Այսօր՝ սեպտեմբերի 8-ին, Կառավարության հերթական նիստի վերջում իր հրաժարականի մասին հայտարարեց գործադիրի ղեկավար Հովիկ Աբրահամյանը:
ԼՈւՐԵՐ.com-ի թղթակցի փոխանցմամբ՝ վարչապետն իր հայտարարությունում ասաց, որ իր ամբողջ քաղաքական կենսագրության ընթացքում պայքարել է քաղաքական անջրպետի դեմ, աշխատել է համագործակցության կամուրջների կայացման համար:
Հովիկ Աբրահամյանն իր հայտարարությունում նշեց նաև, որ իր ղեկավարած կառավարությունը բաց է եղել ցանկացած երկխոսության, առողջ գաղափարի քննարկման համար և իրենք մեծ ջանքեր են գործադրել հասարակության բոլոր անդամների երկխոսություն ձևավորելու գործում:
«Ես որոշել եմ հրաժարական տալ և նոր կառավարություն ձևավորելու հնարավորութուն տալ Նախագահին»,- ասաց Աբրահամյանը:
Ստորև ներկայացնում ենք Հովիկ Աբրահամյանի խոսքը՝ կառավարության նիստում.
«2014 թ մայիսին Ազգային ժողովում կառավարության ծրագիրը ներկայացնելիս ես հատուկ շեշտադրեցի հանրային մտահոգություններին ականջալուր լինելու և համագործակցության վերաբերյալ իմ համոզմունքը: Իմ ամբողջ քաղաքական կենսագրության ընթացքում ես պայքարել եմ քաղաքական անջրպետների դեմ' աշխատելով համագործակցության կամուրջների կայացման համար:
Իմ կողմի ... Կարդալ շարունակությունը »

ՀՀ կառավարությունը հավանություն տվեց Տեղական ինքնակառավարման մարմինների մասին որոշման նախագծում փոփոխություններ կատարելու մասին հարցին:
Արդարադատության նախարարի տեղակալ Սուրեն Քրմոյանի խոսքով` փոփոխությունները բխում են 2015 թվականի դեկտեմբերի 6-ին ընդունված նոր Սահմանադրությունից: Ըստ այդմ, 3 հազար և ավելի բնակիչ ունեցող համայնքների համար սահմանվել է պարտադիր ինտերնետային պաշտոնական կայք ունենալու պարտավորություն:
«Սահմանվում է նաև վարչական ներկայացուցչի հաստիքի առկայություն բոլոր բնակավայրերի համար (նախկինում' 100-ից ավելի բնակիչ ունեցող բնակավայրերում), ինչպես նաև վարչական ներկայացուցչի կողմից համայնքի ավագանու նիստի մասնակցության և օրակարգում հարց ներկայացնելու հնարավորության ընձեռում: Սահմանադրության համապատասխանեցման դեպքում կլինի լիազորությունների ապակենտրոնացում, մասնավորապես, կրթության և առողջապահության բնագավառներում»,- ասաց փոխնախարարը:
Հանրակրթական դպրոցների գործունեության կազմակերպումն ու կառավարումը կհանձնվի 25 հազար և ավելի բնակիչ ունեցող համայնքներին, իսկ բժշկական ամբուլատորիաներն ամբողջությամբ կդառնան համայնքային ենթակայության: Նախատեսվում է համայնքում ներդնել սոցիալական աշխատողի ինստիտուտը, 5000-ից ավել բնակիչ ունեցող համայնքի համայնքապետարանի աշխատակազմում էլ կստեղծվի համայնքի սոցիալական աշխատողի հաստիք:lurer.com