Հանդիւսավոր նիստին մասնակցել են Արմավիրի մարզում տեղակայված զինվորական կայազորի սպաներն ու զինվորները։ Արմավիրի մարզպետն ու Արմավիրի քաղաքապետը շնորհակալագրեր ու դրամական պարգեւներ են հանձնել մի շարք բարձրաստիճան սպաների ու պայմանագրային զինծառայողների։ Օրվա առթիվ Արմավիրի կայարանամերձ հրապարակում ծաղիկներ ու ծաղկեպսակներ են դրվել հայրենիքի պաշտպանության համար զոհվածների հիշատակը հավերժացնող հուշակոթողին։
Հանդիսավոր նիստը բացվեց տերունական աղոթքով, հանդիսավորությամբ ներս բերվեց Եռագույնը, հնչեց օրհներգը։ «Հայոց բանակը մեր ազգային նվաճումների մեծագույն արժեքներից է։ Նրա կուռ շարքերի եւ անսասան հիմքերի վրա են կերտվում մեր երկրի ներկան ու ապագան»,–նշեց Արմավիրի մարզպետ Աշոտ Ղահրամանյանը։
Բանակի կազմավորման ուղին լի է կորուստներով։ «Հարգանքով ու խոնարհումով ենք հիշում ժողովրդի աննկուն զավակներին, ովքեր հանուն ազգային միասնական հաղթանակի մարտի ելան ու անմահացան»,–ասաց մարզպետը։ Ներկաները մեկ րոպե լռությամբ հարգանքի տուրք մատուցեցին հայրենիքի փրկության ու պաշտպանության համար նահատակվածների հիշատակին։
Հայոց բանակի 20—ամյա հյոբելյանի կապակցությամբ Արմավիրի մարզպետ Աշոտ Ղահրամանյանը եւ Արմավիրի քաղաքապետ Ռուբեն Խլղաթյանը շնորհակալագրեր եւ դրամական պարգեւներ հանձնեցին մի շարք սպաների, իսկ ԱԺ պատգամավոր Նահապետ Գեւորգյանը Արմավիրի մարշալ Հ. Բաղրամյանի անվան ուսումնական զորամասի հրամանատար գնդապետ Գեւորգ Ենոքյանին նվիրեց մարտական զենք։ hhpress.am

Սիրելի՛ հայրենակիցներ,
Պարոնա՛յք գեներալներ, սպաներ, զինվորներ,
Տիկնա՛յք և պարոնա՛յք,
Սրտանց շնորհավորում եմ ձեզ Հայաստանի Հանրապետության զինված ուժերի ստեղծման քսանամյակի կապակցությամբ:
Անկախ պետականության կորստից ի վեր հայ ժողովուրդը բազմաթիվ զինվորներ է ծնել, սակայն իր բանակն ունենալու բախտը չի ունեցել: Հայ մարտիկները, սպաներն ու գեներալներն իրենց անձնական սխրանքով ու նվիրումով փառք են բերել տարբեր երկրների, բայց մեր ժողովրդի քաջարի զավակները զրկված են եղել իրենց հայրենիքի շահերը և հայրենակիցների իրավունքները միասնաբար պաշտպանելու հնարավորությունից:
Քսան տարի առաջ մենք շրջեցինք պատմության անիվը: Այդ առանցքային ժամանակահատվածում մեր ժողովուրդը վերստեղծեց իր անկախ պետականությունը` ամբողջությամբ ստանձնելով պատասխանատվությունն իր իրավունքների ու ազգային շահերի պաշտպանության համար: Վերելքի այդ պատմական պահին կարևորագույն նվաճումներից մեկը հայոց բանակն էր:
Հայ ժողովրդի և մանավանդ արցախահայության գլխին կախված ցեղասպանության վերահաս վտանգը կանխելու անհրաժեշտություն կար: Բանակաստեղծման այդ բեկումնային իրադարձությունը ժամանակի պահանջն էր։
Մեր դատն արդար էր, և մենք պատրաստ էինք դիմակայության։ Գիտեինք, որ միայն մենք կարող էինք պաշտպանել ապրելու մեր իրավունքը: Սակայն մենք նաև քաջ գիտակցում էինք, որ հենց այդ իրավունքն ու արդարությունն էին մեզ ուժ ու կորով հաղորդում:
Անհանդուժողականության, չարության և կույր ատելության դեմ կռվի ելած կամավորները դարձան հայոց կանոնավոր բանակի կորիզը: Ազգային զարթոնքի պահին այդ կամավորներից շատերն իրենց կյանքը դրեցին հայրենիքի անվտանգության ու պաշտպանության զոհասեղանին:
Հավե՛րժ փառք նրանց, խոնարհում ու խնկարկում նրանցից յուրաքանչյուրի պայծառ հիշատակին:
Հարգելի՛ գեներալն ... Կարդալ շարունակությունը »