Միջազգային հարաբերություններում, ցավոք սրտի, առկա են բաց թողնված հնարավորություններ։ Ռեջեփ Թայիփ Էրդողանի հայտարարությունը եւ դրան հաջորդած այլ բարձրաստիճան թուրք պաշտոնյաների մեկնաբանությունները Հայոց ցեղասպանության 99—րդ տարելիցի նախօրեին եւ հետո նման դեպքերից են։ «Ընդհանուր ցավի», «արդար հիշողության» շինծու դրույթները դժվար թե որեւէ մեկին կարող են մոլորեցնել։ Հատկապես երբ Ահմեդ Դավութողլուն է ընդգծում. «Էրդողանի հայտարարության հիմնական նպատակը Հայոց ցեղասպանության ճանաչման ուղղությամբ ամբողջ աշխարհում գործադրվող ջանքերի խափանումն է»։ Հաշտեցմանն ուղղված կոնկրետ քայլերի փոխարեն Հայոց ցեղասպանության միջազգային ճանաչման դեմ հանցակցության կոչեր են արվում։
Դժվար է գտնել մի ազգ, որը կարոտով կհիշի դարեր շարունակ կրած ճնշումներն իր նախնյաց հայրենիքում։ Ոչ մի ճնշված ազգ չի կարող կարոտով հիշել Օսմանյան կայսրությունը։ Ինչպես այլ կայսրություններ, Օսմանյան կայսրությունը ստեղծվել եւ բռնությամբ պահպանվում էր իր շատ քաղաքացիների հիմնարար իրավունքները եւ ազատությունները ճնշելու միջոցով։
Ապշեցուցիչ է քրիստոնյաների եւ մահմեդականների կրած տառապանքների վերաբերյալ արեւմտյան եւ թուրքական ընկ ... Կարդալ շարունակությունը »

Օրերս ԱՄՆ—ի Կալիֆորնիա նահանգը միացավ ամերիկյան 4 այլ նահանգներին՝ Լուիզիանային, Մեյնին, Մասաչուսեթսին եւ Ռոդ Այլենդին՝ ընդունելով Արցախ պետության կայացմանը սատարող բանաձեւ։ 
Սա բնականաբար Ադրբեջանին դուր չեկավ, եւ ԱԳՆ—ն անցյալ շաբաթ խստորեն դատապարտեց Կալիֆորնիայի օրենսդիր մարմնին բանաձեւի ընդունման համար, իսկ խոսնակ Էլման Աբդուլլաեւը արհամարհեց Արցախի բանաձեւը՝ այն անվանելով «ընդամենը մի թղթի կտոր»։ Սակայն «թղթի կտորից» այդպես չէին նեղսրտի։
«Կալիֆորնիա կուրիեր» թերթի հրատարակիչ եւ խմբագիր Հարութ Սասունյանը գրել է, որ Լոս Անջելեսում Ադրբեջանի գլխավոր հյուպատոսը խիստ քննադատել է տեղի հայ համայնքին, Կալիֆորնիա նահանգը եւ AJR 32—ը։ Բանաձեւը խափանելու իր ձախողումն արդարացնելու համար նա պնդել է, թե Կալիֆորնիայի սենատորները «իրենց ընտրական քարոզարշավների համար հսկայական ֆինանսական նվիրատվություններ» են ստացել «հայկական լոբբիից»՝ մոռանալով, որ ներկայացնում է աշխարհի ամենաբռնապետական վարչակարգերից մեկը, Ադրբեջանի գլխավոր հյուպատոսը հանդգնել է դաս տալ Միացյալ Նահանգների պաշտոնյաներին՝ «Ամերիկայի քաղաքական համակարգում առկա լուրջ բացթողման համար, որը հրատապ շտկման կարիք ունի»։
Սասունյանը ընդգծում է, որ Ադրբեջանի գլխավոր հյուպատոսը, նախքան նման անհիմն մեղադրանքներ ներկայացնելը, պետք է համացանցում փնտրեր, որպեսզի տեսներ, թե ինչքան գումար են ստացել Արցախի բանաձեւի համար քվեարկած 24 սենատորներն ամերիկահայերից ... Կարդալ շարունակությունը »

ՀՀ արտգործնախարար Էդվարդ Նալբանդյանը նախօրեին Անկարայում ներկա է գտնվել Թուրքիայի նորընտիր նախագահ Ռեջեփ Թայիփ Էրդողանի պաշտոնի ստանձնման արարողությանը։
«Հայաստանը դիվանագիտական առումով շատ ճիշտ քայլ է կատարել, եւ երկու պարագայում էլ՝ Թուրքիայի նախագահ Էրդողանը գա Հայաստան 2015թ. ապրիլի 24—ին, թե՛ մերժի հրավերը, Հայաստանը թե՛ դիվանագիտական, թե՛ բարոյական տեսանկյունից ավելի բարձր մակարդակի վրա կգտնվի»,–այս կարծիքին են եւ Գերագույն խորհրդի պատգամավոր Ազատ Արշակյանը, եւ «Ազգային անվտանգություն» կուսակցության նախագահ Գառնիկ Իսագուլյանը։ Քաղաքական գործիչները դրական են գնահատում նախագահ Սերժ Սարգսյանի՝ Թուրքիայի նախագահին հաջորդ տարի Երեւան հրավիրելն ու նաեւ ՀՀ արտաքին գործերի նախարար Էդվարդ Նալբանդյանի կողմից նամակ—հրավերը փոխանցելը։ Ըստ նրանց, Թուրքիան կհայտնվի բարդ վիճակում, քանի որ Հայաստանը նախաձեռնողական քաղաքականություն է վարում եւ հարեւան երկրի ղեկավարին դժվար կլինի բացատրել, թե ինչու է մերժում Հայաստանի հրավերը։ Ազատ Արշակյանը չի բացառել, որ գուցե Թուրքիայի նախագահը չգա, սակայն գուցե այլ քաղաքական բարձրաստիճան պաշտոնյա ապրիլի 24—ին կայցելի Երեւան։
«Միջազգային եւ անվտանգության հարցերի հայկական ինստիտուտի» հիմնադիր—նախագահ Ստյոպա Սաֆարյանի կարծիքով, Նալբանդյանի այցից մեծ ակնկալիքներ ունենալ պետք չէ։ Վերլուծաբանի համոզմամբ՝ Թուրքիայի նորընտիր նախագահի երդմնակալությանը ՀՀ ԱԳ նախարարի մասնակցությամբ պաշտոնական Երեւանը միանում է Թու ... Կարդալ շարունակությունը »

Ադրբեջանի կողմից հրադադարի խախտումների վերջին դեպքերի, ինչպես նաեւ Մեծ Բրիտանիայի կողմից Հայոց ցեղասպանության ճանաչման հարցերի շուրջ «Panorama.am»—ը զրուցել է Մեծ Բրիտանիայի խորհրդարանի Համայնքների պալատի անդամ Ստեֆան Փաունդի հետ։
Խոսելով Մեծ Բրիտանիայի կողմից Հայոց ցեղասպանության ճանաչման մասին, որը նա անձամբ բարձրացրել էր Անգլիայի խորհրդարանում, Ստեֆան Փաունդն ասաց, որ ցեղասպանության ճանաչման հիմնական քաղաքական խոչընդոտները մի կողմից թուրք—բրրիտանական կապերն են՝ այն, որ Թուրքիան եւ Անգլիան ՆԱՏՕ—ի անդամ երկրներ են, եւ որ Թուրքիայի դերը գնալով ավելի է մեծանում, հատկապես աշխարհում տիրող հակամարտությունների մեջ։ Մյուս կողմից Հայոց ցեղասպանությունը ճանաչելու դեպքում Անգլիան ստիպված պետք է լինի նաեւ ճանաչել դարասկզբի այլ ցեղասպանությունները, ինչպիսին է օրինակ իռլանդացիների ցեղասպանությունը։ Իսկ այն իրավական փաստարկը, որ ցեղասպանություն տերմինը սահմանվել է միայն 1946թ. եւ որ հետադարձ ուժ չի կարող ունենալ, Փաունդը համարում է զուտ անհեթեթ պատրվակ։ Սակայն ըստ նրա՝ որոշակի հույս այնուամենայնիվ կա, եւ նա շարունակելու է պայքարել, մինչեւ ցեղասպանությունը ճանաչվի Անգլիայի կողմից։
Խոսելով Ադրբեջանի կողմից վերջերս ավելի ագրեսիվ դարձած կեցվածքի ու հրադադարի խախտման դեպքերի մասին՝ Փաունդն ասաց. «Ադրբեջանը ձախողված պետություն է (failed state)՝ կաշառակերությամբ լի պետություն առանց քաղաքական լեգիտիմության, որը լիովին կոռումպացված է բոլոր մակարդակներում։ Այս պարագայում այն ամենը, ... Կարդալ շարունակությունը »

Ազատ, անկախ եւ զարգացման ժողովրդավարական ուղի բռնած Արցախի հանրապետությունն աշխարհում ամրապնդում է դիրքերը։ ԱՄՆ—ի ամենաազդեցիկ նահանգներից մեկի՝ Կալիֆորնիայի սենատը նախօրեին ձայների 23/0 հարաբերակցությամբ ընդունեց Լեռնային Ղարաբաղի անկախությունը եւ Արցախի ժողովրդի ինքնորոշման իրավունքը ճանաչող «AJR 32» բանաձեւը։ Այն սենատին ներկայացրեց սենատոր Քեւին դե—Լեոնը՝ նշելով, որ այդ տարածաշրջանը հայկական պատմական տարածք է եւ մոտ 100 տոկոսով բնակեցված է հայերով։ 
«Այս տարածաշրջանի էթնիկ հայերը չափազանց շատ են տառապել անցած դարում, եւ նրանց տառապանքները շարունակվում են նաեւ այս դարում։ Նրանք արժանի են ունենալ ազատ—անկախ հայրենիք՝ չգտնվելով հալածանքների վտանգի տակ։ Այս տարի մենք նշում ենք Առաջին համաշխարհային պատերազմի հարյուրամյակը, եւ մեր սովորած դասերից մեկն այն է, որ մի էթնիկ խումբը չպետք է իշխի մյուսի վրա»,–նշեց սենատորը։ Բանաձեւի օգտին ելույթ ունեցան նաեւ սենատորներ Թոմ Բերիհիլը եւ Ռիկարդո Լարան։
Մինչ այդ, 2014 թվականի մայիսի 8—ին Կալիֆորնիա նահանգի վեհաժողովը 72/1 ձայների հարաբերակցությամբ ընդունել էր Լեռնային Ղարաբաղի Հանրապետության անկախության մասին օրինագիծը, որը խրախուսում եւ աջակցում է որպես ազատ—անկախ պետություն զարգանալու ԼՂՀ շարունակական ջանքերին եւ կոչ անում ԱՄՆ նախագահին ու Կոնգրեսին՝ սատարել ԼՂՀ ժողովրդի ինքնորոշման իրավունքին ու ժողովրդավարական անկախությանը։ Բանաձեւի հեղինակն է ամերիկացի կոնգրեսական Մայք Գատոն։
Հայկակ ... Կարդալ շարունակությունը »

Աշխարհն աստիճանաբար ճանաչում է Արցախը որպես ժողովրդավարական պետություն

Ադրբեջանի իսկական դեմքն արդեն բոլորին հայտնի է։ Այս գործը գլուխ բերելու հարցում հիմնական դերակատարը Հայաստանն էր։ «Հայաստանը ցույց է տվել, որ բանակցելու ադրբեջանական «բարի ցանկությունը» օբյեկտիվ իրականությանը չի համապատասխանում։ Ադրբեջանն էլ ցույց տվեց, որ չի ցանկանում կոնֆլիկտը լուծել խաղաղ բանակցային ճանապարհով»,–երեկ նկատել է ԱՊՀ երկրների ինստիտուտի հայկական մասնաճյուղի տնօրեն, քաղաքագետ Ալեքսանդր Մարկարովը՝ ընդգծելով, որ Բաքուն ցույց տվեց այն ոչ արդյունավետ մոտեցումը, որն ունի կոնֆլիկտի ամբողջ հետպատերազմական բանակցային գործընթացի ժամանակ։
Սակայն Ադրբեջանի «բացահայտման» հարցում ադրբեջանական իշխանական օղակները չցանկացան մեզնից «ետ մնալ»։ Չնայած երկրի ներսում մարդու իրավունքների իրացման հարցում խոչընդոտներ չստեղծելու վերաբերյալ միջազգային հանրության զգուշացումներին՝ Բաքուն շարունակում է նույն գործելաոճով առաջ շարժվել։ Ադրբեջանի իշխանությունները ձերբակալել են հերթական ընդդիմադիր գործչին։ Այս անգամ ոստիկանական բաժանմունք է տարվել «Մուսավաթ» կուսակցության շրջանային կազմակերպության անդամ Սուբութայ Գուլուզադեն։ Այդ մասին ադրբեջանական «Յենի Մուսավաթ» պարբերականին տեղեկացրել է կուսակցության մեկ այլ անդամ՝ Թուրքալ Աբբասլին։ Երեկ երեկոյան էլ հայտն ... Կարդալ շարունակությունը »

Օգոստոսի 24—ին Իտալիայի Ռիմինի քաղաքում՝ Ժողովուրդների բարեկամության ամենամյա փառատոնի շրջանակներում, Սուրբ Աթոռում Հայաստանի Հանրապետության դեսպանության նախաձեռնությամբ եւ նրա հովանու ներքո կազմակերպվեց «Արեւելքի առակ. քրիստոնեությունը նոր հազարամյակի մարտահրավերների առջեւ» խորագրով լուսանկարների ցուցահանդեսի բացումը, հայտնում են ԱԳՆ մամուլի եւ տեղեկատվության վարչությունից։ Այն նպատակ է հետապնդում միջազգային հանրության ուշադրությունը հրավիրել Մերձավոր Արեւելքի՝ հազարամյակների արմատներ ունեցող քրիստոնյա համայնքների վիճակի վրա, որոնց գոյությունը վտանգի տակ է, ինչպես նաեւ՝ տարածաշրջանում քրիստոնեական մշակութային ժառանգության պահպանման անհրաժեշտության վրա։
Ցուցահանդեսում ընդգրկված են Միջին Արեւելքի ինը երկրներում արված լուսանկարներ, առանձին բաժին է կազմում Ջուղայի հայկական խաչքարերի ոչնչացումը փաստող վավերագրական ֆիլմը։
Առաջին իսկ օրվանից ցուցահանդեսն առաջացրել է հասարակության տարբեր շերտերի մեծ հետաքրքրությունը. բացման օրը ներկա են եղել Սուրբ Աթոռի բարձրաստիճան պաշտոնյաներ, Վատիկանում հավատարմագրված դիվանագետներ՝ գրանցվելով ութ հազար այցելու։
«Արեւելքի առակ. քրիստոնեությունը նոր հազարամյակի մարտահրավերների առջեւ» ցուցահանդեսը Ռիմինիում այցելուների համար բաց է մինչեւ օգոստոսի 30—ը, որից հետո այն կշրջի այլ քաղաքներում եւս, այդ թվում՝ Հռոմում։ Հռոմում ցուցահանդեսի բացումը նախատեսված է ս.թ. սեպտեմբերի 18—ին։
Նախօրեին Սուրբ Աթոռի տնտեսական հարցերո ... Կարդալ շարունակությունը »

Մերձավոր Արեւելքի քրիստոնյաների կյանքը լուրջ վտանգի տակ է։ Սիրիայում եւ Իրաքում քրիստոնյաների նկատմամբ իրականացվող հալածանքների նկատմամբ հատկապես զգայուն է հայկական համայնքը, որի՝ ցեղասպանությունից մնացած սպիները դեռ չեն ամոքվել։ Իտալիայի Ռիմինի քաղաքում օգոստոսի 24—30—ը կայանալիք հանդիպման շրջանակներում Վատիկանում ՀՀ դեսպանատան եւ Սուրբ աթոռի նախաձեռնությամբ տեղի կունենա հանդիսավոր ցուցադրություն՝ նվիրված արեւելայն քրիստոնյաներին։ «Արմենպրեսի» փոխանցմամբ՝ Սուրբ աթոռում Հայաստանի Հանրապետության արտակարգ եւ լիազոր դեսպան Միքայել Մինասյանը այս եւ հայերին առնչվող այլ խնդիրների մասին զրուցել է իտալական «Zenit» կայքի հետ։
–Պարո՛ն դեսպան, Ձեր ժողովուրդը սեփական մաշկի վրա է զգացել հալածանքների դառնությունը։ Ի՞նչ ուղերձ են Մերձավոր Արեւելքում քրիստոնյաների նահատակությունները փոխանցում աշխարհին։
–Քրիստոնյաների սպանությունները Մերձավոր Արեւելքում նոր երեւույթ չեն։ Ավելի քան հարյուր տարի մենք փորձել ենք աշխարհի ուշադրությունը հրավիրել գործընթացների եւ երեւույթների վրա, որոնք չեն ենթարկվում փաստերի տրամաբանական վերլուծության։ Այս մեծ տարածաշրջանում ընթացող արդիականացման գործընթացներն ավելի ու ավելի են դուրս գալիս մեր վերահսկողությունից։ Հարյուր տարի առաջ հայերի էթնիկ զտումներ են տեղի ունեցել Անատոլիայից մինչեւ Կովկաս, իսկ 1915 թվականի Հայոց ցեղասպանությունը մեկն էր այն նշաններից, իհարկե, ամենախորհրդանշականը, որ եկել է պատմական փաստերի բոլորովին այլ զարգացման ... Կարդալ շարունակությունը »

ՀՀ—ում Ֆրանսիայի դեսպանությունում Ֆրանսիայի Հանրապետության ազգային տոնի՝ Բաստիլի գրավման առիթով «Հայ—ֆրանսիական հարաբերություններ», «Եվրամիությունը եւ տարածաշրջանը» թեմաների շրջանակներում լրագրողները հանդիպեցին ՀՀ—ում Ֆրանսիայի արտակարգ եւ լիազոր դեսպան Անրի Ռենոյի հետ։ «Բաստիլի գրավումը կարեւոր էր ոչ միայն Ֆրանսիայի համար։ Բաստիլի խորհրդանիշն ավելի ընդգծված է, քան բուն իրողությունը»,–ասաց դեսպանը։
Այնուհետեւ անդրադարձավ լրագրողներին հուզող հարցերին։ Լեռնային Ղարաբաղի հակամարտության կարգավորման վերաբերյալ նշեց, որ կարգավորման հիմքը կարեւորագույն փաստաթուղթ հանդիսացող «Մադրիդյան սկզբունքներն» են եւ դրա պահպանումը, հատկապես դրա կետերից մեկը՝ ձեռնպահ մնալ ուժի կիրառումից եւ ուժի սպառնալիքից. «Հենց այս պատճառով ԵԱՀԿ Մինսկի խումբը կոչեր է անում հարգելու «Մադրիդյան սկզբունքները»։ Սա առաջին կարեւոր նախապայմանը կարելի է համարել ցանկացած բանակցային գործընթացի համար։ Եվ հենց այս կետի նշանակության կարեւորության տեսանկյունից է, որ Ֆրանսիան՝ որպես համանախագահող երկիր, կոչ է արել ձեռնպահ մնալ լարվածության շիկացումից սահմանին»։ Դիտարկմանն ի պատասխան, որ հայտարարությունները կոնկրետ ուղղված չեն Ադրբեջանին, թեեւ վերջին շրջանում գրեթե ամեն օր խախտում է հրադադարի ռեժիմը, դեսպանը հիշեցրեց դիվանագիտությունն ու դիվանագիտական լեզուն՝ հավելելով, որ դիվանագիտական լեզուն մի փոքր այլ է եւ տարբերվում է լրագրողականից. ... Կարդալ շարունակությունը »

Վերջերս Ադրբեջանում հակահայկական հռետորաբանության սրում է նկատվում, իսկ սահմանին էլ իրավիճակը լարված է։ ԵԱՀԿ Մինսկի խմբի համանախագահները հույս ունեն, որ լարվածության թուլացմանը կնպաստի Հայաստանի եւ Ադրբեջանի նախագահների հանդիպումը։
Կովկասի ինստիտուտի փոխտնօրեն, քաղաքագետ Սերգեյ Մինասյանն այս առումով նկատել է. «Այդ հանդիպումն ու տասնյակ նախորդ հանդիպումները միայն մեկ խնդիր են հետապնդում՝ պահպանել բանակցային գործընթացի շարունակականությունը»։
Նա նաեւ անդրադարձել է ԼՂ հակամարտության եւ ԵՏՄ մտնելու միջեւ եղած կապին եւ նշել, որ ղարաբաղյան հիմնախնդրի կարգավորման ուղղությամբ տարվող բանակցությունները որեւէ կապ չունեն Հայաստանի ինտեգրացիոն գործընթացի հետ, քանի որ դրանք ընթանում են ԵԱՀԿ Մինսկի խմբի եւ երեք համանախագահների շրջանում։ Այսօրվա աշխարհաքաղաքական իրավիճակում ղարաբաղյան հիմնախնդրի կարգավորման ուղղությամբ ԵԱՀԿ Մինսկի խմբի համագործակցությունը միակ ձեւաչափն է, որի շրջանակներում Ռուսաստանը, Ֆրանսիան՝ այսինքն Եվրամիությունը, ԱՄՆ—ն համագործակցում են։
Իսկ Եվրասիական տնտեսական միությանը Հայաստանի անդամակցության վերջնականացումը տեխնիկական խնդիրների հետ է կապված եւ ոչ թե աշխարհաքաղաքական հարցերի։ «Առավել եւս Հայաստանի անդամակցությունը ձգձգվում է այն պատճառով, որ տվյալ կազմակերպության համահիմնադիրներն իրար հետ ունեն լուրջ խնդիրներ, եւ շատ հաճախ Հայաստանի անդամակցության հարցը լծակ է դառնում, որը Բելառուսն ու Ղազախստանն օգտագործում են Ռուսաստանի հետ բանակցություն ... Կարդալ շարունակությունը »

Նախօրեին ԵԽԽՎ—ում Ադրբեջանի նախագահ Իլհամ Ալիեւի ելույթը հարթ չանցավ։ Ընթացքում ներս խուժեցին սեւ ժապավենով փակած բերաններով ու կրծքներին քաղբանտարկյալների նկարներ փակցրած մի խումբ երիտասարդներ։ Սակայն Ալիեւի համար դրանով ամեն ինչ չավարտվեց։ 
Ելույթից հետո ԵԽԽՎ պատգամավորները Բաքվի համար անցանկալի հարցեր հնչեցրին՝ Ալիեւին դնելով դժվար իրավիճակի մեջ, որտեղ նա կորցրեց դիվանագիտական վերջին կարողությունները՝ տալով պատվիրակներին լկտի պատասխաններ։ Սակայն տարբեր պատվիրակներ Ֆրանսիայից, Լատվիայից, Գերմանիայից, Միացյալ Թագավորությունից, Շվեյցարիայից, Իռլանդիայից, Դանիայից, Շվեդիայից, Էստոնիայից, Ֆինլանդիայից, ինչպես նաեւ Հայաստանի պատվիարկության ութ անդամները չհանդուրժեցին Ալիեւի պահվածքը եւ որոշեցին նրան իր տեղը ցույց տալ։
Նրանք ստորագրել են Նիդերլանդների ներկայացուցիչ Օմտցիգթ Պիտերի հեղինակած՝ Ադրբեջանի վերաբերյալ հայտարարության տակ, որում խստորեն քննադատվում է ադրբեջանական իշխանությունների կողմից սեփական պարտավորությունները եւ խոստումները կատարելու ցանկության բացակայությունը։
Հայտարարության մեջ ասվում է, որ Ադրբեջանում խոսքի, հավաքների ազատության իրավիճակի վատթարացման, շարունակական հետապնդումների, կամայական կալանքների եւ բանտարկությունների անհանգստացնող զեկույցները հաշվի առնելով, որոնք Ադրբեջանի իշխանությունները կիրառում են՝ լռեցնելու ընդդիմադիրներին եւ անկախ լրատվամիջոցներին, հասարակական կազմակերպությունների գործունեության սահմանափակումներն եւ քաղաքացիական հասարակո ... Կարդալ շարունակությունը »