Գլխավոր էջ » 2014 » Մարտ » 18 » Ղրիմը հայտարարվել է անկախ պետություն /Եվ դիմել է ՌԴ—ին՝ դաշնության կազմում ընդգրկելու խնդրանքով/
13:19
Ղրիմը հայտարարվել է անկախ պետություն /Եվ դիմել է ՌԴ—ին՝ դաշնության կազմում ընդգրկելու խնդրանքով/
Եռալեզու քվեաթերթիկները՝ ռուսերեն, ուկրաիներեն եւ ղրիմ—թաթարերեն, պարունակում էին երկու հարց. «Կո՞ղմ եք Ղրիմի միացմանը Ռուսաստանին Ռուսաստանի Դաշնության սուբյեկտի իրավունքի հիման վրա» եւ «Կո՞ղմ եք Ղրիմի Հանրապետության 1992թ. Սահմանադրության վերականգնմանը եւ Ղրիմի կարգավիճակին որպես Ուկրաինայի մի մաս»։ Հանրաքվեին մասնակցել է ընտրողների ընդհանուր թվի 83.1 տոկոսը, 96.77 տոկոսը կողմ է քվեարկել Ռուսաստանին միանալուն։ Ղրիմը հայտարարվել է անկախ ինքնիշխան պետություն՝ Ղրիմի Հանրապետություն։ Ղրիմի Հանրապետությունը՝ ի դեմս Գերագույն խորհրդի, դիմել է Ռուսաստանին՝ հանրապետության կարգավիճակով Դաշնության կազմում որպես սուբյեկտ ներառվելու առաջարկով։ Միջազգային դիտորդները հանրաքվեի վերաբերյալ դրական գնահատականներ են հնչեցրել՝ նշելով, որ այն համապատասխանել է միջազգային նորմերին եւ ժողովրդավարական ընթացակարգերին։ Եվրոպական երկրներն ու ԱՄՆ—ը հրաժարվում են ճանաչել Ղրիմի հանրաքվեի արդյունքները։ Ռուսաստանը պնդում է, որ հանրաքվեն համապատասխանում է միջազգային բոլոր օրենքներին։