«Երբ ադրբեջանական դիվերսանտը վնասազերծվում է հայկական դիրքերում, բոլորի համար առանց մեխանիզմի էլ պարզ է, թե ով է հարձակվել»,–ասել է Հայաստանի արտգործնախարար Էդվարդ Նալբանդյանը՝ պատասխանելով Ամանորի նախաշեմին հայ—ադրբեջանական սահմանին տեղի ունեցած միջադեպի կապակցությամբ ԵԱՀԿ Մինսկի խմբի համանախագահների հունվարի 9—ին արած հայտարարության վերաբերյալ հարցին։
Դեսպաններ Իգոր Պոպովի (Ռուսաստան), Ստեֆան Վիսկոնտիի (Ֆրանսիա) եւ Ռիչարդ Հոգլանդի (Միացյալ Նահանգներ) տարածած հայտարարության մեջ մասնավորապես նշվում է. «Բաքուն եւ Երեւանը շարունակում են միմյանց մեղադրել 2016թ. դեկտեմբերի 29—ին հայ—ադրբեջանական սահմանին տեղի ունեցած ներխուժման փորձի համար, որը հանգեցրեց մարդկային զոհերի։ Հայաստանի զինված ուժերը դեռ իրենց մոտ են պահում մարտերում սպանված ադրբեջանցի զինծառայողի մարմինը»։ Նրանք կոչ են անում վերադարձնել աճյունները՝ հիշեցնելով «խնդրի բացառապես հումանիտար բնույթը»։
«Մենք կոչ ենք անում կողմերին դադարեցնել փոխադարձ մեղադրանքներն ու ձեռնարկել անհրաժեշտ քայլերը իրավիճակը կայունացնելու ուղղությամբ»,–ասել են միջնորդները եւ ցավակցություններ հայտնել զոհված զինծառայողների հարազատներին եւ բոլոր այն հայերին ու ադրբեջանցիներին, ում համար «Նոր տարվա հետ կապված հույսերը մթագնվել են անիմաստ կորստի վշտից»։
Համանախագահներն անդրադարձել են նաեւ ձեռք բերված պայմանավորվածությունների կատարմանը. «Հրադադարի խախտումներն ան ... Կարդալ շարունակությունը »

Երեւանում երեկ տեղի ունեցավ հայ—իրանական առեւտրատնտեսական կապերի ամրապնդմանն ուղղված 4—րդ խոշոր միջոցառումը վերջին մեկ տարում՝ «Հայաստան—Իրան» գործարար համաժողովը։ Այն կազմակերպվել էր Իրանի Իսլամական Հանրապետության նախագահ Հասան Ռոհանիի՝ Հայաստանի Հանրապետություն պաշտոնական այցի շրջանակներում Հայաստանի զարգացման հիմնադրամի կողմից։
Համաժողովին մասնակցում էր ավելի քան 170 գործարար, որից շուրջ 90—ը՝ ԻԻՀ—ից, այդ թվում՝ հայազգի ձեռներեցներ։ Հայ եւ իրանցի գործարարները ներկայացնում էին տնտեսության ամենատարբեր ոլորտները. ֆինանսաբանկային, սննդի վերամշակման, տեքստիլի, ոսկերչության, դեղագործության, բժշկական սարքավորումների եւ գյուղատնտեսական տեխնիկայի, ճշգրիտ ճարտարագիտության, տեղեկատվական տեխնոլոգիաների, շինանյութի եւ այլն։
Համաժողովի ընթացքում տեղի ունեցան նաեւ գործարար հանդիպումներ (B2B), որոնց ընթացքում հայ եւ իրանցի գործարարները հնարավորություն ունեցան հաստատելու նոր կապեր, խորացնելու առկա համագործակցությունն ու հանդես գալ համատեղ նախագծերով։
Հայաստանի ու Իրանի միջեւ առեւտրատնտեսական կապերի դինամիկ զարգացման ուղղությամբ իրականացվում են ակնառու քայլեր, ինչի վկայությունն են վերջին շրջանում կազմակերպված մի շարք համատեղ միջոցառումները։ Դրանցից են 2015թ. հոկտեմբերի 15—ին Երեւանում անցկացված հայ—իրանական գործարար համաժողովը ԻԻՀ նախագահի առաջին տեղակալ Էսհաղ Ջահանգիրիի՝ Հայաստան այցի շրջանակում, Հայաստանի զարգացման հիմնադրամի եւ ԻԻՀ—ում Հայաս ... Կարդալ շարունակությունը »

«Բազմիցս է ասվել, որ Հայաստանի ու Ղարաբաղի անվտանգության, տնտեսական զարգացման եւ ժողովրդագրական վիճակի բարելավման գլխավոր երաշխիքը ղարաբաղյան հակամարտության եւ հայ—թուրքական հարաբերությունների կարգավորումն է»,– դեկտեմբերի 17—ին ելույթ ունենալով ՀԱԿ համագումարում՝ ասել է կուսակցության առաջնորդ, ՀՀ առաջին նախագահ Լեւոն Տեր—Պետրոսյանը։ 
Նա կարգավորման հիմքում դրել է փոխզիջումների գաղափարը՝ պնդելով, որ դրանք պետք է ձեռք բերվեն փուլային եղանակով, քանի որ ԼՂ խնդրի կարգավորման փաթեթային տարբերակը անընդունելի է Ադրբեջանի համար։ Նա կարծիք է հայտնել, որ Ադրբեջանի նախագահ Իլհամ Ալիեւը խոհեմ գործիչ է եւ այս դեպքում կարգավորման հետ կապված իր դիրքորոշումը չի խստացնի։ 
Նախկին նախագահը ՀԱԿ—ի անդամներին առաջարկել է ընտրությունների գնալ «Խաղաղություն, հաշտություն, բարիդրացիություն» նշանաբանով։ Նա նաեւ տեսակետ է հայտնել, որ «ազգ—բանակ» ստեղծելու անհրաժեշտություն չկա, քանի որ, իր համոզմամբ, Իսրայելի հետ համեմատած, մենք պակաս վտանգավոր իրավիճակում ենք գտնվում. նրա խոսքով, Թուրքիան մեզ համար անվտանգ երկիր է, եւ մեր միակ վտանգը գալիս է Ադրբեջանից։
Տեր—Պետրոսյանը, սակայն, պնդել է, որ պատերազմ սանձազերծելու դեպքում Ադրբեջանը կպարտվի եւ տարածքներ կկորցնի։
Ազգային ժողովի փոխնախագահ, իշխող Հանրապետական կուսակցության խոսնակ Էդուարդ Շարմազանովը «Արմենպրեսին» ասել է, որ Տեր—Պետրոսյանի ելույթն ընդդիմադիր գործչ ... Կարդալ շարունակությունը »

«ԱՄՆ պետքարտուղարը պետք է շուտ մեկներ Համբուրգից, այդ պատճառով հանդիպումը նման մակարդակով չկայացավ»,–Համբուրգում լրագրողների հետ ճեպազրույցում հայտարարել է ԱԳ նախարար Էդվարդ Նալբանդյանը, մանրամասնելով, թե ինչու Հայաստանի ու Ադրբեջանի ԱԳ նախարարների հանդիպմանը չեն մասնակցել Մինսկի խումբը համանախագահող երկրների ԱԳ նախարարները։
Նա հիշեցրել է, որ Մինսկի խմբի համանախագահները, ԵԱՀԿ նախագահի գործող ներկայացուցիչը մասնակցել են նախօրեին կայացած հանդիպմանը։ «Հանդիպումն ինքնին արդեն կարեւոր էր։ Վերջին անգամ հանդիպել էինք Վարշավայում հուլիսին»,—ասել է նախարարը։
Հանդիպման ընթացքում քննարկված խնդիրների մասին հարցին ի պատասխան Նալբանդյանը վկայակոչել է ԵԱՀԿ Մինսկի խմբի համանախագահների համատեղ հայտարարությունը։ «Այնտեղ հստակ նշված են այն խնդիրները, որոնք եռանախագահողները ցանկանում են քննարկել կողմերի հետ։ Թե ինչ է ասում Ադրբեջանի արտգործնախարարը՝ իր գործն է։ Մենք պետք է նայենք, թե ինչ են ասում Հայաստանի արտգործնախարարն ու եռանախագահողները»,—ասել է Նալբանդյանը։
Նա նշել է, որ համանախագահների՝ ուժի կիրառման ու դրա վերաբերյալ սպառնալիքը բացառելու վերաբերյալ կոչերն ուղղված են Ադրբեջանին։
Լրագրողները նկատել են, որ Մինսկի խմբի համանախագահների կոչերը հասցեական չեն։
«Կարծում եմ՝ նրանք, ովքեր զբաղվում են այս հարցով, լավ պատկերացնում են, թե ում մասին է խոսքը։ Մենք էլ կցանկանայինք, որ հասցեական լինի, բայց միջնորդները պետք է խոսեն դիվանագիտական լե ... Կարդալ շարունակությունը »

Դեկտեմբերի 7—ին ԱԳ նախարար Էդվարդ Նալբանդյանը Բրյուսելում՝ ՆԱՏՕ—ի կենտրոնակայանում, ներկա գտնվեց եւ ելույթ ունեցավ Աֆղանստանում անվտանգության ապահովման «Վճռական աջակցություն» առաքելության մասնակից երկրների արտգործնախարարների հանդիպմանը, որին մասնակցում էին ՆԱՏՕ—ի անդամ եւ առաքելության մասնակից շուրջ չորս տասնյակ երկրների ԱԳ նախարարներ, հայտնում են ԱԳՆ մամուլի եւ տե ղեկատվության վարչությունից։
Ելույթ ունենալով հանդիպմանը՝ նախարար Նալբանդյանը վերահաստատեց Հայաստանի հանձնառությունը՝ շարունակելու օժանդակությունը Աֆղանստանում անվտանգության եւ ներազգային համերաշխության հաստատման ուղղությամբ գործադրվող հավաքական ջանքերին։
«Մեր զինծառայողների՝ Աֆղանստանում գտնվելու փաստը, ինչպես նաեւ մեր ներկայությունն այսօր այստեղ, Աֆղանստանում խաղաղությանը, անվտանգությանը եւ կայունությանը մեր շարունակական նվիրվածության լավագույն վկայությունն են։ Մենք միասնական ենք,Վճռական աջակցությունե առաքելության շրջանակներում համատեղ ջանքերով այս նպատակներին հասնելու եւ աֆղանական իշխանությունների կողմից երկրի արդյունավետ վերահսկողության իրականացմանը, ինչպես նաեւ երկարաժամկետ անվտանգության ապահովմանն աջակցելու հարցում։ Շատ բան արդեն արվել է, այնուամենայնիվ, դեռ բավականաչափ անելիքներ կան։
Անվտանգության հետ կապված միջադեպերը շարունակում են մեր ուշադրությունը սեւեռել Աֆղանստանի առջեւ ծառացած մարտահրավերների վրա։ Մտահոգիչ են Թալիբանի գործունեության եւ Աֆղանստանում ԴԱԻՇ—ի եւ այլ ահաբեկչակ ... Կարդալ շարունակությունը »

ՆԱՏՕ—ի խորհրդարանական վեհաժողովում ՀՀ ԱԺ պատվիրակության ղեկավար Կորյուն Նահապետյանը, պատվիրակության անդամներ Թեւան Պողոսյանը եւ Միքայել Մելքումյանը երեկ հրավիրված մամուլի ասուլիսում մանրամասներ են ներկայացրել նոյեմբերի 18—21—ը Ստամբուլում կայացած ՆԱՏՕ—ի ԽՎ—ի տարեկան նստաշրջանի աշխատանքների վերաբերյալ։
Կորյուն Նահապետյանը տեղեկացրել է, որ պատվիրակությունն ակտիվ մասնակցել է տարեկան նստաշրջանի աշխատանքներին, հարցադրումներով եւ առաջարկներով հանդես եկել հանձնաժողովներում եւ լիագումար նիստում։
Նիստում քննարկվել եւ ընդունվել է 6 բանաձեւ, հավանության է արժանացել 16 զեկույց, որոնք հիմնականում վերաբերել են գլոբալ եւ տարածաշրջանային անվտանգության տարբեր խնդիրների։ Խոսելով քննարկված հարցերի վերաբերյալ՝ պատվիրակության ղեկավարը նշել է, որ այս նստաշրջանի ընթացքում ելույթներ են ունեցել նաեւ Թուրքիայի մի շարք պաշտոնատար անձինք՝ արտաքին գործերի նախարարը, զինված ուժերի գլխավոր շտաբի պետը, արդարադատության նախարարը, գիտության եւ տեխնոլոգիայի նախարարը եւ այլն։ Նրանց ելույթներին հաջորդել են հարցուպատասխանի ձեւաչափով քննարկումները, որոնց ընթացքում հայ պատվիրակները հնչեցրել են որոշակի հարցեր, ներկայացրել իրենց մտահոգությունները։ Պարոն Նահապետյանը նշել է, որ ՆԱՏՕ—ի ԽՎ—ի կանոնակարգով սահմանված ձեւաչափը հնարավորություն չի տվել հանդես գալ ելույթներով եւ ներկայացնել տեսակետներ։
Պարոն Նահապետյանը նաեւ տեղեկացրել է, որ ՆԱՏՕ—ի ԽՎ—ի նոր նախագահ է ընտրվել իտալացի պատվիր ... Կարդալ շարունակությունը »

Գերմանիայի Դաշնային Հանրապետությունը Հայաստանի երրորդ առեւտրային գործընկերն է Ռուսաստանից եւ Չինաստանից հետո, հետեւաբար երկկողմ հարաբերություններին մեծ ուշադրություն է դարձվում երկուստեք։ Արդյունքում, 2016—ը հայ—գերմանական հարաբերությունների համար առանձնահատուկ տարի էր՝ ոչ միայն ելնելով այն հանգամանքից, որ երկու երկրների միջեւ առեւտրաշրջանառությունը հերթական աճն է արձանագրել։
Հայաստանում Գերմանիայի արտակարգ եւ լիազոր դեսպան Մաթիաս Քիսլերը, երեկ ասուլիսում ամփոփելով տարին, հիշեցրեց, որ 2016—ը հատկանշական էր նաեւ փոխադարձ այցելությունների ինտենսիվությամբ։ Նա առանձնացրեց ՀՀ նախագահ Սերժ Սարգսյանի այցը Բեռլին, ինչպես նաեւ Գերմանիայի արտաքին գործերի նախարար Ֆրանկ—Վալտեր Շտայնմայերի այցը Հայաստան։ Տարին, դեսպանի խոսքով, առանձնացավ նաեւ միջխորհրդարանական փոխայցելությունների առատությամբ։
«Մեր դեսպանությունը ՆԱՏՕ—ի կոնտակտային դեսպանությունն է Հայաստանում, եւ ուրախությամբ կարող ենք փաստել, որ նախորդ օրերին մեծ հաջողությամբ ամփոփեցինք «ՆԱՏՕ—ի շաբաթը Հայաստանում» միջոցառումների շարքը։ Սա իր հերթին ապացուցում է այն, թե որքան սերտ են Հայաստանի ու Գերմանիայի միջեւ հարաբերությունները նաեւ ռազմական ոլորտում։ Հայաստանի զորամիավորումը խաղաղապահ առաքելություն է իրականացնում Աֆղանստանում տեղակայված Գերմանիայի զորամիավորման հետ։ Ես տարբեր առիթներով նշում եմ, թե որքան շնորհակալ ենք մեր խաղաղապահ գործընկերներին, ովքեր իրենց առաքելությունն են իրականացնում»,&n ... Կարդալ շարունակությունը »

Վարչապետ Կարեն Կարապետյանը երեկ ընդունել է Իրանի Իսլամական Հանրապետության էկոնոմիկայի եւ ֆինանսների փոխնախարար, գլխավոր մաքսատան պետ Մասուդ Քարբասիանի գլխավորած պատվիրակությանը, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
«Իրանի Իսլամական Հանրապետությունը Հայաստանի Հանրապետության ոչ միայն բարեկամ երկիր է, այլ նաեւ կարեւոր գործընկերներից է, եւ մեր միջեւ քաղաքական երկխոսությունը գտնվում է բարձր մակարդակի վրա։ Բայց մեր տնտեսական հարաբերություններն ավելի ընդլայնելու եւ զարգացնելու ներուժ ունենք։ Երկու երկրների մաքսային կառույցների ներդաշնակ աշխատանքը եւս կնպաստի առեւտրատնտեսական կապերի զարգացմանը»,–ողջունելով հյուրերին՝ նշել է Կարեն Կարապետյանը։ Վարչապետը տեղեկացրել է, որ այսօր կառավարության նիստում հանձնարարել է համապատասխան գերատեսչություններին՝ աշխատանքային խումբ ձեւավորել եւ իրանական կողմի հետ աշխատել ՀՀ–ից ԻԻՀ հայկական արտադրանքի, մասնավորապես, սննդամթերքի եւ գյուղմթերքի արտահանման խթանման հարցի շուրջ, ինչպես նաեւ գործարարների հետ քննարկել Իրանի սահմանակից տարածքում ազատ տնտեսական գոտի հիմնելու հեռանկարները։ Կառավարության ղեկավարի խոսքով՝ դա փոխշահավետ հնարավորություն է երկու երկրների գործարարների համար, եւ պետք է նպատակուղղված աշխատել այն իրացնելու ուղղությամբ։
Իրանի գլխավոր մաքսատան պետը շնորհավորել է Կարեն Կարապետյանին ՀՀ վարչապետի պաշտոնում նշանակվելու կապակցությամբ, մաղթել հաջողություններ։ Ներկայացնելով ՀՀ ԿԱ ՊԵԿ նախագ ... Կարդալ շարունակությունը »

«Մենք ցանկանում ենք Հայաստանի եւ ՆԱՏՕ—ի հարաբերությունների մասին իրազեկել մեր հասարակությանը, այդ նպատակով էլ կազմակերպում ենք նման միջոցառումներ՝ ներկայացնելու, թե ինչ է մեր կողմից իրականացվում ՆԱՏՕ—ի դաշինքի հետ»,–երեկ «ՆԱՏՕ—ի շաբաթ» խորագրով միջոցառումների շրջանակում ԵՊՀ—ի ուսանողների հետ հանդիպման ժամանակ ասաց ՀՀ ԱԳՆ սպառազինությունների վերահսկման եւ միջազգային անվտանգության վարչության պետ Գագիկ Հովհաննիսյանը։
Նրա խոսքով՝ Հայաստանը կշարունակի փոխշահավետ համագործակցությունը ՆԱՏՕ—ի հետ. «Ներկայումս Հայաստան—ՆԱՏՕ շրջանակում իրականացվում է 2014—16 թվականների անհատական գորընկերության ծրագիրը, եւ հուսով եմ, որ արդեն հաջորդ տարի կունենանք նոր փաստաթուղթ։ Գործընկերային հարաբերությունների հետագա ընթացքը մանրամասնող քաղաքական երկխոսությունը ծավալվում է երկուստեք այցերի շրջանակում, ամենաբարձր մակարդակներում»։
Գագիկ Հովհաննիսյանի դիտարկմամբ՝ Հայաստանն անվտանգության ասպարեզում իր համամասնական ներդրումն է ունենում միջազգային անվտանգության հարցում. «Հայաստանը միջազգային համակարգի պատասխանատու անդամ է եւ իր ներդրումն է ունենում անվտանգությանն ուղղված ծրագրերում։ 2004 թվականից սկսած մենք մասնակից ենք միջազգային խաղաղապահ գործողություններին։ Հայաստանի զինծառայողները մասնակցել են Կոսովոյում, Աֆղանստանում, Մալիում, Լիբանանում խաղաղապահ գործողությունների։ Դրանց մասնակցելը Հայաստանին հնարավորություն տվեց անվտանգության սպառո ... Կարդալ շարունակությունը »

Հայաստանը մեծ կարեւորություն է տալիս ՆԱՏՕ—ի «Գիտություն հանուն խաղաղության եւ անվտանգության» ծրագրին, իր մասնակցությամբ ձգտում սեփական նպաստը բերել Հարավային Կովկասի տարածաշրջանում անվտանգության ու համագործակցության հաստատման գործին։ Այս մասին ՀՀ ԳԱԱ—ում կայացած ՆԱՏՕ—ի «Գիտություն հանուն խաղաղության եւ անվտանգության» ծրագրին նվիրված աշխատաժողովին նշեց ՀՀ արտաքին գործերի նախարարի տեղակալ Աշոտ Հովակիմյանը։
«Գիտություն հանուն խաղաղության եւ անվտանգության» ծրագիրը ՆԱՏՕ—ի կայացած գործիքներից է, որը տասնամյակներ շարունակ ծառայել է դաշինքի նպատակների իրականացմանը՝ հիմնվելով 3 հենասյուների վրա։ Դրանք են՝ գիտությունը, գործընկերությունը եւ անվտանգությունը։ Այն նաեւ ժամանակակից անվտանգային օրակարգում առաջնային տեղ զբաղեցնող ոչ ավանդական սպառնալիքների դեմ պայքարի առանցքային բաղադրիչ է։ Մասնավորապես, խոսքը կիբերանվտանգության ապահովման մասին է, նաեւ ահաբեկչության, քիմիական, կենսաբանական, ճառագայթային եւ միջուկային տարրերի դեմ պայքարի ու պաշտպանության մասին է»,–ասաց Աշոտ Հովակիմյանը։
Արտաքին գործերի փոխնախարարը նշեց, որ Հայաստանը մեծապես կարեւորում է այս ծրագրի դերը որպես ՆԱՏՕ—ի եւ գործընկեր պետությունների միջեւ փոխշահավետ համագործակցության մեխանիզմ՝ ուղղված ընդհանուր անվտանգության հիմնախնդիրների լուծմանը։ Հայաստանը ներգրավվել է ՆԱՏՕ—ի գիտական ծրագրերին 1993 թվականից։ Ընդհանուր առմամբ, Հայաստանի գիտնականները, փորձագետներն առաջ ... Կարդալ շարունակությունը »

Երեկ Երեւանում կայացավ Արեւելյան գործընկերության արտգործնախարարների ոչ պաշտոնական հանդիպումը, որին մասնակցեցին Եվրոպական հարեւանության քաղաքականության եւ ընդլայնման բանակցությունների հարցերով ԵՄ հանձնակատար Յոհանես Հանը, Եվրոպական արտաքին գործողությունների ծառայության գլխավոր քարտուղարի տեղակալ Ժան—Կրիստոֆ Բեյաղը, ԱլԳ մասնակից պետությունների բարձրաստիճան պատվիրակություններ, հայտնում են ԱԳՆ մամուլի եւ տեղեկատվության վարչությունից։
Բացելով հանդիպումը՝ Հայաստանի արտգործնախարար Էդվարդ Նալբանդյանը նշեց. «Այսօր Հայաստանում մենք երկրորդ անգամ ենք հյուրընկալում այս ձեւաչափով հանդիպումը. նախորդը տեղի էր ունեցել 2013թ. սեպտեմբերին։ Հայաստանը կարեւորում է իր ներգրավվածությունն Արեւելյան գործընկերության ծրագրի շրջանակներում, եւ այսօրվա հանդիպման անցկացումը Երեւանում դրա հերթական վկայությունն է։
Մեր քննարկումներում հնարավորություն կունենանք հանգամանալից անդրադառնալ Ռիգայի գագաթնաժողովից հետո Արեւելյան գործընկերության շրջանակներում արձանագրված զարգացումներին եւ ձեռքբերումներին, կներկայացնենք մեր ակնկալիքները՝ 2017թ. կայանալիք գագաթնաժողովին ընդառաջ»։
Էդվարդ Նալբանդյանն իր խոսքում կարեւորեց նաեւ ոլորտային, մասնավորապես՝ հետազոտությունների եւ նորարարությունների ոլորտում երկխոսությունը։ Նշելով, որ դա գերակա ոլորտ է հանդիսանում, Հայաստանի արտգործնախարարը շեշտեց, որ ԱլԳ մասնակից պետությունների կայուն տնտեսական զարգացումը կախված է նաեւ հետազոտությունների եւ նորարարությունների ռազմավարությու ... Կարդալ շարունակությունը »