչների միջեւ։
Լրագրողների հետ զրույցում «Ջերմուկ ինթերնեյշնլ Պեպսի—Կոլա բոթլեր» ՍՊԸ գլխավոր տնօրեն Արշավիր Մինասարյանը նշեց, որ Հայաստանում «Սանդորա» բնական հյութերի արտադրությունը սկսելու պայմանավորվածությունը «Պեպսիկո» ընկերության եւ «Ջերմուկ ինթերնեյշնլ Պեպսի—Կոլա բոթլեր» ՍՊԸ բաժնետերերի միջեւ ձեռք է բերվել դեռ 2011թ.։ 2012թ. սեպտեմբերին կնքվել է պայմանագիր համաշխարհային ճանաչում ունեցող «ՏԵՏՐԱՊԱԿ» ընկերության հետ ... Կարդալ շարունակությունը »

Երեկ կայացել է ՀՀԿ գործադիր մարմնի նիստը, որը վարել է ՀՀ նախագահ, ՀՀԿ առաջնորդ Սերժ Սարգսյանը։
Քառյակի 12 կետանոց պահանջներում կան պոպուլիստական կետեր, որոնք իշխանության համար ընդունելի չեն։ Այս մասին նիստի ավարտից հետո լրագրողների հետ զրույցում ասել է ՀՀԿ խոսնակ Էդուարդ Շարմազանովը։ «Կան կետեր, որոնք ընդգրկված են կառավարության ծրագրում, ինչպես նաեւ կան կետեր, որոնք սահմանադրական բարեփոխումների առարկա են»,–«Արմենպրեսի» հաղորդմամբ՝ ասել է նա։ 
Կուտակայինի հարցով քառյակի առաջարկի վերաբերյալ ՀՀԿ խոսնակն ասել է, որ այդ հարցի վերաբերյալ արդեն կառավարությունն ու վարչապետն իրենց կարծիքը հայտնել են, իսկ առաջիկայում կլինի նոր օրենքը, որը կներկայացվի ԱԺ քննարկմանը։ Շարմազանովը նշել է, որ կան հարցեր, որոնք սահմանադրական բարեփոխումների առարկա են։ «Եթե մենք գտնում ենք, որ երկրում կա համակարգային բարեփոխումների անհրաժեշտություն, ապա դրա լավագույն ճանապարհը սահմանադրական բարեփոխումներն են»,– ասել է նա։
Անդրադառնալով 100 տոկոսանոց համամասնական ընտրակարգին անցնելու քառյակի առաջարկին՝ ՀՀԿ խոսնակն ընդգծել է, որ արդեն ԱԺ–ում այդ հարցով օրենսդրական նախաձեռնություն քննարկվել է, եւ քաղաքական մեծամասնությունն իր կարծիքը հայտնել է։ Շարմազանովն ընդգծել է, որ եթե ընդդիմությունը ցանկանում է, որ իր բոլոր պահանջներն ընդունվեն, ապա դրա լավագույն ճանապարհը 2017թ. խորհրդարանական ընտրություններն են։