Վարչապետ Կարեն Կարապետյանն ընդունել է Եվրոպական բիզնես ասոցիացիայի եւ Հայաստանում գործունեություն ծավալող եվրոպական ընկերությունների ներկայացուցիչներին։ Հանդիպմանը ներկա է եղել ՀՀ—ում Եվրոպական միության պատվիրակության ղեկավար, դեսպան Պյոտր Սվիտալսկին, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։ 
Վարչապետը կարեւորել է կառավարության եւ բիզնես հանրության միջեւ համագործակցությունը եւ նշել, որ բիզնեսը դիտարկում է որպես գործընկեր եւ տնտեսության շարժիչ ուժ։ «Մենք ձեզ բազմաթիվ ազդակներ ենք հաղորդել եւ հուսով ենք, որ ծանոթ եք դրանց։ Կառավարության 100—օրյա գործունեությունը, խնդիրների ախտորոշումը, այն քայլերը, որոնք իրականացնում ենք, ուղղված են բիզնես միջավայրի բարելավմանը։ Համոզված եղեք, որ այդ հարցում մենք վճռական ենք։ Չափազանց կարեւորում ենք եվրոպական բիզնեսի ներգրավումը ՀՀ—ում, թե որպես կառավարման մշակույթ, թե որպես ներդրումներ, ուստի պատրաստ ենք լսել ձեր կամայական առաջարկություն»,–ասել է Կարեն Կարապետյանը՝ կարեւորելով նաեւ բիզնես հատվածի եւ Ռազմավարական նախաձեռնությունների կենտրոնի միջեւ համագործակցությունը։ 
Անդրադառնալով ՀՀ կառավարության ներդրումային ծրագրերին՝ վարչապետն ընդգծել է, որ կառավարության կողմից հավաքագրվել եւ վերլուծվել են այն ներդրումային ծրագրերը, որոնք ստացվել են մարզեր այցերի արդյունքում, մասնավոր հատվածից եւ ճյուղային նախարարություններից։ Արդյունքում հավաքագրվել է 341 ներդրումային ծրագիր շուրջ 3,2 մլրդ դոլար ընդհանուր արժեքով, որոնք ֆինանսավորվելու են տարբեր աղբյուրներից, մասնավորապես՝ ՀՀ պետբյուջեից, համայնքային բյուջեից եւ մասնավոր հատվածից։ «Այդ ծրագրերն ունեն ֆինանսական աղբյուր եւ գործընկեր։ 2017 թվականին իրատեսական ենք համա ... Կարդալ շարունակությունը »

ԵԱՏՄ շրջանակներում միասնական տրանսպորտային տարածքի եւ միասնական շուկայի տրանսպորտային ծառայությունների ձեւավորմանն առնչվող խնդիրները քննարկվեցին փետրվարի 11—ին Ծաղկաձորում մեկնարկած միության անդամ պետությունների տրանսպորտի բնագավառի լիազոր մարմինների ղեկավարների 6—րդ խորհրդակցության ընթացքում։ Հանդիպման մասնակիցների ուշադրության կենտրոնում էին ԵԱՏՄ երկրների միջեւ տրանսպորտային քաղաքականությունը, ոլորտին եւ ենթակառուցվածքներին առնչվող արդիական այլ հարցեր։
Հանդիպման ընթացքում ձեռք են բերվել կարեւոր համաձայնություններ ու ստորագրվել են մի շարք փաստաթղթեր, որոնք վերաբերում են մինչեւ 2025 թվականը ԵԱՏՄ անդամ պետությունների միջեւ տրանսպորտային հաղորդակցությունների բոլոր սահմանափակումների վերացմանը։ Աշխատանքային քննարկմանը հաջորդած ճեպազրույցի ընթացքում այս մասին հայտնեց ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը՝ հավելելով, որ այդ նպատակով Հայաստանը սերտորեն համագործակցում է Եվրոպական տնտեսական հանձնաժողովի հետ։
«Տրանսպորտի, կապի եւ տեղեկատվական տեխնոլոգիաների նախարարությունն էլ իր հերթին հատուկ նշանակություն է տալիս տրանսպորտային շուկայի զարգացման համար բարենպաստ պայմանների ստեղծմանը։ Հայաստանը մասնակցում է նաեւ միջազգային փոխադրումների ազատականացման գործընթացին, ֆիզիկական եւ ոչ ֆիզիկական արգելքների վերացմանը։ ԵԱՏՄ շրջանակում համագործակցության հիմնական խնդիրներից մեկը բեռների ավտոմոբիլային փոխադրումների փուլային ազատականացման ծրագրի իրականացումն է։ Կաբոտաժային փոխադրումների կարգավորման վերաբերյալ Հայաստանում արդեն կատարվել են օրենսդրական փոփոխություններ, եւ այս փուլում Հայաստանը պատրաստ է այդ փոխադրումների իրականացմանը»,–վստահեցրեց նախարարը։
Մանրամասնելով ԵԱՏՄ տարածքում ավտո ... Կարդալ շարունակությունը »

Հայաստանում ապրիլին սպասվող խորհրդարանական ընտրություններն անցնելու են ՀՀ նոր Սահմանադրության և Ընտրական օրենսգրքի պայմաններում, և էականորեն փոխվել է նաև քվեարկության կարգը:

Առաջին անգամ Հայաստանում քվեարկությանը մասնակցելու գրանցման գործընթացը կանցկացվի հատուկ տեխնիկական սարքավորումների միջոցով, ինչը բացառում է կրկնաքվեարկությունների հնարավորությունը: Այնուամենայնիվ, կան պնդումներ, որ քվեարկության նոր կարգը բավականին բարդ է և խճճված, ինչի հետևանքով քաղաքացիները կարող են դժվարություններ ունենալ:

Նոր ընտրակարգով ընտրություններին մասնակցող բոլոր կուսակցությունները կամ կուսակցությունների դաշինքները կունենան սեփական քվեաթերթիկը, որի մի հատվածում կլինի կուսակցության անվանումը, իսկ մյուս կողմում տվյալ ընտրատարածքում ռեյտինգային ընտրակարգով կուսակցության կողմից առաջադրված թեկնածուների անունները: Եթե նախկինում քաղաքացին իր ընտրությունը կատարելուց հետո քվեաթերթիկը պետք է ծալեր և նոր միայն այն ծրարի մեջ դներ, ապա նոր կարգով քվեաթերթիկը պետք է ծրարի մեջ դրվի ԱՌԱՆՑ ԾԱԼԵԼՈՒ:

Նորամուծություն է նաև ընտրողից ԱՋ ՁԵՌՔԻ ՑՈՒՑԱՄԱՏԻ ՄԱՏՆԱՀԵՏՔԸ ՎԵՐՑՆԵԼԸ, որից հետո միայն տեխնիկական սարքավորումը կտպի  նրա քվեարկության կտրոնը:

Հաշվի առնելով քվեարկության կարգի փոփոխությունը և նոր  տեխնիկական սարքավորումներով գրանցման գործընթացը` Մանրամասն ներկայացնում է քվեարկո ... Կարդալ շարունակությունը »

ՀՀ Ազգային ժողովի նախագահ Գալուստ Սահակյանի գլխավորած խորհրդարանական պատվիրակությանը նախօրեին ընդունել է Ճապոնիայի Ազգային դիետի խորհրդականների պալատի (վերին պալատ) նախագահ Դաթե Չուիչին, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։ Քննարկելով երկու երկրների խորհրդարանական համագործակցության մակարդակը՝ կողմերը փաստել են, որ համագործակցությունն այդ ձեւաչափում առավել կխորացնի հայ—ճապոնական բարեկամական կապերը՝ երկու երկրների համար ստեղծելով նոր հնարավորություններ։ Մասնավորապես, կարեւորվել են տնտեսական, առեւտրային եւ մշակութային ոլորտներում համագործակցության ամրապնդմանն ուղղված քայլերը, ինչպես նաեւ տուրիզմի զարգացումը։ Դաթե Չուիչին իր երախտագիտությունն է հայտնել Ճապոնիայում տեղի ունեցած ավերիչ երկրաշարժի հետեւանքների վերացմանն ուղղված Հայաստանի աջակցության համար։ Նա կարծիք է հայտնել, որ երկու երկրների համագործակցությունն առավել կզարգանա նաեւ արտակարգ իրավիճակների կանխարգելման եւ դրանց հետեւանքների վերացմանն ուղղված համատեղ աշխատանքների իրականացման ոլորտում՝ հաշվի առնելով այն հանգամանքը, որ Ճապոնիան եւ Հայաստանը գիտակցում են երկրաշարժի ավերիչ հետեւանքները։
ՀՀ խորհրդարանի ղեկավարը երախտագիտություն է հայտնել Հայաստանի Հանրապետությանը Ճապոնիայի կողմից տրամադրված բազմաթիվ աջակցությունների եւ համատեղ իրականացված ծրագրերի համա ... Կարդալ շարունակությունը »

Վարչապետ Կարեն Կարապետյանը երեկ ընդունել է արգենտինահայ գործարար, բարերար Էդուարդո Էռնեկյանին, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետը բարձր է գնահատել Էդուարդո Էռնեկյանի գործունեությունը մեր երկրում, նշել, որ նա Հայաստանի տնտեսությունում ամենախոշոր ու հաջողակ ներդրողներից է, եւ կառավարությունը պատրաստ է շարունակելու արդյունավետ համագործակցությունը։
Կարեն Կարապետյանը եւ Էդուարդո Էռնեկյանը մտքեր են փոխանակել Հայաստանում համատեղ իրականացվող ծրագրերի ընթացքի, ինչպես նաեւ տարբեր ոլորտներում նոր նախագծերի հեռանկարների շուրջ։ Զրուցակիցները, մասնավորապես, քննարկել են Արմավիրի մարզում արեւային էլեկտրակայանի, Մեղրիի հիդրոէլեկտրակայանի կառուցման, Երեւանի «Զվարթնոց» եւ Գյումրիի «Շիրակ» օդանավակայանների ենթակառուցվածքների զարգացման եւ զբոսաշրջության խթանման, արտաքին գործերի նախարարության նախկին շենքի ներդրումային ծրագրերին վերաբերող հարցեր։ Վարչապետը ներկայացրել է Հայաստանի եւ տնտեսության զարգացման ուղղությամբ ձեռնարկվող քայլերն ու նաեւ տեղեկացրել, որ կառավարությունն ստեղծում է ռազմավարական նախաձեռնությունների կենտրոն, որը ծառայելու է որպես հարթակ պետություն–մասնավոր հատված համագործակցության ներքո համատեղ ծրագրերի կյանքի կոչման համար։ Կարեն Կարապետյանը նշել է, որ կառավարությունը կարեւորում է ներդրողների, գործարարների հետ մշտական հետադարձ կապն ու բաց է փոխադարձ հետաքրքրություն ներկայացնող հարցերը քննարկելու ... Կարդալ շարունակությունը »