Նախագահ Սերժ Սարգսյանը երեկ ընդունել է Չեխիայի Հանրապետության Պատգամավորների պալատի նախագահ Յան Համաչեկի գլխավորած պատվիրակությանը։
Ողջունելով հյուրերին մեր երկրում՝ հանրապետության նախագահը նշել է, որ Չեխիան Հայաստանի կարեւորագույն գործընկերներից է Եվրոպայում, եւ մեր երկիրը շահագրգռված է խորացնելու հարաբերությունները բարեկամ Չեխիայի հետ։ Սերժ Սարգսյանը հույս է հայտնել, որ չեխ պատգամավորների այցը կնպաստի երկկողմ հարաբերությունների առավել ամրապնդմանը, ինչպես նաեւ լրացուցիչ խթան կհանդիսանա Հայաստանի եւ Չեխիայի օրենսդիր մարմինների միջեւ համագործակցության ընդլայնմանը։ Այցի շրջանակներում չեխ պատգամավորները, ըստ նախագահի, հնարավորություն կունենան նաեւ ավելի մոտիկից ճանաչելու հայ ժողովրդին ու Հայաստանը։
Հանրապետության նախագահը գոհունակությամբ է խոսել հայ—չեխական միջխորհրդարանական համագործակցության ներկայիս մակարդակի մասին, որն արտացոլվում է պատգամավորների ակտիվ փոխայցելություններով, երկու երկրների խորհրդարաններում գործող բարեկամության խմբերի սերտ փոխգործակցությամբ։ Նախագահը շնորհակալություն է հայտնել Չեխիայի խորհրդարանի Պատգամավորների պալատի արտաքին հարաբերությունների հանձնաժողովին՝ Հայոց ցեղասպանության վերաբերյալ բանաձեւը միաձայն ընդունելու համար, եւ նշել, որ տեղյակ է վաղը պարոն Համաչեկի գլխավորած պատվիրակության այցի մասին Ծիծեռնակաբերդի հուշահամալիր, որտեղ չեխ խորհրդարանականները հարգանքի տուրք կմատուցեն Հայոց ցեղասպանության զոհերի հիշատակին։
Յան Համաչեկը շնորհակալություն է հայտնել նախագա ... Կարդալ շարունակությունը »

Վերջին տարիներին Հայաստանում դատափորձագիտական գործունեության ոլորտը մեծ կարեւորություն է ձեռք բերել՝ պայմանավորված երկրում միջազգային առաջադեմ փորձի, միջազգային չափանիշների կիրառմամբ եւ ներդրմամբ։ Հայաստանի Հանրապետությունում դատափորձագիտական գործունեությունը կարգավորող օրենքի նախագծի հիմնադրույթներին նվիրված կլոր սեղան–քննարկման ժամանակ ասաց ՀՀ արդարադատության նախարար Արփինե Հովհաննիսյանը։
«Դատական փորձաքննությունների պատշաճ եւ ժամանակին իրականացումը, դրա արդյունքում սահմանված, բոլոր պահանջներին համապատասխանող եզրակացությունը քրեական, վարչական, քաղաքացիական գործերով պատշաճ արդարադատության կարեւորագույն գրավականներից են։
Նշված գործերով վարույթների կամ ընթացակարգերի շրջանակներում ապացուցման գործընթացում առավել կարեւոր դեր եւ նշանակություն է տրվում ժամանակակից գիտատեխնիկական նվաճումների վրա հիմնված մասնագիտական եզրակացություններին»,— նշեց նախարարը՝ հավելելով, որ դատական փորձաքննության պատշաճ եւ ժամանակին կատարումը կարեւոր է նաեւ անձի իրավունքների ապահովման տեսանկյունից։
Ա.Հովհաննիսյանի խոսքով, այսօրվա խնդիրները, հասարակական պահանջը պարտադրում են իրենց ունենալ իրավական ակտ, ոլորտը կարգավորող օրենք, որով պատասխան կտրվեն տեսական, գործնական բնույթի մի շարք խնդիրների։
Նախարարը նշեց, որ այդ օրենքը պետք է արտացոլի Հայաստանում իրականացվող դատաիրավական բարեփոխումների ընթացքը, համապատասխանի միջազգային չափանիշներին, փորձին։
Ըստ նրա՝ օրենքի նախագիծը կբարձրացնի դատակ ... Կարդալ շարունակությունը »

Ռուս—թուրքական զարգացումները չեն բերի ռազմական որեւէ գործողության ոչ Թուրքիայի, ոչ Ռուսաստանի կողմից, քանի որ այդ զարգացումները կլինեն վտանգավոր, կվերածվեն ՌԴ—ՆԱՏՕ միջեւ հակամարտության։ «Ռուսաստան—Թուրքիա հարաբերությունների սրացման ազդեցությունը Հարավային Կովկասի տարածաշրջանի վրա» թեմայով քննարկման ժամանակ ասաց ՀՀ պաշտպանութան նախկին նախարար Վաղարշակ Հարությունյանը։
Նա նշեց, որ այս երկու կողմերը խուսափել են ուղիղ հակամարտությունից։ «Այս գործընթացում չեմ տեսնում ռազմական զարգացում, բայց միաժամանակ կլինեն ռազմաքաղաքական զարգացումներ»,–ընդգծեց նա։
ԱԺ «Ժառանգություն» խմբակցության պատգամավոր, ՀՀ արտաքին գործերի նախկին նախարար Ալեքսանդր Արզումանյանի դիտարկմամբ, ՆԱՏՕ—ն խոհեմ վերաբերմունք ցուցաբերեց այս գործընթացում։ «Բոլորը սպասում էին, դրան էր ձգտում նաեւ Թուրքիան, որ ռուս—թուրքական հարթությունից խնդիրը տեղափոխվելու էր ՌԴ—ՆԱՏՕ հարթություն, ինչն ավելի էր բարդացնելու իրավիճակը։ ՆԱՏՕ–ի հայտարարությունը վախվորած չէր, հավասարակշռված էր, կոչ էր անում կողմերին գտնել ձեւեր եւ խնդրին դիվանագիտական լուծում տալ։ ՀԱՊԿ—ն այստեղ որեւէ անելիք չունի»,–ասաց նա։
Ա. Արզումանյանի կարծիքով, մեծ բախումներ չեն լինի երկու երկրների միջեւ, բայց կլինի հարաբերությունների սրացում, ավելի շատ՝ PR պատերազմ է, ակցիաներ։
Ըստ նրա, Հայաստանի արտաքին գործերի նախարարությունը ճիշտ է վարվում, որ որեւէ հայտարարություն չի անում. «Մինչ օրս եղել է պաշտպանության նախարարության հայտարարո ... Կարդալ շարունակությունը »

«Այո եւ ոչ » հեռուստապատումի հյուսիսային եւ հարավային թեւերի մասնակիցները երեկ ամփոփեցին քսանօրյա աշխատանքների արդյունքները։
Գեղարքունիքի մարզի Մարտունի քաղաքում «Այո եւ ոչ» հեռուստաիրապատումի վերջին օրվա ավարտին հյուսիսային թեւի մասնակիցները սեղանի շուրջ ամփոփեցին 20 օրերի աշխատանքը, հայտնում է «panorama. am»—ը։
Հիշեցնենք, որ այս թեւում ընդգրկված են «այո»—ի կողմնակիցներ, ՀՀԿ խմբակցության պատգամավորներ Սամվել Ֆարմանյանը, Մարգարիտ Եսայանը, ԲՀԿ—ական Միքայել Մելքումյանը, ՀՅԴ—ական Արթուր Եղիազարյանն ու «ոչ»—ի կողմնակիցներ, «Միտք» նախաձեռնության ներկայացուցիչ Վարդան Խաչատրյանը, «Հայազն» կուսակցության անդամ Արմեն Մկրտչյանը, «Ազատ դեմոկրատներ» կուսակցությունից Նարեկ Այվազյանը։
Նրանք վերջում միմյանց շնորհակալություն հայտնեցին՝ ասելով, որ իրարից շատ բան են սովորել, չնայած մի քանիսը խորհրդարանում միասին են աշխատել, սակայն նոր են ճանաչում իրար։
Մարգարիտ Եսայանի խոսքով՝ պայքարը տեղի ունեցավ զուտ գաղափարական դաշտում ու այն թեմայի շրջանակում, որի համար հավաքվել են։
«Այս քսան օրերին դուք ցուցաբերեցիք անբացատրելի կամքի ուժ, դիմադրողականություն, անբասիր վարք։ Այն խնդիրը, որ դրել էինք մեր առաջ, բոլորս պատվով իրականացրեցինք։ Ամենակարեւորը՝ մարդիկ տեսան, որ շրջադարձային փոփոխություն է  տեղի ունենում քաղաքականության մեջ»,–ասաց պատգամավորուհին։
Մ ... Կարդալ շարունակությունը »