ՄԵԾԱՄՈՐ METSAMOR CITY Ուրբաթ, 29.03.2024, 11:44
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [614]
Կրթություն և գիտություն [38]
Մարզային [14]
Պաշտոնական [464]
Մշակույթ [15]
Հասարակություն [846]
Սպորտ [1]
Տեսակետ [49]
Տարածաշրջան [86]
Զանազան [192]
Քաղաքականություն [647]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2015 » Նոյեմբեր » 25 » Վավերացվել են միջազգային պայմանագրեր /Խորհրդարանն ավարտել է արտահերթ նիստի աշխատանքը/
09:46
Վավերացվել են միջազգային պայմանագրեր /Խորհրդարանն ավարտել է արտահերթ նիստի աշխատանքը/

Երեկ ՀՀ Ազգային ժողովը շարունակել է արտահերթ նիստի աշխատանքը, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
Խորհրդարանն առաջին ընթերցմամբ շարունակել է քննարկել «Հայաստանի Հանրապետության 2016—2018 թվականների պետական վիճակագրական աշխատանքների եռամյա ծրագիրը հաստատելու մասին» օրինագիծը, որը ներկայացրել է ՀՀ ազգային վիճակագրական ծառայության նախագահ Ստեփան Մնացականյանը։
Նախագծի վերաբերյալ իրենց տեսակետներն են ներկայացրել պատգամավորները։
Նաիրա Զոհրաբյանի գնահատմամբ՝ գնալով մեծանում են գործազրկությունը, աղքատությունն ու արտագաղթը, սակայն վիճակագրական ծառայության տվյալներով դրանց ցուցանիշները բարելավվում են։
Մհեր Շահգելդյանը ՀՀ ազգային վիճակագրության ծառայության պետին առաջարկել է ուշադրություն դարձնել կիրառվող մեթոդաբանությանը։ Ըստ պատգամավորի, արեւմտյան երկրներում կիրառվող մեթոդաբանության կիրառումը մեր երկրում արդյունավետ չէ։
Հրանտ Բագրատյանի կարծիքով՝ վիճակագրական ծառայության ներկայացրած թվերն իրականության հետ չեն առնչվում։ Պատգամավորն անդրադարձել է երկրի համախառն ներքին արդյունքին եւ գյուղատնտեսության ոլորտի վիճակագրությանը։
Հեղինե Բիշարյանի խոսքով՝ այն թվերը, որոնք ներկայացրել է վիճակագրական ծառայությունը, իրականությանը չեն համապատասխանում. դրանք տարբերվում են իրականությունից եւ մտահոգիչ են։
Թեւան Պողոսյանն անդրադարձել է վիճակագրական ծառայության աշխատանքներին՝ նշելով, որ պետք է աշխատանքներ իրականացնել՝ բարձրացնելու հասարակության վստահությունը կառույցի հանդեպ։
Եզրափակիչ ելույթում ՀՀ ազգային վիճակագրական ծառայության նախագահ Ստեփան Մնացականյանն անդրադարձել է պատգամավորների հնչեցրած հարցերին։ Անդրադառնալով մեթոդաբանության հարցին՝ Ստեփան Մնացականյանը նշել է, որ միջազգային վիճակագրական մեթոդաբանությունն օգտագործելով՝ պետք է առաջ գնալ։ Այլ կերպ, ըստ նրա, հնարավոր չէ։
ՀՀ ֆինանսների նախարարի տեղակալ—գլխավոր գանձապետ Ատոմ Ջանջուղազյանը խորհրդարանի վավերացմանն է ներկայացրել ՀՀ նախագահի ներկայացրած «Հայաստանի Հանրապետության եւ Միջազգային զարգացման ՕՊԵԿ հիմնադրամի միջեւ «Ենթակառուցվածքների եւ գյուղական ֆինանսավորման աջակցության ծրագիր» վարկային համաձայնագիրը, որով նախատեսվում է Հայաստանի Հանրապետությանը տրամադրել 25 մլն ԱՄՆ դոլար գումարի չափով վարկ՝ Հայաստանի գյուղական տարածքներում աղքատության նվազեցման համար։ Ատոմ Ջանջուղազյանը նշել է, որ վարկի մարման ժամկետը 20 տարի է, որից արտոնյալ ժամկետը՝ 5 տարի, տոկոսադրույքը՝ տարեկան 2.7 տոկոս։
Աժ նախագահ Գալուստ Սահակյանը տեղեկացրել է, որ «Հայաստանի Հանրապետության քաղաքացիական օրենսգրքում լրացումներ եւ փոփոխություններ կատարելու մասին» եւ կից օրենքների նախագծերի փաթեթի քվեարկությունը հեղինակի՝ ՀՀ կառավարության համաձայնությամբ՝ հետաձգվել է։
ԱԺ նախագահը նշել է, որ հետաձգման պատճառը փաթեթում որոշակի խնդիրների առկայությունն է, որոնք անհրաժեշտ է մեկ անգամ եւս քննարկել։
Այնուհետեւ պատգամավորները քվեարկությամբ ընդունել են արտահերթ նիստում քննարկված օրենքների նախագծերը եւ վավերացրել միջազգային պայմանագրերը։
Սպառելով օրակարգը՝ խորհրդարանն ավարտել է արտահերթ նիստի աշխատանքը։
Կատեգորիա: Հանրապետություն | Դիտումներ: 398 | Ավելացրեց: Martos | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Նոյեմբեր 2015  »
ԵրկԵրկՉրկՀնգՈւրՇբԿր
      1
2345678
9101112131415
16171819202122
23242526272829
30

Սոց ցանցեր

Ժամանակահատված

Copyright Metsamorcity.do.am © 2024