ՄԵԾԱՄՈՐ METSAMOR CITY Կիրակի, 17.11.2019, 10:54
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [599]
Կրթություն և գիտություն [38]
Մարզային [14]
Պաշտոնական [462]
Մշակույթ [15]
Հասարակություն [800]
Սպորտ [1]
Տեսակետ [49]
Տարածաշրջան [79]
Զանազան [185]
Քաղաքականություն [627]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2013 » Հունիս » 19 » Համահունչ մոտեցումներ /ԱԳ նախարար Էդվարդ Նալբանդյանն այցելել է Իսպանիա/
10:13
Համահունչ մոտեցումներ /ԱԳ նախարար Էդվարդ Նալբանդյանն այցելել է Իսպանիա/

Երեկ տեղի ունեցավ ԱԳ նախարար Էդվարդ Նալբանդյանի այցելությունը Իսպանիա, հայտնում են ԱԳՆ մամուլի եւ տեղեկատվության վարչությունից։ 
Մադրիդում Էդվարդ Նալբանդյանի առաջին հանդիպումը Իսպանիայի արտաքին գործերի նախարար Խոսե Մանուել Գարսիա—Մարգալյոյի հետ էր։
Շնորհակալություն հայտնելով իր իսպանացի գործընկերոջը Մադրիդ այցելելու հրավերի համար՝ նախարար Նալբանդյանը նշեց, որ հայ—իսպանական հարաբերությունները փոխադարձ բարեկամության դրսեւորումներով դարերի պատմություն ունեն, ինչը լավ հիմք է հանդիսանում միջպետական հարաբերությունների զարգացման եւ ընդլայնման համար։
Ողջունելով Հայաստանի արտգործնախարարին՝ Իսպանիայի արտաքին քաղաքական գերատեսչության ղեկավարը վերահաստատեց իր պատրաստակամությունը գործուն քայլեր ձեռնարկելու տարբեր ոլորտներում բարեկամ Հայաստանի հետ համագործակցությունը ամրապնդելու եւ խորացնելու նպատակով։
Նախարարներ Նալբանդյանն ու Գարսիա—Մարգալյոն բովանդակալից զրույց ունեցան տարբեր բնագավառներում երկկողմ համագործակցության ընդլայնման ուղիների, միջազգային եւ տարածաշրջանային կազմակերպությունների շրջանակներում համագործակցության, առեւտրատնտեսական համագործակցության, մշակութային փոխանակումների խթանման վերաբերյալ, մտքեր փոխանակեցին միջազգային օրակարգի խնդիրների շուրջ։
Նախարարները պայմանավորվածություն ձեռք բերեցին քայլեր ձեռնարկել իրավապայմանագրային դաշտի ընդլայնման նպատակով։ Երկուստեք կարեւորվեց Երեւանում Իսպանիայի դիվանագիտական ներկայացուցչության հիմնումը։
Իսպանիայի արտգործնախարարի խնդրանքով նախարար Նալբանդյանը ներկայացրեց ղարաբաղյան հիմնախնդրի խաղաղ կարգավորման ուղղությամբ Հայաստանի եւ միջազգային հանրության կողմից ձեռնարկվող ջանքերը։
Նախարար Գարիսա—Մարգալյոն տեղեկացրեց տնտեսական ճգնաժամի հաղթահարման ուղղությամբ երկրի իշխանությունների կողմից իրականացվող քայլերը։ 
Հայաստանի եւ Իսպանիայի արտաքին քաղաքական գերատեսչությունների ղեկավարները մտքեր փոխանակեցին սիրիական ճգնաժամի կարգավորման ուղիների եւ այդ ուղղությամբ միջազգային հանրության ջանքերի, Իրանի միջուկային ծրագրի շուրջ բանակցային գործընթացի վերաբերյալ։
Նախարար Գարսիա—Մարգալյոն ընդունեց Հայաստանի արտգործնախարարի՝ Երեւան պատասխան այցելություն կատարելու հրավերը։ 
Էդվարդ Նալբանդյանն ու Գարսիա—Մարգալյոն ստորագրեցին «Հայաստանի Հանրապետության եւ Իսպանիայի Թագավորության միջեւ մշակույթի, կրթության եւ գիտության բնագավառում համագործակցության մասին համաձայնագիրը»։
Համաձայնագրով նախատեսված են երկու պետությունների պատմության եւ մշակույթի վերաբերյալ գրքերի հրապարակումներ, մատենագիտական նյութերի փոխանակումներ, համագործակցության զարգացում երաժշտության, բեմական արվեստի, թատրոնի, օպերայի, բալետի եւ այլ բնագավառներում, ինչպես նաեւ դերասանական խմբերի եւ մենակատարների փոխանակումներ։ 
Փաստաթղթով կողմերը պարտավորվում են հնարավորություն ընձեռել միմյանց քաղաքացիներին մուտք ունենալ պետական գրադարաններ, արխիվներ եւ այլ մշակութային, կրթական եւ գիտական հաստատություններ։
Նախատեսվում է համագործակցություն հաստատել երկու պետությունների գիտնականների, բարձրագույն ուսումնական հաստատությունների, գիտական, մշակութային հաստատությունների եւ գիտահետազոտական կենտրոնների միջեւ, օժանդակել դասագրքերի եւ այլ ուսումնական նյութերի փոխանակմանը պատմության, աշխարհագրության, մշակույթի, սոցիալ—տնտեսական զարգացման ոլորտներում։
Նույն օրը Էդվարդ Նալբանդյանը հանդիպում ունեցավ Սենատի նախագահ Պիո Գարսիա Էսկուդերո—Մարկեսի եւ Սենատի արտաքին հարաբերությունների հանձնաժողովի նախագահ Ալեխանդրո Մունյոս Ալոնսոյի հետ։ 
Հանդիպմանը քննարկվեցին հայ—իսպանական հարաբերությունների զարգացման, երկու երկրների խորհրդարանների միջեւ համագործակցությանը վերաբերող հարցեր։ Անդրադարձ կատարվեց միջազգային կազմակերպությունների խորհրդարանական վեհաժողովներում երկու երկրների պատվիրակությունների միջեւ փոխգործակցությանը։
Մադրիդում նախարար Նալբանդյանը այցելեց Զբոսաշրջության համաշխարհային  կազմակերպության կենտրոնակայան եւ հանդիպեց կազմակերպության գլխավոր քարտուղար Թալեբ Ռիֆային։
Ողջունելով Հայաստանի արտգործնախարարին՝ Թալեբ Ռիֆային նշեց, որ ջերմությամբ է հիշում անցյալ տարի Հայաստան կատարած իր երկու այցելությունները եւ բովանդակային քննարկումները ՀՀ նախագահ Սերժ Սարգսյանի հետ։ 
Հանդիպման ընթացքում ԶՀԿ գլխավոր քարտուղարն ընդգծեց, որ ՀՀ կառավարության կողմից տուրիզմը առաջնահերթություններից մեկը հռչակելը ճիշտ որոշում է, եւ վերահաստատեց կազմակերպության օժանդակությունը Հայաստանում զբոսաշրջության ոլորտում ձեռնարկվող քայլերին։
Նախարար Նալբանդյանը իր հերթին գոհունակությամբ նշեց, որ ԶՀԿ եւ Հայատանի միջեւ ձեւավորվել է ակտիվ համագործակցություն, եւ հայկական կողմը շահագրգռված է դրա առավել ընդլայնմամբ։ 
Նույն օրը Էդվարդ Նալբանդյանը հանդիպում ունեցավ հեղինակավոր քաղաքագիտական կենտրոն Մադրիդի ակումբում, որին ներկա էին իսպանական առաջատար քաղաքագետներ եւ փորձագետներ։
Հանդիպմանը Հայաստանի արտաքին քաղաքական գերատեսչության ղեկավարը իր խոսքում եւ հարցերին պատասխաններում հանգամանալից ներկայացրեց Իսպանիա իր այցելության նպատակներն ու արդյունքները, Եվրոպայի խորհրդում Հայաստանի նախագահության առաջնահերթությունները, միջազգային եւ տարածաշրջանային մի շարք խնդիրների վերաբերյալ Հայաստանի մոտեցումները, ղարաբաղյան հիմնախնդրի կարգավորման գործընթացը։ 
Ավարտելով այցելությունը՝ Էդվարդ Նալբանդյանը վերադարձել է Երեւան։

Կատեգորիա: Քաղաքականություն | Դիտումներ: 178 | Ավելացրեց: admin | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Հունիս 2013  »
ԵրկԵրկՉրկՀնգՈւրՇբԿր
     12
3456789
10111213141516
17181920212223
24252627282930

Սոց ցանցեր

Ժամանակահատված

Copyright Metsamorcity.do.am © 2019