CNN հեռուստաալիքի լրագրողը հոդված է հրապարակել «Եվրատեսիլ» երգի միջազգային մրցույթի քաղաքական գատնիքների մասին, որտեղ անդրադարձել է նաեւ մրցույթին Հայաստանի չմասնակցելուն:«Հարեւան Հայաստանը մարտին հայտարարել է, որ բոյկոտում է մրցույթը, այն բանից հետո, երբ Ադրբեջանի հետ սահմանին զինվոր է սպանվել»,-գրել է լրագրող Թիմ Հյումը: Հոդվածում նաեւ խոսվում է քվեարկությունների աշխարհաքաղաքական դասավորության մասին: Ներկայացվում է փորձագետների տեսակետները, ըստ որոնց այդ դասավորությունը կարելի է բաժանել երեք խմբի` Բալկաններ (Խորվաթիա, Մակեդոնիա, Սլովենիա, Հունաստան, Կիպրոս, Սերբիա, Չեռնոգորիա, Թուրիքա, Բոսնիա եւ Հերցոգովինա, Ալբանիա եւ Ռումինիա), Վարշավյան պակտի երկրներ (Ռուսաստան, Ուկրաինա, Բելառուս, Լեհաստան, Վրաստան եւ Մոլդովա), ինչպես նաեւ «վիկինգների կայսրության» երկրներ (Նորվեգիա, Շվեդիա, Դանիա, Ֆինլանդիա, Իսլանդիա, Էստոնիա, Լատվիա եւ Լիտվա): Լրագրողի զրուցակիցներից մեկը` Քարեն Ֆրիքերը, ով «Եվրատեսիլի» հետազոտություն է իրականացնում, նկատել է. «Եվրատեսիլը» մեղմ քաղաքականություն է, բայց, մեկ է, քաղաքականություն է»:
|
