ՄԵԾԱՄՈՐ METSAMOR CITY Ուրբաթ, 29.03.2024, 04:54
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [614]
Կրթություն և գիտություն [38]
Մարզային [14]
Պաշտոնական [464]
Մշակույթ [15]
Հասարակություն [846]
Սպորտ [1]
Տեսակետ [49]
Տարածաշրջան [86]
Զանազան [192]
Քաղաքականություն [647]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2012 » Մարտ » 24 » Վրաստանում գոհ չեն Ռուսաստանի հետ հարաբերությունների բացակայությունից
12:01
Վրաստանում գոհ չեն Ռուսաստանի հետ հարաբերությունների բացակայությունից

Վրաստանի ամեն երկրորդ բնակիչը համոզված է, որ Ռուսաստանի Դաշնությունն իրական վտանգ ու սպառնալիք է ներկայացնում իր երկրի համար: Սա են վկայում ամերիկյան Ազգային ժողովրդավարական ինստիտուտի` NDI-ի պատվերով Վրաստանում փետրվարի վերջին եւ մարտի սկզբին անցկացված հարցման արդյունքները:
Չորեքշաբթի օրը Թբիլիսիում հրապարակված այս հետազոտության նպատակն էր պարզել Վրաստանում տիրող տրամադրությունները` հատկապես երկրի քաղաքացիների վերաբերմունքը արտաքին քաղաքականության խնդիրներին:
Հարցման մասնակիցների 30 տոկոսը, անդրադառնալով ռուս - վրացական հարաբերությունների ներկա վիճակին, նշել է, որ պաշտոնական Մոսկվան իրոք վտանգ է ներկայացնում Վրաստանի համար։ Դրա հետ մեկտեղ, այդ սպառնալիքը, հարցվածների այս մի խմբի համոզմամբ, երբեմն չափազանցված է ներկայացվում վրացական հանրությանը:
Հարցմանը մասնակցած վրացիների եւս 8 տոկոսն էլ նշել է, որ Ռուսաստանն ընդհանրապես որեւէ վտանգ վրացական պետականության գոյությանը չի ներկայացնում:
Ինչ վերաբերում է արեւմտյան կառույցների հետ Վրաստանի հարաբերություններին, ապա հարցվածների ճնշող մեծամասնությունը` 74 տոկոսը աջակցում է նախագահ Միխեիլ Սահակաշվիլիի կառավարության` Եվրամիությանն անդամակցելու ձգտմանը:
Հարցվածների 70 տոկոսը դրական է վերաբերվում ՆԱՏՕ-ին անդամակցելու հեռանկարին: Հետազոտության մասնակիցների 59 տոկոսը, սակայն, դժվարացել է նշել, թե, իրենց կարծիքով, երբ կարող է Վրաստանն անդամակցել  Հյուսիսատլանտյան դաշինքին: Հարցվածների 9 տոկոսը, հակառակը, խիստ լավատես է եւ համոզված է, որ դա տեղի կունենա արդեն հաջորդ տարի: Հարցվածների եւս 23 տոկոսին կարելի է բնութագրել որպես չափավոր լավատեսներ. նրանց կարծիքով` Վրաստանը դաշինքի լիիրավ անդամ կդառնա կա՛մ 2014-ին, կա՛մ էլ դրանից հետո: Վրացիների միայն 7 տոկոսն է համոզված, որ Վրաստանը երբեք չի անդամակցի ՆԱՏՕ-ին:
Հարցվածների ավելի քան մեկ քառորդը` 26 տոկոսը, համաձայն է ընդդիմադիր որոշ գործիչների այն տեսակետին, թե հրաժարվելով ՆԱՏՕ-ին անդամակցելու գաղափարից` հնարավոր է համաձայնության գալ պաշտոնական Մոսկվայի հետ եւ վերադարձնել Աբխազիան ու Հարավային Օսիան:
Ընդհանուր առմամբ, Վրաստանի բնակիչների 88 տոկոսը նշում է, որ Ռուսաստանի հետ հարաբերությունների ներկա սառեցված վիճակն իրենց չի գոհացնում:
Փակ սահմանների առկայության ու դիվանագիտական հարաբերությունների բացակայության կողմնակիցներ եւս կան: Մոսկվայի եւ Թբիլիսիի ներկա հարաբերություններից գոհ է հարցմանը մասնակցած վրացիների 6 տոկոսը:
Կատեգորիա: Տարածաշրջան | Դիտումներ: 528 | Ավելացրեց: admin | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Մարտ 2012  »
ԵրկԵրկՉրկՀնգՈւրՇբԿր
   1234
567891011
12131415161718
19202122232425
262728293031

Սոց ցանցեր

Ժամանակահատված

Copyright Metsamorcity.do.am © 2024