Գլխավոր էջ » 2012»Փետրվար»14 » ԱԳ նախարարն ընդունել է ՆԱՏՕ—ի գլխավոր քարտուղարի հատուկ ներկայացուցչին
18:42
ԱԳ նախարարն ընդունել է ՆԱՏՕ—ի գլխավոր քարտուղարի հատուկ ներկայացուցչին
Փետրվարի
13—ին ԱԳ նախարար Էդվարդ Նալբանդյանն ընդունեց Հարավային Կովկասի եւ
Կենտրոնական Ասիայի հարցերով ՆԱՏՕ—ի գլխավոր քարտուղարի հատուկ
ներկայացուցիչ Ջեյմս Ապատուրային, հայտնում են ԱԳՆ մամուլի եւ
տեղեկատվության վարչությունից։
Ողջունելով հյուրին՝ արտգործնախարարը դրական գնահատեց Հայաստան–ՆԱՏՕ համագործակցության բնագավառում արձանագրված արդյունքները։
Հանդիպման ընթացքում զրուցակիցներն անդրադարձան Հայաստանի եւ
Հյուսիսատլանտյան դաշինքի փոխգործակցությանը վերաբերող մի շարք օրակարգային
հարցերի՝ մասնավորապես Գործընկերություն հանուն խաղաղության,
Եվրոատլանտյան գործընկերության խորհրդի եւ Անհատական գործընկերության
գործողությունների ծրագրի (ԱԳԳԾ) շրջանակներում իրականացվող
համագործակցությանը։
Էդվարդ Նալբանյանն ու Ջեյմս Ապատուրայը քննարկեցին այս տարի կայանալիք
Չիկագոյի գագաթնաժողովին, Բրյուսելում կայանալիք Հայաստան + ՆԱՏՕ ձեւաչափով
Հյուսիսատլանտյան խորհրդի ամենամյա նիստին առնչվող հարցերը։
Արտգործնախարարը հյուրին ներկայացրեց Լեռնային Ղարաբաղի հիմնախնդրի
կարգավորման գործընթացի վերջին զարգացումները՝ մասնավորապես Սոչիում
կայացած գագաթնաժողովի արդյունքները։ Այս ենթատեքստում ՆԱՏՕ—ի հատուկ
ներկայացուցիչը վերահաստատեց դաշինքի լիակատար աջակցությունը ԵԱՀԿ Մինսկի
խմբի համանախագահների կողմից գործադրվող ջանքերին։
