Նախագահ Սերժ Սարգսյանը երեկ ընդունել է պաշտոնական այցով Հայաստանում գտնվող Հունաստանի Հանրապետության արտաքին գործերի նախարար Նիկոս Կոցիասին։
Ողջունելով հյուրին մեր երկրում՝ հանրապետության նախագահն ընդգծել է, որ հայ—հունական առնչությունները հազարամյակների պատմություն ունեն, եւ այդ պատմությունը լի է բարեկամության բազմաթիվ դրսեւորումներով, որի հիմքի վրա՝ Հայաստանի անկախացումից ի վեր անցած 25 տարիներին երկու պետությունները ձեւավորել են սերտ բարեկամական հարաբերություններ։
Նախագահ Սարգսյանը նշել է, որ Հայաստանի ցանկությունն է՝ ավելի խորացնել ու ընդլայնել առկա փոխգործակցությունը Հունաստանի հետ, ակտիվացնել քաղաքական երկխոսությունը, նոր թափ հաղորդել տնտեսական հարաբերություններին՝ հասցնելով դրանք քաղաքական հարաբերությունների առկա բարձր մակարդակին։
Հունաստանի արտգործնախարար Կոցիասը նշել է, որ այդ հարցում միանգամայն համաձայն է նախագահ Սերժ Սարգսյանի հետ եւ կարծում է, որ բարեկամական այն խորը զգացմունքները, որ տածում են հայ եւ հույն ժողովուրդները միմյանց նկատմամբ, անհրաժեշտ է ամրապնդել բոլոր ոլորտներում համագործակցություն զարգացնելով եւ վստահեցրել է, որ Հունաստանն ունի դա իրականացնելու քաղաքական կամք, որի համար առկա է նաեւ իրավական հիմք՝ ստորագրված ավելի քան երեք տասնյակ համաձայնագրեր ու պայմանագրեր։
Զրուցակիցները երկուստեք կարեւորել են կրթության, այդ թվում՝ ռազմական կրթության, մշակույթի, տնտեսության, տրանսպորտի, զբոսաշրջության եւ մի շարք այլ ոլորտներում համագործակցությունը շարունակելու եւ ամրապնդելու ուղղությամբ հետեւողական աշխատանքի իրականացումը։
Նախարար Նիկոս Կոցիասը ընդգծել է, որ առկա են բոլոր հնարավորությունները Հունաստանի եւ Հայաստանի միջեւ ռազմավարական հարաբերություններ եւ գործընկերություն հաստատելու համար։
Հ
...
Կարդալ շարունակությունը »
