ՀՀ Ազգային ժողովը երեկ սկսել է հերթական նիստերի աշխատանքը։
Պատգամավորները քննարկել ու հաստատել են Ազգային ժողովի վեցերորդ գումարման չորրորդ նստաշրջանի օրակարգում լրացումներ կատարելու մասին եւ հերթական նիստերի օրակարգերի նախագծերը։
ՀՀ ԱԺ նախագահ Արա Բաբլոյանի առաջարկով պատգամավորները մեկ րոպե լռությամբ հարգել են հռչակավոր երգիչ, երգահան, դերասան, Հայաստանի ազգային հերոս Շառլ Ազնավուրի հիշատակը։ ԱԺ նախագահը մասնավորապես ասել է. «Երեկ կյանքից հեռացավ աշխարհահռչակ երաժիշտ, մեծ արտիստ, մեր ազգի մեծ բարեկամ Շառլ Ազնավուրը։ Ես ոչ միայն կորցրեցի, ինչպես դուք բոլորդ, հռչակավոր մի անձնավորության եւ մեր ազգի զավակի, այլեւ կորցրեցի իմ լավ բարեկամին ու գործընկերոջը։ Երկրաշարժից ի վեր համագործակցել ենք՝ հանուն Հայաստանի երեխաների առողջության, նրանց ապագայի, իրականացրել բազմաթիվ համատեղ ծրագրեր։ Այն զգացմունքները, որոնք կան իմ մեջ հանդեպ Շառլ Ազնավուրի, կապված են միմիայն նրա կեցվածքի, նրա բարի եւ ազնիվ հմտությունների եւ այն ամենի հետ, ինչ նա տվեց ոչ միայն հայ ազգին, այլեւ ողջ աշխարհին»։
Շառլ Ազնավուրի գործունեությանն ուղղված գնահատանքի ու դրվատանքի խոսք է ասել նաեւ ՀՀ ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը։
Խորհրդարանն այնուհետեւ երկրորդ ընթերցմամբ եւ ամբողջությամբ քննարկել է ՀՀ ԱԺ պատգամավորներ Գագիկ Մինասյանի, Սամվել Նիկոյանի եւ Գեւորգ Գորգիսյանի հեղինակած «Հայաստանի Հանրապետության հաշվեքննիչ պալատի մասին» ՀՀ օրենքում փոփոխություններ եւ լրացումներ կատարելու մասին» օրենքի նախագիծը, որը Հաշվեքննիչ պալատի կողմից խորհրդարանին եզրակացություններ տալու ժամկետների սահմանմանն էր վերաբերում։ Ըստ հիմնական զեկուցող Գագիկ Մինասյանի՝ առաջարկվող փոփոխություններն առավել արդյու ... Կարդալ շարունակությունը »

Վարչապետը խորհրդարանական ուժերի ներկայացուցիչների հետ աշխատանքային քննարկումներ է սկսել

Հայաստանի Հանրապետության վարչապետ Նիկոլ Փաշինյանն արձանագրում է՝ քանի դեռ Հայաստանում տեղի չեն ունեցել արտահերթ խորհրդարանական ընտրություններ, տնտեսությունը, բիզնեսը լինելու են շունչը պահած վիճակում մինչեւ ինչ—որ միջնաժամկետ հեռանկար ստանա։ Վարչապետի խոսքով՝ բիզնեսը պետք է իմանա, որ 5 տարի լինելու է կայուն խորհրդարանական մեծամասնություն, որն աշխատելու է կառավարության հետ։ «Ֆեյսբուքի» ուղիղ եթերում ՀՀ վարչապետն ընդգծել է, որ վերջին ամիսները ցույց են տվել, որ խորհրդարանում այդպիսի վստահելի իրավիճակ չունենք։
«Եվ, բացի դա, այսօր հստակ ժողովրդական պահանջ է ձեւավորվել արտահերթ խորհրդարանական ընտրությունների, եւ ես այսօրվանից խորհրդարանական ուժերի ներկայացուցիչների հետ առայժմ աշխատանքային կարգով քննարկումներ կսկսեմ այս թեմայի վերաբերյալ»,— ասել է Նիկոլ Փաշինյանը (ի դեպ, երեկ նա արդեն հանդիպել է ԱԺ ՀՀԿ խմբակցության ղեկավար Վահրամ Բաղդասարյանի հետ)։
Նա հավելել է, որ աշխատանքային քննարկումներին կհաջորդեն պաշտոնական քննարկումները՝ շեշտելով, որ դրանք, ըստ էության, իրարից մեծապես չեն տարբերվելու, քանի որ հայտնի է, թե ինչի մասին են խոսելու։ «Մենք քննարկելու ենք, թե ինչպես, ինչ մեթոդներով կարող ենք հասնել շուտափույթ արտահերթ խորհրդարանական ընտրությունների։ Ես հույս ունեմ, որ այս հարցի վերաբերյալ քաղաքական ուժերի, խորհրդարանական ուժերի հետ մեզ կհաջողվի գալ համաձայնության եւ քաղաքացիների աջակցությանը դիմելու անհրաժեշտություն չի լինի։ Չնայած, եթե կլինի այդպիսի անհրաժեշտություն, հույս ունեմ, որ դուք բոլորդ պատրաստ կլինեք քաղաքական այդ գործընթացին աջակցություն ցուցաբերել այս կամ այն ձեւով» ... Կարդալ շարունակությունը »

ՀՀ Ազգային ժողովի խմբակցությունները պատրաստ են վարչապետ Նիկոլ Փաշինյանի հետ արտահերթ խորհրդարանական ընտրությունների ժամանակացույցի եւ պայմանների վերաբերյալ բանակցությունների։ «Արմենպրեսի» հետ զրույցում նման տեսակետ հայտնեցին խմբակցությունների ներկայացուցիչները՝ անդրադառնալով վարչապետի հայտարարությանը, որ առաջիկայում բանակցություններ կհրավիրի խորհրդարանական եւ ոչ խորհրդարանական քաղաքական ուժերի հետ՝ քննարկելու խորհրդարանական արտահերթ ընտրությունների ժամանակացույցն ու պայմանները։
«Ես, անկեղծ ասած, արտահերթ խորհրդարանական ընտրություններ անցկացնելու հիմքեր չեմ տեսնում, բայց ցանկացած բանակցությունների մենք պատրաստ ենք։ Խորհրդարանն աշխատում է իր բնականոն հունով, ընդառաջում է կառավարության բոլոր օրենքներին եւ ծրագրերին։ Մենք որեւէ խոչընդոտ չենք ստեղծում՝ առավել եւս ներդրումների հետ կապված, ողջունում եւ օժանդակում ենք։ Նախքան արտահերթ խորհրդարանական ընտրությունները, մենք «Ընտրական օրենսգրքի» փոփոխությունները պետք է ավարտին հասցնենք»,–նշեց ԱԺ ՀՀԿ խմբակցության ղեկավար Վահրամ Բաղդասարյանն ու հավելեց՝ արտահերթ խորհրդարանական ընտրությունները ոչ քաղաքական խնդիրները կարգավորելու մոտեցում չեն։
Բաղդասարյանը այնուամենայնիվ նշեց, որ ցանկացած տիպի բանակցությունների առաջարկ չեն մերժում։ Հարցին՝ հնարավո՞ր է բանակցությունների արդյունքում փոխեն իրենց տեսակետը, նշեց՝ բանակցությունները հենց նրա համար են, որ հասկանան, թե ինչ իմաստ ունի նշված նյութը։ «Այս հարցը միանձնյա որոշման ենթակա չէ, բայց քննարկման առարկա է։ Մենք կքննարկենք ու որոշում կկայացնենք»,–նշեց Բաղդասարյանը։
ԲՀԿ խմբակցության պատգամավոր Վահե Էնֆիաջյանի խոսքով՝ իրենք եւս կողմնակից են, որ ձեւավորվի քննարկումների ձեւաչափ, եւ կարողանան համակողմանի որոշում ... Կարդալ շարունակությունը »

Նախագահ Արմեն Սարգսյանը երեկ հյուրընկալել է Մեծ Բրիտանիայի եւ Հյուսիսային Իռլանդիայի Միացյալ Թագավորության լորդերի պալատի անդամ, բարոնուհի Քերոլայն Քոքսին եւ նրա ղեկավարած «HART» բարեգործական կազմակերպության անդամներին, հայտնում են ՀՀ նախագահի մամլո գրասենյակից։ Հանդիպմանը ներկա է եղել նաեւ գրող, հրապարակախոս, ՀՀ մշակույթի վաստակավոր գործիչ Զորի Բալայանը։
Նախագահը ջերմորեն ողջունել է բարոնուհուն եւ նրա գործընկերներին՝ նշելով, որ ուրախ է ընդունել հայ ժողովրդի լավագույն բարեկամներին։ Բարոնուհին ներկայացրել է օրերս Արցախ կատարած այցից տպավորությունները, պատմել այնտեղ ունեցած հանդիպումների մասին։
Նախագահ Սարգսյանը բարձր է գնահատել բարոնուհու աջակցությունն արցախցիներին, ինչպես նաեւ միջազգային հանրության շրջանում Արցախի մասին իրազեկվածության բարձրացմանն ուղղված նրա ջանքերը։

«Շանթ–2018» ռազմավարական հրամանատարաշտաբային զորավարժությունների շրջանակում ՀՀ վարչապետ Նիկոլ Փաշինյանի գլխավորությամբ երեկ տեղի է ունեցել ՀՀ կառավարության պայմանական արտահերթ նիստը, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Կառավարության անդամները վարչապետ Նիկոլ Փաշինյանին զեկուցել են իրենց համակարգման ոլորտներում, ըստ զորավարժությունների սցենարի, առկա իրավիճակի մասին եւ ներկայացրել որոշակի հարցերի լուծման ուղղությամբ տրված հանձնարարականների կատարման ընթացքը։
Երկրի վարչապետը կարեւորել է «Շանթ–2018» ռազմավարական հրամանատարաշտաբային զորավարժությունների արդյունավետ իրականացումը եւ սցենարային իրավիճակից բխող զեկույցները լսելուց հետո հանձնարարել շարունակել համակարգված եւ օպերատիվ աշխատանքները՝ պետական կառավարման համակարգի բնականոն եւ լիարժեք գործունեությունն ապահովելու համար։

Երեկ տեղի է ունեցել ՀՀ կառավարության հերթական նիստը, որը վարել է ՀՀ վարչապետ Նիկոլ Փաշինյանը, հայտնում են ՀՀ կառավարության  տեղեկատվության եւ հասարակայնության հետ կապերի վարչությունից։
Նախքան օրակարգային հարցերի քննարկումը վարչապետը հանդես է եկել հայտարարությամբ. «Կառավարության, այսպես ասած, ադապտացիոն շրջանը համարում եմ ավարտված, եւ առաջիկայում մենք շատ լրջորեն պետք է զբաղվենք բարեփոխումների լայնածավալ գործողություններով, որոնք, իրենց հերթին, տնտեսական եւ քաղաքական զարգացման նոր շունչ, նոր լիցք եւ ալիք կբերեն Հայաստան։ Ես կարծում եմ, որ մենք պետք է արձանագրենք բարեփոխումների մեր մեթոդաբանությունը՝ հաշվի առնելով Հայաստանում առկա քաղաքական իրողությունները։
Ընդհանրապես ընդունված է ասել, որ բարեփոխումները, այսպես ասած, ցավոտ գործընթաց են։ Ես կարծում եմ, որ մենք պետք է այս տրամաբանությունից հրաժարվենք, որովհետեւ բարեփոխումների մեր ալգորիթմը պետք է լինի ընդարձակ երկխոսությունը հանրության հետ եւ հանրության շրջանում համաձայնության հաստատումն այս կամ այն բարեփոխման վերաբերյալ, այս կամ այն բարեփոխման ուղղությամբ, որովհետեւ կարծում եմ, որ եթե մենք որեւէ բարեփոխում իրականացնելու համար ունենք բավարար փաստարկներ, որով համոզել ենք ինքներս մեզ, ուրեմն, այդ նույն փաստարկներով պետք է ներկայանանք նաեւ հանրությանը, ամենայն մանրամասնությամբ նրան ներկայացնենք մեր մոտիվացիաները, պատճառահետեւանքային կապերը։ Ես համոզված եմ, որ այս ճանապարհով մեր գործողությունները եւ բարեփոխումները կլինեն առավել արդյունավետ։ Ի վերջո, չմոռանանք, որ այսօր Հայաստանի Հանրապետությունում ունենք կառավարման բոլորովին նոր համակարգ, որը մենք պայմանականորեն կոչում ենք ուղիղ ժողովրդաիշխանություն, եւ դա այդպես կոչվում է պատմականորեն։ Մենք պետք է կառավարման այս համակարգի տրամաբանու ... Կարդալ շարունակությունը »

ՀՀ Ազգային ժողովը երեկ շարունակել է արտահերթ նստաշրջանի աշխատանքը, հայտնում են ՀՀ ԱԺ լրատվության եւ հանրության հետ կապերի վարչությունից։
Երկրորդ ընթերցմամբ եւ ամբողջությամբ ընդունելու համար պատգամավորները քննարկել են «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին» օրինագիծը։
ՀՀ էներգետիկ ենթակառուցվածքների եւ բնական պաշարների նախարարության ջրային կոմիտեի նախագահ Ինեսա Գաբայանը տեղեկացրել է, որ ԱԺ գլխադասային հանձնաժողովում հարցը քննարկվել եւ ստացել է դրական եզրակացություն։ Նա նշել է, որ նախագծում խմբագրական որոշ շտկումներ են կատարվել։
Արամ Սարգսյանը նշել է, որ ՀՀ ջրային ռեսուրսների կառավարումը ռազմավարական նշանակության խնդիր է եւ պետք է ընդգրկվի ՀՀ կառավարության գործունեության առաջնահերթություններում։
Հայկ Բաբուխանյանը կարծիք է հայտնել, որ չեն տրվել մի շարք հարցերի պատասխաններ, օրինակ՝ որքա՞ն գումար է նախատեսվում ստանալ լրացուցիչ ջրառի էլեկտրաէներգիայի վաճառքից, որքա՞ն վնաս է կրել գյուղացիությունը, բաց թողնված ջրից որքա՞ն է լինելու օգուտը եւ այլն։
Արաիկ Հովհաննիսյանը նշել է, որ ելնելով հարցի հրատապությունից՝ իրենց խմբակցությունն այս պահին ձեռնպահ է մնացել առաջարկներ ներկայացնելուց։ Պատգամավորի խոսքով՝ խորհրդարանական լսումներում առաջիկայում կքննարկվեն Սեւանա լճի համալիր խնդիրները, որի արդյունքում կձեւավորվեն նոր առաջարկներ։
Քվեարկության արդյունքում օրենքի նախագիծն ընդունվել է։
Սպառելով օրակարգը՝ Ազգային ժողովն ավարտել է արտահերթ նստաշրջանի աշխատանքը։

Հանրապետության նախագահ Արմեն Սարգսյանի հրավերով երկօրյա պետական այցով Հայաստանի Հանրապետություն է ժամանել Իտալիայի Հանրապետության նախագահ Սերջիո Մատարելլան՝ դստեր Լաուրա Մատարելլայի հետ։
Նախագահ Մատարելլայի գլխավորած պատվիրակության կազմում են Իտալիայի արտաքին գործերի եւ միջազգային համագործակցության նախարար Էնցո Մոավերո Միլանեսին, պաշտոնատար այլ անձինք։
Հանրապետության նախագահի նստավայրում տեղի է ունեցել պետական այցով Հայաստան ժամանած Իտալիայի Հանրապետության նախագահ Սերջիո Մատարելլայի դիմավորման պաշտոնական արարողությունը։
Հանրապետության նախագահի նստավայրում տեղի է ունեցել Հայաստանի եւ Իտալիայի նախագահների հանդիպումը, որին մասնակցել են երկու երկրների արտաքին գործերի նախարարները։
Նախագահ Արմեն Սարգսյանը, ողջունելով Իտալիայի նախագահ Սերջիո Մատարելլային, նշել է, որ նրա այցը պատմական է, քանզի Իտալիայի Հանրապետության նախագահի առաջին այցն է Հայաստան։
Ընդգծելով, որ հայ—իտալական հարաբերությունների հիմքում ընկած են երկու հնամենի ժողովուրդների պատմական սերտ առնչություններն ու նույնակունք արժեհամակարգը, Արմեն Սարգսյանն ասել է, որ Հայաստանի անկախությունից հետո անցած քառորդ դարում հայ—իտալական միջպետական հարաբերությունները զարգացել են գործընկերության ու փոխվստահության ոգով։
Նախագահներ Արմեն Սարգսյանը եւ Սերջիո Մատարելլան մտքեր են փոխանակել հայ—իտալական համագործակցության լայն օրակարգի շուրջ, նշել, որ երկու երկրների բազմաշերտ հարաբերություններն ունեն զարգացման մեծ ներուժ, եւ համատեղ ջանքերի շնորհիվ հնարավոր է դրանք հասցնել որակական նոր մակարդակի։
Հանդիպման ավարտին հանրապետության նախագահ Արմեն Սարգսյանը Իտալիայի Հանրապետության նախագահ Սերջիո Մատարելլային պարգեւատրել է Փառքի շքանշանով՝ Հայաստանի Հանրապետության ... Կարդալ շարունակությունը »

Վարչապետ Նիկոլ Փաշինյանն աշխատանքային այցով ժամանել է Ռուսաստանի Դաշնություն՝ Սանկտ Պետերբուրգ։ Կառավարության ղեկավարը հանդիպել է ՌԴ հյուսիս—արեւմտյան տարածաշրջանի հայազգի մի քանի տասնյակ գործարարների հետ։ 
«Ուզում եմ բոլոր գործարարներին հրավիրել Հայաստան՝ ծավալելու տնտեսական գործունեություն, ինչի համար նախկինում եղած բոլոր խոչընդոտները վերացված են եւ գոյություն չունեն։ Կարեւոր է մեկ այլ արձանագրում. այդ խոչընդոտների մեջ ամենակարեւորը թերեւս եղել է եւ տեղ—տեղ շարունակում է մնալ կոռուպցիան, չնայած ընդհանուր առմամբ, ասում են, որ ՀՀ—ում այլեւս կոռուպցիա չկա, դրանք մնացորդային երեւույթներ են։ Վստահեցնում եմ՝ այսօր ակտիվ պայքար է գնում կոռուպցիայի դեմ, որը շարունակվելու է»,–ասել է Նիկոլ Փաշինյանը՝ հավելելով, որ կոռուպցիայի դեմ պայքարն առնչություն է ունենում որոշ ընկերությունների հետ, եւ կառավարության համար կարեւոր է, որ այդ պայքարը չընկալվի եւ չմեկնաբանվի որպես արշավ ընդդեմ բիզնեսի։ 
«Մեզ համար կարեւոր է, որ հստակ գծենք այդ գիծը, որ մեր պայքարը չի կարող լինել ընդդեմ բիզնեսի։ Մենք երաշխավորում ենք ներդրումների անվտանգությունը, դա ասելով՝ հասկանում ենք ոչ միայն այն, որ պետական որեւէ մարմին չի կարող ներդրումը փոշիացնել, այլեւ նկատի ունենք, որ որեւէ մեկը չի կարող փայ մտնել, այդպիսի երեւույթները բացառում ենք»,–ասել է վարչապետը։ Նիկոլ Փաշինյանն ընդգծել է, որ ներդրումների հարցում կառավարությունն ընդամենն ունի մեկ պայման. ակնկալվում է, որ բիզնես գործունեությունը լինի օրինական։ Վարչապետի խոսքով՝ պետությունը շահագրգիռ է նոր աշխատատեղերի ստեղծմամբ եւ պետական եկամուտների աճով։
 «Վարչապետ ընտրվելուց հետո մեկ շաբաթ անց գործարարների հետ հանդիպումներում պաշտոնապես հայտարարել եմ ... Կարդալ շարունակությունը »

Հանրապետության նախագահ Արմեն Սարգսյանը երեկ հանդիպել է ՀՀ ազգային փոքրամասնությունների ազգային—մշակութային կազմակերպությունների համակարգող խորհրդի անդամների հետ, ովքեր ներկայացնում են Հայաստանի ազգային փոքրամասնությունների 11 համայնքներ, հայտնում են ՀՀ նախագահի մամլո գրասենյակից։
Հանդիպման մասնակիցներն անդրադարձել են խորհրդի գործունեությանն ու կարգավիճակին, ինչպես նաեւ ազգային փոքրամասնություններին վերաբերող մի շարք այլ հարցերի։ Խորհրդի անդամներն ընդգծել են կառույցի կարեւորությունը, կատարած արդյունավետ աշխատանքը եւ այն պահպանելու անհրաժեշտությունը։
Պատրաստակամություն հայտնելով համագործակցելու ազգային փոքրամասնությունները ներկայացնող կառույցի հետ, անկախ նրանից, թե այն ինչ կարգավիճակ կունենա, նախագահը նշել է, որ ազգային փոքրամասնությունները յուրաքանչյուր երկրի հարստությունն են։ «Դուք պետք է հպարտանաք ինչպես Հայաստանի Հանրապետության քաղաքացիությամբ, այնպես էլ ձեր ազգային ինքնությամբ»,–ասել է Արմեն Սարգսյանը։
Հանրապետության նախագահն ազգային փոքրամասնությունների ներկայացուցիչներին հորդորել է հստակ առաջարկություններ ներկայացնել իրենց հուզող հարցերի վերաբերյալ։

«Տնտեսական քաղաքականության հենասյուներն են՝ կոռուպցիայի դեմ պայքարը եւ անկախ դատական համակարգի ստեղծումը, քանի որ ներդրումային միջավայրի համար ցանկացած փորձագետ կասի, որ կարեւորագույն երկու պայման կա՝ կոռուպցիայի բացակայություն եւ անկախ դատական համակարգ։ Մենք հետեւողականորեն իրականացնում ենք այդ քաղաքականությունը, որն առաջիկայում կամրապնդվի օրենսդրական փոփոխություններում, այդ թվում՝ հարկային օրենսգրքում»,—երեկ այս մասին ասաց վարչապետ Նիկոլ Փաշինյանը լրագրողների հետ մամուլի ասուլիսում։
Նա մինչ լրատվամիջոցների հարցերին պատասխանելը մի հանգամանքի ուշադրություն հրավիրեց։ «Առաջինը՝ դիտարկում է արվում, թե այնքան էլ պարզ չէ, թե ինչ տնտեսական քաղաքականություն է վարում ՀՀ կառավարությունը։ Կարծում եմ, որ դա գուցե ինչ—որ տեղ մեր մեղավորությունն է, որ մանրամասնորեն չենք պարզաբանել խնդիրը։ Մեր տնտեսական քաղաքականության առանցքային նպատակը ներառող տնտեսական համակարգ ստեղծելն է»,—ասաց վարչապետն ու ընդգծեց, որ հեղափոխությունից առաջ այնպիսի համակարգ ենք ունեցել, որտեղ ոլորտները հասանելիության սահմանափակ մակարդակ են ունեցել, եւ սահմանափակ մարդիկ են միայն հնարավորություն ունեցել ՀՆԱ—ի մեծ բաժինը ստեղծելու։ Այդ սահմանափակումները ներկայումս չպետք է գոյություն ունենան։ Տնտեսական ոլորտներն այլեւս պետք է լինեն հասանելի։
Որպեսզի թյուրըմբռնումներ չլինեն, Նիկոլ Փաշինյանը հստակեցրեց, որ «սա չի նշանակում, որ այն մարդիկ, ովքեր գործել են այս կամ այն ոլորտում, այլեւս չեն կարող շարունակել գործունեությունը, այլ նշանակում է, որ մյուսներն էլ կարող են»։

Բուժելու համար պետք է հասկանանք՝ ինչով է հիվանդ օրգանիզմը
 

Տնտեսական արդյունավետ քաղաքականությ ... Կարդալ շարունակությունը »

Երեկ ՀՀ ընտրական օրենսդրության բարեփոխումների նպատակով ստեղծված խորհրդարանական աշխատանքային խումբը գումարել է հերթական նիստը, որը վարել է ՀՀ ԱԺ «Ելք» խմբակցության անդամ Էդմոն Մարուքյանը, հայտնում են ՀՀ ԱԺ լրատվության եւ հանրության հետ կապերի վարչությունից։
ՀՀ ԱԺ խմբակցությունները ներկայացրել են իրենց համար առավել ընդունելի ընտրական համակարգերը։
ՀՀ ԱԺ «Ծառուկյան» խմբակցությունը հայտարարել է, որ իրենց համար ընդունելի է փակ համամասնական ընտրակարգը, սակայն, ինչպես նշել է խմբակցության անդամ Նաիրա Զոհրաբյանը, իրենք պատրաստ են քննարկելու նաեւ այլ մոդելներ։
ՀՀԿ խմբակցությունն առաջարկել էր քննարկել 4 մոդել. առաջինը ենթադրում է ունենալ բաց ցուցակներ՝ խոշորացված ընտրատարածքներով։ Երկրորդի դեպքում ընտրողն իր ձայնը տալու է տարածքային ցուցակին, սակայն կուսակցությունն է որոշելու թեկնածուների հաջորդականությունը։ Երրորդ մոդելով յուրաքանչյուր ընտրատարածքում կուսակցություններն ի սկզբանե նշանակելու են հնարավոր մեկական թեկնածուի, սակայն ընտրողը քվեարկելու է ոչ թե թեկնածուի, այլ այս կամ այն կուսակցության օգտին։ Չորրորդ տարբերակով առաջարկվում է երկու քվեաթերթիկ ունենալ՝ մեկում ներառված կլինեն առաջադրված կուսակցությունները, երկրորդում՝ քաղաքական ուժերի տարածքային թեկնածուները։
ՀՀ ԱԺ ՀՅԴ խմբակցությունը կողմ է բաց համամասնական ցուցակներով քվեարկություն անցկացնելուն, ինչը հնարավորություն կտա ընտրողին որոշելու, թե կուսակցության ներսում մանդատներն ինչպես պետք է բաշխվեն։ Այս մոդելը գործում է 31 երկրում եւ, ըստ խմբակցության ղեկավար Արմեն Ռուստամյանի՝ հնարավորություն է ընձեռում կուսակցությունների ներսում զարգացնել ժողովրդավարությունը։
Էդմոն Մարուքյանը, ներկայացնելով «Ելքի» տեսակետը, նշել է, որ իրենց խմբակցության եւ ... Կարդալ շարունակությունը »