ՄԵԾԱՄՈՐ METSAMOR CITY Երեքշաբթի, 12.11.2019, 03:19
Ողջույն Հյուր | RSS
Կայքի մենյու

Բաժնի անվանակարգերը
Հանրապետություն [597]
Կրթություն և գիտություն [38]
Մարզային [14]
Պաշտոնական [462]
Մշակույթ [15]
Հասարակություն [799]
Սպորտ [1]
Տեսակետ [49]
Տարածաշրջան [79]
Զանազան [185]
Քաղաքականություն [626]
Համայնք [38]

Մինի - չաթ
 
200

Վիճակագրություն

Ընդամենը առցանց: 1
Հյուրեր: 1
Հաճախորդներ 0

Գլխավոր էջ » 2014 » Ապրիլ » 29 » Ոճրագործն ու զոհը չեն կարող նույն հարթության վրա գտնվել /ՀՀ ԱԳ նախարարն ընդունել է Ֆինլանդիայի արտաքին քաղաքական ընկերակցության պատվիրակութ/
13:13
Ոճրագործն ու զոհը չեն կարող նույն հարթության վրա գտնվել /ՀՀ ԱԳ նախարարն ընդունել է Ֆինլանդիայի արտաքին քաղաքական ընկերակցության պատվիրակութ/

Ապրիլի 26—ին արտգործնախարար Էդվարդ Նալբանդյանն ընդունեց Ֆինլանդիայի հեղինակավոր «Պաասիկիվի» արտաքին քաղաքական ընկերակցության պատվիրակությանը, որի կազմում էին Ֆինլանդիայի քաղաքական եւ հասարակական գործիչներ, դիվանագետներ եւ վերլուծաբաններ, հայտնում են ԱԳՆ մամուլի եւ տեղեկատվության վարչությունից։
Նախարար Նալբանդյանը հյուրերին ներկայացրեց Հայաստանի արտաքին քաղաքականության առաջնահերթությունները, տարբեր երկրների եւ տարածաշրջանների հետ գործընկերային հարաբերությունների զարգացմանն ուղղված քայլերը, տարածաշրջանային խնդիրների եւ դրանց կարգավորման վերաբերյալ Հայաստանի մոտեցումները, ղարաբաղյան հիմնախնդրի հանգուցալուծման ուղղությամբ Հայաստանի եւ միջազգային հանրության կողմից ձեռնարկվող ջանքերը։
Նախարարը պատասխանեց նաեւ ներկաների բազմաթիվ հարցերի։
Էդ. Նալբանդյանն անդրադարձավ Թուրքիայի արտաքին գործերի նախարարի պնդմանը, թե Ցյուրիխում արձանագրությունների ստորագրման արարողությանն իր չհնչեցված ելույթի եւ ապրիլի 23—ի Թուրքիայի վարչապետի հայտարարության բովանդակությունը նույնն են։ Հայաստանի արտաքին քաղաքական գերատեսչության ղեկավարը նշեց, որ միգուցե Դավութօղլուն մոռանում է, որ 2009թ. հոկտեմբերի 10—ին Ցյուրիխում կային այլ մասնակիցներ, ովքեր կարող են հիշեցնել՝ ինչ է տեղի ունեցել իրականում։
«Հիշեցնեմ, որ ձեռք բերված պայմանավորվածության համաձայն՝ Ցյուրիխում արձանագրությունների ստորագրման արարողության բոլոր ելույթ ունեցողները պետք է նախապես տրամադրեին իրենց ելույթների տեքստերը։ Թուրքիան խախտեց այդ պայմանավորվածությունը։ Եվ դա էր պատճառը, որ ստորագրման արարողությունը հետաձգվեց այնքան, մինչեւ թուրքական կողմը ստիպված եղավ տրամադրել իր ելույթի տեքստը։
Ստորագրման արարողության բոլոր մասնակից երկրների ներկայացուցիչները անընդունելի համարեցին թուրքական կողմի ելույթի տեքստը եւ առաջարկեցին արարողությունը անցկացնել առանց ելույթների ու Թուրքիայի արտգործնախարարը ստիպված եղավ դրան համաձայնել։ Դա էր պատճառը, որ արարողությունը տեղի ունեցավ շուրջ երեք ժամ ուշացումով։ Ավելին՝ ներկա արտգործնախարարները ստորագրման արարողությունից անմիջապես հետո հանդես եկան հրապարակային մեկնաբանություններով՝ ընդգծելով, որ ստորագրումից հետո արված որեւէ հայտարարություն չի կարող ազդեցություն ունենալ արձանագրություններում ամրագրված պայմանավորվածությունների վրա։
Եթե թուրքական կողմը կարծում է, որ այսօր կարելի է վերակենդանացնել այն, ինչ մերժվել է բոլորի կողմից չորս ու կես տարի առաջ, ապա դա ապարդյուն է եւ անհեռանկարային։
Իմիջիայլոց, նույնը ես ասացի Թուրքիայի արտգործնախարարին անցյալ տարվա դեկտեմբերին Երեւանում»,— շեշտեց նախարար Նալբանդյանը։
Էդվարդ Նալբանդյանը հավելեց. «Զարհուրելի կլիներ պատկերացնել, որ Հոլոքոստի, Կամբոջայի, Ռուանդայի, մարդկության դեմ այլ ոճիրների իրականացնողներին կարելի է զոհերի հետ նույն հարթության վրա դնել։
Դեռ 99 տարի առաջ՝ 1915թ. մայիսի 24—ի հատուկ հռչակագրով Ռուսաստանը, Ֆրանսիան եւ Մեծ Բրիտանիան նախազգուշացրեցին հայ ժողովրդի դեմ կոտորածներ իրականացնողներին, որ նրանք պատասխանատվության կենթարկվեն «մարդկության եւ քաղաքակրթության դեմ գործած Թուրքիայի այս նոր հանցագործությունների համար»։ Ասվածը արդիական է միջազգային հանրության համար՝ կանխարգելելու նոր ցեղասպանություններ, մարդկության դեմ նոր հանցագործություններ»։
Կատեգորիա: Քաղաքականություն | Դիտումներ: 122 | Ավելացրեց: admin | - Վարկանիշ -: 0.0/0
Մեկնաբանություններն ընդամենը՝: 0
ComForm">
avatar
Մուտքի ձև

Որոնել

Օրացույց
«  Ապրիլ 2014  »
ԵրկԵրկՉրկՀնգՈւրՇբԿր
 123456
78910111213
14151617181920
21222324252627
282930

Սոց ցանցեր

Ժամանակահատված

Copyright Metsamorcity.do.am © 2019