ԱԺ—ի երիտասարդ խորհրդարանականների «Համագործակցություն» խմբի անդամներն Արմավիրի մարզում հանդիպել են մարզպետ Աշոտ Ղահրամանյանի եւ մարզի երիտասարդների հետ, ներկայացրել իրենց գործունեությունը, քննարկել օրենսդրական փոփոխությունների վերաբերյալ նախագծերը եւ լսել մարզի երիտասարդության առաջարկները։ Արմավիրի մարզում երիտասարդներին հուզում էին սահմանափակ աշխատատեղերի եւ աշխատանքի տեղավորման խնդիրները։
Մարզպետ Աշոտ Ղահրամանյանը հանդիպման ընթացքում ներկայացրեց մարզի ընդհանուր բնութագիրը, ուղղվածությունը, կարողությունները, առկա սոցիալական խնդիրները եւ դրանց լուծման տարբերակները։ «Մենք աշխատում ենք լինել երիտասարդների կողքին եւ լուծում տալ նրանց խնդիրներին, դուք մեր ապագան եք, եւ ձեր միջից է դուրս գալու մեր երկրի նախագահը, վարչապետը, եւ դուք եք մեր երկիրը պահողները»,— հանդիպման ընթացքում նշեց Արմավիրի մարզպետը։
Աննա Բարսեղյանը երիտասարդական խորհրդարանում ներկայացնում է Արմավիրի մարզը։ «Մենք փորձում ենք վեր հանել երիտասարդներին հուզող խնդիրները, առաջարկել լուծման տարբերակները»,–ասաց նա։  hhpress.am

Նախագահ Սերժ Սարգսյանը երեկ շնորհավորական ուղերձ է հղել Վլադիմիր Պուտինին՝ Ռուսաստանի Դաշնության նախագահի պաշտոնում ընտրվելու կապակցությամբ։
Ուղերձում ասված է.
«Հարգելի՛ Վլադիմիր Վլադիմիրի,
Հայաստանի ժողովրդի եւ անձամբ իմ անունից անկեղծորեն եւ սրտանց շնորհավորում եմ Ձեզ՝ Ռուսաստանի Դաշնության նախագահ ընտրվելու կապակցությամբ։
Նախագահական ընտրություններում Ձեր տարած համոզիչ հաղթանակը վկայում է Ռուսաստանի համակողմանի զարգացմանը, երկրի բարեփոխմանն ու արդիականացմանը, համաշխարհային գլոբալ գործընթացներում նրա դերակատարության եւ ազդեցության էլ ավելի բարձրացմանն ուղղված Ձեր կողմից իրականացվող քաղաքականության նկատմամբ ռուսաստանցիների լայն եւ բազմամյա աջակցության մասին։
Հայաստանին եւ Ռուսաստանին միավորում են դաշնակցային հարաբերությունները, որոնք հիմնված են մեր երկրների եղբայրական ժողովուրդների ժամանակի փորձությունն անցած բարեկամության վրա։
Վերջին տարիներին հայ—ռուսական համագործակցության զարգացման մեջ ձեռք են բերվել նշանակալի արդյունքներ, ստեղծվել է էական պաշար ապագայի համար։ Եվ դրանում անգնահատելի է Ձեր անձնական ներդրումը։
Վստահ եմ, որ մեր երկկողմ ռազմավարական փոխգործակցության հետագա զարգացումն այսուհետ եւս կծառայի Հարավային Կովկասում խաղաղության, անվտանգության եւ կայունության ամրապնդմանը, թույլ կտա ոչ միայն իրականացնել երկարաժամկետ նախագծեր տնտեսության մեջ, միջտարածաշրջանային համագործակցության ոլորտում, մշակութային—հումանիտար բնագավառում, այլեւ բացահայտել միջպետական համագործակցության նոր հնարավորություններ։
Հարգելի՛ Վլադիմիր Վլադիմիրի, Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 20—ամյակի տարում հրավիրում եմ Ձեզ այցելել Հայաստան պետական այցով։ Անկասկա ... Կարդալ շարունակությունը »

Վարչապետ Տիգրան Սարգսյանը ՀՀ պաշտպանության նախարար Սեյրան Օհանյանի ուղեկցությամբ հանդիպել է Երեւանի զորամասերից մեկի զինծառայողներին, ներկայացրել զինված ուժերում իրականացվող կրթական ծրագիրը, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։ Վերջինիս նպատակը զորացրվող զինծառայողների մասնագիտական հմտությունների եւ առանձին ուսումնական առարկաների գծով գիտելիքների զարգացումն ու նրանց նախապատրաստումն է՝ ՀՀ բուհեր, նախնական եւ միջին մասնագիտական ուսումնական հաստատություններ ընդունվելու համար։
«Մենք պետք է օգնենք ձեզ զինծառայության ընթացքում կողմնորոշվել կրթության եւ մասնագիտացման հարցում։ Մինչ զորացրվելը պետք է կարողանանք ձեզ հետ միասին հստակեցնել, թե ինչով եք ցանկանում զբաղվել բանակից հետո։ Պետությունը կանգնելու է այն զինծառայողների կողքին, ովքեր ցանկանում են գիտելիքներ ստանալ՝ ուսումը բարձրագույն ուսումնական հաստատություններում շարունակելու համար»,–ասել է վարչապետը։
Բուհ ընդունվելու կրթական նախապատրաստական աշխատանքներ իրականացնելու նպատակով զինծառայողներին են կցվելու Հայկական պետական մանկավարժական համալսարանի եւ 6 այլ բուհերի 172 ասպիրանտներ, մագիստրոսներ եւ երիտասարդ դասախոսներ։ «Մեր նպատակն է, որպեսզի իր զավակին բանակ ուղարկող ցանկացած ընտանիք վստահ լինի, որ պետությունը ոչ միայն զինծառայության նորմալ պայմանների ստեղծման, այլեւ նրանց երեխաների կրթական կարիքների բավարարման պարտավորություն է ստանձնում։ Եթե դուք ցանկանում եք հստակ աշխատանք, եւ դրա համար անհրաժեշտ է լինելու կարճաժամկետ վերապատրաստման դասընթացներ, ապա պետությունը կրկին կլինի ձեր կողքին եւ կօգնի նաեւ այդ հարցում»,–նշել է Տիգրան Սարգսյանը։
Կրթական ծրագիրն առայժմ կրում է պիլոտային բնույթ եւ դեռեւս կիրականացվի հանր ... Կարդալ շարունակությունը »