ՄԵԾԱՄՈՐ METSAMOR CITY Շաբաթ, 23.09.2017, 02:34
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [439]
Կրթություն և գիտություն [33]
Մարզային [14]
Պաշտոնական [340]
Մշակույթ [13]
Հասարակություն [632]
Սպորտ [1]
Տեսակետ [34]
Տարածաշրջան [68]
Զանազան [130]
Քաղաքականություն [493]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2015 » Հոկտեմբեր » 22 » Հայաստանի եվրոպական օրակարգի լավագույն երաշխիք /Սերժ Սարգսյանը մասնակցել է Եվրոպական ժողովրդական կուսակցության համագումարին/
09:34
Հայաստանի եվրոպական օրակարգի լավագույն երաշխիք /Սերժ Սարգսյանը մասնակցել է Եվրոպական ժողովրդական կուսակցության համագումարին/

Աշխատանքային այցով Իսպանիայի Թագավորությունում գտնվող նախագահ Սերժ Սարգսյանը երեկ Մադրիդում մասնակցել է Եվրոպական ժողովրդական կուսակցության (ԵԺԿ) համագումարին։ Այն վարել է ԵԺԿ նախագահ Ժոզեֆ Դոլը։ Համագումարին մասնակցել են Եվրոպական խորհրդի եւ Եվրոպական հանձնաժողովի նախագահներ Դոնալդ Տուսկն ու Ժան—Քլոդ Յունկերը, ԵՄ անդամ եւ արեւելյան գործընկերներ երկրներից ԵԺԿ—ին անդամակցող կուսակցությունները ներկայացնող պետությունների եւ կառավարությունների ղեկավարներ։
Համագումարի օրակարգի շրջանակներում ԵԺԿ նախագահի ընտրություններն են, կուսակցության նոր ծրագրի, ինչպես նաեւ կանոնադրության փոփոխությունների քննարկումն ու հաստատումը։ Հոկտեմբերի 21—22—ը համագումարի պատվիրակների ուշադրության կենտրոնում են համաեվրոպական նշանակության հարցերը, նաեւ՝ փախստականների խնդիրները, տնտեսական ճգնաժամի հետեւանքները եւ դրանց հաղթահարման հնարավորությունները։ Անդրադարձ կլինի եվրոպական հարեւանության խնդիրներին, արեւելյան գործընկերության ոլորտում առկա զարգացումներին, միջազգային արդի մարտահրավերներին։
Հանրապետության նախագահը համագումարում հանդես է եկել ելույթով. «Հարգելի՛ գործընկերներ,
Նախ՝ ուզում եմ շնորհակալություն հայտնել ԵԺԿ նախագահ պարոն Ժոզեֆ Դոլին այս համագումարին մասնակցելու հրավերն ուղարկելու համար։ Շնորհակալ եմ, պարոն նախագահ։
Տիկնա՛յք եւ պարոնա՛յք,
Արեւելյան գործընկերության Ռիգայի գագաթնաժողովը ողջունեց Հայաստանի եւ Եվրամիության միջեւ գործակցության ապագա շրջանակի շուրջ նախնական պայմանավորվածություն ձեռք բերելը։ Այսօր ուրախ եմ նշելու, որ ԵՄ—ի հետ հարաբերություններում մենք հասել ենք հերթական պատասխանատու հանգրվանին. անցած շաբաթ Լյուքսեմբուրգում Եվրոպական միության խորհուրդը տրամադրեց Հայաստանի հետ հարաբերությունների նոր իրավական հիմքի ձեւավորման շուրջ բանակցություններ սկսելու մանդատը։ Լիահույս եմ, որ բանակցությունների արդյունքում մշակված փաստաթուղթը կուրվագծի փոխադարձ հետաքրքրություն ներկայացնող բոլոր ոլորտներում համապարփակ փոխգործակցությունը՝ դառնալով Հայաստան—ԵՄ հարաբերությունները նոր մակարդակի բարձրացնելու համատեղ հանձնառության լավագույն երաշխիք։
Անշուշտ, մեր ճանապարհն այսքան հարթ չէր լինի, եթե չլիներ մեր գործընկերների, այդ թվում նաեւ ԵԺԿ ընտանիքի աջակցությունը։ Լիահույս եմ, որ բանակցությունների ընթացքում եւս ԵԺԿ—ն մեր կողքին կլինի՝ դրանք հնարավորինս արագ ավարտին հասցնելու եւ արդեն նոր իրավական հիմքով Հայաստանի եվրոպական օրակարգը շարունակելու համար։
Մենք մեր երկրում շարունակում ենք զարգացնել ժողովրդավարական ինստիտուտները, իշխանության ճյուղերի հավասարակշռումը, մարդու իրավունքների պաշտպանությունն ու դատական համակարգի անկախությունը։ Այդ ուղղությամբ մենք մեծ քայլ ենք կատարել՝ նախաձեռնելով սահմանադրական բարեփոխումներ մեր երկրում, ինչն իրականացնում ենք Վենետիկի հանձնաժողովի հետ սերտ համագործակցությամբ։ Եթե մեր ժողովուրդը դեկտեմբերի 6—ին կայանալիք հանրաքվեի ժամանակ հավանություն տա սահմանադրական փոփոխություններին, ապա Հայաստանը կիսանախագահական կառավարման մոդելից կանցնի խորհրդարանական մոդելի, ինչն էլ ավելի արդյունավետ կդարձնի իշխանության տարբեր թեւերի փոխգործակցությունը, հիմքեր կստեղծի տնտեսության ավելի ինտենսիվ զարգացման համար, կբարձրացնի մարդու իրավունքների պաշտպանության մակարդակը, կուժեղացնի ընդդիմության ինստիտուցիոնալ դերակատարումը։ Հանրաքվեն դիտարկելու համար մենք հրավիրել ենք ԵՄ, ԵԽԽՎ, ԵԱՀԿ եւ այլ միջազգային կառույցների ներկայացուցիչների. վստահ եմ, որ ձեր մասնակցությամբ եւ ձեր լավագույն փորձով էլ ավելի կխթանեք Հայաստանում ժողովրդավարական գործընթացների առաջընթացը։
Հարգելի՛ ներկաներ,
Նախքան խոսքս եզրափակելը մեկ անգամ եւս նշեմ, որ հայ ժողովուրդը մեծապես գնահատում է Եվրոպական խորհրդարանի՝ Հայոց ցեղասպանությունը դատապարտող բանաձեւի ընդունման գործում ԵԺԿ ունեցած ներդրումը, ինչպես նաեւ ԵԺԿ քաղաքական համաժողովի կողմից Հայոց ցեղասպանության 100—րդ տարելիցին նվիրված՝ «Հայոց ցեղասպանությունը եւ եվրոպական արժեքները» բանաձեւը։ Սրանք գալիս են փաստելու, որ Եվրոպայի ժողովրդական կուսակցությունը՝ որպես Եվրոպական խորհրդարանում ներկայացված ամենամեծ քաղաքական խումբ եւ եվրոպական ինքնության ու գաղափարի առաջ մղող ուժ, անկախ ամենատարբեր քաղաքական նկատառումներից, հանձնառու է մարդու հիմնարար իրավունքների պաշտպանությանը։
Եվ վերջում, երկխոսության այս յուրատեսակ հարթակին մաղթում եմ շարունակական եւ արդյունավետ աշխատանք։
Շնորհակալություն»։
Դիտումներ: 26 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
avatar
Մուտքի ձև

Որոնել

Զամբյուղ
Ձեր զամբյուղը դատարկ է

Օրացույց
«  Հոկտեմբեր 2015  »
ԵրկԵրկՉրկՀնգՈւրՇբԿր
   1234
567891011
12131415161718
19202122232425
262728293031

Սոց ցանցեր

Ժամանակահատված

Copyright Metsamorcity.do.am © 2017