Երեւանի «Անի» հյուրանոցում երեկ տեղի ունեցավ «Ժառանգություն» կուսակցության առաջնորդ Րաֆֆի Հովհաննիսյանի հրավիրած հավաքը, որտեղ նա պետք է պատասխան տար մի քանի հարցերի, մասնավորապես, թե որն է լինելու պայքարի հաջորդ հանգրվանը, պայքարի ինչ նոր միջոցներ ու մեթոդներ են որդեգրելու, ինչ ձեւաչափով են համագործակցելու քաղաքական մյուս ուժերի հետ եւ այլն։
Ր. Հովհաննիսյանը հետագա պայքարի համար մի քանի առաջարկներ ներկայացրեց։ Պայքարը լինելու է բազմակողմանի, ցանկացած միջազգային ամբիոնից ժողովրդի ձայնը հնչելու է։ Միջոցառումներ պետք է անցկացվեն ինչպես Հայաստանի, այնպես էլ Արցախի ու սփյուռքի բնակավայրերում, կրկին իր կողմնակիցների հետ մարզային շրջագայությունների դուրս կգա։
Ապա «Ժառանգություն» կուսակցության նախագահը հայտարարեց «Նոր Հայաստան» համաքաղաքացիական շարժման կազմավորման մասին։
«Ցանկանում եմ պաշտոնապես հայտարարել, որ ՀՀ քաղաքական դաշտում այս պահից ժողովրդի սահմանադրական պահանջով մեկնարկում է «Նոր Հայաստան» քաղաքացիական շարժում կազմավորելու գործընթացը»,–հայտարարեց նա։
Նրա խոսքով, շարժիչ ուժը ժողովուրդն է, որին կարող են միանալ բոլոր ընդդիմադիր կուսակցությունների ներկայացուցիչներ, սակայն նրանք պետք է վեր դասեն իրենց կուսակցական շահերը։
Հովհաննիսյանն իր ելույթում անդրադարձավ այլ քաղաքական ուժերին, որոնք չմիացիան պայքարին. «Որոշ անհատներ համարեցին, որ իրենք ավելի զորեղ են իշխանակարգի դեմ պայքարելու հարցում եւ ամրագրեցին առանձին ուղով ընթանալու իրենց որոշումը։ Ողջունում եմ եւ հաջողությո ... Կարդալ շարունակությունը »

«Ես կարող եմ ասել, որ վարչապետին կամ սիրում են, կամ չեն սիրում, կամ ընդունում են, կամ չեն ընդունում, սակայն ես չեմ տեսել մի մարդ, ով մեր վարչապետի նկատմամբ անտարբեր լինի»,–վարչապետ Տիգրան Սարգսյանի վերանշանակման մասին իր կարծիքը լրագրողներին հայտնեց ՀՀ կրթության եւ գիտության նախարարի պաշտոնակատար Արմեն Աշոտյանը՝ շարադրելով այն նախ՝ որպես ՀՀ քաղաքացի, հետո որպես Հանրապետական կուսակցության անդամ, ով պատիվ է ունեցել Տ. Սարգսյանի ղեկավարած կառավարությունում չորս տարի աշխատելու։ 
Արմեն Աշոտյանի խոսքով՝ չկա մի երկիր, որտեղ կառավարությունները կարողանան լուծել հասարակության առջեւ ծառացած բոլոր խնդիրները միանգամից, որտեղ կառավարություններին չքննադատեն, եւ որտեղ վարչապետի ֆիգուրը, անկախ անձից, չդառնա քաղաքական քննադատության առարկա։
«Այս ամենով հանդերձ խոստովանենք, որ Հայաստանի քաղաքական դաշտում շատ քիչ անհատականություններ կան, ինչպիսին Տիգրան Սարգսյանն է, եւ շատ քիչ անհատականություններ կան, ովքեր գիտելիքի, հմտությունների, արժեհամակարգի եւ մարդկային բնավորության նման միաձուլում կարող են կրել իրենց մեջ»,– ասաց նա։
Այդուհանդերձ, Արմեն Աշոտյանը մատնացույց անելով կրթության ոլորտը նշեց, որ պետք է հասկանալ՝ օբյեկտիվ քննադատության տեղ իրականում կա, օբյեկտիվ դժվարությունների խնդիր կա, ակնկալիքները մեծ են, աշխատանքները, որոնք սպասվում են, հսկայածավալ են. «Ես չեմ կարծում, որ Հայաստանի նման երկրում վարչապետի պաշտոն գրավելը նախանձելի գործ է»։
Այսօր, երբ հասարակական—քաղաքական կյանքում ականատես ենք լինում շատ ... Կարդալ շարունակությունը »

Էներգետիկայի բնագավառի կայուն զարգացման համար անհրաժեշտ է ոլորտում ունենալ մի համակարգ, որը կկարողանա արդյունավետ, տեսանելի ու դյուրին կառավարել ամբողջը։ Այդպիսի համակարգ կա. խոսքը Հայաստանի էներգահամակարգում տվյալների հավաքագրման եւ կարգավարական կառավարման SCADA (Supervisory Control And Data Acquisition) համակարգի մասին է, որը, ինչպես բացատրում են մասնագետները, մեր երկրի էներգետիկ ոլորտի համար կարեւոր նշանակություն ունեցող ծրագիր է։ Սրա հիմնադրման սկիզբը 2010թ. եղավ, եւ նախատեսված էր մի քանի փուլով իրականացնել, ու այսօր արդեն այնքան բնականոն է գործում, որ առանց դրա այլեւս դժվար է պատկերացնել համակարգի աշխատանքը։
Որպեսզի ավելի պարզ դառնա, թե ինչի մասին է խոսքը, հակիրճ ասենք ոչ մասնագիտական լեզվով. SCADA—ն երկու տասնյակից ավելի համակարգեր ներառող մի ամբողջական համակարգ է, որ ապահովում է մեր երկրի ամբողջ էլեկտրաէներգետիկական համակարգի կարգավորումը։ Ու ինչպես ծրագրի շահառու «Էլեկտրաէներգետիկական համակարգի օպերատոր» ընկերության ինժեներներն են բացատրում, ու ինչի ականատեսն եմ եղել, կարգավարական կենտրոնում մեծ տեսապատ է (մոնիտոր), որտեղ երկրի բոլոր էլհամակարգերը առանձին—առանձին ու միասին կարծես շնչում են, քանզի տեսապատի վրա երեւում է էլեկտրաէներգետիկական ամբողջ համակարգը, ու նաեւ մանրամասն տեղեկատվություն կարող ես ունենալ յուրաքանչյուր ... Կարդալ շարունակությունը »

Հայաստան–Եվրամիություն առեւտրային հարաբերությունները զարգանում են դինամիկ կերպով, սակայն ամեն ինչ դեռ առջեւում է։ Ասոցացման համաձայնագրի շրջանակներում Խոր եւ համապարփակ ազատ առեւտրի գոտու համաձայնագրի կնքումից հետո հարաբերությունները կթեւակոխեն որակական բոլորովին նոր փուլ՝ հնարավորություն տալով հայ արտադրողներին արտոնյալ պայմաններում իրենց արտադրանքը ներկայացնել Եվրամիության անդամ բոլոր երկրների շուկաներում։
Սակայն մինչ այդ Հայաստանն ու Եվրամիությունն ամփոփում են տնտեսական հարաբերությունների հերթական տարին։ Երեկ Երեւանում մեկնարկեց Հայաստան—ԵՄ առեւտրի, տնտեսական եւ համապատասխան իրավական հարցերով համագործակցության ենթակոմիտեի հերթական՝ 12—րդ նիստը։ Հայկական կողմից նիստի համանախագահն է ՀՀ էկոնոմիկայի փոխնախարար Գարեգին Մելքոնյանը, իսկ եվրոպական կողմից՝ Եվրոպական հանձնաժողովի Առեւտրի գլխավոր տնօրինության Եվրոպայի եւ Կենտրոնական Ասիայի բաժնի պետ Լյուք Պիեր Դեվինյեն։
Նիստի ընթացքում կողմերը կքննարկեն ընդհանուր մակրոտնտեսական զարգացումները Հայաստանում, միջազգային ֆինանսական հաստատությունների հետ համագործակցությունը, երկկողմ առեւտրին եւ ԵՄ Արտոնությունների ընդհանրացված եւ համալրված համակարգին (GSP+) վերաբերող հարցեր։ Կողմերը կանդրադառնան ստանդարտացման տեխնիկական կանոնակարգերի եւ համապատասխանության հավաստման, սանիտարական եւ բուսասանիտարական միջոցների, մտավոր սեփականության ... Կարդալ շարունակությունը »

2012թ. դրությամբ տեղեկատվական տեխնոլոգիաների (ՏՏ) ոլորտում 350—ից ավելի ընկերություններ են գործում։ Ոլորտում ներգրավված է մոտավորապես 7800 մասնագետ։ 2012թ. ՏՏ ոլորտի տարեկան շրջանառությունը կազմել է շուրջ 250 մլն ԱՄՆ դոլար։ 1998թ. ի վեր ոլորտում գրանցվել է տարեկան միջինը 25 տոկոս աճ։ Ոլորտն այսօր ապահովում է բարձր եկամտաբերություն եւ գրավիչ է խոշորածավալ օտարերկրյա ներդրումների համար։ Կառավարության գործունեության առաջնայնություններից մեկը եղել եւ մնում է ՏՏ—ի զարգացումը։ Երեկ գործադիրը նիստում հաստատեց ոլորտի խթանման ծառայությունների 2013թ. ծրագիրը։
Կառավարության աշխատակազմի ղեկավար Դավիթ Սարգսյանն ասաց, որ բնագավառում ներկայումս բազմաթիվ ծրագրեր են իրականացվում ոլորտի որակյալ կադրեր պատրաստելու եւ վերապատրաստելու, ոլորտում արտահանման եւ ներդրումների ծավալները մեծացնելու, ձեռներեցությունը խթանելու, սկսնակ ընկերությունների ձեւավորմանն աջակցելու եւ աշխատատեղեր ստեղծելու ուղղությամբ, որոնք ի վերջո կնպաստեն Հայաստանի տնտեսության արտադրողականության եւ մրցունակության բարձրացմանը, գիտելիքահենք տնտեսության ձեւավորմանը, օտարերկրյա ներդրումների ներգրավմանը, տեղական ընկերությունների արտադրանքի եւ ծառայությունների արտահանմանը ու Հայաստանի՝ որպես տեղեկատվական, հեռահաղորդակցման եւ բարձր տեխնոլոգիաներ ունեցող երկրի վարկանիշի բարձրացմանը։ Վերջին տասնամյակում կնքվել են փոխըմբռնման հուշագրեր եւ համագործակցության պայմանագ ... Կարդալ շարունակությունը »

Կառավարությունը երեկվա նիստում որոշեց համաձայնություն տալ Հայաստանի եւ Բելառուսի կառավարությունների միջեւ ատոմային էներգիայի խաղաղ օգտագործման նպատակով համագործակցության մասին համաձայնագրի կնքման առաջարկին։
Ինչպես տեղեկացրեց էներգետիկայի եւ բնական պաշարների նախարարի պաշտոնակատար Արմեն Մովսիսյանը, ատոմային էներգիայի հետազոտությունների ոլորտում ՀՀ—ի հետ համաձայնագիր ստորագրելու առաջարկը ստացվել է բելառուսական կողմից, համաձայն որի, բելառուսական կողմն առաջարկել է ստորագրել հիշյալ համաձայնագիրը։
«Ատոմային էներգիայի խաղաղ նպատակներով օգտագործումն օժանդակում է երկրների տնտեսության բազմակողմանի զարգացմանը, ինչպես նաեւ նպաստում է գիտատեխնիկական նորագույն մշակումների, առաջատար տեխնոլոգիաների ներդրմանը։ Ու հնարավորություն է տալիս պահպանելու օրգանական վառելիքի բնական պաշարները։ 
Եվ միաժամանակ այս համաձայնագրի ստորագրումն էլ հնարավորություն կտա համագործակցել մեր երկու երկրների տարածքներում միջուկային էներգաբլոկների կառուցման, դրանց անվտանգ շահագործման եւ տեխնիկական ցուցանիշների բարելավման, ռադիոակտիվ թափոնների վերամշակման եւ պահպանման, ԱԷԿ—ների անվտանգության ապահովման նորմատիվ—տեխնիկական փաստաթղթերի մշակման, միջուկային եւ ճառագայթային անվտանգության ու շրջակա միջավայրի պահպանության, բժշկության, արդյունաբերության եւ գյուղատնտեսության բնագավառներում միջուկային նյութերի ու տեխնոլոգիաների կիրառման, փորձի փոխանակման, կադրերի պատրաստման եւ վերապատրաստման բնագավառներում, գիտության ... Կարդալ շարունակությունը »

Առաջին դեպքում խաբելու, երկրորդում՝ պատասխանատվության ենթարկելու հարցն է

Կապուտաչյա հայեր դեռ ծնվում են։ Ավելին, այդ աչքերն այսօր բանակում հայոց աշխարհն են հսկում։ Սա ՌԴ հանրային պալատի անդամ, «Հանուն արդարադատության թափանցիկության» հասարակական կոմիտեի նախագահ Դենիս Դվորնիկովի պատասխանն էր իր հայրենակիցներից մեկի այն դիտարկմանը, թե Հայոց ցեղասպանությունից հետո մեր աչքերն այլեւս կապույտ չեն։ Խոսակցությունը երեկ կայացած «Հայոց ցեղասպանություն. պատմության դասերը եւ պայքար ճանաչման համար» թեմայով Երեւան– Մոսկվա տեսակամրջի շրջանակներում էր։ Տեսակամրջի ժամանակ եւս մեկ անգամ բարձրաձայնվեց, որ 1915թ. ոճրագործության թիրախում թեեւ հայերն էին, այդուհանդերձ, այն վերաբերում է բոլորին, որովհետեւ համաշխարհային պատմության մասն է կազմում։
«Հայոց ցեղասպանությունն իրականացվել է շուրջ մեկ դար առաջ, բայց դրա արձագանքները դեռ առկա են։ Այն դասերը, որոնք պետք է քաղեին, մինչեւ հիմա, ցավոք, չեն քաղել։ Մարդկության նկատմամբ հանցագործությունները մինչ օրս շարունակվում են։ Այդ պատճառով այս թեման դեռ արդիական է։ Եվ ամբողջ աշխարհը պետք է պայքարի Թուրքիային պատասխանատվության ենթարկելու համար»,– ասաց Հայոց ցեղասպանության թանգարան ինստիտուտի տնօրեն Հայկ Դեմոյանը։
ՀՀ ԳԱԱ արեւելագիտության ինստիտուտի տնօրեն Ռուբեն Սաֆրաստյանը պատահական չի համարում այն հանգամանքը, ... Կարդալ շարունակությունը »

Տիգրան Սարգսյանը, Էդվարդ Նալբանդյանը եւ Սեյրան Օհանյանը կշարունակեն պաշտոնավարել

Հայաստանի հանրապետական կուսակցության գործադիր մարմնի նիստում, որը վարել է Սերժ Սարգսյանը, որպես ՀՀ վարչապետի թեկնածու երաշխավորվել է Տիգրան Սարգսյանը։
Երեկ նիստի ավարտից հետո լրագրողների հետ հանդիպման ժամանակ այս մասին տեղեկացրեց ՀՀԿ մամուլի խոսնակ Էդուարդ Շարմազանովը։ «Նիստի ժամանակ միաձայն որոշվեց հաստատել ՀՀ նախագահի առաջարկը՝ վարչապետի պաշտոնում Տիգրան Սարգսյանի թեկնածությունը հաստատելու համար»,–«Արմենպրեսի» հաղորդմամբ՝ ասաց Շարմազանովը՝ վստահություն հայտնելով, որ առաջիկա տարիներին Տիգրան Սարգսյանը անթերի կկատարի իր պարտականությունները՝ օգտագործելով իր կուտակած փորձն ու գիտելիքները։
«Եթե մենք համոզված չլինեինք, որ Տիգրան Սարգսյանն այն վարչապետն է, ով ի զորու չի լինի լուծել երկրի առջեւ ծառացած խնդիրները, նրան չէինք առաջադրի։ Տիգրան Սարգսյանի կառավարությանը հաջողվել է երկիրը դուրս բերել ֆինանսատնտեսական ճգնաժամից եւ 7 տոկոս տնտեսական աճ գրանցել, ուստի կարծում եմ, որ նրա առաջադրումն օրինաչափ է եւ ընդունելի»,–ասաց նա։
Շարմազանովը տեղեկացրեց նաեւ, որ միաձայն որոշմամբ ՀՀ արտաքին գործերի նախարարի պաշտոնում հաստատվել է Էդվարդ Նալբանդյանի, իսկ պաշտպանության նախարարի պաշտոնում՝ Սեյրան Օհանյան ... Կարդալ շարունակությունը »

Ինչպես տեղեկացնում է Hraparak.am-ի, ականատեսների վկայությամբ, հնչել է երկու կրակոց: Դանակով զինված անձը փորձել է դիմել փախուստի, սակայն ոստիկաններից մեկը հասցրել է նրան վիրավորել:

Այս պահին ԱԺ մուտքի մոտ շտապօգնության մեքենա է կայանված և փորձում են վիրավորին հիվանդանոց տեղափոխել: Ոստիկանները հրաժարվում են որևէ տեղեկություն տրամադրել:

Tert.am –ին ԱԺ աշխատակազմի ղեկավար Գուրգեն Դումանյանն ասաց, որ որևէ մանրամասնի չի տիրապետում՝ ասելով «Դեռ պարզվում է»:

Երեկ ՀՀ Ազգային ժողովը շարունակեց հերթական քառօրյա նիստերի աշխատանքը եւ քվեարկությամբ ընդունեց նախորդ օրը քննարկված օրինագծերը, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։ Խորհրդարանն ընդունեց նաեւ ՀՀԿ խմբակցության ներկայացրած որոշման նախագիծը, որով առաջարկվում է 2013 թվականի ապրիլի 9–ին գումարել ՀՀ ԱԺ հատուկ նիստ եւ այն անցկացնել Երեւանի Կարեն Դեմիրճյանի անվան մարզահամերգային համալիրում։
Քվեարկությունների ավարտից հետո պատգամավորները շարունակեցին ՀՀ կառավարության ներկայացրած «Փողերի լվացման եւ ահաբեկչության ֆինանսավորման դեմ պայքարի մասին» ՀՀ օրենքում փոփոխություն կատարելու մասին» եւ կից օրինագծերի փաթեթի վերաբերյալ հարցեր ուղղել հիմնական զեկուցող, ՀՀ ԿԲ նախագահ Արթուր Ջավադյանին։
Հարցերից բացի, եղան նաեւ առաջարկներ. ԱԺ նախագահ Հովիկ Աբրահամյանը ԿԲ նախագահին առաջարկեց փաթեթից հանել այն նախագծերը, որոնք առնչություն չունեն ահաբեկչության դեմ պայքարի եւ փողերի լվացման հետ։
Փաթեթի վերաբերյալ ԱԺ պաշտպանության, ազգային անվտանգության եւ ներքին գործերի մշտական հանձնաժողովի դրական եզրակացությունը ներկայացրեց հանձնաժողովի նախագահ Կորյուն Նահապետյանը։
Նա տեղեկացրեց, որ փաթեթը մանրամասն քննարկվել է հանձնաժողովի նիստերում, արվել են մի շարք առաջարկներ, որոնք ընդունելի են համարվել հեղինակի կողմից։
Կարեւորելով նախագծերի փաթեթը՝ հ ... Կարդալ շարունակությունը »

Օգոստոսի 30—31—ը Թեհրանում տեղի ունեցավ Չմիացած երկրների շարժման 16—րդ գագաթնաժողովը, որին ներկա էին կազմակերպության 120 անդամ եւ 17 դիտորդ երկրների բարձրաստիճան պատվիրակությունները, ՄԱԿ—ի գլխավոր քարտուղարը, հայտնում են ԱԳՆ մամուլի եւ տեղեկատվության վարչությունից։ 
Գագաթնաժողովի աշխատանքներին Հայաստանի պատվիրակությունը գլխավորող ԱԳ նախարար Էդվարդ Նալբանդյանը օգոստոսի 31—ին հանդես եկավ ելույթով, որը որպես գագաթնաժողովի պաշտոնական փաստաթուղթ տարածվեց մասնակից պետությունների պատվիրակություններին։
Իր խոսքում նախարար Նալբանդյանը մասնավորապես նշեց. «Հանդիսանալով Չմիացած երկրների շարժման դիտորդ, Հայաստանը կիսում է այդ կազմակերպության արժեքները, որոնք հիմնված են ՄԱԿ—ի կանոնադրության նպատակների եւ սկզբունքների, մարդու հիմնարար իրավունքների հանդեպ հարգանքի վրա»։
Անդրադառնալով արցախյան հիմնախնդրին՝ Էդվարդ Նալբանդյանը, դիմելով ներկա բարձրաստիճան պատվիրակություններին, նշեց. «Համոզված եմ, որ կարեւոր է այս հարգարժան լսարանին ներկայացնել Ադրբեջանի կողմից գագաթնաժողովի հայտարարության 391—րդ պարբերության շուրջ իրականացված մանիպուլյացիաների վերաբերյալ իրողությունը։ Ադրբեջանը ընդամենը մեկ տարի առաջ դարձավ Չմիացած երկրների շարժման անդամ եւ արդեն փորձում է շահարկելով իր անդամակցությունը, թյուրիմացության մեջ գցել կազմակերպության անդամ երկրներին՝ ուղղորդելով նրանց միջազգային հանրության դիրքորոշումների դեմ։
Այս պարբերությունը հակասում է Լեռնային Ղ ... Կարդալ շարունակությունը »

Կուսակցություններից պատկառելի է ՀՀԿ—ի ներկայացվածությունը

Տեղական ինքնակառավարման մարմինները ցանկացած ժողովրդավարական կառույցի հիմքերից են։ Առանց խախտումների եւ տարատեսակ միջադեպերի համայնքային ընտրությունները շատ կարեւոր են ՏԻՄ ամրապնդման, զարգացման համար եւ եւս մեկ քայլ են դեպի եվրոպական չափանիշներ։ Սեպտեմբերի 9—ին ՀՀ մի շարք համայնքներում տեղի են ունենալու ՏԻՄ ընտրություններ՝ ընտրվելու են համայնքի ղեկավարներ ու ավագանու անդամներ։ 
ԿԸՀ նախագահ Տիգրան Մուկուչյանը ասուլիսի ժամանակ ներկայացրեց ընտրությունների նախապատրաստական աշխատանքների վիճակը։ Ըստ այդմ՝ համայնքներում առաջադրվել էր ընդհանուր առմամբ 5201 թեկնածու։ Մինչեւ օգոստոսի 30—ը՝ ինքնաբացարկ ներկայացնելու վերջին ժամկետը, ինքնաբացարկ են ներկայացրել 412 թեկնածու։ ՏԻՄ ընտրությունների քվեաթերթիկներում կլինի 4789 թեկնածու՝ 716—ը համայնքի ղեկավարի եւ 4073–ը ավագանու անդամի։ Սեպտեմբերի 9—ին կայանալիք ընտրություններին ամենամեծ համայնքը Գյումրին է՝ 79 տեղամաս, ամենափոքր համայնքը Սյունիքի մարզի Թաշունին, որն ունի 15 ընտրող, սակայն այնտեղ եւս կանցկացվեն ընտրություններ։ Մուկուչյանի խոսքով, ընդհանուր առմամբ թեկնածուներին գրանցելու հետ կապված խնդիրներ չեն եղել։ Մերժվել է միայն Հայկաձոր համայնքում մեկ ավագանու անդամի թեկնածուի դիմում, ում տարիքը չէր համապատասխանում ՏԻՄ ընտրությո ... Կարդալ շարունակությունը »