Երեկ տեղի է ունեցել ՀՀ կառավարության հերթական նիստը, որը վարել է ՀՀ վարչապետ Հովիկ Աբրահամյանը, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետի նախաձեռնությամբ մեկ անգամ եւս քննարկվել է «Շրջանառության հարկի մասին» օրենքի փոփոխությունը, որը հարուցել է տնտեսավարող սուբյեկտների մի մասի դժգոհությունը (առանձին)։
Կառավարությունը հաստատել է նիստի օրակարգը եւ ձեռնամուխ եղել հարցերի քննարկմանը։
ՀՀ տնտեսության վրա համաշխարհային տնտեսության վերջին ժամանակաշրջանի զարգացումների բացասական ազդեցությունը չեզոքացնելու նպատակով ՀՀ կառավարությունը միջոցներ է ձեռնարկել արտարժութային կապիտալի ներհոսք ապահովելու նպատակով։ Օգտվելով միջազգային ֆինանսական շուկաներում ներկայումս ձեւավորված բարենպաստ միջավայրից, որը կարող է կարճաժամկետ լինել, գործադիրը նպատակահարմար է համարել արտարժութային պարտատոմսերի թողարկումը։ Այդ գործընթացը կազմակերպելու համար անհրաժեշտ է ունենալ միջազգային իրավախորհրդատու եւ գլխավոր տեղաբաշխող, որը համակարգում է տեղաբաշխման գործընթացը, իրականացնում մարքեթինգային ռազմավարությունը, պատասխանատու է պարտատոմսերի տեղաբաշխման համար։ Կառավարությունը որոշել է միջազգային իրավախորհրդատուի եւ գլխավոր տեղաբաշխողի ծառայությունների գնումն իրականացնել բանակցային ընթացակարգով, ՀՀ ֆինա ... Կարդալ շարունակությունը »

Ամեն տարի Հայաստանյայց առաքելական սուրբ եկեղեցին Առաջավորաց պահքի շաբաթ օրը նշում է հանուն հավատի նահատակված սուրբ Սարգիս զորավարի, նրա որդի Մարտիրոսի եւ 14 զինվորների տոնը։ Սուրբ Սարգիսը այն սրբերից է, ով առկա է եղել մեր կենցաղում, մշտապես եղել է մեր ավանդապատումներում՝ որպես սիրահարներին օգնության հասնող։
Ամենայն հայոց կաթողիկոսի տնօրինությամբ տարիներ առաջ Սուրբ Սարգսի տոնը հռչակվել է իբրեւ երիտասարդների օրհնության օր։
Տոնի առիթով այսօր սրբի անունը կրող եկեղեցիներում կմատուցվի ս. պատարագ, եւ բոլոր եկեղեցիներում կկատարվի երիտասարդների օրհնության հատուկ կարգ։
Մատենադարանից առաջնորդանիստ Սուրբ Սարգիս եկեղեցի կբերվի 17—րդ դարում Ավետիս երեցի կողմից Ս. Սարգիս եկեղեցում ընդօրինակված Ավետարանը, որը սրբի մասունքի հետ սուրբ պատարագի ընթացքում կդրվի սուրբ սեղանին, եւ հավատավոր ժողովուրդը կկարողանա հաղորդ լինել սրբի մասունքներին ու սուրբ Ավետարանին։ Ն. Ս. Օ. Տ. Տ. Գարեգին Բ Ամենայն հայոց հայրապետի արտոնմամբ Մայր Աթոռ Սուրբ Էջմիածնից առաջնորդանիստ Սուրբ Սարգիս եկեղեցի կբերվի սուրբ Սարգիս զորավարի մասունքակիր աջը։
Սուրբ Սարգսի տոնի կիզակետը կլինի խաչերթը, որը կմեկնարկի պատարագից հետո՝ Երեւանի Սուրբ Սարգիս եկեղեցուց ձգվելով դեպի Սիրահարների այգի։