Ապրիլի 9—ից ուժի մեջ մտնող սահմանադրական նոր կարգավորումների համաձայն՝ Հայաստանն անցում է կատարելու կառավարման խորհրդարանական համակարգի։ Մեր ապագա վարչապետի նստավայր է լինելու Բաղրամյան 26—ը, որը այժմ երկրի նախագահի նստավայրն է։ Իսկ ապագա նախագահի նստավայրը լինելու է Մաշտոցի 47—ը։ Գործադիրը երեկ գումարեց «Հայաստանի Հանրապետության կառավարության կառուցվածքի մասին» օրենքում կատարված փոփոխությունների ուժի մեջ մտնելուց առաջ վերջին նիստը։
Կառավարության երեկվա նիստից հետո արդարադատության նախարար Դավիթ Հարությունյանին հարց ուղղվեց՝ գո՞հ է արդյոք գործադիրի նիստերն այսուհետ փակ անցկացնելու փաստից՝ հաշվի առնելով, որ փակվելու գործում մեծ լումա ունի հենց ինքը։ «Այո՛, գոհ եմ»,—շատ հանգիստ ու ժպիտով ասաց նախարարը։ Եվ միաժամանակ հավելեց. «Ընդհանրապես, որեւէ քայլ, որ կատարում եմ, ես գիտակցում եմ, որ կարող եմ արժանանալ քննադատության, այնուամենայնիվ, փորձում եմ անել այն, ինչն իմ կարծիքով կօգնի, որպեսզի քննարկումները լինեն ավելի խորը, ավելի բովանդակալից, արդյունքում ավելի որակյալ որոշումներ ընդունվեն»։
Հապա ինչպե՞ս են աշխատելու լրագրողները, ի՞նչ են ներկայացնելու հանրությանը գործադիրի նիստերից։ «Այն ավանդույթը, ըստ որի նախարարները նիստից հետո իջնում ու ներկայացնում են կարեւորագույն հարցերի պատասխանները, ավելի համակարգված կլինի։ Այն, որ օրակարգը լինելու է բաց, եւ լրագրողները հնարավորություն կունենան ծանոթանալու օրակարգին, այդ առումով մենք ավելի պատասխանատու մոտեցում կստանձնենք, որպեսզի նվազագույնի հասցնենք վերջին պահին օրակարգի համալրումները»,—ասաց Դավիթ Հարությունյանը։
Լրագրողները դիտարկեցին, որ, այնուամենայնիվ, այնպես է լինելու, որ վարչապետն է որոշելու, թե որ հարցերն են հանր ... Կարդալ շարունակությունը »

Հանրապետության նախագահի հրամանագրերով, տարբեր բնագավառներում ներդրած ավանդի եւ արդյունավետ գործունեության համար, մի խումբ անձինք պարգեւատրվել են պետական բարձր պարգեւներով, շնորհվել է նաեւ պատվավոր կոչում։
Նախագահի նստավայրում մարտի 24–ին տեղի ունեցած հանդիսավոր արարողության ժամանակ հանրապետության նախագահը տարբեր բնագավառներում պարգեւի արժանացած անձանց հանձնել է պետական բարձր պարգեւները եւ շնորհակալություն հայտնել նրանց կատարած աշխատանքի ու նվիրումի համար, մաղթել նորանոր հաջողություններ եւ անսպառ եռանդ հետագա նպատակներն իրականացնելու ճանապարհին։
«Մեդալներ, կոչումներ, շքանշաններ հանձնելը հանրապետության նախագահի, թերեւս, ամենահաճելի պարտականությունն է։ Սակայն դա զուտ արարողակարգային միջոցառում չէ, եւ, ըստ իս, դրանում մեծ խորհուրդ կա։
Հայտնի ճշմարտություն է, որ տաշած քարը գետնին չի մնա։ Հայաստանի պետությունն առաջնորդվում է հենց այդ ժողովրդական իմաստնությամբ։ Ոչ մի լավ գործ աննկատ չի մնացել եւ չի մնալու։ Հայաստանում առկա ազատությունը, ամեն ինչ բաց ու ազնիվ քննարկելու հնարավորությունը մշտապես նպաստելու են արժանավորներին առանձնացնելու եւ խրախուսելու գործին։ Ակնհայտ է, որ յուրաքանչյուր պարգեւատրումից հետո արձագանքներ են լինում։ Մարդիկ իրենց համաձայնությունը կամ անհամաձայնությունն են հայտնում։ Բայց մենք առաջնորդվում ենք մի սկզբունքով, որ պետական մարմինները, որոնք քննարկում են թեկնածություններն ու ներկայացնում պարգեւատրման, ավելի քաջատեղյակ են, եւ նրանց կարծիքը մեզ համար վճռորոշ է։ Կարծում եմ, որ ավելի լավ է ինչ—որ պարագաներում արժանիքը մի քիչ ավելի բարձր գնահատել եւ խրախուսել, քան երկնչել որոշակի քննադատությունից եւ անտեսել մարդկանց կատարածը։
Վստահ եմ, որ վաստակի ճանաչումը կարեւոր է յուրաքանչյուրի համար, այդ թվում ն ... Կարդալ շարունակությունը »

Երեկ ԱԺ ճեպազույցների թեման «Ելք» դաշինքի ղեկավար Նիկոլ Փաշինյանի նախաձեռնած իշխանության համար պայքարի փողոցային տարբերակն էր, որից հրաժարվել էին դաշինքի մաս հանդիսացող երկու գործընկերները։ Այն երեկ քննադատության արժանացավ ճեպազրույցներին ներկա պատգամավորների կողմից։
ԱԺ ՀՅԴ խմբակցության քարտուղար Աղվան Վարդանյանն ասաց, որ յուրաքանչյուր կազմակերպություն, յուրաքանչյուր միավոր ինքն է որոշում իր պայքարի մեթոդները, ձեւերը, առաջնահերթությունները. «Զուտ անձի հետ կապված պայքարին ես չեմ հավատում, որովհետեւ հավատում եմ համակարգային փոփոխություններին, եւ համակարգերը պարտադրելու են իրենց լուծումները։ Երբ որ մենք ընդունում էինք այս նոր Սահմանադրությունը, եւ շատ քաղաքական ուժեր կա՛մ չէին մասնակցում, կա՛մ դեմ էին, կա՛մ ասում էին՝ ոչ մի բան իմաստ չունի, մենք այն ժամանակ էլ ասում էինք, որ, անկախ ձեր վերաբերմունքից, մենք ապրելու ենք այս Սահմանադրության պայմաններում, եւ այդ Սահմանադրության մեջ արդեն ակնհայտ էր, որ վարչապետի թեկնածու առաջադրելու իրավունք է ունենալու խորհրդարանական կայուն մեծամասնությունը եւ հայտնի էր, թե ինչ լիազորություններ է ունենալու վերջինս»։ 
Նա նշեց, որ գոհ են սահմանադրական փոփոխություններից եւ ավելացրեց, որ անփոխարինելի մարդիկ չկան, սակայն կան մարդիկ, ում փորձը, գիտելիքներն ու հմտություններն որոշ ժամանակահատվածում անհրաժեշտ են եւ կարող են ծառայել պետական շահերին. «Մենք այսօր ունենք քաղաքական մեծամասնություն, կոալիցիոն համաձայնագիր, եւ սեւով սպիտակի վրա գրված է, որ հանրապետության վարչապետի թեկնածության առաջադրումը վերապահված է հանրապետական կուսակցությանը, եւ դա բխում է Սահմանադրությունից։ Իսկ Սահմանադրությունը մեր կյանքն է կարգավորում. ուրիշ տարբերակ չի լինում»։ 
Ինչ վերաբերում է &la ... Կարդալ շարունակությունը »

Լիբանան կատարած պաշտոնական այցի շրջանակում վարչապետ Կարեն Կարապետյանը նախօրեի երեկոյան Լիբանանում Հայաստանի Հանրապետության դեսպանությունում հանդիպել է Լիբանանի հայ համայնքի ներկայացուցիչների հետ, հայտնում են ՀՀ կառավարության տեղեկատվության եւ հասարակայնության հետ  կապերի վարչությունից։ 
Վարչապետն իր ելույթում, մասնավորապես, նշել է.
«Հարգելի՛ հայրենակիցներ,
Ցանկանում եմ երկու խոսքով ձեզ տեղեկացնել, թե մեր այցի շրջանակում ինչի մասին ենք խոսել, ուր ենք հասել եւ նաեւ մի երկու խոսքով ասել՝ ոնց ենք պատկերացնում մենք մեր երկրի վաղվա օրը։ Նախ եւ առաջ մենք շատ բաց սրտով եւ շատ առարկայական օրակարգով էինք եկել Լիբանան։ Մեր շնորհակալությունն ենք հայտնել եւ արձանագրել ենք, որ ունենք իրականում բարեկամական, երկար պատմություն ունեցող շատ լավ հարաբերություններ, որ վերջին 25 տարվա՝ Հայաստանի անկախության տարիների ընթացքում մեր քաղաքական շփումները շատ բարձր մակարդակի վրա են։ Միեւնույն ժամանակ ֆիքսել ենք, որ մեր հարաբերությունների տնտեսական բաղադրիչը չափազանց հեռու է այն ներուժից, որը մեր երկու երկրներն ունեն։ Բոլոր հանդիպումների ժամանակ յուրահատուկ նշել ենք մեր հայրենակիցների, մեր համայնքի, մեր քույրերի եւ եղբայրների դերը, մեծագույն, կրիտիկական դերը, որն իրականում ձեւավորում է այսօրվա հայ–լիբանանյան հարաբերությունները։ Եվ նույնիսկ նման համեմատություն ենք արել, որ մեր համայնքը, մեր հայրենակիցները՝ լինելով նվիրյալ եւ պարտաճանաչ քաղաքացիներ Լիբանանում, իրենց կապը Հայաստան հայրենիքի հետ չեն խզում եւ ինչ–որ առումով դուք էլ եք մեր դեսպանները Լիբանանում, եւ Լիբանանի դեսպաններն են հայկական աշխարհում եւ Հայաստանում։
Մենք ներկայացրել ենք այն ծրագրերը, որոնցով հնարավոր է գործարար աշխարհը ներգրավել Հայաստան։ Մենք մասամբ պատմել ե ... Կարդալ շարունակությունը »

Երեկ ՀՀ Ազգային ժողովը շարունակել է հերթական նիստերի աշխատանքը։ ՀՀ ԱԺ նախագահ Արա Բաբլոյանի առաջարկով պատգամավորները մեկ րոպե լռությամբ հարգել են 2008թ. մարտի 1—ի զոհերի հիշատակը։
Պատգամավորները ընդունել են նախորդ օրը քննարկված օրինագծերն ու օրենսդրական փաթեթները։ Խորհրդարանը քվեարկությամբ մերժել է ՀՀ ԱԺ պատգամավորներ Միքայել Մելքումյանի, Նաիրա Զոհրաբյանի, Վահե Էնֆիաջյանի, Հրանտ Մադաթյանի, Գեւորգ Պետրոսյանի, Վարդան Բոստանջյանի եւ Շաքե Իսայանի հեղինակած «ՀՀ հարկային օրենսգրքում փոփոխություն կատարելու մասին» օրենքի նախագիծը։
Այնուհետեւ ՀՀ ԱԺ նախագահ Արա Բաբլոյանը տեղեկացրել է, որ 2015 թվականի փոփոխություններով Հայաստանի Հանրապետության Սահմանադրության 125—րդ հոդվածի 3—րդ մասով եւ «Ազգային ժողովի կանոնակարգ» Հայաստանի Հանրապետության սահմանադրական օրենքի 139—րդ հոդվածի 4—րդ մասով սահմանված կարգով Հայաստանի Հանրապետության Ազգային ժողովի «Հայաստանի Հանրապետական կուսակցություն» եւ «Հայ յեղափոխական դաշնակցություն» խմբակցությունների 65 պատգամավորների գրավոր դիմումով հանրապետության նախագահի պաշտոնում առաջադրվել է Արմեն Սարգսյանը։
ՀՀ ԱԺ ՀՀԿ խմբակցության ղեկավար Վահրամ Բաղդասարյանը, ներկայացնելով թեկնածուին, անդրադարձել է նրա անցած ուղուն եւ մասնագիտական գործունեությանը։ Մեջբերելով Սերժ Սարգսյանի խոսքերը՝ նա ասել է, որ հանրապետության նախագահը պետք է լինի այն մարդը, ով ունի անցած ճանապարհ, ճանաչում եւ կարող է պատշաճ մակարդակով ներկայացնել երկիրը եւ ներսում, եւ դրսում։ Նախագահը պետք է ունենա լայն կապեր թե՛ սփյուռքում, թե՛ Հայաստանում, վայելի հեղինակություն եւ որ ամենակարեւորն է՝ անկողմնակալ մարդ լինի, ով երբեք քաղաքականությամբ չի զբաղվել եւ կուսակցության անդամ չի եղել. ... Կարդալ շարունակությունը »

Հայաստանի Հանրապետությունում գրանցված դեղերի մի մասը մարտի 1—ից բոլոր դեղատներում բաց է թողնվում միայն դեղատոմսով։ Դրանք են՝ հակավարակային միջոցները, այդ թվում՝ հակաբիոտիկները, հորմոնալ եւ հսկվող նյութեր պարունակող դեղերը։
Որոշ հարցերի շուրջ «ՀՀ»–ին պարզաբանումներ տվեց ՀՀ ԱՆ դեղորայքային քաղաքականության բաժնի պետ Անահիտ Մկրտչյանը։ Նա հավատացրեց՝ ոչ միայն Հայաստանում, այլեւ ամբողջ աշխարհում դեղերի բացթողնման կարգավիճակը դեղատոմսով, թե առանց դեղատոմսի որոշվում է դեղերի բացթողնման պահին։
Դեղատոմսով բացթողնման դեղերը ըստ մասնագետի, պարունակում են հատուկ քիմիական նյութեր եւ ունեն արտահայտված հակացուցումներ, հատուկ բուժական նշանակություն, հատուկ մասնագիտական մոտեցում։ Ուստի նման բաղադրություն պարունակող դեղերը պետք է անշուշտ բաց թողնվեն միայն բժշկի նշանակմամբ։ Յուրաքանչյուր դեղ յուրովի է եւ, կախված տարիքային խմբից, հիվանդության վիճակից, հիվանդին ուղեկցող այլ հիվանդություններից, ցուցումներից ու հակացուցումներից, պետք է միայն համապատասխան մասնագետը նշանակի։ Կան դեղեր, որոնք տարբեր փուլերում նշանակման իրենց չափաբաժինն ունեն եւ ենթակա են փոփոխման, վերահսկման միայն բժշկի ցուցմամբ։
Այն դեղերը, որոնք ենթակա են ազատ վաճառքի, ունեն ապացուցված արդյունավետություն, քիչ հակացուցումներ, եւ քաղաքացիները նախկինի նման մրսածության, ատամնացավի եւ գլխացավի խնդիրների դեպքում դեղահաբեր կարող են առանց դեղատոմսի ձեռք բերել։
«Առաջին օգնության ցավազրկողները՝ անալգին, ասկոֆեն, պարացետամոլ, իբուպրոֆեն, առաց դեղատոմսի բաց թողնվող դեղերն են։ Օրվա ցանկացած ժամի դրանք քաղաքացիներին կտրվի առանց խոչընդոտների»,–վստահեցրեց ԱՆ ներկայացուցիչը։ Ինչ վերաբերում է մեկ այլ ցավազրկող սոլպադեինի՝ դեղատոմսով բացթողնման պահանջին, ապա Ան ... Կարդալ շարունակությունը »

Ազատության հրապարակում երեկ տեղի ունեցավ հանրահավաք՝ նվիրված 2008թ. մարտի 1—ի իրադարձությունների 10—րդ տարելիցին։ ՀԱԿ—ի եւ ՀԺԿ—ի կազմակերպած հանրահավաքին միացել էին նաեւ «Ելք» դաշինքը, «Ժառանգություն» կուսակցությունը, արտախորհրդարանական մի շարք այլ ուժեր։ Ելույթ են ունեցել ՀԱԿ—ի անդամներ Արամ Մանուկյանը, Լեւոն Զուրաբյանը, ԱԺ «Ելք» խմբակցության ղեկավար Նիկոլ Փաշինյանը։ Այնուհետեւ տեղի ունեցավ երթ։
Երթի մասնակիցները Մաշտոցի պողոտայով շարժվեցին դեպի Մյասնիկյանի արձանի մոտ, ծաղիկներ դրեցին՝ հարգելով մարտի 1—ի զոհերի հիշատակը։ Երթն ուղեկցող ոստիկանները նույնպես ծաղիկներ դրեցին՝ ի հիշատակ զոհերի։
Նախքան հանրահավաքը Ս. Սարգիս եկեղեցում մատուցվել է հոգեհանգստյան կարգ՝ ի հիշատակ զոհերի։ Օրվա ընթացքում կազմակերպվել են քննարկումներ, որոնց մասնակցել են իրավապաշտպաններ, պատմաբաններ, քաղաքական գործիչներ։
ԱԺ—ում լրագրողների հետ զրույցում ՀՀԿ խմբակցության անդամ Սամվել Ֆարմանյանը մարտի 1—ի դասերի վերաբերյալ ասել է. «Մենք, որպես հասարակություն, պետք է սերտենք այն դասը, որ դատապարտված ենք բացառելու նոր բաժանարար գծերի առաջացումը մեր հանրության ներսում, ատելության եւ փոխադարձ անհանդուրժողականության կրկնությունը։ 
Սա է ամենամեծ դասը, որ մենք պարտավոր ենք սերտել եւ հասկանալ»։

Երեկ ԱԺ—կառավարություն հարցուպատասխանի ժամանակ «Ծառուկյան» խմբակցությունը մի քանի հարց ուղղել էր ՀՀ կրթության եւ գիտության նախարար Լեւոն Մկրտչյանին։
Խմբակցության անդամ Վարդան Բոստանջյանը հիշեցրեց, որ փետրվարի 21—ին ԱԺ լսումներ անցկացվեցին բարձրագույն կրթությանը վերաբերող օրինագծի մասին, ապա հետաքրրքվեց, թե հնչած բազմաթիվ առաջարկություններից որեւէ բան նախագծում ներառվել է, թե ոչ։ «Եղած առաջարկությունների պարագայում ինչ վերաբերմունք է ցուցաբերում կառավարությունը»,—հարցրեց նա։
Նախարար Մկրտչյանը նշեց, որ մտահոգությունները փոխադարձ են։ «Եթե օրենքը չկրի անհրաժեշտ դրական փոփոխությունները՝ որակ ապահովելով, ապա վատ վիճակի մեջ կհայտնվեն եւ գիտությունը, եւ բարձրագույն կրթության ապագան»,—ասաց նա եւ նշեց, որ այժմ ամփոփում են օրինագիծը, եւ ԱԺ հերթական նիստի ժամանակ քննարկում կլինի։ «Եվ հարցադրումների պատասխաններն ունենք, եւ միջազգային փորձն ենք նայել»,—ասաց նա։ 
Բոստանջյանն արձագանքեց, թե ինչո՞ւ պետք է Համաշխարահային բանկը օրենք մշակի եւ «տարիքային ցենզից ելնելով սահմափակում մտցվի»։ Նախարարը նշեց, որ օրենքը գրվել է ՀՀ—ում, իսկ Համաշխարհային բանկը գրված օրենքը ենթարկել է փորձաքննության, այն էլ՝ իրենց խնդրանքով։ Ըստ նախարարի՝ բարձրագույն կրթությամբ աշխարհում հայտնի վեց փորձագետ են մասնակցել, ովքեր բարեփոխումներ են իրականացրել տարբեր երկրներում։
Խմբակցության մյուս անդամ, ԱԺ փոխխոսնակ Միքայել Մելքումյանը եւս հարց ուղղեց բարձրագույն կրթության օրենքի հետ կապված։ Նա նշեց, որ կազմակերպված լսումներին 24 ելույթից 23–ը մտահոգություն են պարունակել օրենքի վերաբերյալ. «Բացի դրանից՝ ստանում ենք տարբեր հեռախոսազանգեր, նամակներ, եւ ես կարծում ե ... Կարդալ շարունակությունը »

Երեկ Աժ—ում ընտրվեցին Բարձրագույն դատական խորհրդի (ԲԴԽ) անդամները։ Լրագրողների հետ զրույցում ԱԺ ՀՀԿ խմբակցության անդամ Հրայր Թովմասյանը նշեց, որ խորհուրդն էականորեն բարձրացնում է դատավորների ներքին անկախությունը թե՛ դատարանների նախագահներից, թե՛ ավելի բարձր ատյաններից։ «Ես համաձայն չեմ, որ մեր արդարադատության մակարդակը շատ վատն է, եւ հավատացած եմ, որ շատ կարճ ժամանակահատված հետո դրա նկատմամբ եղած վերաբերմունքն էականորեն փոխելու ենք։ Վստահ եմ, որ դատավորների ընտրության համակարգի փոփոխությունները իրենց արդյունքը կտան»,–ասաց նա՝ նշելով, որ ունենք միջազգային մակարդակի փայլուն դատավորներ, որոնք ե՛ւ լեզուներ գիտեն, ե՛ւ տիրապետում են միջազգային իրավունքին։
Նաեւ ասաց, որ արդարադատության ակադեմիայի ստեղծմամբ կարգավորվեցին մի քանի խնդիրներ՝ կապված ինչպես դատավորների վերապատրաստման, այնպես էլ նրանց ընտրության ողջ ընթացակարգի հետ։ Թովմասյանը կարեւորեց իրավաբանական կրթության ոլորտի բարեփոխումը, որովհետեւ, նրա համոզմամբ, մտածող իրավաբաններ ունենալու ժամանակն է։ Նա կարծում է, որ անհրաժեշտ է նաեւ իրավաբանի կարգավիճակի վերաբերյալ պատկերացումների փոփոխություն։ «Պատկերացում կա, որ լավ իրավաբանը շատ օրենքներ եւ դրանց բովանդակությունն իմացող իրավաբանն է, սակայն իրականում կարեւորն իրավունքի ընկալումն է»,– ասաց նա՝ նշելով, որ դա մի խնդիր է, որը վերաբերում է իրավաբանական կրթություն պահանջող բոլոր մասնագիտություններին։ Թովմասյանը նշեց, որ 2019–ից ուժի մեջ կմտնի դատական օրենսգրքի այն դրույթը, ըստ որի դատավորի հավակնորդը պետք է տիրապետի երկու օտար լեզվի, ինչը հնարավորություն կտա քաջատեղյակ լինելու միջազգային իրավունքին։ Հրայր Թովմասյանն ասաց, որ այդ ամենն էականորեն պետք է բարձրացնեն արդարադատության համակարգի որակը. «Մենք այլ ճան ... Կարդալ շարունակությունը »

ԱԺ ճեպազրույցների ժամին ներկա երեք՝ «ՀՅԴ», «Ելք» եւ «ՀՀԿ» խմբակցությունների ներկայացուցիչներն անդրադարձան Հայաստանի ներքաղաքական կյանքին վերաբերող հարցերին։

«ՀՅԴ» խմբակցության ղեկավար Արմեն Ռուստամյանը կարծիք հայտնեց, որ խորհրդարանական համակարգին անցնելով՝ Հայաստանն ավելի ժողովրդավարական է դարձել։ Նա նշեց, որ նման կարծիքի են միջազգային հանրության շատ ներկայացուցիչներ. «Իսկապես, Հայաստանն ավելի ժողովրդավարական համակարգ է ընտրել, անցում է կատարվել ավելի ապակենտրոնացված համակարգի, այդ ապակենտրոնացումը պետք է լիարժեք իրականացնել»։
Ռուստամյանը չի հերքում, որ կարող է տպավորություն առաջանալ, թե իշխանության ապակենտրոնացումը լիարժեք չի իրականացվում։ «Սահմանադրության պահանջ է ապակենտրոնացումը, իսկ Սահմանադրությունը հարգել պարտավոր ենք։ Հետեւաբար տեղի է ունենալու իշխանության ճյուղերի տարանջատում»,–ասաց նա՝ օրինակ բերելով դատական իշխանության անկախացումը։ Նրա խոսքով, գործող իներցիոն մտածելակերպը, ըստ որի, ոչինչ չի փոխվել, անհրաժեշտ է ցրել գործընթացների արագ իրականացման շնորհիվ։
«Ելք» խմբակցության ղեկավար Նիկոլ Փաշինյանն էլ անդրադարձավ ՀՀԿ ի նախագահի թեկնածու Արմեն Սարգսյանի հետ հանդիպմանը։ 
Նա վերջինիս իրենց կողմից ուղղված հարցերի պատասխանները չհնչեցնելու վերաբերյալ ասաց, որ լիագումար նիստերի ժամանակ իրենք Արմեն Սարգսյանին կուղղեն բոլոր այն հարցերը, որոնք ուղղել են խմբակցությունում, եւ այն ժամանակ նա հրապարակային կպատասխանի դրանց։ «Արմեն Սարգսյանը հայտարարություններ է անում, որ ինքը չի պատրաստվում մարիոնետ լինել նախագահի պաշտոնում։ Նման հայտարարություն մեզ հետ հանդիպման ժամանակ էլ է արվել։ Ինչպիսին կլինի իրականությունը՝ կապրենք, կտեսնենք»,–նշեց նա։
«Ելք» խմբակցության մտահոգու ... Կարդալ շարունակությունը »

Վարչապետ Կարեն Կարապետյանի մոտ քննարկվել է «Հայաստանի զարգացման ռազմավարություն 2030» նախագիծը, որը մշակվել է վարչապետի կողմից 2017թ. սեպտեմբերին տրված հանձնարարականի հիման վրա, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Ռազմավարության մեջ ներառված են մի շարք ոլորտներ, մասնավորապես՝ տնտեսական զարգացում, մշակույթ եւ ինքնություն, բնապահպանություն եւ բնական պաշարներ, հանրային եւ տարածքային կառավարում, կրթություն, գիտություն եւ նորարարություն, մարդու իրավունքներ, օրենքի գերակայություն եւ արդարադատություն, պաշտպանություն եւ անվտանգություն, ենթակառուցվածքներ, սոցիալական ծառայություններ։
Փաստաթղթի նախապատրաստական աշխատանքները մեկնարկել էին նախորդ տարվա սկզբից, իսկ սեպտեմբերից՝ վարչապետի հանձնարարությամբ, հանրապետական գործադիր մարմինների կողմից ձեւավորվել էին աշխատանքային խմբեր, որոնք թեմատիկ քննարկումներ էին իրականացնում՝ համագործակցելով Ռազմավարական նախաձեռնությունների կենտրոնի հետ։
Փաստաթղթի վերաբերյալ իրենց կարծիքներն ու գնահատականներն են հայտնել մի շարք շահագրգիռ գերատեսչությունների ղեկավարներ եւ մասնագետներ։

Վարչապետ Կարեն Կարապետյանը երեկ ընդունել է Ամերիկայի Միացյալ Նահանգների պետքարտուղարի Եվրոպայի եւ Եվրասիայի հարցերով փոխտեղակալ Բրիջիթ Բրինքին, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետը ողջունել է տիկին Բրինքի այցը Հայաստան եւ կարեւորել բարձրաստիճան պաշտոնական փոխայցերը՝ հայ–ամերիկյան գործընկերային հարաբերությունների օրակարգը քննարկելու եւ զարգացման հեռանկարները նախանշելու առումով։ Կարեն Կարապետյանն արդյունավետ է գնահատել այսօր կառավարությունում ԱՄՆ ՄԶԳ ներկայացուցիչների հետ Հայաստանում իրականացվող ծրագրերի վերաբերյալ կազմակերպված շնորհանդես–քննարկումը։ Վարչապետ Կարապետյանը նշել է, որ Հայաստանի կառավարությունը շարունակելու է բոլոր ոլորտներում սկսված բարեփոխումները՝ հստակ պատկերացնելով երկրի տնտեսական զարգացման եւ առաջընթացի տեսլականը։
ԱՄՆ պետքարտուղարի փոխտեղակալը ողջունել է ՀՀ կառավարության նախաձեռնած բարեփոխումները՝ նշելով, որ գործարար համայնքի ներկայացուցիչների հետ հանդիպման ժամանակ արդեն իսկ շատ դրական արձագանքներ է լսել հարկային ու մաքսային վարչարարության ոլորտում կատարվող փոփոխությունների եւ առաջընթացի վերաբերյալ։ Բրիջիթ Բրինքն ընդգծել է, որ ԱՄՆ–ն ակտիվ աշխատում է հայաստանյան գործընկերների հետ՝ համագործակցության օրակարգն ընդլայնելու եւ տնտեսական կապերն առավել խորացնելու շուրջ։
Անդրադառնալով երկկողմ տնտեսական կապերի զարգացման հեռանկարներին՝ զրուցակիցները կարեւորել են համատեղ հարթակների՝ Առեւտրի եւ ներդրումների համաձայնագրի (TIFA) շրջանակում ստեղծված Հայ–ամերիկյան խորհրդի եւ Հայ–ամերիկյան միջկառավարական հանձնաժողովի ակտիվ աշխատանքը։ Վարչապետն առաջարկել է դիտարկել մի շարք ոլորտներում (ՏՏ, գյուղատնտեսություն եւ այլն) բիզնես ծրագրերի իրականացման հնարավորու ... Կարդալ շարունակությունը »